壹．咖啡店 (已結業)

油麻地想搵野食其實好多今日去依間都可以去試下先講環境，佈置設計都幾特別可能下午茶時間人流都算多安排左搭枱侍應只係放低餐牌依家好多餐廳都唔再放杯水我同男人去食男人叫左兩個餐再各自叫左杯飲品侍應問我地係米一齊既我諗左陣到底個侍應想問咩距係想問兩個餐share定係真係覺得男人想要兩個餐，而我叫一杯飲品，再分單？理解唔到侍應既問題叫左個西多士好食！新鮮炸出泥外脆內軟加埋朱古力醬咸中帶甜另一個係白汁意粉熱騰騰上碟芝士味濃餐飲叫左熱朱古力（+$5）同凍檸茶（+$2），正常但用膠匙，美中不足

「一定要睇！」見近近地有間裝修幾靚就入去試下一入到去 侍應傾計 自己揀位坐睇餐牌唔夠5分鐘有侍應行黎問食乜問有無其他小食加 佢照讀餐牌上4款 都算仲要話 咁喱d就係主菜喱d就係價錢啦fine.我知我望落係小朋友d 但唔洗咁mean？好似當我第一日出黎食飯咁首先黎湯 麵包同沙律 擺置唔錯 可惜侍應唔夠力 要幫手落枱個湯溝水得黎係未搞勻嘅 另附毛一條麵包硬得黎又唔熱沙律因爲有芝麻醬掩蓋 係ok嘅叫左2個小食 分別係西班牙辣雞&法式田螺個辣雞炸粉多過雞 西班牙辣到苦田螺ok嘅 不過係唔熱嘅跟住就黎個主菜板石燒 粗黑椒極品牛柳粒配珍珠飯香煎鵝肝牛柳伴黑松露汁配珍珠飯珍珠飯變左紅米飯 似中小學飯商戈d飯咁不得不提 牛柳粒一食落口就知係佳寶貨 一咬d鹼水味出哂黎 連女朋友平時食開茶餐廳d黑椒牛柳粒都話好難食個松露汁一食就好怪 一路都唔知係松露汁 到後尾睇餐牌先知舊鵝肝係苦嘅 苦到我唔識形容女朋友話最好味係舊翠肉瓜本身有特飲 由於太伏都係唔好蝕俾佢 嗌熱飲算 無乜特別 係倒瀉侍應態度真係差到頂點由一開始下馬威到last埋單thank you都無 乜都無講 埋低攞走番黎完。食過咁多餐廳 從未有一間好到

這家咖啡館是理工專上學院學生必經之地，每次中午都吸引唔少人黎。對於一個學生而言，雖然價錢方面唔算平，都比附近貴，但係質素絕對做到十足。我午餐同晚餐都有試過，今次經過就去試埋下午茶。沒想到這裡的下午茶比起午餐晚餐抵食得多，2個人叫左兩個都系100蚊左右。先說三文魚粒意粉，同午餐的焗飯味道上有分別，焗飯是白汁，但意粉就轉成了茄汁，而味道上依然可口。重點就是這裡的西冷牛排超抵食，都有成手板咁大咁厚肉。晚市食的話，餐廳外餐內都起碼要100蚊以上，但是現在下午茶吃，差不多半價，仲有埋薯菜配送。而且還可以按自己想要的成熟度而上，絕對是超抵讃。

暑假期間帶阿女和同學仔一行四人去吃下午茶，大家都好期待吃雪糕窩夫。之前嚟過好幾次，都賣晒，所以今次就持別期待。我地一坐低點菜，又喺賣晒！唯有選其他喇。二大二小就點了兩個下午茶餐，女待應（較成熟的那位)就臉色一沉，同我地講：點兩個餐？你地D細路唔駛食㗎？（註：當時不是滿座）我和家長朋友立刻沉住氣，沒回答。最後我地有共識：此餐廳冇下次老實說：只店食物質素0k，但服務態度就要改善

放工後抱著平常心到了這家餐廳，初時不為意服務員的有禮，但客人一批批的進來，服務員的態度使我好奇起來，他們不是一般的服務有禮，而是使人感到溫暖的有禮，他們由帶客人入坐，到客人選擇食物，都是用心細心服務，這一切都叫人意外，非常推介一試

一星期一度同同事出街食lunch 嘅Happy Friday 又到啦！今次就試下之前行過覺得門面幾靚嘅壹．咖啡店試下啦!（上次行過嗰陣同事同我地分享過佢試過食食下成間舖停電啲燈熄哂嘅經歷.........好彩我地食嗰陣一切順利。）我地今次一行三人，去到嘅時候（大概１點）全場滿座，所以都要喺門口排左６—７分鐘，先有位安排我地入座，好彩佢門口有大大個餐牌，方便有選擇困難症嘅人預先諗下食乜。午市套餐有廿一個選擇，平時係選擇困難症重症患者嘅我今次居然冇病發！我嘅靈魂一早就俾806芝士蘑菇釀雞翼蛋包飯攝走左啦！！見到有釀雞翼真係覺得好驚喜！釀雞翼要拆骨咁麻煩，居然喺lunch都可以食到，真係不得不支持下！（店員都喺落單時特意提醒呢個餐要等得比較耐）落完單之後首先黎左熱檸水，白湯同蒜蓉包，白湯質地太杰啦，再杰多少少就變意粉嘅白汁架啦！同事們飲左幾啖已經覺得好飽....... 味道就冇乜特別啦.......蒜蓉包烘得唔夠脆，味道麻麻......檸水就當然唔係驚為天人嘅O水啦，不過我覺得個枱面幾靚所以先影低。等左15分鐘左右，主菜終於黎啦！芝士蘑菇釀雞翼蛋包飯的賣相唔錯，可惜蛋就有點過老，所以食嘅時候

前日同老公喺油麻地行街shopping,行完都唔知喺邊度食飯好，點知見到間門面唔錯，價錢ok嘅餐廳，咁我地就沖左入去食我地嘅晚餐。。呢間餐廳真係不得不讚，服務態度非常好，知我地有好多物品（啱啱shopping完），一有大枱即刻轉我地去坐，等我地坐得舒服啲。。好窩心！食物價錢亦都唔貴個餐仲包埋 餐湯 蒜蓉包 沙律 飲品我同老公都揀左羅宋湯，好足料，沙律啲菜都好新鮮。。。仲可以加錢有兩份小食，我同老公同都揀左田螺，個田螺嫌為乾左身少少，不過以$3x價錢有兩份田螺，已經好抵食我就叫做份“鹹豬手”真係好好食，個皮好脆，豬手又唔會太肥，唔會覺得好油膩，我第一次可以自己食哂份豬手！我老公就揀“鐵板肥牛飯”好香胡椒味，肥牛唔會太老，好食！

油麻地係一個乜人都有嘅地方，夜晚更加熱鬧。係一個咁熱鬧嘅地方，想搵一個可以安靜下嘅地方唔容易，今次就搵到。好耐之前係太子食過，個陣無乜特別。今次行入去，朋友讚得好好，環境好舒服，用嘅枱同上面嘅磚都好特別，亦唔會望到出邊係咩環境。座位唔算多，但夠獨立，唔會坐得好迫。我地坐咁耐都無趕我地走，由得我地傾計，用嘅歌都係柔和歌，食落都舒服。上菜算快，我地叫哂4款前菜，可以encore嘅係田螺同薯條，其他兩款就無咁特別。主菜方面，味道都算ok，偏淡啲。我地叫咗bbq汁豬仔骨，芝士釀雞胸，卡邦尼意粉。豬仔骨肉感可以，雞胸點芥末醬，唔會搶啲肉味，卡邦尼就偏啖味啲。配珍珠米即係有紅米飯，叫做健康啲。食物唔算特別出色，環境同服務都有叫加番分，可以俾你傾計傾得舒適就ok，油麻地嚟講算係咁。

今日兩個人叫左3個tea set,pizza即叫即焗，意粉薯菜都好熱辣辣裝修好有氣氛，幾復古野食黎得幾快，我唔小心跌左電話，店員好好人幫我拎翻出黎，再次感謝店員既幫忙

星期六/日都會跳舞做運動，通常活動地區都係旺角/油麻地，今日已經第四次去kitchen one cafe食，記得年幾前第一次去係食tea, lunch都有食過，頭2次既相已經搵唔返，電話實太多相啦，放返上次tea同今日dinner既相啦店內唔算太多枱，次次好彩內坐後先人多排隊，店內員工好親切，邊個會鍾意入黎消費，仲要比人罵去受氣（細個係澳牛附近讀秘書，以後都無幫襯過），野好食，價錢唔貴，推介晚餐既德國豬手，暫時未搵到第二間$138咁平餐湯/蒜蓉包/沙律一齊上，好精緻，好多食客都影相呢，今日我叫左“煙三文魚白汁海鮮天使麵”淡左少少，都好食既，本來想叫芝士雞卷配薯菜，不過賣晒，男友叫左“鐵板牛柳粒飯” 佢話個汁撈飯好好味，本來佢想叫鐵板肥牛飯，但諗起好似叫過牛肉太老，因為鐵板令牛肉過左火，呢頭講完，就有食客話太老食唔到，呢個菜單真係要換啦！pepper lunch我唔比comments 基本上叫咩我都覺好腥，單食個汁既味同填包個肚

和朋友吃了薯角, 即使仲有幾個位, 無人等侯, 伺應好似好想你快 D 走, 行過見碟野未清得晒, 一手收走, 一次係咁, 兩次都係咁。 要大聲叫佢放返低，問清楚客人係咪唔要先好擺走! 黑口黑面勁趕客!

約8時途經，抱著冇乜驚喜入店。初嘗店內食品，瞬間有驚喜!無論在價錢及食品水準都值得一讃!侍應們發揮小店待客親切態度!值得再試!唯恐再次光臨冇位，因店內位子少都逼!不能久坐食完即走!店內及枱面設都值得—讚!眼睛舌頭同様享受!

第一次與友人來這裡，見門口有很多介紹，所以入去一試。有一位成熟短髮女待應(看似經理)招呼我們，但態度勁差。她: 你地等陣要坐埋一邊……(明明sun 2pm 冇乜人)我: 一陣間會好多人？她: 我唔知，但講定先，費事你話我冇講！我們: ……食完主菜，想叫下午茶" 紅豆綠茶窩夫"作甜品。因朋友不吃紅豆，所以……我: 紅豆可否放旁邊，不在窩夫上？她: 人地嗰甜品係咁整架喎！明明紅豆衹是放上去，點解不可放在旁？！D野幾好食抵食都假，今時今日咁既態度……

下午茶時段，見餐牌上都多選擇，但原來一切都是幻覺。等上半小時都沒有東西來，只有飲品，只是叫了西多士及薯角，服務態度又差，明明有枱又話師父落場要食飯，但成个鐘都唔見有人坐，師父落場咁唔好做生意啦！等了40分鐘先話電腦壞了轉手寫單，又唔同客講，最終要發脾氣唔要埋單，个後生女待應仲要話而家咪你叫左乜囉⋯⋯串到呢⋯⋯⋯經理見到全場坐滿人，但一份食物都出不到，都沒有主動看看發生什麼事，危機感零，處理能力差，价格一般不是特別抵，但要俾錢受氣，我一分錢都不想俾佢。要試的人請想想，是一間要受氣的餐廳

Attracted by the decor. Came in for a quick bite. Had the dinner set with lamb chop. Set came will salad, cream soup with garlic baguette, and coffee. Pleasantly surprised with the food quality which at the price I would rate a 4. Portion a little small for youngsters. Salad dressing is pleasant. Soup tasted ok but should be hotter. Lamb chop cooked just right with good flavour. The tomato slice would be better if pan fried like the zucchini. Fried potato well prepared, Just cooked but