壽司郎 (屯門市廣場1期)

营业中

休息中

成日都話去壽司郎唔係食壽司，而係要食甜品，係因為壽司郎啲甜品真係好食㗎！！！叫咗三款甜品，首先係佢新推嘅「炙燒半溶芝士蛋糕」。表面經過炙燒，上面嘅焦糖脆！下面嘅芝士蛋糕幾濃芝士味，而且口感算滑，放入口真係覺得好好味！可惜個蛋糕底係海綿蛋糕底，有少少濕，如果唔係會更好！之後係卡達拉娜，上面係脆焦糖，下面蛋糕體香！有蛋味有奶味！確實係好好食！！最後係抹茶紅豆蛋卷。成嚿嘢都好濃抹茶味！好食，只係啲紅豆唔多淋。壽司郎甜品cp值高，每次都忍唔住叫吖！

🌸♥評分(5分為最高):好味指數:❤️❤️❤️❤️🖤抵食指數:❤️❤️❤️❤️🖤回購指數:❤️❤️❤️❤️🖤❀<壽司郎限定商品編🍣🧡>兩年前係日本試過食壽司郎之後就愛上左🧡冇諗過香港都會開壽司郎🙈香港分店質素同日本差吾多😽經常有吾同既限定商品😙*以後會每2-3個月出一篇限時商品😋✿<炙燒赤鯥 $ 17>赤鯥份量幾足👍🏻算幾大塊🙈好香魚味😋感覺似左口魚🤤btw隻碟好油🥴🥴❥<中吞拿魚魚腩配醬漬海膽 $17>依個好食😋可以一試😬吞拿魚油脂豐富😋依款個海膽大舊好多😢終於試到海膽個味🥲🥲🥲❥<梳乎厘海鰻 $12>每晚最好食係依款😋海鰻好大件😃入口即化🤤同以前食開既海鰻好吾同😋一啖食曬好滿足🤩❥<特盛蔥花吞拿魚軍艦 $12>雖然吾係新產品🥸但見佢話加三倍量 要試試🥰睇個樣好似冇咩特別🤨但份量好多😍多到成個口都係吞拿魚😍😍❥<日本產烤牛肉海膽壽司 $27>見張相幾靚 就點左試試😬點知有點失望 烤牛肉好韌😢得少少海膽😢❥<炙燒半溶芝士蛋糕 $22>睇廣告係加勁多糖咁燒🤤好吸引結果有少少失望左😢雖然無廣告咁誇張但好

-🦄壽司郎 @sushiro.hk-嗚🙈好似好耐都無食壽司郎啦今次嚟到壽司郎嘅第二十回月記同時都係 @sushiro.hk 嘅兩週年無諗到 咁快就過咗兩年 時間過得真係快-不過咁 我自己覺得 今個月期間限定其實唔太吸引想食嘅款式唔多 都只係得梳乎厘海鰻一款食壽司郎個日好好彩 其實屯門店中午已經截左飛大約16:30嘅時候 我就去排吓博佢再派飛點知突然間有個呀叔 佢比咗張飛比排我前面嘅媽媽可能因為個媽媽抱住個BB 所以轉讓張飛比佢然後個媽媽唔想咁早食 所以張飛就送咗比我-變咗我最後只係等咗5-10分鐘就可以入去食諗返轉頭都真係幾好彩 本身已經打定輸數仲搵定後路 無得拎飛就去食其他餐廳Haha…-♦️炙燒赤鯥 Hkd17▪️Rating🌕🌕🌕🌑🌑-上個月都食過 所以期待值唔係好高不過今個月變咗17蚊好似抵食咗好多咁我個人覺得佢偏油膩 魚油感好重 都夠嫩滑不過就得份油膩感 無其他味道上嘅變化所以呢碟赤鯥 個人認為食一次就足夠-♦️特盛甜蝦 Hkd12▪️Rating🌕🌕🌕🌑🌑甜蝦山回歸啦 鍾意食甜蝦嘅朋友仔就要食呢個啦 因為佢只係12蚊一碟咋🤭不過都係個句啦 味道無咩特別 就係甜蝦😂♦️梳乎厘海鰻 Hk

 一位難求壽司郎 #Sushiro  #sushirohk 自從19年8月開左第一間分店呢間壽司店就長期排隊,最少等2小時先有得食,仲要限時用餐,以為熱潮會好快退點知排到今時今日,就算好多區都有分店都一樣要排隊最平選擇由$12起價錢上一直都無加價,相當抵食例如 $12款式 吞拿魚,炙燒芝士三文魚,呢D都係超熱門選擇唔可以講好鮮味,但係一分錢已經比足一分價,質素上相當滿意,起碼食落都有油香魚香唔係腥味仲有幾款都幾推介,醬燒特選大吞拿魚腩,蝦3味,厚切三文魚,甜蝦,赤貝,松葉蟹,日本帆立貝,原條海鰻魚壽司都係食過令人滿意既壽司而家有12間分店都係咁排屯門市廣場1期2樓2192-2193號舖平均消費$150評分:8/10特色:永遠都要排隊,以合理既價錢提供優質既壽司味道體驗,服務良好,態度好,只係排隊太久了

屯門市廣場呢間壽司郎可以話係數一數二排隊最長龍嘅一間，如果想晏晝食，你一定要喺開門前早半個鐘排隊，因為我早半個鐘排隊，條龍已經有成幾十人，可想而知有幾多人慕名黎食壽司郎！壽司郎嘅壽司款式其實唔算好多，但係絕對夠你食！我最鍾意食嘅就係呢個炸蔥配蝦，同埋海膽壽司！

而家屯門分店外賣只可以叫set 無得散叫 同埋無得用app order 等左45分鐘終於有得拎 其實都算快 快過堂食 點知連拎都要等😂 唔緊要 想食就要等 叫左2A+1B set 兩個人食 total 40件 款都夠既 可以過足壽司癮 但係有得逐樣揀就開心d囉 兩個set都好新鮮 setA主要係生野既 setB係火炙 鮮味好食！都無乜其他形容詞喇😂 除左鰻魚一般之外 其他都出色 佢性價比都高 呢度total $440 以好食程度黎講 好過好多其他壽司店 個飯底唔太大舊 最怕d飯太大舊 食到勁飽 佢刺身部分都好厚身 啖啖肉 期待下次再食既時候有其他壽司同食物揀啦 同埋有得網上預訂

排隊就一定好食？排隊冇問題，我大把時間，不過我真係唔覺好，第一服務唔好，第二環境嘈到爆，嘈過街市，第三食物一般。📌服務：我叫咗雪糕，雪糕嚟咗，點知完全冇匙羹，上一張枱用晒啲匙羹佢哋都唔補返，最搞笑係個店員仲叫我幫佢擺返啲匙羹落個兜度，冇病嗎？真係差到無倫！！！口罩袋，竟然提供膠袋，超級唔環保，尤其是佢哋每日咁多客人，如果因為膠袋平啲就用，咁真係太差了，每台客都讚佢哋唔少錢啦，唔使一仙幾毫都慳掛📌環境：真係嘈到爆，不論係餐廳出面定係裏面，好多嘈吵聲，全部都係有呢間店發出嚟！出面就不停叫號碼，嘈過街市，入面就不停有啲食物到站聲，登登登登，每一台都不停叫嘢食，所以登咗幾萬聲，聽到頭都暈！📌食物：平價嘅嘢只有吞拿魚比較抵食，不過最平嗰隻$12吞拿魚，爭先都優秀過佢，壽司郎嘅吞拿魚色澤靚，不過冇乜味道，淡而無味⋯⋯而且壽司飯好鬆散，唔知佢哋人手定係機整，總之就係好鬆散，食到啲飯跌晒落啲豉油另外就係啲豉油超級鹹，鹹到不得了！自家醬油，出到咁鹹，發生咩事？最後就係啲綠茶粉，個樽根本到唔出，不停塞住晒，好難倒，日本都唔會咁，起碼有隻匙羹仔！佢哋好驚人用晒啲綠茶粉？唯一值得食係甜品。但係如果為咗食甜品要

DONKI開幕第一日，三號風球+黃雨。12:09 攞號碼票～（No.381號）13:50 295號～14:05 315號～14:40 430號～使用壽司郎手機app可查閱叫號狀況🌞換句說話大約2個鐘就已經到381號啦，職員安排補飛可以入到去。職員服務有禮、餐後有優惠劵用、用具及所需用品配料應有盡有、日本日本日本日本只能不停說日本來形容身處的環境哦！$32 白桃芭菲推薦食物五星⭐️⭐️⭐️⭐️⭐️賺取印花玩公仔方法：消費滿$80一個印花。每到三、六、九，三嘅倍數：得到萌抱壽司精品（小）一個印花數目到12 ：獲得中型萌抱壽司精品一個印花數目去到24: 大型萌抱壽司精品一個。一定會再去返食推薦食物， 白桃芭菲雪糕。會再去返食。味道真好！是次人均消費大約$170。當中已+1服務費。謝謝壽司郎讓我感受到今次愉快的餐享服務體驗！

由於壽司郎每次都好多人等位，app有做緊外賣自取優惠，有八折， 於是好快拎到壽司叫左兩個一人份量既，只係72蚊一盒。一盒10件。可能拎到返屋企都一段時間，始終堂食新鮮啲。不過佢啲刺身真係幾唔錯，夠厚身。鰻魚壽司個燒味好香，而且好大塊，性價比非常高。佢地啲服務都唔錯，我遲咗去拎壽司，見到佢哋會將啲壽司唔使入雪櫃，等到客人過嚟拎，先拎返出嚟，確保壽司嘅新鮮程度。所以人好多，但佢哋啲態度都唔會好差。

屯門開左壽司郎一排，但係熱潮未退，大家係未開門一個鐘前已經排隊，呢個玩法好難搞🤯膽粗粗問下外賣等幾耐先，雖然只得指定盛盒揀，有分1~3人前，比起現場無了期等位，都算吸引㗎，所以就叫哂3款1人前反屋企食🌟A 超人氣盛盒 $88油甘魚、魷魚、三文魚、帆立貝、赤蝦、中吞拿魚腩、鰻魚+吞拿魚軍艦共8款壽司🍣🌟B 壽司郎特製盛盒 $88炙燒芝士三文魚、炙燒羅勒三文魚、醬烤鰈魚鰭邊、壽喜燒牛排、鰻魚、醬烤帆立貝、厚切燒鯖魚+炙燒赤蝦共8款壽司🍣🌟C 超值三文魚盛盒 $88三文魚軍艦、炙燒三文魚、煙熏三文魚、厚切三文魚+三文魚腩，每款2件，共10件壽司🍣試完呢3款盛盒終於明點解大家會甘瘋狂排隊，以甘平價錢食到呢個中上質素嘅壽司🍣真係好、抵、食、吖！件件壽司都好新鮮，連壽司飯都好有咬口

中午大約4:30去拎飛行一陣睇完場戲8:30左右入座第一次黎，喺門口都排咗一陣見到情況都幾混亂，有好多人堆晒喺門口入面嘅店員不斷開咪廣播，叫等位既人唔好聚集喺門口叫到聲都沙埋，其實都無乜作用⋯而企我附近亦有人唔知道已經停咗Walk in，跟左門口既人龍排隊⋯希望可以改善下等位嘅安排，喺店外告示提醒客人～應該真係太好生意，一枱接一枱見到枱面同梳化仲未清潔好⋯仲有飯粒同水漬⋯食物方面，蝦3味、烏賊、蔥花吞拿魚軍艦、炙燒羅勒三文魚、吞拿魚紫菜包、蟹膏軍艦⋯等等都中規中矩，尚算新鮮，唔會好腥好霉～可以一試鹽味牛排、魷魚拌辣醬軍艦⋯比較失色，可以skip烏賊配鱈魚子⋯如圖示⋯切得比手指尾更幼⋯牛奶味卡達拉娜聽講係必試嘅甜品，口感似雪糕，唔會太甜牛奶味好重，如果焦糖可以再焦香啲會更好總結係，唔使排隊既話先會再黎食⋯

聽到有熱愛壽司郎嘅朋友話某啲分店嘅食物質素開始有少少失守令仲未試過食嘅我都有啲擔心！不過今日去到屯門呢間分店令我可以好有信心咁講，壽司郎性價比真係超高！足足等咗三個鐘，已經餓到升天但呢嚿拖羅再將我推上天堂真係好好食！唯一要講就係塊紫菜淋咗。因為我係拎迴轉緊嗰啲。然後竟然畀我見到有我畢生至愛（之一）嘅左口魚裙邊，見到有兩款，即刻比較下，上面嗰個係腩...真係有好明顯分別，上面嗰嚿係真係入口即溶.....好味到喊然後我發覺有個凍版嘅茶碗蒸，即刻試試。面頭嘅jelly超級好食...最後試咗鰹魚，老實說呢個麻麻地。感覺唔算新鮮，同我喺沖繩食到嘅差好遠。愛上咗壽司郎真係唔知點算，因為排隊排親死。希望分店增加，都可以保持到食物質素🙏🙏💛💛

-🦄壽司郎 @sushiro.hk-好吧 到了我第19回的壽司郎月記 無錯 一個月一次今次嚟到7月限定 第1日就去咗食 試新嘢🤤不過好可惜 最期待嘅喜之次壽司暫時未有供應而另一款魷魚筒飯 亦都好快 就已經售罄 食唔到…所以今次 呢兩款壽司都食唔到 傷心欲絕 唉😮‍💨-♦️北海道產真烏賊配鱈魚子 Hkd12▪️Rating🌕🌕🌕🌑🌑本身無諗住食佢 不過我見佢明太子都好大篤我純粹比啲明太子所吸引 然後拎咗一碟試吓果然最好食都係明太子嘅部分 魷魚就麻麻地好難形容魷魚嘅口感 口感好有趣 唔難食嘅不過都係個句 如果唔係明太子 我唔會拎呢碟鬼叫我係明太子嘅忠實粉絲咩 明太子真係好好食-♦️北海道產海膽海苔包 Hkd27▪️Rating🌕🌕🌗🌑🌑其實我真係唔係好明白 每次食壽司郎海膽都中伏但係 當我每次見到佢出海膽嘅時候 我又會好想食唔知我係咩心態 一次又一次咁比機會佢…再失望-不過呢個北海道產海膽 唔難食嘅 味道一般般啦睇返壽司郎嘅官方介紹 係用咗北海道小川海膽然後諗返我上個月食Omakase都係食小川海膽兩者真係差好遠呢😂壽司郎呢款海膽無甜味雖然無苦味都無任何怪味 入口尚算Creamy嘅不過味道上真係差

話就想食壽司郎好耐都無的起心肝去等位‼️‼️琴日就10:30去拎飛🙈 等到15:00先有得食有好多款式選擇👍🏿 好多出面都無好食就唔特別講啦🤣 講d唔洗試既我地覺得吞拿魚同海膽唔夠新鮮啦三文魚牛油果卷🥑🥑🥑🥑中間仲有青瓜🤔 遮左牛油果既味同口感抵食之選蝦三味$17🦐🦐🦐一蝶有三款蝦仲可以留quota食多幾款濃厚芝士達拉娜🧀一定要食😋😋😋😋 面頭脆脆焦糖濃郁又滑既芝士🥰 好幸福

此店在屯門已開店數個月了，今天終於有機會一嘗，於早上11時排隊拿票，籌號#335，原以為要晚餐才吃到，怎知在家昅住APP時，下午三點半左右就輪到了，連忙急急腳去拿位進場食餐，可能今日是假期，門外很多人排隊，好熱鬧呀。因我們是第一次吃壽司郎，一坐下後店員便先來簡單介紹如何點餐及有什麼要注意，用餐時間是一小時及每次點菜祗可4項，我們馬上動工點菜，又在運輸帶上拿取想食的東西，出菜時間都好快，終在有限的時間完成用餐。👍🏻可能真係好多人幫襯，材料全都很新鮮。魚生小拼盆$39，可以一試，但現場另有銀碟$17，三種蝦的刺身壽司仲底食，掛住食唔記得影相添😅，大家記得試吓。食過正餐總要食埋甜點才完美，甜點實則都有很多款，囝囝說芭菲必點，但我覺得芝士條仲好食，味道非常有驚喜，$22真底食又好味，焦糖皮卜卜脆，糕身芝士味香濃又不死甜，真的好好味😋如夠一粒鐘時，電子屏幕會自動提醒的，叫咗埋單店員會過來數點及覆單價，我們走的時候出現兩條長龍，一是walk in 拿位，另一條是付錢找數，水泄不通，一D都唔似疫情期，都未話唔誇張。