壽司廣廚房 (已結業)

一向比較少來到沙田，因為本身不是住近東鐵線，不過，今日罕有地去了沙田大會堂，看了表妹的演出。看完表演後，便和她去了沙田城市廣場吃晚餐，原來這裡有很多餐廳食肆集中在6、7樓。表妹想吃日本嘢，我哋就去了壽司廣。餐廳都幾大，客人很多，店員、廚師都非常忙碌。今次由表妹發板，無見佢一排，原來佢嘅食力增強咗，佢叫咗一個set (可以有不同配搭)、一個雞肉烏冬、一個鰻魚手卷、一個軟殼蟹手卷、可樂和巨峰乳酸。個set有一份前菜。其中的魚籽豆腐的魚籽卜卜脆，豆腐滑溜。一份三式刺身，包括油甘魚、吞拿魚和三文魚，表妹非常enjoy。一份什錦天婦羅，新鮮熱辣炸起，炸漿夠薄而且香脆。燒牛扒，幫我哋切開，食起來幾方面，味道唔錯，又夠腍。照燒銀鱈魚，魚肉質好嫩滑，個汁醬好惹味。個雞肉烏冬呢，就好大碗，清底幾清甜，同埋有芝麻香。烏冬就帶點煙韌，都幾好食。再來嘅係鰻魚手卷和軟殼蟹手卷，非常足料，鰻魚一大塊，軟殼蟹亦唔細隻，紫菜依然是脆的。呢兩個手卷，完全滿足到我表妹口味。兩杯飲品分別係可樂和巨峰乳酸。表妹都幾識做，讓我飲巨峰乳酸，酸酸地，幾易入口，好好飲的。今餐當然係我找數啦，表妹應承第日畢業出來做嘢，一定會請我食飯，

北海道壽司 $200一客十件的壽司，件件都新鮮精神。有赤身、油甘魚、三文魚、帶子、吞拿魚卷、海膽、三文魚子同埋鱈魚白子，再外加兩件玉子。其實單單是紫菜包的三件都起碼百二蚊，呢個 set , 認真超值。當中最特別的，是最尾白色果件鱈魚白子，係北海道冬日的季節食品，並非一年四季都食到。屬於高價食材，竟然响一 set 壽司盛合內找到，超級驚喜。鱈魚白子口感滑漏細膩，味淡不腥，略略煎過帶淡淡焦香，一小片已經令人回味無窮。想試的快快去，時令食品不等人。豪華套餐一人前 $280一 set 大大小小連飯連湯有成十款食物，真係幾豐盛架 。有兩款精緻前菜，分別是魚子豆糕和芝士 。三點刺身吞拿、油甘、三文魚各兩件，而且夠大片有口感。尤其吞拿魚，真的美味可口，有樣你睇，高質素 non cheap 野 什錦天婦羅有四件，包括大蝦、魚鮫位、南瓜同茄子。好欣賞佢的炸粉夠薄又夠脆。唯一扣分位係附上的蘿蔔蓉唔夠「辛辣」，否則就可以更加辛香美味。個人覺得呢點很重要 ！照燒銀鱈魚平時食銀鱈魚，就算是 lunch set 都閒閒地過百，而且還不一定係靚品種，所以已經很久沒吃了。呢間一人餐有銀鱈魚食，當然咪執輸。銀鱈魚是細片

因太想吃日料理，因此跟同樣大愛日本食物的同事一起到沙田刷一刷滿足一下月尾快被榨乾的自己。餐廳在新城市7樓，因此用餐時不會覺得吵。很乾淨極整潔利落的日式感覺。午市可挑選的款式比想像中多，由最便宜的$70至$180的套餐都有。任君選擇。因同事大愛壽司，所以選了特選壽司御膳$180，共11件壽司，跟兩塊甜蛋。還有茶蒸碗與味噌湯，及一杯餐茶。茶蒸碗嫩滑的，味道不錯。重點是魚生都挺新鮮，所以吃得很滿足。我的是特選海鮮丼御膳$180，上邊是滿滿的魚生嘿嘿嘿。當然也有茶蒸碗、味噌湯與餐飲。魚生都鮮鮮的，特別是吞拿魚，入口後很快融。中午來這裡環境很不錯又能暢談不會覺周遭太吵鬧。套餐有平有貴就看大家想怎選。

趁住一年一度百貨公司大減價，今日就左沙田，打算掃平貨。但都要醫下肚先有力搶平貨嘛。就揀左壽司廣。Lunch set 有壽司set , 刺身定食 或者刺身丼。自己偏好壽司，就揀左特選壽司御膳。1set 有12款壽司，當中有至愛嘅帆立貝，油甘魚同海膽。每款壽司都非常新鮮美味。飯嘅大少都適中，亦唔會太實太適，食得出係新鮮手握，而唔係整定雪左好耐嗰啲。另外，朋友就ordered 壽司廣御膳。呢個餐滿足哂食不同日本食物嘅願望。有刺身，天婦羅，亦都有燒魚。刺身同壽司一樣，十分鮮甜。份量亦十足，總共都有六片，而且幾厚切添天婦羅炸得非常香脆，個炸粉十分薄，唔會食到成口粉。燒魚水準亦唔差。set lunch 亦包埋茶碗蒸。蛋蒸得非常細滑。總括來說，壽司廣的水準合格以上，會再來幫襯。

昨日行沙田新城市廣場，行下行下已經到了晚上，是時候要尋找美食。在這個商場壽司廣最為吸引，因為是正宗的日本菜，以前去日本旅遊時曾經見過這餐廳，所以我們決定入去享受一下日本美食啦 ~餐廳裝潢雅緻，以簡約時尚風格設計，多數以卡位為主，地方寬濶，整潔舒適，感覺悠閒寫意！餐牌上，多款不同類型的選擇，壽司廣海鮮杯、壽司、日本和牛、海鮮丼、蕎麥麵、烏冬、日本產黑毛和牛奄列、甜點、飲品等，各式其式，很不錯。天婦羅蕎麥麵 (熱)    $160薄薄的粉漿，炸得脆脆的天婦羅蝦 🍤，蝦肉鮮甜，沾上天婦羅汁更美味，仍然鬆脆可口，太惹味！大大碗蕎麥麵，湯底清甜，蕎麥麵條滑嘟嘟，不會煮得過淋，爽口清香，好吃！日本產黑毛和牛奄列 (附西湯)    $170黑毛和牛肉質味濃厚，軟淋不韌，入口嘴嚼幾下即化，牛味豐郁。帶少少酸的醬汁，越食越開胃，與蛋和飯很配合，喜歡醬汁香濃而且份量頗多，非常美味！這個是附送西湯，以多種蔬菜熬製而成，味道清甜而不膩，飲完感覺很舒服，不錯。抹茶朱古力蛋糕     $60抹茶甜品是我最喜歡吃的，這碟賣相已經很吸引，有抹茶蛋糕、抹茶雪糕、日本紅豆蓉、什果、忌廉，抹茶甜點香濃四溢，口感豐富，帶少少

沙田新城市有好多餐廳，但人永遠多過餐廳嘅數目，夜晚要搵個地方食飯都排硬隊🤦🏻‍♀️ 呢間野唔算多人排，食完終於明點解，因為真係貴夾唔抵，食物質素極極極麻麻，唔會再去🤦🏻‍♀️先講價值$340嘅丼飯，呢個價錢高過好多丼飯專門店一截，本身好高期望，但食落發現刺身擺明係啱啱喺雪櫃攞出黎，根本都未溶好雪。特別係啲吞拿魚，根本就有雪味嘅🤯個鯖魚箱壽司又係，雪到硬左，好似一舊腥腥地嘅擦膠！！🤬🤬🤬收百二蚊嘅蕎麥麵佢都夠膽死，我番屋企煮麵好過！

去沙田做野，順便約朋友食lunch.一早知道壽司廣有間分店係沙田，今次有機會試下啦。朋友叫左特選壽司御膳目測材料新鮮，朋友話味道唔錯我就貪心d，叫左兩味迷你丼，可以試2款。首先食茶碗蒸先，十分滑，有蛋香，好好味！見到碗葱呑拿魚腩碎丼，即刻心心眼😍雖然話迷你，但份量都唔少，吞拿魚腩碎堆到滿滿，好正！之前係其他地方食過d呑拿魚腩碎好少，要慳住食，今次可以大大啖！壽司飯醋味調較適中，夾埋一齊食無敵。兩味迷你丼 - 牛扒丼對比起葱呑拿腩碎就失色左少少，但味道都錯。魚頭湯比我想像中大碗，魚頭又多，仲有好大舊肉。味噌湯+魚頭，都飲到清甜味道，唔會過咸。最後有咖啡或茶。整體黎講好味，環境又唔錯，坐得舒服唔迫。

完全沒有銅鑼灣的水準。吃了一個十分失望的北海丼。難怪為什麼不需要排隊和等位。 你們是屬於同一個集團的嗎。性價比低。 沙田的居民也不是有要求的。請不要隨隨便便過來開分店啊。

茶碗蒸好足料 有成條蝦係裏面！如果坐師傅前面 佢地會問你要唔要芝麻/wasabi 等等至於塊和牛，啱啱好5成熟 有肉味 個汁亦好match 唯獨個人認為薄身左少少 不過$460黎講係值得一試！有兩款海膽 一款係韓國($50);另一款北海道($90)可能因為北海道貴啲 所以佢俾多啲少少但呢款就冇乜味 相反平啲個款有海膽個陣腥味 （絕對唔係變壞！！) 而且比前者更creamy。

點了甚麼貴的一人餐 有刺身幾片 煎銀鱈魚 牛扒 前菜小沙律 白飯 天婦羅.. 刺身正常但不特別讚 魚還可以 牛扒慘淡過茶餐廳那些 又乾又un .... 甚麼和牛還是日式甚麼牛蛋包飯。 牛腩跟我下午茶餐廳食差不多 汁太濃太咸 整體就是...不好吃 食剩1/3 ...壽司拼盤試了個$200 一般般...不見特別鮮... 整體就是 我不會再來 因為價錢過貴又不見有質素 下面居酒屋上星期食貴六七十 同樣跟父母食 佢地都讚好多 下次翻食果間好過 果條$170蚊銀鱈魚 我牙痛的老爸到今天還在讚...怪不得果間咁多年...btw 廣咁既價錢 啲枱係好輕身郁黎郁去 一踢就郁果啲 令人感䑁好渣....

夜晚同屋企人一行五人去沙田新城市食飯，就揀左呢間日本餐廳。見到佢有個二人餐都幾抵，就決定叫一個餐再加其他壽司同麵。有豆腐前菜、沙律、什錦天婦羅、白飯、麵豉湯，然後我地再揀左燒銀鱈魚同燒牛扒。銀鱈魚燒得好香，食落去肉質相當唔錯。牛扒味道同肉質就普通。天婦羅都好食，炸蝦爽口，菜類都炸得好脆。另外叫左個壽司拼盤同牛肉烏冬。三文魚壽司非常好食，厚身得來有啲入口即溶既感覺。帶子同海膽壽司就普通。再叫多左一個牛肉烏冬，有少少失望唔係用日本讚岐烏冬。飲品叫左一杯巨峰提子乳酸，都幾好飲冇咩藥水味。整體而言食物味道幾好，建議叫翻二人餐會抵食啲。

星期天約了兩位遊香港的外藉朋友午餐，他們下午想去萬佛寺所以就乾脆約在沙田了。給了他們幾個選擇，他們選了日本菜，但一個想吃刺身，一個一定要熟食 (笑)。逛着逛着上了沙田新城市廣L?，很多食肆那一層，朋友見Sushi Hiro沒有人排隊，就說，"不如就這一間吧不用等位"。其實我當時心裏很師奶地想，"間間都咁多人得呢間無，又唔係平，好伏噃好似"。不過既然朋友選了就隨性一點吧!店內食客真的不是那麼多，我們坐下來的時候附近幾枱都是吉的。由於外國朋友不太懂相機食先這個concept，我今次就沒有拍他們的餐了，只拍了自己和男朋友的，今次的相片有點光抱歉喔。喜歡吃生的我點了個Sushi set 上級壽司御膳 (HKD$120)，跟餐來的茶碗蒸質素平平，基本上跟元氣的一模一樣。男朋友叫了個日本產黑毛和牛奄列飯(HKD$170)，跟了個沙律，也是不過不失。我的sushi set是令我有點失望的，可能因為這裏的價錢不便宜，我對食物的質素也有高一點的expectation 。可是sushi上的刺身也不是特別新鮮，有些更有乾身的感覺。而卷物內的三文魚和北寄貝切得非常碎，咬下去的時候都散在口中，口感實在是怪怪的。

我一向都有光臨此集團在銅鑼灣同名分店，今次有事到沙田，在OpenRice找到此店，特來光臨，心存很大寄望。不太明白為何加了「㕑房」在店名尾，有點畫蛇添足。是因為此店比銅鑼灣店面積大，定位有點不同，價錢亦有所調整，所以特恴加了「㕑房」兩字？ 我想客人不太理會。 我反而在意為何星期日繁忙時段卻沒有滿座的情況，因為我不是沙田人，若見到不滿座會直覺認為本區人仕已表達了他們的意向。我們叫了北海道丼 $250 和北海道壽司$200。前者份量不大，而兩道菜的魚生或壽司質素都是一般，不知是否地方不同感覺就變得不同，銅鑼灣店的午餐感覺做得比較好。今次光臨打了折扣，有點可惜，因為對銅鑼灣店都扣了分了。

今日朋友生日黎左呢間日本餐廳試下🎂 刺身壽司，火鍋，每樣都叫左d試下👍魚肉質感幾好，唔係原存入口即溶，但係魚味夠，整體算高質😊😚本身對鯖魚無咩好感，覺得佢會腥，點知呢個壽司有驚喜，唔腥，味道都好好👍👍係個樣特別d😂中意食龍頭嘅，呢個必點! 😲焗飯嘅調味同龍蝦好夾，而且龍蝦肉好鮮甜，煮得剛剛好🤩😍不過不失，牛肉幾新鮮架☺甜品叫左個焦糖香蕉frenchtoast食到好飽，都要叫甜品😂 French toast 整得幾好，焦糖有d 太甜，好彩有雪糕補救，但係我覺得可以再食嘅👏😎整體食物質素高，環境幾高級，有少少偏貴，慶祝食飯都係唔錯嘅選擇😋🤗💁‍♀️

前日同老公同好朋友一齊去新城市shopping，一早已經plan 左去呢度食飯。行到身水身汗，當然要叫凍野降溫啦🍹🍀白桃梅酒係期間限定。我自己酒量唔高，飲落去唔會太嗆，桃味嘅份量亦啱啱好👍🏻 好好飲，好想再叫一杯但被老公阻止因為怕我醉😝🍀蔥吞拿魚腩碎份量唔算細，我哋幾個人，每人都可以食3－4次，食過番尋味，已經同老公講下次一定要再叫呢個😋🍀吞拿魚刺身後來見蔥吞拿魚咁好食，跟手追加咗呢個吞拿魚刺身，果然無揀錯，當日嘅吞拿魚好新鮮，尤其係吞拿魚腩，肥美小筋但不油膩，正呀👍🏻🍀鵝肝pizza朋友見呢個幾特別就叫嚟試試，一上碟已經聞到陣陣鵝肝味，令人食指大動，即刻襯熱食先。雖然拎起塊pizza 後，見到碟上面好多油，點知食落去又出奇地唔油膩，pizza 邊仲勁脆口，鵝肝味好香濃，幾個人食絕對抵食呀！🍀龍蝦焗飯賣相好精緻，對佢有d 期待，唔單止無令人失望，直頭喜出望外，龍蝦味濃，成隻龍蝦賣相已經精緻，龍蝦汁同飯非常夾，食完一啖又一啖停唔到口😆🍀焦糖香蕉吐司甜品時間到喇，老公唔食甜野，朋友揀左呢個吐司嚟試。個多士嚟到時仲係暖㗎，而且食落有淡淡牛油味，配埋焦糖汁，成件事恰到好處，好香但唔死甜，非常好