壽司郎 (屯門市廣場1期)

营业中

休息中

要食屯門壽司廊，我諗短期內都係一件要有毅力嘅事。因為9:45已經排到去後樓梯啦😂😂😂😂😂😂😂 10:10店員已經開始派籌10:30營業時間 1-40號既人就可以入店，雖然電話app停止左book位，但係大家都可以透過個App去睇返輪候情況。等第一轉既食客食完，11:50左右我地就入到去。淨係等位去到坐低都要歷時2小時啊。普遍壽司都係新鮮，係點餐機有時會太繁忙而無某啲壽司點，你可以係迴旋帶到睇睇有無岩心水啊～絕對對得住佢既價錢啊！ 個人推薦有：隻燒羅勒鮮蝦醬烤特選中吞拿魚腩醬漬智利海膽軍艦北海道漬飛魚卵軍艦仲有圖呢舊有幾點芝士嘅軍艦唔記得咗佢叫咩名～都幾好食

屯門開左「壽司郎」，每次想去拎飛時，都會宣布已暫停派飛，今次我決定晨早出動，09:30到達已大慨50排隊中，等…10:30開始排籌，今次我得左🤣😂🤣61號飛🔺 12:50可入座了😅場內使用平板電子落單，再經快速輸送帶送到，我在YouTube 短片睇到就算在當時迴轉的壽司也是新鮮的，差不多時間會全毁。我最欣賞的是「茶碗蒸」❤️好滑好多材料👍🏻👍🏻其次是厚厚的魚生壽司，可能客人眾多，碟碟都是有新鮮感🥰備註：早起的鳥兒，有好野食🤣😂🤣

之前分別係紅磡店及屯門店食過幾次，但每次都是外賣；因為實在太多人等，冇耐性用成個鐘去等位，一見到多人就決定買外賣…今日我同老公都放假，諗住碰吓運氣出嚟睇吓有冇位，點知離遠見到咁，都係外賣算了…估唔到平日唔係食飯時間都咁多人😩我地去到counter叫外賣-外賣沒有得散叫自己喜歡的壽司，只能叫餐，又是一成不變的這個外賣餐牌，只有A,B,C餐：仲有個是日推介餐牌：同店員落左單後要到另一邊比錢-我地最後叫左一個A,兩個B,都係一人前size,因為二人前價錢同一人前x2其實係一樣，所以叫一人前定二人前其實無咩所謂～ 約5pm度叫，6pm先有得取，我地去行街後再來攞。返到屋企，開餐～$88有8件，大大件料及新鮮，性價比係高既；但因為實在食過太多次同一個餐，好悶，無咩驚喜；希望遲d可以比外賣散叫吧..最後食埋呢個布甸，有點「鞋」，沒有蛋香，一般般啦滿意但因外賣餐牌選擇太少，相信會再隔一段時間先再食～ 香港人真係好鬼鐘意食壽司🍣🍱🤪

第一次食壽司郎，每次都會見到好多人排隊同拎飛，如果當日冇時間真係唔好等，分分鐘朝早拎飛，傍晚先有得食，可能新開都好多人等緊，11點拎飛，1點幾先食到。第一次食職員都會介紹返餐廳文化，坐位都幾寬，唔逼。但人流太多啦，餐具洗得唔係好乾淨，呢個要改善。食物選擇都好多，單價唔係特別平，但貴啲食物質素係物有所值。同埋啲職員都值得贊既，咁高頻率既工作，啲員工服務都keep到好禮貌，呢樣真係好難得👍🏻👍🏻👍🏻非常好

經開屯門近期人氣店 壽司郎 🍣果然人氣極高，去到已經完全派完籌了⋯我唯有放棄⋯但行完一圈後又再睇下有冇可能再派籌，果然等咗一陣真係再派籌到我係760號，但限時一小時！一入去即刻睇下有咩好食，除咗可以喺迴轉壽司輸送帶嗰度攞之外仲可以自己點餐，講其壽司款式都算多，而且都算新鮮，當然點了吞拿魚、炙燒羅勒三文魚、油甘魚⋯等等不過要等咁耐先食得就辛苦啲！不過呢間店嘅服務非常一流，值得讚賞👍🏻因為顧客多，但佢哋仍然保持專業嘅態度解答我們問題，值得一讚！

小編知道屯門終於都有壽司郎🍣，當然一定要去拜訪下啦，聽人講一定要預早book位📱先可以入得到，walk-in 因為太多人而容易錯過入到去食既機會🤔。但今次小編竟然唔洗排好耐就入到去呀，期待呢間人氣日本壽司店，一試究竟✨。✦✦✦✦✦✦✦✦✦✦✦✦✦✦🎈各款刺身 雖然臨近關店，小編都想快快手試下想食既壽司，基本上款式都食齊🤩。 小編認為價錢合理，每款壽司食落都無乜異味，亦算新鮮。壽司刺身既厚度，以及色澤上，非常吸引🤤，性價比為尚可。食物質素更比起其他大型連鎖式日本壽司餐廳更好，更有驚喜😊。✦✦✦✦✦✦✦✦✦✦✦✦✦✦總結：今次食左咁多壽司雖然仲未夠喉，但價錢上小編認為都係合理同值👏。睇餐牌點餐雖然見唔係好多選擇，但基本應該有既款式當然會有，亦勝在壽司鮮美，有時多款式可能令質素下降更無謂😼。餐廳位置係屯門市廣場內，不過就行遠啲較尾段位置。如果想一試既話，小編建議都係預先訂位比較好📲，免得去到截咗walk-in👀。✦✦✦✦✦✦✦✦✦✦✦✦✦✦

佢喺屯門都開咗一排但係日日都見到佢有人排隊所以食唔到咁啱平日放假下晝三點幾去拎飛排隊半個鐘就有位啦入邊其實壽司選擇都唔多但係就夠晒平海膽拌麵🍜都幾得意除咗海膽汁仲有一舊海膽用嚟撈麵別有一番風味個人覺得佢啲赤燒壽司就一般🔥未夠火喉上面啲芝士都未溶得晒🧀赤貝壽司🍣超中意！ 夠晒鮮甜！松葉蟹軍艦🦀 $17都幾好味 除咗有蟹膏之外仲有啲蟹肉 壽喜燒牛排🥩 $12從來冇諗過佢變咗做壽司🤣不過佢啲汁真係好好味三文魚牛油果卷🥑 $22三文魚同牛油果嘅質地都好夾有種入口即溶嘅感覺帶晒成枱野買單都只係二百零蚊💰真係好抵🥺唔怪得知咁多人排隊啦！📍壽司郎 (屯門)屯門屯順街1號屯門市廣場1期2樓2192-2193號舖

雖要拎唔到飛, 8:30晚上走去排隊, 入去時9:00, 得15分鐘落ORDER, 有45分鐘可以慢慢食,必食 - 中吞, 雙螺,茶碗蒸,  飯需要比其他日本店細件, 但放落口岩岩好, 其他壽司好新鮮, 已經1年半無得去日本, 用來定下隱先, 

來自日本既平民壽司店終於入屯門比屯門牛食啦！！足足拎飛等左5個鐘 終於食到啦！果然的確物超所值👍👍👍推介： 芝士火炙三文魚，帶子，赤蝦真係好好味👍👍👍👍

試業期間去食，因為知道有超多人排隊，所以朝早未夠10點已經排，排咗個半鐘，終於第一批客人入座，壽司平靚正，性價比高，食物嚟得好快，不過佢有時間限制，1小時要交枱，但都夠時間嘅

日本過江龍壽司店越開越多分店，但依然大排長龍。新開嘅屯門店係開店前半個鐘已經有人排隊，今次等左大約1個鐘就食得😬無論壽司、小食定甜品都高質，難怪比人讚係迴轉壽司嘅首選👍🏻🔸 壽司食咗好多款壽司，當中最好食嘅有《三文魚腩》，紋理好清晰而且厚身鮮滑🤗《炸蝦、炸蟹柳壽司》炸得好酥脆，蟹柳個款仲係啖啖肉👍🏻其他壽司款都唔錯呢～🔸 天婦羅拼盤(HK$27)依個拼盤十分抵食，各式2件：炸蝦、南瓜、冬菇。上枱熱辣辣，外皮仲係脆卜卜，唔似炸定放係到個種😎出面食起碼都要$50以上啦🔸 北海道牛乳卡達拉娜 (HK$22)個個嚟壽司朗都推介必食嘅甜品，今次第一次食終於明白點解大熱啦😋好似cheesecake咁綿密，面頭仲有焦焦嘅脆面。除左原味都會推出期間限定口味，呢期就係北海道牛乳，牛乳味都幾重架🥛

等候堂食嘅人實在太多，無時間更無耐性等幾個鐘先有得食，好彩有得買外賣。有經驗9點後walk in 外賣都要等半個鐘，6點幾買外賣更要等兩個鐘。今次7點打電話去叫外賣，有得電話落單，但不出所料要等一個鐘喎！坐車返去都要一個鐘，馬上落單！去到八點半即刻有得攞！正！外賣只有指定款式的三款餐盒可供選擇，一人前統一收費$88，最大份量係三人前，件數同價錢係直接x3。三款分別係一人前會有8件嘅A餐全生款壽司、同埋B餐灸燒壽司，一人前有12件嘅C餐不同款式三文魚壽司。今次三款都試均晒，A餐買二人前，其他一人前。魚生好大舊，舊飯份量相比之下細舊嘅。除翻開一舊壽司先係$7.4至$11，相同價錢相同份量去元氣買唔到囉，仲要新鮮好食過元氣添，絕對係性價比非常之高！好抵食。

今日同朋友10點9已經到場，但原來已經要排到3百幾號籌，要等到3點先有得食。由於我哋等唔切都食咗啲嘢，所以都唔係食好多嘢。🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽炙熱芝士三文魚:唔錯腐皮壽司:正常特大虎蝦天婦羅卷:正常發揮特選大呑拿魚腩:油脂豐富，但筋多。醬烤鰈魚鰭邊：幾好食油甘魚天身： 唔錯朱古力芭菲：上面啲莓結冰，凍到我敏感牙齒🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽最後，比錢都要排隊平民壽司嚟講呢個價位都對得起佢嘅質素，希望佢可以開多啲分店就唔使等咁耐CP值🌟中

見佢新店開張，為咗感受🇯🇵日本氣氛，專登去食壽司郞，早兩個鐘去攞飛，依然大排長龍，見到其他分店質素每況愈下，即管試吓呢間新店會好啲首先派飛途中勁多人打尖，明明暫停派飛，啲人竟然自己走去㩒飛，都完全冇職員阻止，嗰個職員掛住安排入座，亂七八糟，成個門口有百幾人圍住，服務真係差，呢啲就係港式管理折騰完一輪，終於成功入坐，入面都幾闊落，即管試吓壽司質素，可能新開有日本人廚師駐場關係，非常新鮮先講吞拿魚腩，冇乜筋，超正，油分足夠反而另外一款特價吞拿魚，就冇乜魚味最好味係個蒸蛋，好香丶好鮮丶入面仲有元貝真係要食仲有隻燒帶子，雖然冇之前特大嗰隻咁大隻，但係都好味，有浸海水嘅鮮味，唔似元氣壽司嗰啲冇乜鮮味總括嚟講，新開張關係，質素好好唯獨衛生比較惡劣，而家疫情期間，竟然見到好多迴轉壽司🍣，都冇將蓋蓋好，啲食客講嘢，咪噴晒啲口水入去所以大家都唔好攞壽司帶嘅壽司比較好

壽司郎開咗咁多間分店😋但一路都無機會食！今次終於開到屯門啦！！！🪐作為一隻胃食嘅屯門牛🐮10點幾就狗衝去排隊🤣人真係好好好多🏃🏻店都未開就差唔多派晒全日嘅飛！好彩我哋拎到82號飛，食第二輪，12:45分就入到去！😊🐟新店限定嘅特大吞拿魚腩真係入口即溶，油脂感十足！😋我哋3個人就鯨吞咗29碟！🍣其他壽司性價比都算高🐠比目魚裙邊配紫蘇葉，爽口清新，好特別。火灸三文魚腩、螺似雙配都好好食😋下次如果唔使點排要再戰先得！