夜宵館 (已結業)

早幾日行過樓下附近巷仔，見到有間越南小店新開，加上呢排天氣熱到爆，好想試吓佢嗰個撈檬，我一食就覺得唔錯，跟住連續兩晚都幫襯，配料要自己揀，價錢就見仁見智，不過天熱食涼浸浸既既撈檬就真係一流….😋但叫得做小店，入邊得兩張枱，加埋都係得4個位，堂食定外賣就大家自己諗….🤷🏼‍♂️個撈檬真係幾好食，我自己鍾意配牛肉同扎肉，炸物就推介個春卷（相片冇影到🙏🏼），蝦多士，仲有卷蝦，醬汁首選青檸辣醬….😋希望大家街坊都啱食….🤗另外，話說我去嘅時候冇位，跟住同老闆娘講出去行個圈再返嚟，我一家人行完Donki再去，佢已經將兩張枱合併為一張，等我哋一家三口坐得舒服啲食，可能佢認得我尋晚都同個女嚟過啩….☺️

食過好多間越式店，好多都重味精同香料，但係呢間係第一次試到呢隻牛骨湯味，飲埋個湯都唔會覺得有味精同口湯，湯底超好味，另加既餸👉魷魚必點，係一隻隻既魷魚仔，出乎意外既好味🤤，仲有好多款式既配餸，牛肉份量都好多我下次想試食撈檬粉，聽老闆講湯汁都係自己調制，撈檬應該係夏天消暑必食😋期待下次小食味道都好味，份量都比想像中多，價錢唔貴豬頸肉同魚餅必食，好味越式春卷香脆唔油膩配料都好足，配料分開上都好貼心，因為我唔記得左叫走青🤣令我喜出望外

經過見到新開張試下，仲有免費飲品送烤豬頸肉$22 切成一粒粒好容易入口，仲好厚肉，正！！炸越春卷$18 隔左一陣先食，口感仲好脆，仲吾會好油！最鐘意的小食，一定要食，推薦推薦！魚餅$20 好彈牙！仲辣辣地，推介俾鐘意食辣的朋友雞翼$20 好香口，好脆！免費飲品😍仲好凍！ 夏天行到出晒汗，野飲一定要夠凍！抵讚！ 整體新開張來講，服務同食物都吾錯，由落單到拎到外賣，5-10分鐘就已經煮完，味道仲幾好！岩晒又肚餓又趕住返屋企既我，哈哈！