多賀野 (K11 Musea)

营业中

休息中

本身經過呢間食店幾次, 但自己又唔係特別喜歡拉麵, 所以無食過, 但好彩K11 Musea 做咗推廣, 食200減100, 真心無一個商場咁大優惠(通常咪300-100), 仲要限定店舖好鬼老肚, 講時講我仲有張另一個大型商場, 我見佢食滿500就有100卷送, 咁我差小小咪叫個甜品, 點知攞完, 得4-5間用得, 仲要係200-50，另一張50係其他店, 真係攞嚟無用早知唔叫個甜品, 唔好意思離咗題!!因為有呢張卷我就同咗我另一半食(佢都鐘意食拉麵) 入座咁啱比咗個角位坐係有度似窗嘅隔門係枱面（太好唔係透明膠版, 即係你打開枱上嘅門就可以4人坐, 好有日本FEEL呀, 我地叫咗個芝麻辛辣拉麵(皆因佢好彭爆嘅京蔥係面) 食落去佢係唔係日式拉麵嘅湯底, 但因為有花椒啲香又有點辛辣所以我覺得幾好食, 而且佢店舖有部似係製作麵嘅機, 咁樣就新鮮製造, 我係一個唔鐘意食拉麵嘅人, 我覺得佢都幾好食(不過可能對日本拉麵好鐘情嘅人可能就覺得佢唔夠日式) 銀鱈魚西京燒定食, 一嚟到好豐富, 有個蟹肉絲魚子沙律, 食得出好新鮮嘅沙律菜, 而且係雪櫃啱啱攞出嚟果隻(有時啲沙律因為太多人佢會放咗出嚟, 唔

這間拉麵店連續4年獲得日本米芝蓮推介, 來頭唔細餐廳環境比較昏暗, 裝飾感覺幾高雅其中兩張枱還有棵樹在枱上, 明顯係行高級路線, 環境比較昏暗Menu有期間限定既麵, 有湯麵, 沾麵, 定食, 小食, 甜品有雪葩期間限定既廣島蠔豚鴨沾麵 ($168)沾麵份量好似好多, 還有一塊紫菜, 旁邊有沾麵湯, 炸廣島蠔, 糖心蛋, 還有大量蔥和筍在底部, 還有炸蠔既醬汁沾麵既麵條是粗麵, 過左冷河, 係凍既, 麵條表面可以看到有些裸粒湯很濃很"杰", 入面很多材料, 還有2粒豚肉, 豚肉比較嚡, 湯豚味比較重, 鴨味我食唔出, 唔會太咸因為湯比較"杰", 所以麵條掛湯掛得很好, 每一啖都食到湯味, 而且麵條煙韌好食炸廣島蠔有2隻, 跟旁邊的蛋比較看到size都算大, 蠔炸得很酥脆, 而且炸粉很薄, 蠔味很重, 非常好吃自家製蟹肉薯餅 ($68)蟹肉薯餅有3粒, 還有沙律和醬汁薯餅炸得很酥脆, 除了薯蓉還有薯仔粒和蟹肉蟹肉份量很多, 接近一半都是蟹肉, 很足料, 很好吃總結, 最好食既係炸廣島蠔, 然後係蟹肉薯餅, 真係做得好出色當然沾麵都做得很好, 佢既麵係自家制, 證明左佢好重視麵既質素, 一

成日經過見到好多人排隊，心諗應該唔會太差，就揾日試試。是日公眾假期我比較早去所以唔洗排隊，，入到去原諒裏面卡位勁高私隱度好正。食物高質同埋全部都熱辣辣奉上。冇攤凍晒嫁。醬油拉麵 9/10炸雞 9/10 煎餃子9/10 鰻魚定食 9/10蜜瓜波子汽水 桃梳打汽水

今個星期食第二次，第一二次食品質素都好好，拉麵炸蠔炸豆腐都好好味，但員工態度就麻麻，第一次去時有個優惠叫飲品小食就半價，叫2杯就2個小食都半價員工都講得好清楚，到今日第二次去就如常叫2杯飲品2個小食，到埋單時睇單就無減，同個職員講返佢就話幫你改返，再埋單時發現得一個半價我又再問，佢啲態度差差地，話只可得一份半價我都費事再問，前2日就話2杯2份半價，今日得一份半價但態度麻麻。

睇戲前先食碗拉麵，星期六中午時間，有好多位，一個人唔使排隊，即刻有位坐，不過坐咗一陣就越來越多人嚟，好快就決定咗叫醬油拉麵，先來杯茶，都有綠茶香味，有獨立包裝抹手毛巾，幾衛生，等咗大概2分鐘拉麵就嚟。望落去份量OK，有三片叉燒，肉質唔錯，唔會太乾，幾多䓤，仲幾香，筍都幾多，雞蛋幾滑，蛋黃濕濕地，片紫菜冇乜特別，到拉麵嘅精髓，鍾意佢嘅麵質比較硬身，醬油湯底就冇乜特別，勝在唔算好鹹，成碗拉麵都好平均，整體質素係算高，不過就唔會食到有嘩嘩聲嘅感覺，$128一碗，加埋一要$141（其實服務費應該係$12.8，唔知點解要加多兩毫子⋯⋯）CP值唔算高，入座同結帳時間只係相距11分鐘，諗住快快脆脆食完就算，雖然憑單兩星期內再光顧可獲九折優惠，不過冇乜好想再返去嘅感覺⋯⋯

上星期K11 Musea有飲食優惠卷所以就黎試下呢間過江龍拉麵🍜~多賀野醬油拉麵~拉麵質地比較淋..無咩咬口不過食到少少麥香湯底就比較咸. 飲完湯就好想飲水叉燒偏薄食到有少少炙燒味. 但都無特別🦀~自家製蟹肉薯餅~薯餅入面可以食到一啖啖既蟹肉炸得脆口又唔會油膩另外叫左支100%提子汁超細支但都要幾十蚊....而且超級甜. 同拉麵搭配唔到呢間店既薯餅比拉麵更吸引我. 但應該唔會再來食了味道同價錢唔成正比🥲

見到openrice 食評不錯，試吓米芝蓮拉麵店。下午唔多人，唔駛排隊。有推廣無論食麵或飲品都有半價炸物。叫了炸餃子，炸雞，醬油拉麵。裝修雅致，似居酒屋，有自家制麵機器，有隠閉屏封後坐位(但好窄)。炸物即炸，所以要等一點時間。先來到餃子，皮薄而脆有肉汁，伴有點汁，有5件抵食。之後到炸雞，熱辣辣金黃色，不太油，炸皮脆而肉嫰剛熟，可見火喉十足，拿握準繩。到拉面，蔥很脆口，兩個半隻糖心蛋比一般店多，幾多竹純好爽口，東京式拉麵一般鼓油味，但這間湯底卻是清甜很好味，麵質似喬麥面，有韌性，如果可以淋一些更好。整體來講係試過咁多過江龍拉面店中最好。環境闊落又舒適，有日本茶，餐具講究，湯更都有個托，服務很好，遞出杯，服務員已留意到添茶。

K11 Musea 為咗吸引顧客喺商場度食嘢每一日都會有$200-$100優惠券所以今日就嚟試咗呢間見到open rice好多人推介豚鴨沾麵咁今次就叫做呢個試試湯底係豚鴨淆成嘅湯底 餸方面就有三片叉燒 方便糖心蛋 筍麵質同普通平時食到嘅沾麵差不多但係個湯底令我有少少失望 因為真係唔夠熱平時成日出去食嘅沾麵會用石鍋承載湯底熱辣辣會好食好多個湯底其實本身係幾好味 差在佢唔夠熱 所以有啲小失望以呢個價錢來講 喺出邊會有更好嘅選擇

walkin，有位。麵都算唔錯，試咗三款面，不過不失。鰻魚飯都OK，鰻魚都好厚身，味道都唔錯。但係都只係普通，正常應該有嘅水平，冇咩驚喜。偶爾經過會食，但就唔值得專登去食。

猶記得呢間嘢初開，出面排到萬人空巷。我就想睇下咩拉麵要成160幾蚊碗咁巴閉🙂佢嘅signature 鴨豚沾麵價錢完全追唔上味道，唔係話唔好食，公平啲講個湯底唔錯，不過未到令人眼前一亮咁誇張😅 你屋企煲啲老火湯仲正啦⋯⋯講真喺日本拉麵呢啲係平民食物，又便又好食過你嘅大把，好多米芝蓮星星店都唔會叫價叫到咁高。紫菜林左，料又唔多，叉燒中規中矩咁我寧願食一蘭。另外呢個辛辣拉麵都一般般啦唔會話食過返尋味，同埋都係冇乜性價比可言。最好食竟然係個天婦羅，呢個可以推薦下。希望佢咪再打住過江龍名號自視過高啦⋯⋯我覺得自己真係做咗水魚。😑

呢間日本沾麵當初來K11人氣非常之勁，長期排長龍！一路都未有機會食到，估唔到早前收到K11 member reminder 話我知會員積分就到期，我有八百幾元k dollars , 可以去當現金用！我一search 原來可以在這店使用，諗都唔駛諗即刻嚟食，可能疫情加今日時間早啲，所以唔多人，一行4人一到即有位👍🏻👍🏻！今餐只係自己比$15攪掂，真心多謝K11 商場👏🏻值得一讚👍🏻呢度所有店員非常之有禮貌同親切，令我食得非常之開心😃廣島蠔豚鴨沾麵 - 湯底好夠味有鴨肉，廣島蠔🦪炸得好味，沾麵夠爽粟國塩味沾麵x2- 湯底有豬肉粒，沾麵夠爽芝麻辛辣拉麵- 湯底濃郁不過麵不及沾麵好味黑胡椒炸雞 - 出色 👍🏻連配菜同麻醬都好好味日式煎餃子- 同一般日本店嘅餃子一樣，係個餃子汁最正😁山形縣提子汁- 正宗日本🍇🇯🇵🥰信州蘋果汽水- 都係冇汽既蘋果汁夾啲😜總括來說，食物係好食，不過又唔係講到米芝蓮咁勁😬！嚟試下絕對可以，我哋就試過就算🌟😄

同朋友行緊K11 ，行行吓突然想食拉麵，咁啱見到呢間野，就入咗去。好耐之前其實食過一次，但果次去食豚鴨拉麵，今次想食新野。咁啱佢哋做緊期間限定，炸蠔沾面$168，中意食蠔嘅我諗都冇諗就決定左。成個餐，其實係用咗四隻蠔。兩隻拎左去炸，另外兩隻撈左入個湯，話會令到個湯特別濃。整體來講，我自己覺得非常好食。炸蠔夠大隻，拉面份量好夠，湯都好足。我差唔多食完，仲有足夠嘅湯剩。好抵食。餐廳環境都好靚，有晒裝飾擺設，食得舒服坐得舒服👌🏼

連續4年獲得日本米芝蓮推介的拉麵店登陸香港啦! 位於尖沙咀的多賀野，是東京超人氣過江龍! 品牌已有20多年經營歷史，每日新鮮製作拉麵 和 悉心炮製湯汁，憑著匠人造麵精神，多年來獲獎無數呀! 包括: 2014-2018年的東京米芝蓮推介、Tabelog全日本拉麵大獎、Ramen Walker日本最優秀拉麵排行榜前十位等等，來頭不小，拉麵控一定要試啦。 首間海外分店選址在香港，實在令一班愛好日本文化的港人無比興奮呀～每次經過都看到長長人龍，大家要耐心等候唷。 店內裝潢時尚型格，同時不失日本優雅風格。利用射燈效果，增加空間感。放置植物盆栽，帶出日本風格。設有吧台、四人枱和圓枱，適合不同羣體聚餐哦。 山梨県洋梨汁 $48 山形県葡萄汁 $48廣島蠔豚鴨沾麵 $168 豚鴨沾麵 $168 利用豚、鴨、雞和海鮮等天然食材熬製的中國風沾汁，非坊間常見的稠密膩口濃湯，而是清爽鮮美的味道。食材的鹹香鮮美盡在湯中，味濃而清新，清而不淡，很不錯呢。 而沾麵條則採用4款日本麵粉和2款蕎麥人手精心製作，粗身麵條富彈性和靭力，帶有淡淡麥香，掛湯力不俗，質素甚高。搭配的半肥瘦叉燒，肉質幼軟，糖心蛋蛋黄濃香稠滑，超好

唔知大家有無去尖沙咀新開既商場K11 Musea呢?商場入面既裝修同環境非常高雅✨，而且亦都好寬敞，行得好舒適🙌。而今次小編就去到呢個新商場到搵嘢食，而咁啱有一層有一間日本餐廳係食拉麵🍜，見係未試過嘅餐廳又唔使排隊就走入去試一試，呢一間餐廳係叫「多賀野」。✦✦✦✦✦✦✦✦✦✦✦✦✦✦🎈香蔥山椒叉燒拉麵 $138上碟見到滿滿嘅香蔥絲鋪滿係拉麵上，好似一座白雪山咁🏔。而拉麵嘅香辣味比較少有，有種好似食緊四川辣麵咁，山椒麻味，但呢一款就無咁辣亦比較香甜甘味，有一種Crossover感覺🤯。而碗入面仲有大量日本蔥同洋蔥，拉麵就無得去揀要咩粗幼度同麵質🧐，叉燒既味道就正正常常冇特別。雖然大量既日本蔥同洋蔥令口感豐富，但因為份量有少少唔合比例🤔，太多既日本蔥絲反而令到整體嘅口感變得單調，越食越冇驚喜😌，如果分量再少多啲應該會好。✦✦✦✦✦✦✦✦✦✦✦✦✦✦🎈土佐豆腐(3件) $48豆腐三件而每一件都算大件，而豆腐拌碟有好多炸咗嘅柴魚片🥓，每一啖都好爽脆，亦有好多醬汁甜甜地幾好味😋。呢一種外脆內軟嘅感覺，非常吸引。 ✦✦✦✦✦✦✦✦✦✦✦✦✦✦今次嚟到新商場K11 Musea第一時間都係試咗我最鍾意

// TAKANO - Tokyo’s Michelin Ramen 🍜 //.If you’re looking for a cozy lunch spot to hang out with buddies, look no further than Takano Ramen located on K11 Musea!⛩ A Tokyo-based ramen store that won over numerous people’s hearts for their delicious ramen and luscious Japanese eats!🍜.▪️Hiroshima Oyster Tsukemen Ramen▪️An exclusive cuisine featuring deep-fried Hiroshima oysters and Tsukemen.🍜 The golden-brown oysters were fresh and succulent while the ramen noodles were INCREDIBLY SAVORY after being