壽司郎 (黃埔天地)

营业中

休息中

壽司種類多，有不少$12一碟的選擇，味道也比想像中好很多! 人很多，11點去已經要排隊。可惜用餐時間只有1個鐘，長一些更好。送餐速度很快，刺身新鮮，甜品也ok。下次會再試。

五月限定初夏尋味祭！尋日午飯時段大概等半個鐘就有位都算快！首推特盛帆立貝 $17 有四件帆立貝，一入座即刻柯打兩份！呢個堅係強勢回歸！記住一定要一啖放入口先有特盛獨有的震撼口感！次推炙燒牛舌 $12 牛舌夠腍，有點入口溶化的口感。醬漬炙烤呑拿魚 $12 食落唔似呑拿魚，反而似食牛肉。醬漬智利海膽軍艦 $17 被稱為智醬海膽，味道唔太濃，無咩感覺。小肌 $12唔知係咩魚，都可以食下。白鳥貝 $12 及醬漬真烏賊鰭 $12都係比較有咬口的類別，後者醬漬比較有味道。另外叫左上月豐洲祭的生花竹蝦 $27，我覺得無咩特別，即使有個脆蝦頭，我下次會寧願揀$12赤蝦。

呢間壽司店咁出名，排隊起碼要幾個鐘，真係要搵岩D日子先夠膽黎試。咁岩今個平日唔洗開工，仲唔係試下佢ge機會為左唔洗排咁耐隊，我仲特登揀3點幾4點ge時候黎攞飛，估唔到咁都要等半個鐘左右！終於等到有位啦，就即刻係咁叫壽司，吞拿魚必叫，海膽卷都唔錯，最驚喜ge係炸薯條，好食過D連鎖快餐廳，必點之一！甜品試左芭菲同芝士蛋糕，芝士蛋糕有D似蛋糕狀ge焦糖布甸，又係意想不到ge好食！所以大家如果黎到呢間壽司店，唔好忘記點佢地ge熟食同甜品，係估唔到咁ge質素ga

咁啱閒日去黃埔附近，就諗住去試下呢間壽司郎。以前食佐敦果間好好味，之後訂不到位就放棄了，幾個月後的今天，原來已經無得用app訂位, 1:30拿飛都是要等一小時，它有YouTube 即時更新排隊情況，我出了去超市逛街，回來時發現YouTube delay左🙈好彩自己早左番來。金目鯛壽司像塑膠，我實在咬不開，底的肉還印著塑膠盒的正方凹凸紋。赤蝦張相有塊檸檬🍋果隻最好味，我叫了兩次海膽不要吃便宜那種，苦的，叫日本果隻雖然份量少得可憐，起碼味道好Toro d筋多到傻，是不懂切嗎？$3xx/person, 應該很久都不會再來

自從黃埔開左壽司郎之後，我就成日走去食啦。每次經過都會見到好多人排隊，所以有時我都會叫外賣返屋企食。堂食既話，我大約食咗三次，第一次食覺得啲壽司好好味，而且啲食物都好新鮮，但係最近我食嘅時候發現佢嘅質素下降咗好多。佢嘅飯真係好散，一夾就碎晒。我哋叫咗個吞拿魚壽司，雖然佢肉質肥美，但啲吞拿魚好多筋。另外我地仲叫左海膽撈麵，諗住試新野啦。佢成個麵海膽味極濃，係唔錯既，但唔係食開既人可能會反感。我最鐘意既係佢既茶碗蒸，好足料，有蝦、雞肉、元貝，好味。希望壽司郎既水準唔好甘飄忽，改善下，唔好因為生意多左就質素下降。

我家人今天經外賣速遞order了黃埔壽司郎， 因外賣員送錯貨，令我們等了兩小時還未有晚餐。 後來速遞公司雖然重新幫我們落了order，但等了很久也未有送貨... 小朋友也餓壞了!最後，我們十分感謝黃埔壽司郎的店員貼心地為我們跟單，他們留意到我們order了兒童餐，所以估計我們有小朋友在等食物!謝謝他們 盡力為我們盡快準備食物及用心為顧客服務

上個月有一日平日放假，下午起身，落樓經過，見到冇乜人排隊於是乎即刻攞張飛等咗十幾分鐘就入得！感恩 吞拿魚 A,B,C 各一全家福！當然最貴$27係最好食！ $12蚊就。。。$27蚊：厚，色水好，新鲜，正、正、正中價，正常！一分錢一分貨！鰻魚壽司，未算差，正常嘢！有情意結嘅人都值得叫嚟試吓！迴轉壽司我嘅必食之選：腐皮壽司，玉子壽司，加州卷之類，同埋三文魚 基本上安全又飽肚蒸蛋我就覺得係超好食！裏便嘅料係好多，至於D蒸蛋又唔會話有好多窿窿，夠味！ 真心good!老實講如果唔係話好多人排隊，我都覺得係唔錯嘅選擇，起碼好過買一盤盤嘅壽司返屋企食！

想試壽司郎好耐好耐！以為人潮已過 點知都足足等左個幾2個鐘😭究竟...排唔耐隊..值唔值得呢？最推介排名！🥇🥈🥉1. 拖羅蓉軍艦 - 只係$12 食落其實只係中上 但平衡番壽司郎嘅價錢同水準 我決定將佢放第一位！2. 三文魚忌廉芝士 -第一次見呢個組合 就即刻try try 佢 估唔到又幾match 鐘意cream cheese 嘅話一定要試下 不過有小小搶左三文魚味 3. 烏冬！ 係咪好出奇呢 居然係烏冬！ 因為好夠熱 食食下壽司黎個烏冬好暖胃 同埋好香鏗魚味 4. 薯條🍟 好抵好抵食嘅薯條 同埋！好好味 雖然佢嚟係我最愛嘅粗薯 但佢表面嘅味粉再加熱辣辣嘅薯條 不錯不錯 伏 唔好叫系列 1. 海膽食落苦架 係苦架！2. 中拖羅佢黎到係鮮紅色嘅 我有小小懷疑自己係咪叫錯左吞拿魚 食苦同吞拿魚冇分別 但收拖羅錢3. 拖羅蓉忌廉芝士唔知點解咁配法又好鬼鹹😫

試過其他壽司郎店，紅磡店真係差啲。相比之下，佐敦店環境比較好，也寬闊啲，整個感覺真係不一樣。其實其他魚生都食得入口，但係$12 既吞拿魚真係唔好試🤢 舊吞拿魚成舊沙冰咁，食落去無味兼且成舊冰咁，即刻吐翻曬出黎，完全唔得🤮...之後搵侍應換左舊，雖然無咁凍但依然無味同中間凍冰冰，似係未完全解凍。都係一分錢一分貨，為左個肚都係比貴小小，食啲安全啲既。🤢另外點既海膽一樣，腥味重，奉勸大家唔好點呢兩樣。

堂食時間縮短？只有一個鐘 不過相對既等候時間都縮短左既但唔知時間縮短係咪因為我tea time 入座呢？？不過我地都食超過左一個鐘🙈仲有呢個 季節限定 肥Toro 好好食😍

同同事去壽司郎食午餐，去到果然有好多人排隊等飛，同行三人，大約等咗15分鐘就有位啦！餐廳佈局OK，芥辣係採用一包包獨立包裝，豉油都好似有幾款揀。落單都係用平板，然後會透過特定跑道將壽司送到了座位。有幾款壽司幾好，新鮮得來飯唔會太大舊。特別提一提和牛壽司， 係值得推介，肉質鮮嫩唔會韌，肉汁美味。海膽壽司不過不失，口感OK，不過海膽味道唔算太出。然而有幾款壽司就有少少失望：呢個應該係蟹粉蟹肉軍艦， 口感比較乾，唔覺得特別鮮味， 紫菜和米飯ok。下一個係蟹柳壽司，但係蟹柳太細條，亦都唔覺得有太特別嘅味道。- 大蝦壽司（呢個算係比較高價嘅壽司）略嫌蝦嘅size不太大，新鮮度不錯，口感OK，蝦頭有炸過， 但唔係脆到可以成個頭都食埋。帶子雙味， 我覺得麻麻地，因為燒完嘅帶子本身就比較乾身，紅色嗰個類似係辣椒醬， 落去冇咗食壽司嗰種感覺， 個醬都有少少搶左帶子本身嘅鮮味。不過好彩舊飯唔係大， 加埋個紫菜都OK。呢一件係我最失望嘅吞拿魚腩壽司， 係比較高價嘅壽司至一，送到過嚟我以為自己點錯咗普通嘅吞拿魚壽司，魚生肉好薄， 同菜單圖片中比較差得比較遠。 咁多人排隊， 覺得有少少名過其實，相比元X壽司，個

近來香港人對日本野呢幾個字會出現一份情感，就好似食壽司甘，希望搵到一份情懷，剛好壽司朗正正帶出這種感覺，觸動了大家的心。好多壽司店都已經慢慢退色，特別係大型連鎖店的品質更每況愈下，令到一班識食的香港人會去一啲所謂的柯媽卡些之類的日式料理，但壽司朗的出現，正正帶俾大家對日本情懷的體驗。特別欣賞佢地既炸物，入口溫度剛好，不會太油，油味亦不濃，外脆而不厚炸粉。甜品更加是必食環節，當然因應個人喜好啦！六十分鐘亦會有提示🥰

雖然取消左預約制度😅壽司郎永遠都要排長龍😨等左一個鐘先有得食⌚️ 同類型壽司店裡面 佢既價錢唔算貴💰 但係質素比一般壽司店高一點點🤣 都吸引到我回訪🤪 （個人感覺高單價既壽司反而CP值唔係特別高🌚 可以謹慎選擇）⭐️ 蝦三味 🦐每一次必點之選✨ 大蝦特別爽口彈牙 其他兩款比較普通😅⭐️ 日本產帆立貝 🐚望落去幾大粒💕 口感幾好無雪味😊⭐️ 油甘魚 🐟幾有口感的一種魚👍🏻 帶一點點脂肪⭐️ 特大虎蝦天婦羅卷 🍤蝦肉幾大 但係口感比較實😅唔夠生食彈牙⭐️ 特選大吞拿魚腩 🍣油脂比例剛剛好🤤 有半溶係口中的感覺⭐️ 牡丹蝦 🦞比起蝦三味的大蝦大隻 但係鮮味差咁D🌝 ⭐️ 極上水煮松葉蟹 🦀️同樣食唔到蟹既鮮味😅比較可惜⭐️ 蔥花吞拿魚軍艦 🌿吞拿魚調味不錯👍🏻但係欠缺肥美度⭐️ 芥末章魚軍艦 🐙鍾意食Wasabi味既就一定鍾意💞⭐️ 牛奶卡達拉娜 🍰有時覺得甜品比壽司更出色❤️ Custard 混合好香濃的牛奶味🥛 加上脆脆的焦糖🍬甜而不膩

壽司郎之前推出左超值嘅18貫分別有唔同種類嘅壽司，三件三件一組食晒18舊都只係百幾蚊😎😎😎即刻覺得性價比好高！ 貝殼類既三貫赤貝樣子肥美😋😋夠晒爽口👍🏼👍🏼青魚池魚沙甸魚三貫仲要係紅色碟， $12咋！ 你見到佢啲魚細細舊/偷工減料相信呢個就係咁多人鍾意壽司郎嘅原因當然唔少得嘅就係吞拿魚，一疊有三件，夠晒開心基本上我每一次去壽司郎，都會預留至少半個鐘walk in, 同朋友喺出邊傾吓計，時間其實都可以好快過嘅，為咗開開心心食壽司郎，等吓都值得。

又係之前預約壽司郎晚市時間，但係嗰日咁啱撞正晚市停堂食🤦🏻‍♀️然後又再安排返我係另外一段日子去食😵由上年年尾期既螃蟹祭等到今年新年有三貫祭，恢復晚市堂食就去左😀幸運地去既時候螃蟹祭仲未完得曬，叫左幾款黎試，亦都唔例外叫左三貫祭🍣不過最近打文又見佢出左春祭，真係唔知依家有咩🤣紅碟 $12、銀碟 $17、金碟 $22、黑碟 $27🤫▪️ 蟹雙味（6/10）💲22 (螃蟹祭限定)螃蟹祭都頗令我失望🥴首先個松葉蟹鉗，蟹肉太乾身，好似開完擺左好耐抽乾曬咁，入口亦都唔夠鮮味，而蟹肉味增亦乾嚡，不過呢個味道都濃既😬▪️ 深海紅蟹蟹腳（6.5/10）💲22 (螃蟹祭限定)蟹膏尚算軟滑，味道亦都濃郁🤭蟹腳相比蟹鉗新鮮少少，不過都係無預期咁滿足🤥▪️ 吞拿魚三味（7.5/10）💲27 (三貫祭限定)長鮨大吞拿魚腩 ~ 中吞拿魚腩 > 吞拿魚，長鮨大吞拿魚腩比起之前有進步，入口軟綿好多▪️ 三文魚三味（7.5/10）💲22 (三貫祭限定)炙燒三文魚腩 > 三文魚腩 > 厚切三文魚 ▪️ 貝三味（6.5/10）💲17 (三貫祭限定)海螺 ~ 北寄貝 > 赤貝，對比起其他三味好細舊▪️ 軍艦