夜燒站

营业中

休息中

天氣好凍呀，氣溫只有5度，荃灣睇完戲，已經好夜啦，凍冰冰好想食熱辣辣既串燒，所以選擇左呢間係聯仁街既串燒店，營業時間開到凌晨12點，岩哂我呢個夜鬼店鋪掛滿日本風裝飾，手機自助下單方便，菜單選擇種類多，有前菜，串燒，唐楊，飯類，烏冬，價錢相宜每張枱上都擺放幾款調味料，原本想每款都試下，但我最後冇用到，因為全部串燒都已經好夠味，唔需要再另外加調味落去明太子卡邦尼煙肉烏冬$50煙肉的煙燻味同濃濃既卡邦尼加明太子完美融合，係我極力推薦必點菜鹽燒牛骨髓$28牛骨髓好creamy, 牛味十足芝士流心蛋大啡菇 $34大啡菇好厚身，上面一層燒芝士加洋蔥，一切開蛋漿就流晒出黎，賣相好吸引炸魷魚鬚$46魷魚鬚面有海苔碎好夾，可以選擇醬汁（明太子醬，沙律醬，茄汁）燒雞腎$18爽口，燒得剛剛好燒豬大腸 $28豬大腸燒得好脆，唔油膩雪梨牛肉卷$38肉味香濃，配雪梨好清甜燒花枝丸$14甜甜地既蜜糖bbq味道汁燒牛舌尖$38肉質彈牙，口感一流焗蝦$48開邊蝦，每啖都好香濃蒜蓉味夜燒店唔止性價比高，我覺得係荃灣宵夜必食串燒店

今晚約左朋友放工去聚吓，一齊去試吓呢間串燒，係一間位於荃灣聯仁街的地鋪，位置十分方便，係正大路旁邊，由荃灣西鐵站慢慢行過去都係15分鐘左右，而且佢仲開到凌晨12點，可以坐耐啲都唔怕阻人收工。 入到裏面，整體空間感幾好，座位之間唔太迫，樓底幾高，牆身貼左好多有日本特式的海報同放左好多唔同顏色的酒樽，有一種去朋友家中飲酒聚舊的感覺，整體感覺都幾放鬆。我和朋友坐係餐廳中間的位置，佢啲座位都坐得幾舒服。 餐廳仲有播英文歌，好開心可以一邊聽歌一邊吹水，環境好舒服好放鬆。 之前上網睇過呢間野係出名做串燒同鹽燒野。佢晚市食物好多選擇，包括串燒、烏冬、燒物等等。因為當日天氣比較涼所以想食啲熱野咁，我同朋友叫左以下啲野： 鹽燒手羽一上枱就感覺到佢熱辣辣又夠香。手羽燒到有微焦可以鎖住水份之餘調味夠濃，唔洗額外點汁就已經夠味。 鹽燒五花腩入口唔會太過咸而重要的是沒有雪味同死鹹味，肉質唔會實的的，呢啲係最基本但係反而無乜舖頭做到。 蒜蓉燒生蠔及蛋黃醬焗蠔隻蠔好有肉而且咬落個心度唔腥，夠新鮮，蒜蓉同蛋黃醬嘅加成都令到蠔本身的鮮味提升至另一層次。 燒扇貝扇貝表面焦香，滿口鮮味，底部更以海鹽襯托，扇貝鮮味加上海鹽，

冬天最岩食熱辣辣既串燒呢間屋企附近嘅串燒有好多選擇，仲要開到零晨，約frd食宵夜傾計都可以唔怕要趕時間！餐廳行東瀛風 好似去左日本居酒屋咁😎俾呢個蟹籽沙律份量嚇親，成座山咁高😳好抵食！前菜：炸豆腐好外脆內軟燒冬菇好多汁 調味剛剛好！燒鵪鶉蛋唔係度度有，好食唔會鞋口！下次會再encore~我就最鐘意惹味蒜芯 好軟熟～呢度素食選擇都好多 好岩素食朋友我地唔係食肉獸 但都嗌左少少肉 雞肉串同五花腩燒到都岩岩好 多春魚都爆灑汁🤤🤤芝士年糕都好好味😋爆多芝士🧀整體食物都燒得唔錯 會再同朋友再黎！

荃灣鬧市中的美味串燒香港值得擁有呢種性價比咁高的串燒店！環境乾淨又舒服！店員好有禮同服務好好！上菜快！必推：燒五花腩🐽蒜蓉蒜蝦！🦐卡邦尼烏冬!🍜生啤sapporo!🍻

夜燒站位於荃灣提供精緻的燒烤料理和創意菜式。充滿了令人興奮的選擇。娃娃菜是另一道清爽的前菜，脆嫩的娃娃菜葉，讓人彷彿置身於大自然中。芝士流心蛋大啡姑絕對是奶油控的最愛。蛋黃的溫潤和芝士的濃郁完美融合，一旦切開，金黃色的蛋黃汁流出，簡直是美味的絕配。燒火雞子是另一道令人驚艷的菜品，火雞的鮮嫩滑順相得益彰，帶來一種豐富的口感和濃厚的風味。牛油粟米是一道經典的開胃燒物，咬下去時，粟米的甜味在口中爆發，搭配著濃郁的牛油味道，令人回味無窮。鹽燒牛小排和鹽燒牛古是夜燒站的招牌燒烤菜式。牛肉的鮮嫩和口感的層次感使這兩道菜成為真正的美食享受。豚肉露荀卷是一道令人驚喜的菜品，豚肉的鮮嫩和蔬菜的清爽相得益彰，每一口都讓人感受到不同的層次。明太子卡邦尼煙肉烏冬是一道令人垂涎的主菜，煙肉的煙燻味和明太子的鮮味完美融合，與烏冬一起烹調，帶來一種濃郁的風味。芝士年糕的彈性和芝士的濃郁相互融合，營造出一種無法抗拒的美味。最後，以檸檬柚子（凍）作為飲品來結束這場美食之旅是再合適不過的了，帶來一種清新的口感和舒爽的感覺。夜燒站以其創意的菜單和精緻的料理贏得了食客們的讚賞，值得再光顧！

同你介紹吓啦！有一間好特別嘅串燒店。呢間店位於荃灣嘅聯仁街，好多人都話佢係個好神秘嘅地方。有一次，我同我啲朋友約咗去嚟呢間串燒店試吓，大家都好期待。當我哋踏入呢間店嘅時候，就彷彿進入咗另一個世界。店內營造出一種神秘嘅氛圍。牆上掛滿咗日本風嘅裝飾物，令整個空間更加特別。坐落喺櫃檯後面嘅店主，熱情地迎接我哋嚟到，令我哋感到好溫暖。佢問我哋係唔係第一次嚟，我哋點頭表示係，佢就開始介紹佢哋嘅特別菜式。佢話第一道菜「蟹籽沙律」食串燒之前食返一份蟹籽沙律可以清新口腔，提神又開胃。我最中意既係「燒茄子」。佢哋將茄子燒得好香，再加上豐富嘅肉碎，味道鮮美得令人嘆為觀止。我哋嚟緊嘅朋友都好驚喜，一試之下就愛上咗呢個菜式。然後佢推薦咗 「燒牛舌同封門柳」佢話佢哋將牛舌切得厚實，保持住肉質嘅鮮嫩，每一口都係滿溢嘅牛肉味，真係好美味。一試之下就覺得好滿足，真係好適合牛肉愛好者。我地亦叫佐 「燒牛骨髓」牛骨髓燒得好入味，好濃郁，一口落去就可以感受到豐富嘅牛骨髓味道，好過癮啊！我哋都覺得興奮，嗌咗一份燒翠肉瓜，燒西蘭花同燒椰菜花。佢哋將蔬菜燒得剛剛好，保持住蔬菜嘅鮮甜口感，真係好特別而且好好味。最後，order咗兩

有咩開心得過係百忙之中抽時間同朋友促膝長談，咁耐無見好似有講唔完既話題。要傾得暢快，少不了夜色、酒月同美食。今日朋友帶左我黎呢間係荃灣大半夜都仲開既「夜燒店」，正正就係聚舊最需要既地方！內裡裝修偏向日系，花左好多心思裝飾，望落坐落都好C伏野食方面除左各式各樣特色日本串燒之外，仲有平時BBQ會見到既蜜糖腸同丸，啲回憶返晒黎！亦有不少小食炸物，包保食到大滿足日式串燒勁有心機，淨係睇上去都知花左唔少心機，整得好靚。味道都不失人意，無論口感定調味都做得恰恰好朋友係飯筒，話怕食串燒唔夠飽，點都要叫個飯。唔叫都唔知原來勁抵食！40幾蚊就叫到大大碗，雞扒同蛋大件到連飯都見唔到，配上蔥花色水更靚，雞扒煎到好香，配埋蛋汁食無得彈！脆雞炸雞唔係講笑真心畢生難忘，可以話係我食過最最最高汁既炸雞。神來之筆係面頭加左啲脆片，令到成件雞食落去更加有咬口更加脆，內裡爆汁唔洗講，試過返唔到轉頭！食到飽飽大家再咬下枝豆吹下水，面頭加左鹽食落更香口，邊食邊傾偈，一大樂事！

夜媽媽10點幾想同朋友喺荃灣搵個地方坐低食啲嘢吹下水，見到夜燒站開到凌晨12點，所以就去咗，喺熊貓酒店附近，好方便！一入去就播緊英文歌，有Westlife嘅My Love, Taylor Swift嘅Love Story, Ed Sheeran嘅歌都有，差唔多首首都識，好開心一路聽歌一路吹水，環境好舒服。串燒嗌咗牛脷、雞腎、蕃薯仔、蒜芯同鴨胸。全部都即叫即燒，上枱出晒煙熱辣辣。調料都做得好好，特別係鴨胸，鎖住水份之餘，仲有調味料，唔洗額外點汁就已經好夠味！其他肉類同樣鎖同水份，冇流失本身嘅肉味！燒物仲嗌咗茄子，燒得好好，面嘅肉碎舖滿晒，好入味，茄子肉都有肉碎嘅味，夾埋一齊食好惹味！炸物嗌咗炸魷魚鬚，特別揀咗明太子醬，平時食都係點沙律醬，今次呢個明太子醬好好味，一啲都唔稀，唔單止同魷魚好夾，用嚟點其他炸物都好好食。最後嗌咗個天婦羅烏冬share. 天婦羅炸得好脆，湯底味都好濃，唔係普通加水，有日本嘅味道。

上網見到呢間串燒店價錢唔算貴，專登去試下，位置唔近車站，收工去到唔多人，環境細細夠雅致，幾適合一班朋友一齊吹水食串燒，不過店舖唔提供酒精飲品。點完菜後先送上一份免費前菜，醬醃青瓜尤魚，幾開胃。即叫即燒，時間唔耐，食物都熱辣辣的。芝士流心蛋大啡菇 - 好特別，大啡菇夠厚身，上面一層燒芝士，一切開中間流出流心蛋黃原條肉碎茄子 - 茄子燒得唔夠耐，肉碎超多，不過冇咩味，加點調味料會好些燒牛柳鹽燒五花腩 - 如果薄身些再燒脆些會比較好食蛋黃醬焗蠔 - 蛋黃醬加焗蠔好夾大話七

好耐冇食過串燒，於是心思思上網搵吓有邊間好食，搵到呢間都相當多好評嘅夜燒店。咁就相約好友早少少去以免要排隊。店內裝修整齊簡潔，黃昏時間有少少陽光照入鋪頭，好舒服😌⚫️燒賣、牛油番薯仔燒賣真係平時自己去bbq 街頭小食都好常食到。但係要燒到外脆內嫩，真係要好好心機。最重要係個心都係熱辣辣。👍⚫️鹽燒牛骨髓、燒雞胸軟骨牛骨髓好creamy, 牛味十足。雞胸軟骨，出邊好少食到，比雞軟骨更彈牙😌⚫️豚肉燒雞蛋用薄嘅豚肉包住個雞蛋，外表微焦，入邊雞蛋仲係流心，兩者搭配得非常好。真心好食😋一定要試⚫️吉列免治豚肉蕃茄好似上海菜獅子狗嘅大細。但口感層次更加豐富，外皮用吉列方式包住蕃茄，麵包糠炸得好透，但又唔會過燶。蕃茄入邊仲包住䐁肉碎。勁juicy👍加埋師傅教嘅日式醬汁，酸酸地。好開胃⚫️櫻花蝦燒飯團用料十足，日本米燒到好似煲仔飯D飯焦咁，一啖咬落去真係十分滿足。好耐冇食過咁好食嘅燒飯團❤️原來呢間夜燒店唔止性價比高，而且仲會開到半夜12點，真係好岩訓唔著過黎食下宵夜或者三五知己過黎吹下水，整串串燒，人生一大樂事🫣🫣

第二次到訪荃灣夜燒站，串燒選擇多，味道亦好味，價錢又唔算貴，烏冬夠大碗，份量好多，非常抵食！最喜歡佢既燒青囗，配上蛋黃醬，好惹味，燒茄子加上肉碎，亦係必點之選！

和好久不見的老友在荃灣行行下發現了這間非常適合兩人串燒的地方！下次會來這里宵夜的！燒牛柳、雪梨牛肉卷、芝士煙肉番茄、豬肉荔枝卷、燒牛肉飯、芝士年糕、豚肉露荀卷～這些名聽起來都流晒口水好肚餓！燒牛柳 $34牛柳醃得很入味，火喉都留意都很好，沒有煮得過熟或肉質粗糙，有D像一口牛！雪梨牛肉卷$38牛肉味道不錯，不會太老！芝士煙肉番茄 $22芝士超級邪惡！超級邪惡！！超級邪惡！！！（重要的事情講三次）厚厚一層芝士包著煙肉卷著小番茄，外層芝士的絲滑配上煙肉的微咸，再加上小番茄的鮮甜汁水，完美地中和了芝士和煙肉的油膩感，特顯了三層口味！豬肉荔枝卷$28這個絕對要推薦！！！超喜歡這個！！！和芝士煙肉番茄相約，微咸的豬肉里面包著甜甜的荔枝肉，入口咬下去那下簡直係一流！！！燒牛肉飯$43很少燒牛肉飯會這麼足料俾那麼多牛肉，尤其這一間還是主打串燒的！Ｄ牛肉一塊又一塊好似食唔完錦，最後仲要同朋友兩個合力才食得完！芝士年糕$32這份芝士年糕很煙韌鬆軟，表皮微脆，一咬開里面的流心芝士拉絲出來，很美味！豚肉蘆筍卷$22豚肉蘆筍卷外軟內脆，里面包著清爽的露荀，非常的去膩，食完這個再食其他食慾滿滿！

專門食串燒嘅深宵食堂🍗🍢開到凌晨12點🥳宵夜首選🍻💯💎 燒羊架 🍖 $48必食💯💯 （😋：9.3/10）👍🏻：燒得啱啱好！有少少嘅調味，勁香羊騷味🤤🤤👎🏿：。💎 焦糖菠蘿 🍍$28必食💯💯 （😋：8.5/10）👍🏻：已經起好晒所有菠蘿肉🍍勁方便食🤣👎🏿：。💎 芝士流心蛋大啡菇🍄🍳 $32值得一試‼️（😋：8.3/10）👍🏻：大啡菇好juicy 😙😙加埋燒到燶燶哋嘅芝士🧀️同極流心嘅蛋黃🍳 perfect match🫶🏻👎🏿：。💎 原條肉碎茄子 🍆$45可以一試✅（😋：7.8/10）👍🏻：超級足料！勁勁勁多肉碎🧆茄子都好大條🍆👎🏿：。💎 燒雞軟骨 $17可以一試✅（😋：7.8/10）👍🏻：口感煙靭，好有咬口，送酒一過🍻👎🏿：。💎 鹽燒牛舌 $48正正常常👌🏻（😋：7/10）👍🏻：牛舌正常，比較偏硬身，要多啲牙力😂😂👎🏿：。💎 蒜蔥封門柳 $48值得一試‼️（😋：8/10）👍🏻：鐘意青蔥同蒜蓉嘅朋友就一定要試吓😍👎🏿：。💎 鹽燒牛骨髓 $24可以一試✅（😋：7.8/10）👍🏻：好少食牛骨髓，都係朋友介紹先知🙈口感係軟身嘅，味道本身係偏淡嘅👅所以好睇落嘅調味料👎🏿：。💎 豬肉茘枝卷 $28必食💯💯

約咗朋友食宵夜，佢話好耐冇食串燒，即刻search吓荃灣有咩串燒舖先～ 搵到呢間仲開到凌晨12點，大把時間慢慢傾計～.冇諗過竟然有薯條食，啤酒薯條雖然冇咩啤酒味，但係個明太子醬超級好食！重點係佢係嗰種就算擺好耐都依然脆身，係可以由頭食到尾嘅薯條🍟 另一個覺得唔錯嘅係燒燒賣，外脆內軟，再加上蜜糖喺表面，$10有4粒抵到爛啦😋.令我好有驚喜嘅係蒜蔥封門柳，如果鍾意蒜泥白肉嗰種多蒜嘅話一定好鍾意🥰🥰 滿滿嘅蒜泥包住舊肉，好食梗係重要過口唔口臭啦哈哈。.叫咗個好特別嘅雞腳筋，其實就係鳳爪嗰啲軟骨，有啲咬口幾特別。燒菠蘿除咗賣相好靚，做法都好有誠意，外面專登燒咗一層焦糖，令到菠蘿更加甜更加好味！.話說呢度太多款式，手機落單有啲太花多眼亂，所以有需要嘅話可以好似我哋咁問佢攞個Menu，不過手機入邊先有圖片可以參考～.整體而言我哋覺得味道係偏重，朋友屬於重口味人士覺得啱啱好，但係我食得比較淡就略嫌佢重手咗啲，不過講真食串燒太淡味就唔過癮啦🤣.另外溫馨提示：串燒每樣一串兩串咁樣好似唔係好多，但係其實加加埋埋好飽㗎😆 大家叫嘢食記得量力而為唔好浪費食物～ 雖然呢度睇落唔多，但係足夠令到我哋兩個女仔飽到捧

接近黃昏時間 同朋友想食串燒 就諗起夜燒店 入到去店舖好乾淨企理 有大玻璃窗 陽光照入舖 好舒服枱上有幾款調味料 但最後冇試因為串燒都好夠味 唔需要另外再加調味 每樣串燒到賣相很好 味道不錯最印象深刻是豬肉荔枝卷豬肉燒得很惹味 中間荔枝咬落去有汁 很甜豬肉和荔枝味道很配搭大葱雞肉串亦都係我最愛汁燒雞肉嫩滑 大葱很香亦燒得夠熟兩者既份量都好足另外啤酒薯條非常好食做到外脆內軟 很香口個醬係明太子蛋黃醬食晒d薯條 繼續用個醬沾其他野食因為太好食了 明太子雞翼也很香內餡明太子很充足成隻雞翼脹卜卜明太子飯團表面燒得脆 有點似飯焦感覺裏面有熟明太子飲品叫咗熱薑蜜同埋大話七大話七冰凍酸甜 可以解膩呢間係荃灣既宵夜串燒開到零晨12點岩晒一班朋友食宵夜傾計！