壽司郎 (已結業)

之前網上已經傳左會開呢間壽司好耐！個個都話正，今日一開就開刻去試下！好彩早去，所以都唔係等左好耐就入到去，初頭都諗其實好似食開果幾間，唔知有咩特別，不過食下食下就真係發現好正！全部都好正呀！又新鮮！魚又唔會好膩，食多幾舊都覺得唔會太大負擔！正～下次再黎過！

近日看youtube 看, 先知日本過江龍迴轉壽司·‘壽司郎’來香港開一間分店，其實我第一次聽這名字，完全未光顧過，只知人氣好高。看youtuber 告知可在他們的App 遙距拿票，我一試，是星期日，在12:00他們開店時間，在App 拿票，得知不能，我想是人太多故障，之後第二次開App, 無意中俾我成功拿到票，是793號！！星期日是假期，就看看如何，遙距等位好好，不用排隊。我約當日下午1點拿票，由1號票開始，我是793號，他們的App 有顯示號碼，約100個號碼一小時，即是我約晚上7點到我。在晚上6點多，號碼已經叫到6百多號，算一算應該7點有得食。6點多，我第一次去到餐廳門口，店員好友善，拿票的人記得要到餐廳報到，之後就等，等了不到20分鐘到我們了。二人是卡位，坐位很闊落，很整潔，餐具，濕紙巾，紙巾，醬油有普通的及柚子味醬油，不錯。芥末是細細包的，在運輸帶自取。點餐可在Pad 點餐或在運輸自取，運輸帶的食品很多種類，而且滿滿的，很新鮮的樣子。另外pad 點餐自取段，不用按鈕按鍵，很方便。好講主菜，力推*極上大吞拿魚腩$12 件，好好味，好新鮮，少少油甘香，入口即溶。*赤蝦$12 2件

因為網上攞飛一早就full左，所以12:15左右就去到鋪頭度排隊攞飛，No.係215。一等就等左4個鐘，4:15先有得入座開餐如果多人排隊，就會限時食一個鐘由於目前仲係試業階段，極上大吞拿魚魚腩都係$12件，必試！三文魚魚腩$17蚊2件，好抵食SUSHIRO壽司款式都算多，夠新鮮待應服務態度都好好，問佢地問題，佢地都好細心講解排左成4個鐘先入到座，要食多幾件極上大吞拿魚魚腩補返數。建議大家去食之前可以用佢地既apps攞飛先

日本好出名嘅壽司郎到港 點可以唔試下 貫徹香港特色好多人呀 試業期間12:00開店 原本諗住係app到拎籌 但預約8月9月都已經full左 要食大家要現場拎籌等啦 店入面共有44張枱全部都係2人或者4人枱 所以12:00開第一輪叫到44號 而我地就57號第二輪 1:10pm就入座 大家預計每一個鐘會叫50張 就可以預計到要等幾耐 我地離座2:00幾 聽到全日嘅籌已經派曬無得拎了壽司郎出名在於平價迴轉壽司 香港定價都算好平$12-27一碟 而且大部份都屬於$12類別 而最驚喜同最推介一定係本月推介嘅$12一碟極上吞拿魚腩同赤蝦 我地每樣都叫左4碟呀 呑拿魚腩絕對無得輸 少少根油脂未必咁入口即容 $12邊到揾呀 最正赤蝦 $12 仲要2隻 蝦size算大肉質都彈口 必食葱花吞拿魚軍艦又叫左2碟 大家要係平板電腦落order 佢會係上面嘅迴轉運輸帶真接送到 最重要係軍艦嘅紫菜唔會淋曬呀 吞拿魚蓉份量好足 都算新鮮嘅 CP超高之後都叫左八爪魚 鹽味牛排 厚切三文魚 炙燒芝士鮮蝦 鮮蝦牛油果卷等等 都叫左豬骨拉麵 整體壽司質素性格比算好高 反而卷同麵食就好麻麻 大家可以集中叫握壽司同軍艦啦 最

鍾意食日本嘢嘅香港人，呢排應該留意到有間日本好出名嘅迴轉壽司喺香港開張，就係大名鼎鼎嘅壽司郎。聽過人話開門前已經會有一大條隊，所以今日11點幾就開始嚟排隊。嚟到嘅時候發現前面已經有超過100人，排隊嘅盡頭會係壽司店嘅門口，可以拎飛，之後大約時間返嚟就可以。我拎嘅係90號飛，大約1:30入座，可以俾大家作為一個參考。等候嘅期間有店舖嘅餐單睇睇，覺得佢嘅種類比正常迴轉壽司多，而且款式亦都有較為港式嘅風格，幾期待呢！終於入到餐廳，店員會先以日本人嘅方式痞低同你介紹電子顯示屏嘅用法同其他指引等等，令人有置身於日本嘅感覺。餐廳大部份嘅設施都係自助，杯、餐具、紙巾、濕紙巾都係可以自己拎，壽司除咗可以喺前面嘅迴轉帶拎之外，仲可以用電子顯示屏落單，以我哋兩人枱為例，每次落單可以點四件，之後大約幾分鐘內都會喺枱對上嘅輸送帶度送達。介紹吓我哋食過嘅壽司啦。個人好鍾意食蟹，所以叫咗兩款蟹壽司試試。水煮松葉蟹，蟹好新鮮，冇過分嘅調味，食得出鮮甜。另一款係蟹肉蟹膏壽司，蟹膏味道好重，鍾意食蟹應該喜歡。北海道八爪魚壽司，三文魚子軍艦，赤蝦壽司，有水準。炙燒鹽味三文魚，表面燒得香脆，食落入口即溶，肉汁保存到，推薦。

而家放緊暑假，見壽司郎岩岩響佐敦開幕，而咁岩晏就要出佐敦辦事，所以一早就拉埋呀媽黎排隊試食提提大家試業期間營業時間為12:00-21:00pm，我11:25am已到左排隊，話就話平日朝早，理應少d人，但因人氣太勁，我排左一陣龍尾就已經長到睇唔到排左大概50分鐘就有位，好好睇有卡位坐，兩個人坐都幾闊落，環境幾舒服出發前有睇一d Youtuber既試食分享，我諗大部分食客都有相同目標，就係食最易回本既—$12期間限定既「極上大吞拿魚腩」！排得咁辛苦，當然唔可以錯過咁好既機會一坐底就叫左8件，每人食左4件，以呢個價錢黎講性價比超高，拖羅好有光澤同好新鮮，入口即溶，果然無令我失望其他推介有「赤蝦」、醬烤鰈魚邊壽司」、「油甘魚」、「鰻魚壽司」等等，反而Youtuber介紹既$27「醬烤吞拿魚腩」果個有d失望，寧願轉攻$12碟既「極上大吞拿魚腩」最後甜品叫左一杯$32既「抹茶芭菲」，好推介大家去試，牛奶雪糕味道濃郁（雖然可以再滑身少少），裡面既抹茶mousse同抹茶朱客力脆脆都同雪糕好夾，整體係高質！服務方面，侍應生態度好好；排隊安排方面尚算合理；上菜時間算快，但每次用ipad落完order之後要

如果想食記住下載壽司郎app,方便知道等候時間，在開幕第二天8月14日就想試試是否和日本的店舖一樣美味？大約下午一時用app取籌(提示要等120分鐘)，好運看了其他youtuber提示大約60~90分鐘就可入內進食！果然不用120分鐘，只需75分鐘就入內，如果用app攞籌就要在店外機器簽到及得一個印花(下次減5元),服務員講解用餐時間60分鐘及簡單介紹pad落單，每次落單限4款，當然要試開幕限定的極上大吞拿魚腩(12元)有些少根和算抵食，而特選大吞拿魚腩肥美，正！而赤貝正常，蝦三味的赤蝦爽脆，彈牙真鯛比較薄，新鮮海螺爽脆同時試了炙勒羅勒三文魚有芝士和羅勒香味，醬烤特選中吞拿魚腩值得一試，松葉蟹軍艦唯一缺點是紫菜不脆，最後試了鲽魚鰭邊，這壽司有魚和紫蘇葉，因本人不喜歡紫蘇葉的味道，所以剔除紫蘇葉再試試鰈魚鰭邊的味道，整體來說壽司是新鮮，值得一試！按下平板結賬，服務員迅速過來點算各顏色碟，他會重覆颜色碟的數量，記住認真看看，因本人發現其中有錯和指出，服務員隨後作出更改，然後往外結賬！最後會派壽司印花卡(滿80元就有一個印花),而用餐環境及衛生乾淨！

期待已久既壽司郎終於係香港開啦！之前去日本旅行已經食過，又平又好味。知道佢係香港開，急不及待第一時間去試。 屋企人預早去左拎飛，人頭湧湧。佢地拎飛既時候見到顯示預計等2小時😱，好彩佢地提早去拎。 壽司郎既價格分4個，最平$12，最貴$27。當中有一碟2年或一碟1件。比起日本食多數100yen貴左少少，不過香港咩都貴，呢個價錢我覺得合理。 新開張有3款壽司做優惠，大吞拿魚腩1件,赤蝦2件, 三文魚腩2件都係$12。 大吞拿魚腩十分美味, 我地不停encore。壽司款式選擇多~以下幾款我比較鍾意食:$12大吞拿魚腩、蔥吞拿魚腩蓉、蟹膏軍艦、$27既特選大吞拿魚腩、日本真鯛、醬烤日本產帆立貝~~熟既壽司亦都有好多選擇，連唔食生野既媽咪都食到好飽。極力推介原條海鰻壽司, 大大條係$27。記得之前食過另一間日本過江龍既壽司店要$78。不過呢種做法未必人人鐘意, 其中一個屋企人覺得太淋, 冇烤得好香既味道, 佢比較鍾意極上鰻魚。另一款推介既係鯖魚押壽司, 以前係日本旅行食過一次就愛上左，係香港好少見到有得食~正~有一款鹽味牛排，做壽司好似怪怪地，即，管試一試，實際係似調左味既肥牛，但又意料之外幾夾

-🦄壽司郎-原條海鰻 Hkd27Rating🌕🌕🌕🌕🌗海螺壽司 Hkd12Rating🌕🌕🌕🌑🌑生拌三文魚軍艦 Hkd12Rating🌕🌕🌕🌕🌑醬烤日本產帆立貝 Hkd22Rating🌕🌕🌕🌕🌘蔥花吞拿魚軍艦 Hkd12Rating🌕🌕🌕🌕🌑赤蝦壽司 Hkd12Rating🌕🌕🌕🌗🌑鹽味牛排 Hkd12Rating🌕🌕🌕🌑🌑蟹柳沙律醬 Hkd12Rating🌕🌕🌕🌗🌑甜蝦軍艦 Hkd12Rating🌕🌕🌕🌑🌑蝦三味 Hkd17Rating🌕🌕🌕🌕🌑三文魚卷 Hkd17Rating🌕🌕🌕🌗🌑炸蝦牛油果卷 Hkd12Rating🌕🌕🌕🌕🌑日本產帆立貝 Hkd17Rating🌕🌕🌕🌗🌑赤貝壽司 Hkd17Rating🌕🌕🌕🌕🌑茶碗蒸 Hkd19Rating🌕🌕🌕🌕🌑特大虎蝦天婦羅卷 Hkd27Rating🌕🌕🌕🌕🌑叉燒壽司 Hkd12Rating🌕🌕🌕🌑🌑竹輪天婦羅烏冬 Hkd27Rating🌕🌕🌕🌕🌑-壽司郎都係我係日本其中一間 好中意既迴轉壽司店又平又好食款式又多 發夢都冇諗到佢竟然開係香港開幕既第二日終於比我食到😆😆😆如果即場Walk in至少要等150分鐘😱好在我係手機預訂左位😂然後

下午三點去到，見walk in 都無得派籌！亦無法即日網上預約，管理員話網上預約最快要9月中，無任何公告，千里遙遙黎到乜都無，差勁的安排！同場見到好多人都無得食，令人失望！

第一天開張試吓先，一定要試新張優惠大吞拿，真的大件夾好食，而其他的壽司都很新鮮，比同類型低食而且質素都幾好，但選擇性唔多，留意進食時間只有 60分鐘，如要慢食就唔係好合適。