壽司郎 (黃埔天地)

营业中

休息中

壽司朗入坐攻略😛 平日時間6點前黎到！就可以正常晚餐時間食到喇🤣大家都覺得好癲點解想食餐壽司要等咁耐，之前食過兩三次都係等咗成三個鐘先入到，我都諗緊自己係咪傻咗點解要等咁耐。今次早咗放工，就可以正常時間食晚餐😎食過幾次，講真其實唔係話超級好食，但係連鎖壽司店保持到一定嘅水準，價錢又唔算太貴，選擇都算多，又有小食、湯麵類、甜品，間唔中又有限定嘅壽司，可以儲下印花玩公仔呢啲gimmick野，加上標明係來自日本嘅，正正係因為咁所以吸引到好多人食😎今次都唔係影咗好多相，揀其中幾樣同大家分享吓。茶碗蒸幾好食，中間亦都有幾粒海鮮，好鮮甜，我每次都叫😋呢一件醬烤鰈魚鰭邊握壽司$12今次我食咗四件，有少少似隻燒左口魚裙邊，好肥美，魚油感好強，好食！壽喜燒牛肉壽司🤣一啲唔係傳統嘅刺身壽司，通常俾人好伏嘅感覺，但係我覺得呢一件壽喜燒做得幾唔錯，味道濃郁，$12咋😂😆海膽壽司包$17海膽鮮味唔夠，不過$17一件來講要求唔算高，有得食已經好開心😙今次見到有新嘅甜品，黑糖番薯條，有啲似donki個種，凍食既，個人覺得甜左少少😛一如標題所講，希望壽司郎開多啲分店，等大家唔使排隊排咁耐😗😗

第一次來吃，因為時間比較早，所以不需要排隊就可以進去了。有放在迥轉帶的現成壽司，也可以在iPad 點。我們全部在iPad 點，點的壽司會自動送到迴轉帶上面的個人位置，很方便。壽司的選擇很多，三文魚、吞拿魚也有兩、三種。還有我喜歡的白身魚，iwashi、aji ，這裏都很新鮮。魚生整體新鮮，味道不錯。特別喜歡鰻魚、海膽、八爪魚。而壽司飯也不錯，味道比較偏酸；雖然偏大，但是握得軟軟的，不錯。這裏整體不錯，CP值很高。

今日10月1號公眾假期，由於冇訂位嘅關係，又想食壽司郎，所以一早11點就你攞飛，結果等咗130分鐘就入座🤣 聽落都我都有啲誇張，但係我相信呢個時間已經係全日最少人等嘅時間。好啦講返啲壽司先，叫咗平時食開嘅壽司，超鍾意個油甘魚，入口即溶，超享受魚油係個口到溶化嘅感覺，真係令人好滿足🥰 另外，甜蝦、吞拿魚、帆立貝都算新鮮，不過個海膽就爭啲鮮味！而擺喺第一張相嘅係令成餐變得完美嘅抹茶蛋糕，每一啖配上紅豆同cream嘅感覺真係好享受🥰💕 食物質素：8/10 環境質素：7.5/10 抵食指數：7.5/10 回頭率：8.5/10

本以為疫情關係壽司郎既人潮會減退一點可惜去到鋪之後發現依舊多人拎左飛要等成一百多個號碼不過一場黎到都只好乖乖等落去四圍行下一個半鐘其實都好快過我地坐既係迴轉bar 枱位不過座位空間都係比較闊 所以坐得都幾舒服入坐時間只有60 分鐘 加上我第一次黎既關係所以我都急不及待咁落單喇朋友推介必食茶碗蒸好滑而且好足料入面有d 冬菇同元貝鮮味到不得了巴馬火腿壽司好似係期間限定款不過巴馬火腿加上飯感覺好似怪怪一碟有兩款唔同既貝類壽司好鮮味爽口 仲可以一次試兩隻味兩隻都好好味 如果個肚有位我都想叫多碟岩晒我地想試多幾款壽司但又怕胃口細既客人海膽鮮甜無腥味食得出好新鮮仲要係$17 性價比高後尾我地一人追加左一碟蟹膏軍艦好有咸鮮味 不過一人食一件就好蝦雙味呢款反而無貝類果碟咁好食不過不失三文魚反卷三文魚肥美同沙律醬係perfect match本身仲想試多幾款但因為呢度出壽司出得好快可能食得太急 所以就好快飽左

大滿足之終於到我食壽司郎啦！🍣🍣之前飛日本諗住帶呀媽食點知摸門釘個日咁啱冇開店😢嚟黃埔有嘢做，順便揀壽司郎食🤟🏻🤟🏻·💖👍🏻特選大吞拿魚腩 $27 / 👍🏻醬烤特選大吞拿魚腩 $27最愛吞拿魚腩😍😍流哂口水，好肥美呀，生同烤過一樣咁好食😋😋·💖特選中吞拿魚腩 $17純粹想試吓同大嘅有冇分別，咁當然大嘅吸引好多🤩·💖👍🏻雪花和牛 （$17 呢款做緊特價呀🥰，正價$27）本身怕好生但食落又ok喎😚·💖特盛日本國產烤牛肉 $27呢個貴啲，但味道麻麻唔夾壽司，會揀雪花和牛仲好味🤪·💖原條海鰻 $27係大條嘅，味道普通嘢啦！唔食冇損失·💖👍🏻蝦三味 $17赤蝦好大好新鮮😋，甜蝦都可以，熟蝦唔愛吃給了👦🏻赤蝦一件都$12，加多5蚊有多零兩件😹😹識揀啦！·💖松葉蟹腳 $22最後貪心叫埋呢個，口感好滑🤤好味😋

壽司郎黎咗香港原來都超過1年, 我地咁耐以黎都只係食左2次, 因為實左太難book, 又唔想walk in拎飛有排等, 試過因為疫情嚴重, 取消過2次難得book到嘅位😣 每次都係要2個月前book位, 一D都唔誇張! 食過之後真係返唔到轉頭, 平均質素+新鮮程度+味道, 呢個價錢來講相當超值!.食咗2次, 由壽司到熟食、炸物、甜品, 乜都食過下, 就同大家一次過分享下我地嘅所謂「攻略」啦XD.❗️咁難book到有咩係必食?❗️🔹赤蝦 ($12)一直好怕食刺身蝦會好淋好梅, 呢個好新鮮, 蝦肉質感結實又大隻, 好鮮甜🤩! 食完先發現佢有另一款"蝦三味" ($17), 都有呢款赤蝦+2件蝦壽司, 感覺"蝦三味"更抵食😂🔸油甘魚 ($17/ 2件)好大片肥美，無筋, 入口充滿油甘魚既魚油香, 唔算油膩, 我地係落單送來, 分佈好完美, 完全超驚喜! 但有人同我地分享返, 佢地食果次送來係成塊都係白色好膩, 完美主義者就建議大家係返迴轉帶到揀啦😝~ 🔸特選中吞拿魚腩 ($17)好高性價比, 未到入口即溶, 但油脂分布平均, 質感好柔軟滑身, 一樣好新鮮!🔹特選大吞拿魚腩 ($27)呢個比中拖油脂

等左足足兩個月，終於可以食到傳說中嘅壽司郎呀！今日門口都有20幾人等緊位，由於我哋預約咗，基本上可以直接入唔使等，真爽！另外裝修同日本真係一模一樣，落單係自己喺iPad度點菜，然後就會喺運輸帶度送上，非常方便，而且上菜速度仲非常之快tim!推介大拖羅，非常肥美，脂肪入口即溶好香口。三文魚腩配蘿蔔蓉都好正，上面鋪啲香蔥，入口好fresh!已經好耐冇試過喺香港食過性價比咁高嘅壽司！食完已經即刻想預約兩個月後，但係sorry兩個月後嘅Booking都已經full晒，下次想食可能都要排隊Walk in啦！

每次經過都大排長龍，online攞籌兩個月後就食得啦🤣 所以，如果唔想排既話，不妨好似我地咁試吓佢地既外賣! 不過外賣我地都等左45分鐘🤫😌😂.正所謂「期望越大，就失望越大」壽司既質素其實麻麻地，個人甚至認為比元氣同埋大型超市更一般！.📌赤蝦壽司係比較好食既一款🍣 爽甜👍🏾 其他都好一般🙁.📌甜品-原味卡達拉娜口感幼滑，但係好甜，面層有一層焦糖，脆脆的，中意甜既朋友就可以試試😬而且佢唔係特別平，所以如果用餐時間只有一個鐘，而且要排三個鐘先有得食就不了😂😂😂 如果唔洗排既話就不妨試一次！但下次有機會既話，我都會想試下堂食，睇下有無分別🤔

今次係我第三次食呢間壽司郎啦！所以我覺得今次都要寫食評！哈哈！🥶今次同前兩次唔同，係透過app預約嘅，但其實都要等勁耐，我地大概七月尾八月頭預約嘅，耐到我都其實唔記得了，都要去到宜家九月中先有位。講下今日情況啦，我地三點到，已經冇曬walk in位，好恐怖啊，竟然疫情期間依然超高人氣！🥺雖然都等咗陣，但其實係我地早到，都跟翻預約時間內可以入座嘅！就唔多講其他啦，直接介紹食物啦！壽喜燒牛排 $12呢個紅碟嘅牛肉係我第一次見嘅，冇估錯應該應該係期間限定？但我覺得呢款好有驚喜！啱曬重口味嘅人，唔洗落wasabi同其他醬，有壽喜燒醬嘅甜味之餘，薄薄一片牛肉好嫩滑，完全唔洗咬咁，加上蔥，本身已經就係perfect match。☺️炙燒芝士三文魚 $12呢碟係我稱之為壽司郎必食之一。今次我一共食咗兩碟，真係好好食，上兩次食評都講過，芝士甜甜地，炙燒啱啱好！🥺特選中吞拿魚腩 $17呢款都係必食，但好可惜今日嘅呢件有少少失準，同食材本身其實冇乜關係，係有少少解凍唔夠，變到有少少冰凍，如果我可以放多陣，應該會同平時一樣咁好食嘅！如果大家叫嘅，太凍嘅話要擺一陣。醬烤特選中吞拿魚腩 $17呢間都係我必食嘅，同

🍣講到迴轉壽司 最近大家都一定有聽過壽司郎佢主打平民路線 款式又多而且刺身都算新鮮所以佢已經開左一年都仲勁多人排隊😭每次去食 我都係揀下就三、四點個啲時間今次都等咗差唔多九個字😫希望佢可以快啲開多幾間分店🙌🏻-吞拿魚蔥花同吞拿魚壽司一定係必食之選👍🏻佢啲吞拿魚食落唔會好多筋 唔會腥之餘仲幾鮮甜兩樣都係$12一碟 除開即係$6 一件咋😍-佢今個月有個買一送一原味卡達拉娜優惠 卡達拉娜係被稱為「唔會溶嘅雪糕」既意大利甜品雖然面頭嘅焦糖脆皮幾好食 但下層蛋糕啲口感真係有啲奇怪好似食緊一舊牛油咁好肥膩 完全唔似雪糕😅可能我唔係幾識欣賞😕-我好鍾意食壽司既茶碗蒸😛佢入邊有蝦、帆立貝、冬菇、日式魚餅超級足料蒸蛋好嫩滑仲要吸收晒啲海鮮味 推介👏🏻-其他我冇特別講嘅食物味道都好正常 雖然佢冇出邊既專業壽司店咁好食 但對比同類型嘅迴轉壽司佢係我心目中一定係第一位🤣好味評分😋：5/5🌟🌟抵食指數🤑：5🌟🌟/5 🌟🌟餐廳環境 🤪： 4/5🌟🌟價錢💰：紅色碟$12 銀色碟$17 地址📍：壽司郎 紅磡黃埔天地享膳坊(第4期)地下G10號舖

咁多年黎係香港出名嘅迴轉壽司都係嗰一兩間，有本地大集團營運嘅，有台灣嘅，近呢一兩年終於出現黎自日本嘅壽司郎😍🇯🇵。由佐敦分店開始，每一日每一間分店都係排長龍。 今次係第二次幫襯，上一次喺食晚餐，佐敦分店等咗三個半鐘，等到人都癲🤯果次食完諗住要等咁耐試過一次就算，點知呢排見到人哋食嘢打卡既相搞到我又好想再食😂今次係去黃埔店，朝早11拎咗飛，2點有得食😂，等咗三個鐘，快過上次！而家嘅迴轉壽司好多都轉用Tablet 落單，都真係好方便，篤下篤下又唔小心叫咗好多🤣成間餐廳都好有日本嘅感覺，店員講吓日文有客人嚟到又會有禮貌咁講歡迎等等。幾有趣嘅係食到咁上下會有人拎啲特色甜品問你要唔要😂上次喺佐敦店反而唔覺😂特選中吞拿魚腩炙燒三文魚腩日本產帆立貝，幾大粒，好新鮮。炙燒和牛壽司，有驚喜，之前喺其他地方都食過燒牛肉壽司，感覺伏伏地，通常都好乾，點知今次嘅油脂感幾重，入口重牛味，幾好食。原條海鰻壽司，呢個個人麻麻哋，好似冇咩味咁，而且有少少腥味，普通鰻魚壽司好食啲。炸蝦卷都唔錯，炸蝦仲脆！呢個係encore左嘅鰻魚壽司😗雜錦天婦羅，呢個都幾推薦， $30唔使就咁大碟，薄切南瓜好好食😍臨走之前忍唔住叫咗一

數數吓，我應該有成年冇出去食迴轉壽司喇， 以前係元氣fans, 而家不了. 有friend早兩個月book到4 位壽司郎， 我梗係即刻搶住報名啦~ 不過之後因為正苦封關不力，俾免檢疫嘅人帶武漢肺炎病毒入咗嚟， 搞到生靈塗炭， 死咗好多老人家，呢鑊嘢真係點都補唔返，佢會有報應架. 仲搞個限聚令，唔俾堂食，要d 仲要返工既人痞街邊食飯。。。。 真係慘。 我地等呢餐壽司， 等咗兩個月， 我地唔會咁易放棄架！！！ 我地打咗去，佢話我地嘅4人訂位可以拆兩張二人枱.去到等咗陣就入得， 不過佢俾唔到兩張響附近嘅枱， 我地真係要兩個兩個咁食， 唔緊要啦， 有得食就得點餐好方便， 用tablet點餐， d嘢食都嚟得好快~ 我地後來先搵到炙燒左口魚 我以前響元氣成日食， 真係好卦住， 冇食好耐， 即刻叫咗幾碟. 其他嘢都好好食~ 食咗勁多， 飽到飛起. 呢間絶對可以replace元氣，我地下次book到都會再嚟食架~

開業一週年既壽司郎人氣有增無減，怕排隊既我兩個月前某一日好彩地預約到壽司郎黃金時間19:30，但係預約嗰日咁啱撞正晚市停堂食，不過都滿意佢有電郵安排返我係另外一段時間去食，到達後可以直接入座添😍用餐時間得六十分鐘，都真係比較趕急😂劃一紅碟 $12、銀碟 $17、金碟 $22、黑碟 $27，另外仲有一系列期間限定既，我係捉緊八月份既尾巴😎食完會覺得係連鎖迴轉壽司嘅質素，如果訂到檯唔使排隊嘅話都會再去食既，但要排隊就諗吓😚▪️ 極上厚切長鰭大吞拿魚腩 （6/10）💲12（八月限定）呢個價食大吞拿魚腩都真係幾大眾化，可惜有頗大條筋位，不但無入口即溶，仲要係韌身既添，魚味亦偏淡，唔知咁啱呢舊係咁定點🤥▪️ 蔥花吞拿魚軍艦（7/10）💲12剁得夠細碎既蓉狀，入口無筋，可惜吞拿魚味道唔夠濃烈🥴▪️ 炙燒芝士三文魚（7.5/10）💲12沙律醬加上溶左既芝士係面頭，配搭炙燒三文魚既油脂係無得輸😚▪️ 蘿蔔蓉炙燒三文魚腩（7/10）💲12三文魚腩既魚油比三文魚多，末端仲有入口即溶既感覺，不過炙燒味就唔及炙燒🧀既香濃▪️ 三文魚（7/10）💲12有薄身同厚身既選擇，今次揀薄身既普普通通▪️ 三文魚子軍艦 （6.

拖羅ok ,其他一般般.排隊不值得.Wasabi e 下要等迴轉壽司帶.其實唔好,反而食品嚟到Wasabi都未等到.員工服務反而唔錯! 好過隔離outback , 一味顧住吹水傾計.唔理客人需要.

網上訂位訂了個半月，本來充滿期望，卻有點兒失望。拖羅及牡丹蝦比較新鮮之外，其他的壽司是一般一般。第一次去到，服務麻麻地，可能太多人好喜歡吃，14:00到，但已不接受walk-in. 限時60分鐘食，60分鐘立刻提你要埋單，快食快走。食物方面，的確是某一些壽司很便宜，所以得到很多人的喜歡，可是品種不是太多，只是平價的壽司多款式，略為欣賞的是有好味甜品的選擇，新地雪糕都不錯，勝在夠便宜。可惜食吓食吓，埋單都要三百幾。如果要等那麼久才有得吃，我諗我不會再去等待。