壽司郎 (麗新商業中心)

营业中

休息中

壽司郎長期都好多人等位成日都排吾到 所以決定外賣自取反公司食 電話打去好快有人接 預半個鐘就有 到店講反自己電話 都算幾快$88 有8件壽司 只可以叫set 真係幾好食 會之後再試佢堂食

第二次食壽司郎，第一次食仲係只得佐敦一間分店的年代排成2-3個鐘時間就是金錢所以只此一次，諗住而家港九新界都開哂分店應該會好啲啦仲要揀荔枝角以為少人去啲同埋已經四點幾就攞飛！點知都係等成個半鐘😅😅Overall 係不過不失的，有幾碟特別推介其他的就還好啦。特別推介1. 帶子 (唔記得左全名之後係網上menu 都搵唔返)有4-5塊帶子(不過唔係特大size 個隻), 都係新鮮到暈的。2. 松葉蟹蟹膏又係4-5條松葉蟹腳，once again 不是好肥美多肉個種佢係小的蟹腳但絕對鮮甜！3. 日本海膽另外有隻智利海膽係平啲嘅，我哋直接叫左日本豐州個隻，好味過元X個啲多多聲！食完出黎6點幾(冇錯等左個半鐘食左半個鐘), 見到呢個purple-pink 的天空，完美的一天！

第一次黎.....要等2個鐘，食材超新鮮，最鍾意海膽😍😍😍😍超開心..已經想再去食啦...但係真超多人😅😅😅下次早d 禁定飛仔...好野係要留比有預備既人

壽司郎每隔一排就會出一啲期間限定既餐牌 每次都會有啲特別既野 例如壽司 小食同甜品 好記得上年出過一次螃蟹祭 出左好多款有蟹既壽司 全部都好好食 好吸引 可惜既係只係食左一次 今次就俾佢既白桃芭菲吸引左 見好多人都話好好食 咁就要去試下啦 不過宜家因為疫情既關係 餐廳已經係上年開始冇得用app訂位 只係得返walk in 之前我食過幾次都係用app訂左位 之後準時到就好快入得 聽講walk in拎飛要等既時間比較長 起碼要一個鐘頭或以上 不過我地都諗住博一博 希望唔洗等太耐我地星期六晏晝大約四點半去到餐廳 餐廳門口已經企滿晒人 拎左飛之後 都聽到店員話即將會停派walk in飛 因為宜家已經要等一百張枱以上 係等既時候就周圍行下 我地等到大約七點三左右 入得座了 即刻落單叫左兩個白桃芭菲先 之後再慢慢揀壽司 好快兩個白桃芭菲已經到左 份量係一人份量 中間應該係牛奶雪糕 好重奶味 側邊仲有一球係白桃味既雪糕 好重白桃味 仲會有兩至三粒既白桃 牛奶雪糕下面係會有少少海綿蛋糕 呢款甜品真係好好味 值得一試 同埋佢係細細份 食左都唔會話太飽好漏食唔到其他野 餐廳其實仲有好多款甜品都好食 不過一

每次去壽司郎都見到大排長龍，而且己經不接受WALK IN，所以還沒機會吃堂食。因為WORK FROM HOME 關係，想踫踫運氣試試外賣LUNCH，原來外賣不用等，只要打電話說幾點要，到時去就可以直接付款和拿外賣，超級方便!外賣選擇不多，都是定好的SET，我叫了超人氣盛合(SET A， 下) 和壽司郎特製盛合(SET B， 上)，魚生新鮮大大舊，個人較喜歡鰻魚和油甘魚。是不錯的外賣選擇!

我跟上次光顧「佐敦」分店「壽司郎」一樣，因為沒有致電訂座，手機未有安裝掃描二維碼應用程式，所以我需要自己一個人在「壽司郎」店外取籌號，然後自己一個人站在店外，足足等候接近三小時，才能夠享用堂食。幸好我早已經累積了光顧「壽司郎」相關經驗，所以今次光顧「長沙灣」分店「壽司郎」的時候，已經先在商場裡面光顧其他食店，享用完晚餐之後才光顧，反正代價只是去到晚上十點才能真正回家而已。另一方面，我意外發現原來「長沙灣」分店「壽司郎」店舖裡面，是沒有向食客提供自助「飲料吧」，食客只能夠像我一樣，選擇另外花錢獨立購買其他飲品，或者選擇飲免費綠茶茶包加熱水自泡。由於我之前已經在「麗新商業中心」商場，食了台灣菜晚餐，所以光顧「壽司郎」的時候，胃口已經沒有之前那麼大，只食一些壽司跟炸雞，感覺就已經足夠。結果我只是用餐廳裡面的平板電腦，點了一些壽司，例如「吞拿魚壽司」，還有一些小食食品，例如「和風鹽味炸雞翼」等等。然後再在輸送帶等候一些比較容易找到的壽司，例如「玉子壽司」。當然，我之所以選擇苦苦排隊等候光顧「壽司郎」，最主要的原因是因為「壽司郎」餐牌推出了一款以「牛肉」作為主要食材的壽司食品，壽司的實際名稱叫做

平時見我寫飲食多數都好評，好少會寫人差評，今次真心例外，我想講壽司郎真係「好難食」。見咁多人日日都排隊，我就去試下啦！我試呢間係荔枝角分店。我首先想講, 我入去時好興奮，二話不說即刻狂點野食，叫到一檯都係返黎影相打卡先全部擺係度影相打卡先~~~海膽好少，唔算好平架咋，麻麻魚子又係好少，得一半，仲衰過元氣呀, 連放題都不如呢件八爪魚壽司，舊飯一夾就散，同明將有得揮蝦三食，完全唔好食，雪藏味，點解d人會讚得落口???呢件壽司d魚片切到咁嘅樣，平面切架！我諗我都可以去呢度做壽司師傅魚片還可以醋青魚, 一般般1️⃣宗罪：飯粒無咬口 完全無米醋味 好似一舊普通白飯2️⃣宗罪：一夾舊飯就散，梅架成舊飯3️⃣宗罪：寫明其中一款係叫「握壽司」 黎到全部同明將一模一樣 用機啤的四方形壽司，邊鬼度有握過呀?4️⃣宗罪：部分魚生求其切，飯面都舖唔滿5️⃣宗罪：味道仲差過爭鮮 可以同明將相題並論唯一好食嘅係秋刀魚壽司，係件秋刀魚真心好食，但舊壽司飯真係好差。佢地舊飯真係做得好差好差好差，魚片可以接受，舊飯不能接受

壽司朗勝價比一流就唔使講，但都想開文再讚佢哋做得好出色環境：坐位夠闊寬，坐得舒服衛生：檯面、地方睇得出抹得好乾淨，客人埋單後會再噴消毒清潔劑，抵讚服務：茘枝角店員工好有禮貌，派票姐姐好好笑容，又好願意解答客人問題嚟壽司朗基本上係唔使睇價錢，可以瘋狂盡情咁點壽司落單後又上得快，所以限食60分鐘都好夠時必食推介：藍鮱中吞拿魚，平到笑，必食，吞拿魚好綿，有入口即溶嘅感覺蝦三味，一碟有三款蝦壽司，單單食巨型赤蝦已回本日本帆立貝，$17/2件，呢個價錢平時只有一件，仲要呢度質素唔差，食落有鮮味蟹膏壽司，好重蟹膏鮮味，蟹膏份量又好多，必食智利海膽軍艦，海膽鮮甜，又係果句$17/2件，真係邊度搵鮟康魚肝軍艦，鍾意食魚肝嘅朋友，真係唔好錯過，魚肝味好鮮，魚油係口內帶出多種層次感，好正

-歡迎嚟到MIRUの第1️⃣5️⃣回壽司郎日記🤣努力食多4次就可以換到隻中型公仔喇🥰明明上一個月月尾先食完無幾耐🤪話咁快又到咗4月新品期間限定嘅時候🤟🏻我想講今個月嘅壽司款 全部都係我鍾意食嘅😱我見到有間八壽司同金目鯛壽司就已經按捺不住😳今次我只係食咗4月期間限定嘅壽司 無食其他🙈♦️間八 かんぱち Hkd17▪️Rating🌕🌕🌕🌕🌑間八壽司真心係我最鍾意食嘅魚類壽司🤪平平哋係壽司郎都食到 可以止下呢個間八癮🤤因為有食過好好食嘅間八 都有食過普通嘅貨色🙈平心而論 壽司郎嘅間八壽司其實唔差架🤟🏻算係中等水平 未去到話好好食 但佢竟然入口即溶😳魚肉十分之鮮嫩 油脂感唔係好豐富卻剛剛好🙈所以大家可以睇吓圖2️⃣😂我最後都食咗5碟😋好食嘅嘢我會ENCORE 一般個啲基本上食一次都夠而且佢只係需要17蚊 呢個質素嚟講其實都幾抵食☺️♦️生花竹蝦 生車えび Hkd27▪️Rating🌕🌕🌕🌑🌑上個月嘅期間限定就有特大熟花竹蝦🦐無咩特別😂估唔到今個月就推出生嘅花竹蝦 都係無咩特別🤣花竹蝦係爽口彈牙嘅 都食得出佢嘅鮮蝦味😌我個人比較鍾意食生嘅花竹蝦多過熟嘅花竹蝦😗呢碟花竹蝦可以一試 畢竟佢都係屬於期間限定款🙈除非你係蝦嘅

[🇭🇰香港- 長沙灣].🔻唔知有冇朋友同我一樣都係蝦控🙋🏻‍♀️個人超鍾意食生蝦刺身,係嘅話記得bookmark定去食佢哋嘅”焦蔥牡丹蝦”!牡丹蝦啖啖肉超肥美,配炸左嘅焦蔥更加香口同有層次,仲要一件只係17蚊!.🔻🍽 壽司郎📌 地址: 長沙灣長沙灣道680號麗新商業中心地下G38號舖.

一直好恨去食壽司郎，而🐖🐖極度討厭排隊，所以一直食唔到。而今日打算收工去拎飛堂食....簡直痴心妄想😭6點幾已經停止拎籌☹️失望左一陣，又打死唔肯走之際，見到有「外賣」喎🤩 之後問🐖🐖外賣食唔食，好彩佢OK... 咁就終於試到人生第一次壽司郎啦✌🏻😊⚠️由於 #人氣爆燈 既關係💡，外賣都要等30分鐘嫁！🍣超人氣盛合 (二人前 16件) $176🍣額外散叫左↩️#特選中吞拿魚腩 (1件）$17 x 2#日本產帆立貝 (2件) $17#醬烤鰈魚鰭邊 (1件） $12 x 2#炙燒三文魚腩 (2件) $12#保冷劑 $2TOTAL: $265 👫🏽總體黎講，食材係勁新鮮🐟！食出有日本🇯🇵既味道🥰 食緊壽司🍣個樣長期「😊」....滿足樣🙈 估唔到外賣都可以咁好味，咁開心仔😊更加驅使我地有下次堂食既動力✌🏻✅必食特選中吞拿魚腩 - 油脂豐富，略帶小根仔，幾有口感😊極上鰻魚 - 鰻魚幾大件，配埋鰻魚汁，成件事升華咗😂烤鰈魚鰭邊 - 入口即化🤤 想再食❗️炙燒三文魚腩 - 都係入口即化🥰赤蝦 - 勁鮮甜幾厚肉😊 ⚠️夏天外賣最好加保冷劑，即係一個細冰袋，咁無咁容易變壞✌🏻😬

打烊前一小時，終於唔使排隊就有機會一試。無論味道、鮮度、種類、選擇、做法、價位，都將其他迴轉壽司店比下去，性價比係高！可惜，迴轉帶上部份壽司嘅賣相好差，魚生跌晒落嚟，甩皮甩骨，而且有啲個蓋又冚得差，露咗啲壽司出嚟，亦有好多蓋有污漬，矇哂、黐住啲飛魚子、三文魚子，甚至魚生碎... 可能係師傅捏完壽司，冇抹手就𢲡起個蓋冚落去。同時地下亦有明顯污糟，至於店舖其他嘅擺設都係混混亂亂！... 係本地師傅唔爭氣，定係冇日本人員做QC？... 所以，絕對唔同意佢tablet上面不停loop住嘅「日本質素」(Quality of Japan)...

其實想試依間舖頭好耐，但係次次行過見到咁多人排隊都嚇親，今日放假諗住去睇戲，經過見到人少少，就走去排隊，但係都等咗一個鐘😅，但係值得值得！比較其他果幾間壽司店真係新鮮又好味好多！👍👍

自從沒有出國旅遊，這一年真的很抑鬱幸好日本過江龍來了香港我就決定和老公計畫偽日本行程首先第1站壽司郎，12點取票等到2點半終於有得吃，超級開心！平民價錢，可以吃到不一樣食物當然選些日本才吃到款式……鱈魚白子 $17男女適宜，十分有珍貴少有食材配上柚子豉油，酸酸的最夾。醃漬螢光尤魚$17咸鮮爽口，尤魚身有點爆膏非常好吃日本小食，現在軍艦也不錯!茶碗蒸$19有雞肉，蟹鉗，元貝，全都很鮮味!吃不到雪藏味，處理得不錯，蛋嫩滑鯛魚壽司 $17魚肉彈牙爽口鹽漬沙甸魚 ，味道不錯炸蔥油牡丹蝦，幾得意，隻蝦超級大隻醬油魚生切角沙律$12極上厚切大吞拿魚腩$12好吃的真的很多中拖羅也超級肥味（吞拿魚已經有5個不同位置）原條海鰻壽司鮟康魚肝軍艦油甘魚壽司海膽壽司就算排隊都值得，因為食材堅新鮮呀，完全置身日本呢！

一直以來食壽司郎都要等超過半個鐘，今日三點幾經過，覺得好肚餓，仲諗住有排等。估唔到排咗10分鐘就入到去，好驚喜！叫咗好多壽司全部都唔錯佢近期出左好多promotion, 有唔同嘅三件裝，其中覺得圖入面嗰3碟最正分別係吞拿魚：赤身同拖羅～三文魚：有齊三文魚、魚腩同炙燒貝類：赤貝、北寄貝等等都係廿幾蚊一碟，係認真幾不錯最後試咗新推出嘅牛奶味卡達拉拿，都係覺得太甜。正常嗰隻好味啲。最終埋單原來都食咗$170，不過係開心嘅