壽司郎 (麗新商業中心)

营业中

休息中

喜歡壽司郎食物品質高，最簡單嘅大吞拿魚腩，赤蝦，帶子，新唔新鮮，一食就知。食咗咁多次，都冇一次失望😋款式選擇又多，小肌，鯖魚押壽司，白烏貝，油金魚天身，外面好少有，唔使來來去去都係食嗰幾款壽司😋價錢又真係好抵食，$12既選擇超過50款，大部份都有兩件，價錢相當貼地！中吞拿魚腩 中吞拿魚腩同大吞拿魚腩個分別真係好大，要入口即溶，有魚油香，食返大吞拿魚腩，覺得太油就可以揀返赤身。中吞有D 高不成低不就。

以下係我今日嘅encore list:🔺秋刀魚 $12🔺間八 $17🔺三文魚三味 $22 (三文魚腩, 厚切三文魚, 炙燒三文魚腩) 🔺北海道南瓜焦糖燉蛋蛋糕 $17🔺特選大吞拿魚腩 $27(❌秋季限定)秋刀魚魚片唔算厚身，但入口滑膩，細嚼下散發著魚脂香，肉質綿軟，再配埋魚片上嘅少少薑汁辟腥，好食🤗間八即係大鰤魚刺身，被認為係最高級壽司食材中嘅前3名之1，最好食用嘅季節係初秋。食落口，鮮美但不肥膩，帶有少少脆嘅口感，好特別🤩三文魚就一如以往咁新鮮肥美😙（無圖）焦糖燉蛋蛋糕幾重南瓜味🎃 焦香，creamy，又唔太甜，比起雪粑，更值得一試。最後，要講下個特選大吞拿魚腩，我已經即埸encore咗👻 刺身豐腴甘美，食落脂香四溢，但第2舊食到有啲筋😂

Can understand why this is super popular. Offers good value, quick and tasty japanese food.The whole dining experience is seamless from ordering on the electronic tablet, from a varied menu, to the prompt delivery of food. This is a great example of 'fast food'.You do get a little carried away when the cheapest servings are $12 for sushi (2 pieces) and size is reasonable.My fave on this visit, was the minced tuna sushi and the tempura.You have to be patient as its super busy , normally with lots

喺附近番工，所以晚餐約朋友食壽司郎，點知四半攞飛，去到八點先食到，少啲耐性都真係等唔到佢嘅蝦同螺都好新鮮好好味，係必點嘅兩碟每季都有特選menu，推介時令美食，保持新鮮感，成日都想再去！

最鍾意同每次必食嘅就係中拖羅，長鰭吞拿魚，螢光魷魚軍艦，帆立貝，油甘魚，炸蝦牛油果卷！壽司郎真係食極都唔厭！好掛住日本迴轉壽司！每次都係平日下晝三點後去通常等半個鐘就入得！仲有一定係儲印仔可以換禮物～

朝聖記 ~ #壽司郎 荔枝角店拎住個籌號，明明係要等百幾個，不過號碼一個接住一個咁叫，半個鐘就入得啦!❤️特選大吞拿魚腩❤️特選中吞拿魚腩❤️珍寶北海道產帆立貝❤️北海道產海膽❤️赤貝❤️北海道產炸甜蝦脆卜卜，可以成隻食哂落肚❤️白桃味芭菲白桃好甜，啖啖甜絲絲，感覺好幸福❤️炙燒特上海鰻❤️水煮松葉蟹✅炙烤齒鰹✅日本產頂級池魚✅炙燒芝士三文魚✅三文魚牛油果卷✅葱花吞拿魚軍艦✅炙燒芝士鮮蝦✅厚切燒鯖魚✅油甘魚✅長鯺吞拿魚✅吞拿魚✅豬骨拉麵❤️濃厚海膽拌麵✅鮮蝦天婦羅💡性價比高👍🏻未開舖就要等位真係有原因架!

我覺得以同類型壽司店嚟講，壽司郎真係算好食。佢壽司款式都算幾多，食材亦都幾新鮮，甜品又幾好味😋 價錢算公道啦⋯⋯ 唯一就真係堅多人，有心理準備要等吓先至有得食㗎！

壽司郎多人排隊係人都知，所以我哋三點幾就去到長沙灣分店拎飛，結果比預期中少人，等咗半個鐘就可以入去食。吞拿魚、海膽同埋蝦壽司都好好食，性價比高。值得一題帶子壽司，勁大嚿，而且輕輕燒過，我哋encore咗幾碟！去壽司郎一定要食甜品，我哋今次嗌咗四款，分別係季節限定嘅白桃芭菲、卡達拉娜、千層蛋糕同埋心太軟。白桃芭菲味道略為清淡，心太軟高水準，最好食都係卡達拉娜。最尾埋單$480，飽到連晚餐都唔使食🎉

網上看這店人氣超勁，等位是平常時。今日早上11:15去到已見很多人在門外等候，我張籌要等30個籌號才到，為了吃都只好等了。幸好只等了30分鐘就有位。全店有40個檯號，入座時有片座位卡給你，用餐時放檯面，結賬時交給店員。待應帶我們入座，因為第一次惠顧，待應向我們講解如何落單及取食等，表現有禮。店內用IPAD下單，第一次來吃，左按右按，看看有什麼好吃的，不過為了節省時間，看見想吃的就要立即下單，回頭再慢慢看其他食材。食物用輸送帶送到你檯旁，拿取方便。壽司款式很多，價格不貴，由12元，最貴也只是32元，可說是平民價。喜歡吃香口的食物，所以點了三樣炸物類的食物。炸雞軟骨，非常鬆脆，椒鹽味濃且送來時熱騰騰。南瓜天婦羅，四大片，炸得乾身不油膩，片片香甜，粉漿薄薄貼在南爪瓜面，脆口好吃。炸蝦天婦羅烏冬，兩隻大蝦放碗中，外脆內軟，漿粉適中，烏冬爽口彈牙，湯底不過鹹，整個烏冬夠熱好吃。壽司方面，我選了多款都是吞拿魚的，生七味潰長鰭吞拿魚、蔥花吞拿魚軍艦、炙燒吞拿魚扒、中吞拿魚魚腩配漬海膽、每份魚肉都鮮甜美味。出菜的速度也合理，不過都要快快食，否則很快夠時間要離座。

外賣壽司郎,甘就唔使排隊😆知道大家瘋狂排壽司郎,所以一直都好好奇究竟點解要排到甘？係咪有甘好味？今日終於有機會一試🍽兒童餐壽司餐🍣 共8件 $45甜蛋壽司🥚吞拿魚沙律軍艦🐟粟米沙律壽司 🌽八爪魚壽司腐皮壽司x2蟹棒壽司熟蝦壽司🦐🍽壽司飯再重d醋味會更好🍽甜蛋壽司🥚& 腐皮壽司呢兩樣都係我唔太好既款式如果鐘意食甜蛋同腐皮既朋友,我覺得係我食過有限既甜蛋同腐皮黎講係ok既甜蛋理所當然係幾甜😂佢都幾厚切同咬落仲係幾juicy,唔乾腐皮幾大塊,同樣又係甜,但甜味唔會蓋過得腐皮本身既味道🍽吞拿魚沙律軍艦🐟本身就好鐘意食吞拿魚沙律呢款整得好唔錯,有d壽司店會落唔夠沙律醬d吞拿魚仲係乾錚錚但呢款沙律醬同魚既比例好好,吞拿魚係幼細既,調味都好好👍🏻🍽粟米沙律壽司 🌽粟米好大粒多汁,都幾好味🍽八爪魚壽司正常 ,再厚切少少會更好🍽蟹棒壽司蟹棒係幾大條,屬於比較硬身個種味道同普通蟹柳差不多但就同偏乾身唔太like🍽熟蝦壽司🦐味道OK,比較薄身,無特別總括黎講$45 8件壽司送埋上門 CP值係ok既 但要排好耐隊食既話就唔需要囖💁🏻‍♀️

壽司郎開左甘耐，夾埋今次我都係食左三次，雖然我真係好好好鐘意食壽司，但實在太太太難有位。印象中黃大仙店係唔洗等好耐，但有幾可會去呢。今日早收工，五點幾去到荔枝角學瑜珈，所以同朋友決定挑戰下，拎定籌，我地學完都七點，去到再等多15分鐘左右就有位。一去到即刻點番幾件中拖羅壽司、大拖羅壽司，等左甘耐位點可以唔食盡佢。雖然質素無得同高級壽司店比，但呢個質素，完全收貨。其中有一款拖羅壽司，上面係有海膽，海膽既質素都唔錯，係鮮甜，唔會有怪味同臭味。珍寶帶子壽司都唔錯，鮮甜爽口。食壽司之餘都要留肚食甜品，今次食左季節限定嘅白桃芭菲，白桃當然唔好期望係新鮮嘅桃肉，芭菲入面有牛奶味超濃既雪糕，仲有蛋糕同忌廉。如果唔係甘難等位，都想成日食。

已經第唔知幾多次食壽司郎，印象最深刻就係第一次去食佢啲三文魚好鮮嘅橙色，有啲嚇親所以冇嗌過，今次終於嘗試返，見佢變返正常一般見嘅三文魚顏色，味道一如既往好食。今次食埋佢個期間限定芝士蛋糕，上面有焦糖脆脆正最後仲嗌多咗兩件

10:40攞飛，11:50先入座，已經限時一個鐘，可想而知有幾多人排隊啦。咁啱坐到卡位，闊落又舒服。自己落單，有高速列車(?)送壽司，或者可以自己喺迴轉帶上面攞壽司，豉油有幾款，綠茶，餐具一律自己喺座位到攞，非常方便。*炙燒芝士三文魚 $12芝士+蛋黃醬鋪滿成塊三文魚，燒到焦焦地，三文魚滑嫩，超級邪惡。赤蝦 $12$12一隻大赤蝦，鮮甜甘香，值得再食多一隻。南瓜天婦羅 $12意外嘅收穫！有四大片，麵衣厚薄適中，炸到又熱又脆，入面嘅南瓜軟熟，可惜南瓜唔夠甜，而且油咗啲。特選中呑拿魚腩 $17油脂感差啲，唔夠香，而且有啲韌。厚切燒鯖魚 $12外表望落去好一般，實際上係燒鯖魚定食in one壽司，燒鯖魚油脂十足又厚身，加埋蘿蔔蓉，非常清爽。炙燒鹽味三文魚 $12嘩~三文魚好厚身大件，入口第一個感覺好鹹，咬下咬下就冇咁鹹。炙熱信州味噌金華鯖魚 $12鯖魚依然好食，味噌淡口味，少少鹹，冇咩特別嘅地方。日本真鯛 $22因為本身鯛魚唔係濃味嘅魚，所以味道相對清淡，鯛魚本身都好新鮮。溫泉蛋烏冬 $27烏冬煙韌，醬油汁偏鹹，溫泉蛋讚！但蛋香味唔夠香，天婦羅碎俾醬油浸腍晒，仲有啲山藥泥同蔥花撈埋一齊食。朱

💕壽司郎開愈來愈多分店 但水準都一直keep得幾好👍🏻話甘快係香港開左2年啦 今次2週年好令我開心 有我最愛既吞拿魚蓉軍艦 仲要分量double up~~ only $12一碟 同一月我已經食左3次 好crazy ahhh!!!肥死又荷包乾旱都要繼續食🤪🤤仲要中吞拿配海膽都只係$17 但海膽質素同分量都因分店而異 試過唔同分店有幾大落差🤭另外8月份限定既可樂餅🤎新鮮香脆又足料🤤好值得一試啊!!長鰭吞拿魚壽司🍣$12好抵食 好軟入口有即溶既感覺 雖然吞拿魚香氣略厭不足 但$12only 邊到搵啊!!😝

身邊好多朋友都好鍾意食壽司郎🥰🥰🥰🥰🥰有一日放假，同埋一班朋友一齊去食🥰🥰🥰每次等位都要幾個鐘😮‍💨😮‍💨😮‍💨😮‍💨😮‍💨😮‍💨😮‍💨😮‍💨不過壽司真係超好食🥰🥰🥰👍🏻👍🏻👍🏻👍🏻如果開多啲分店，唔使等位就好啦🥰😻😻😻🥺茶碗蒸，三文魚壽司必食！👍🏻👍🏻茶碗蒸超級滑價錢抵食👍🏻❤️味道良好🥰👍🏻👍🏻👍🏻