夜燒站

营业中

休息中

有日約左人黎荃灣交收，經過開呢頭，又諗起呢間夜燒站啲串燒不過今日自己一個，我就食左碗卡邦尼烏冬要留意返本身碗烏冬係一粒蛋，另外嗰粒係我加的我好鍾意佢個醬好creamy，啲料又多！跟住我都嗌咗啲海鮮嚟試一試，平時自己喺屋企好難煮㗎嘛燒扇貝，有蒜蓉或芝士味，我揀咗蒜蓉味燒蟶子，有蒜蓉同明太子味，我都係揀咗蒜蓉味海鮮好新鮮，同埋都好大隻海鮮嗌兩款仲有優惠㗎！最後我嗌多支粟米作結，點都要食少少蔬菜嘅總結嚟講，呢晚係幸福嘅一晚，交收順利，又食咗餐好嘢

係荃灣食過最好食嘅一間串燒店，好多串燒都好特別，又便又低食，生蠔又大又新鮮，扇貝都大大粒，超好味飯又分量十足料更多足燒青魚皮脆肉嫩，絕對會回頭的一間串燒店，店來好日式風格

今次第一次同女朋友食先吾講環境衛生 只講野食1 多春魚上菜係凍概 軟淋淋2 牛小排 冇味 硬 零汁3 雞賢硬而無味 係值頭難食4 芝士大啡茹其實係細啡茹黎 芝之未溶已經拎岀黎5 露筍豬肉卷簡值係垃圾中概垃圾細個手指尾 又係冇汁 乾身概 結尾 ： 環境差 枱細 地下油林林性格比 ：價錢相對進取 食物質素吹水服務 ：冇人對你笑 食完快啲走啦概表情翻食指數 ：絕無下次 食到成肚火

位於荃灣，近荃灣西地鐵站，荃新天地對面的串燒。夜晚好旺好多人。唔係串燒外賣返屋企食。呢度啲串燒全部即叫即燒，首先我就叫咗個雞髀菇，雞髀菇肉汁鮮甜，配上芝士燒到焦香。一旦咬落去雞髀菇的汁會流出非常好味。第二讓我就叫咗隻燒雞翼，燒雞翼雞皮燒到蕉香，阻住雞肉肉質好juicy，雞肉嫩滑外皮脆！第三樣就叫咗串燒黑毛豬，豬豬肉味濃鬱咬落口感豐富。豬肉多汁之後叫咗個燒醃肉醃肉奄奄奄，口感豐富。最後叫咗燒雞肉串雞肉同樣係好juicy。就係完美的一餐。

同老公拍拖嘅晚上，老公話想食「日式燒烤」，就搵到荃灣依間評價唔錯，又即日訂到位嘅燒烤店❤️安排坐喺店內最後嘅位置，都幾闊落！👍🏼電話掃QR Code點嘢食，老公一開始見到「烤燒賣」時同我講「我唔係想食依種燒烤喎😅」（但佢又同我講都想點「烤燒賣」🤣🤣🤣即時話俾佢睇有日式燒烤㗎😆😆😆最後點到放滿晒張枱，加埋Asahi🍺勁爽！食物水準好高，超推「烤內臟」（雞心、雞肝、雞腎）處理得好，唔會有怪味，烤得啱啱好😋😋另外仲有烤茄子、大啡菇、烤飯團….全部都好出色，食到好飽埋單$3xx，超級抵食！

睇完迪士尼煙花⋯晚上9點鐘荃灣可以選擇嘅餐廳已經唔算多⋯我哋揀咗夜燒店 貪佢坐到12點好多種燒烤食物揀！絕對係區內最多選擇！細路仔先會選擇！大人乜都要！但由於食物太多啦🍗🍡🦪🥟🍙🍟🍖冇辦法等到齊晒先影大合照簡單用公仔去表達我嘅喜愛啦原條肉碎茄子蕃茄真露(水蜜桃，提子）Asahi （大支装）燒燒賣燒腸仔雞腳筋月見免冶雞肉軟骨棒鹽燒牛骨髓豬肉荔枝卷清酒煮蜆炸七味雞軟骨沙律醬雞泡魚干鹽燒牛小排燒豬大腸蛋黃醬白磨菇芝士流心蛋大啡菇啤酒薯條焦糖菠蘿我自己最鍾意大啡菇超Juice！唔怪得知可以成為招牌啦！另外豬肉荔枝卷荔枝嘅清新即時解膩！好有驚喜另外要讚吓職員嘅服務態度真係好好！上食物嘅時候 & 收碟都好有禮貌！就算真係坐到12點！笑容依然好好！值得推介

最近發現荃灣開左間串燒店會開到凌晨12點，今日未食晚飯，又睇完夜場好肚餓就黎試下🍢汁燒雞髀菇個醬好味，鹹鹹甜甜好惹味，雞髀菇燒完仲有汁，唔會太乾，很好👍🏻🍢日式燒豆腐外脆內軟，味道較啖，我就撈左小小燒汁雞髀菇個汁黎食，又幾夾😌加埋味道就岩岩好🍢燒雞肝咬落沙沙地的口感，唔會燒到過老，好甘香可口🍢燒鴨舌一客五件，加上孜然粉味道非常好，燒到連骨都可以食到，好有嚼口好惹味，可以再叫多碟送酒🤤🍢燒雞翼尖串燒必點，雞翼尖相當出色，唔會燒到好鞋口🍢豬肉荔枝卷好奇心的驅使，估唔到清甜的荔枝配搭豚肉非常夾，衝擊味蕾，荔枝肉的清新能夠減低豚肉的油膩感，兩者互補👍🍢芝士流心蛋大啡菇流心蛋真係好流心🤣一切落去即刻流晒出嚟，蛋汁同芝士加埋好juicy既菇，一絕！🍚火山丼火山丼主要有肉碎，蔥，雞蛋黃同辣粉，食得辣的可以嘗試，飯的份量好足夠，一定飽。🍜日式叉燒手打烏冬叉燒燒到好焦香，肥既部份都幾多，咬落好香既油脂，但又唔會好肥膩，湯底小小辣唔會搶過叉燒既味，烏冬好彈牙又有咬口🥗蟹籽沙律非常解膩，食完串燒比較油膩或者重味，食返啖沙律清爽下🤣又可以再食過🍹薑檸樂食串燒要飲可樂爽下，呢到好貼心，有得揀黑可樂☺️岩晒我又想飲

今日同朋友嘗試呢間位於荃灣聯仁街嘅隱世居酒屋。餐廳上有唔同種類嘅串燒，例如：肉類、海鮮類、菜類、唐揚類，同主食等等。有啲串燒係其他居酒屋唔常見，例如燒燒賣、燒午餐肉，只係賣緊10蚊一串，同平日係小食店買嘅差唔多價錢，超級抵食火山丼$47 （8/10）食到每一啖都有豬肉同香葱，令人忍唔住一啖又一啖咁食豬肉荔枝卷$32 （9/10）食落有驚喜，荔枝同豬肉好夾，而且減少咗油膩感。鹽燒牛小排（7/10）、雪梨牛肉卷（8/10）、羊架（9/10）牛肉好juicy，雪梨令牛肉食落更清爽。羊架唔會好重騷味，食落啖啖肉，十分推薦。吉列池魚烏冬$52 （7/10）牛肉鮮嫩，湯底清甜。烏冬亦係手打，而且有溫泉蛋、香菇，同魚蛋作為配料。炸池魚好大塊，外脆內軟。而且有保留池魚嘅味道，唔會被外層嘅炸物蓋住。另外，店員禮貌同有善，用餐十分愉快。店舖好有日色風格

天氣好凍呀，氣溫只有5度，荃灣睇完戲，已經好夜啦，凍冰冰好想食熱辣辣既串燒，所以選擇左呢間係聯仁街既串燒店，營業時間開到凌晨12點，岩哂我呢個夜鬼店鋪掛滿日本風裝飾，手機自助下單方便，菜單選擇種類多，有前菜，串燒，唐楊，飯類，烏冬，價錢相宜每張枱上都擺放幾款調味料，原本想每款都試下，但我最後冇用到，因為全部串燒都已經好夠味，唔需要再另外加調味落去明太子卡邦尼煙肉烏冬$50煙肉的煙燻味同濃濃既卡邦尼加明太子完美融合，係我極力推薦必點菜鹽燒牛骨髓$28牛骨髓好creamy, 牛味十足芝士流心蛋大啡菇 $34大啡菇好厚身，上面一層燒芝士加洋蔥，一切開蛋漿就流晒出黎，賣相好吸引炸魷魚鬚$46魷魚鬚面有海苔碎好夾，可以選擇醬汁（明太子醬，沙律醬，茄汁）燒雞腎$18爽口，燒得剛剛好燒豬大腸 $28豬大腸燒得好脆，唔油膩雪梨牛肉卷$38肉味香濃，配雪梨好清甜燒花枝丸$14甜甜地既蜜糖bbq味道汁燒牛舌尖$38肉質彈牙，口感一流焗蝦$48開邊蝦，每啖都好香濃蒜蓉味夜燒店唔止性價比高，我覺得係荃灣宵夜必食串燒店

今晚約左朋友放工去聚吓，一齊去試吓呢間串燒，係一間位於荃灣聯仁街的地鋪，位置十分方便，係正大路旁邊，由荃灣西鐵站慢慢行過去都係15分鐘左右，而且佢仲開到凌晨12點，可以坐耐啲都唔怕阻人收工。 入到裏面，整體空間感幾好，座位之間唔太迫，樓底幾高，牆身貼左好多有日本特式的海報同放左好多唔同顏色的酒樽，有一種去朋友家中飲酒聚舊的感覺，整體感覺都幾放鬆。我和朋友坐係餐廳中間的位置，佢啲座位都坐得幾舒服。 餐廳仲有播英文歌，好開心可以一邊聽歌一邊吹水，環境好舒服好放鬆。 之前上網睇過呢間野係出名做串燒同鹽燒野。佢晚市食物好多選擇，包括串燒、烏冬、燒物等等。因為當日天氣比較涼所以想食啲熱野咁，我同朋友叫左以下啲野： 鹽燒手羽一上枱就感覺到佢熱辣辣又夠香。手羽燒到有微焦可以鎖住水份之餘調味夠濃，唔洗額外點汁就已經夠味。 鹽燒五花腩入口唔會太過咸而重要的是沒有雪味同死鹹味，肉質唔會實的的，呢啲係最基本但係反而無乜舖頭做到。 蒜蓉燒生蠔及蛋黃醬焗蠔隻蠔好有肉而且咬落個心度唔腥，夠新鮮，蒜蓉同蛋黃醬嘅加成都令到蠔本身的鮮味提升至另一層次。 燒扇貝扇貝表面焦香，滿口鮮味，底部更以海鹽襯托，扇貝鮮味加上海鹽，

冬天最岩食熱辣辣既串燒呢間屋企附近嘅串燒有好多選擇，仲要開到零晨，約frd食宵夜傾計都可以唔怕要趕時間！餐廳行東瀛風 好似去左日本居酒屋咁😎俾呢個蟹籽沙律份量嚇親，成座山咁高😳好抵食！前菜：炸豆腐好外脆內軟燒冬菇好多汁 調味剛剛好！燒鵪鶉蛋唔係度度有，好食唔會鞋口！下次會再encore~我就最鐘意惹味蒜芯 好軟熟～呢度素食選擇都好多 好岩素食朋友我地唔係食肉獸 但都嗌左少少肉 雞肉串同五花腩燒到都岩岩好 多春魚都爆灑汁🤤🤤芝士年糕都好好味😋爆多芝士🧀整體食物都燒得唔錯 會再同朋友再黎！

荃灣鬧市中的美味串燒香港值得擁有呢種性價比咁高的串燒店！環境乾淨又舒服！店員好有禮同服務好好！上菜快！必推：燒五花腩🐽蒜蓉蒜蝦！🦐卡邦尼烏冬!🍜生啤sapporo!🍻

夜燒站位於荃灣提供精緻的燒烤料理和創意菜式。充滿了令人興奮的選擇。娃娃菜是另一道清爽的前菜，脆嫩的娃娃菜葉，讓人彷彿置身於大自然中。芝士流心蛋大啡姑絕對是奶油控的最愛。蛋黃的溫潤和芝士的濃郁完美融合，一旦切開，金黃色的蛋黃汁流出，簡直是美味的絕配。燒火雞子是另一道令人驚艷的菜品，火雞的鮮嫩滑順相得益彰，帶來一種豐富的口感和濃厚的風味。牛油粟米是一道經典的開胃燒物，咬下去時，粟米的甜味在口中爆發，搭配著濃郁的牛油味道，令人回味無窮。鹽燒牛小排和鹽燒牛古是夜燒站的招牌燒烤菜式。牛肉的鮮嫩和口感的層次感使這兩道菜成為真正的美食享受。豚肉露荀卷是一道令人驚喜的菜品，豚肉的鮮嫩和蔬菜的清爽相得益彰，每一口都讓人感受到不同的層次。明太子卡邦尼煙肉烏冬是一道令人垂涎的主菜，煙肉的煙燻味和明太子的鮮味完美融合，與烏冬一起烹調，帶來一種濃郁的風味。芝士年糕的彈性和芝士的濃郁相互融合，營造出一種無法抗拒的美味。最後，以檸檬柚子（凍）作為飲品來結束這場美食之旅是再合適不過的了，帶來一種清新的口感和舒爽的感覺。夜燒站以其創意的菜單和精緻的料理贏得了食客們的讚賞，值得再光顧！

同你介紹吓啦！有一間好特別嘅串燒店。呢間店位於荃灣嘅聯仁街，好多人都話佢係個好神秘嘅地方。有一次，我同我啲朋友約咗去嚟呢間串燒店試吓，大家都好期待。當我哋踏入呢間店嘅時候，就彷彿進入咗另一個世界。店內營造出一種神秘嘅氛圍。牆上掛滿咗日本風嘅裝飾物，令整個空間更加特別。坐落喺櫃檯後面嘅店主，熱情地迎接我哋嚟到，令我哋感到好溫暖。佢問我哋係唔係第一次嚟，我哋點頭表示係，佢就開始介紹佢哋嘅特別菜式。佢話第一道菜「蟹籽沙律」食串燒之前食返一份蟹籽沙律可以清新口腔，提神又開胃。我最中意既係「燒茄子」。佢哋將茄子燒得好香，再加上豐富嘅肉碎，味道鮮美得令人嘆為觀止。我哋嚟緊嘅朋友都好驚喜，一試之下就愛上咗呢個菜式。然後佢推薦咗 「燒牛舌同封門柳」佢話佢哋將牛舌切得厚實，保持住肉質嘅鮮嫩，每一口都係滿溢嘅牛肉味，真係好美味。一試之下就覺得好滿足，真係好適合牛肉愛好者。我地亦叫佐 「燒牛骨髓」牛骨髓燒得好入味，好濃郁，一口落去就可以感受到豐富嘅牛骨髓味道，好過癮啊！我哋都覺得興奮，嗌咗一份燒翠肉瓜，燒西蘭花同燒椰菜花。佢哋將蔬菜燒得剛剛好，保持住蔬菜嘅鮮甜口感，真係好特別而且好好味。最後，order咗兩

有咩開心得過係百忙之中抽時間同朋友促膝長談，咁耐無見好似有講唔完既話題。要傾得暢快，少不了夜色、酒月同美食。今日朋友帶左我黎呢間係荃灣大半夜都仲開既「夜燒店」，正正就係聚舊最需要既地方！內裡裝修偏向日系，花左好多心思裝飾，望落坐落都好C伏野食方面除左各式各樣特色日本串燒之外，仲有平時BBQ會見到既蜜糖腸同丸，啲回憶返晒黎！亦有不少小食炸物，包保食到大滿足日式串燒勁有心機，淨係睇上去都知花左唔少心機，整得好靚。味道都不失人意，無論口感定調味都做得恰恰好朋友係飯筒，話怕食串燒唔夠飽，點都要叫個飯。唔叫都唔知原來勁抵食！40幾蚊就叫到大大碗，雞扒同蛋大件到連飯都見唔到，配上蔥花色水更靚，雞扒煎到好香，配埋蛋汁食無得彈！脆雞炸雞唔係講笑真心畢生難忘，可以話係我食過最最最高汁既炸雞。神來之筆係面頭加左啲脆片，令到成件雞食落去更加有咬口更加脆，內裡爆汁唔洗講，試過返唔到轉頭！食到飽飽大家再咬下枝豆吹下水，面頭加左鹽食落更香口，邊食邊傾偈，一大樂事！