影片
呢间铺头我呢2年都去过几次，今日心血来潮约朋友去食lunch。之前觉得d野食不过不失，水准都有时唔稳定，但有时经过又想食返，西式得黎价钱又大众。 不过今次真系好嬲啊，我同朋友2人好早就黎，个阵午市刚开始，周围冇咩人，所以一开始都系坐住4人位，食到一半，waitress 叫我地都坐一边，我地照做，因就繁忙时间，我地都明，不过后尾d人就系甘走，成个场走左一半，我地对面继续都冇人坐，又冇人等位，到我地差唔多食完，终于有人坐系地对面，几分钟后就叫我地埋单，话有人等紧位，好，冇问题，俾左张单我地，甘我地都要拎钱出黎，我拎张100蚊放左系枱面，朋友都要拎钱出黎，一分分钟都唔够，个waitress 即刻冲过黎，问都唔问拎起我个100蚊就话帮我地埋单，个刻我已经好火，我叫佢摆抵，未得，佢个行为俾我印象系似一个不问自取ge 人，未见过一个侍应系心急成甘 唔好俾呢间餐厅外表欺骗，实际仲惨过食快餐店，食得一个钟就俾人吹埋单，未夹完钱，就已经俾人拎起d钱，好令人反感，唔知大家接唔接受到
继续阅读
因为睇医生既关系，都会行过呢间餐厅。系呢个小区黎讲，佢既店面都算特别，而且都几多人排队去食。所以我都系Peak Lunch Hour前食番个午餐。见到佢既午市套餐价钱，都算抵，40几50蚊就有牛油蒜包、西汤、主菜加热饮。入到去环境唔算阔落，始终香港地方，大家都系想以有限空间拼凑出最多既使用空间，所以系有少少狭窄，好容易掂到同对面或者后面既人。好彩我食既时间唔系午市最高锋！如果系，我谂应该都食得几辛苦。叫左餐冇耐，西汤同蒜蓉包就好快到啦。味道正正常常，唔会太咸又唔会太稀。平时去茶餐厅都得系蒜蓉包1片，呢到竟然有2片！都系一个小惊喜。未食主菜之前都食饱左一半了。蒜蓉包沾罗宋汤食系基本吧～我叫既主餐就系「香煎龙利柳配白酒虾肉忌廉汁」～首先意粉量都几多，完全够普通人既食量。但比起佢既意粉，酱汁就相对唔够了～想捞晕成个意粉就比较难了，可能系因为我本身系汁怪既问题啦。味道方面，白酒味唔系好突出，我连虾肉味都食唔出。酱汁就真系麻麻地了。但，重点都系龙利柳！好长一块，但比较薄身。同餐牌张相比较的话，系唔够餐牌果张咁厚身咁饱满。不过份量方面，绝对系够的！！食完再饮番杯冻奶茶，成个午餐真系好！饱！啊！如果单凭午市套餐黎讲，佢系抵食的～主推平快多～～
继续阅读
午饭时间行到油麻地，见到这间小店，似乎在装修上花了一点心思，想做有特式的食肆，便入内试试，算是对小店的一些支持。店舖很细，装潢却富有特色，墙上放了60年代的玩具及雕饰，很有怀旧Feel ! 👍🏻👍🏻👍🏻我尤其喜欢枱面色彩缤纷的瓷砖，美！餐牌选择丰富，今天不太想食肉，所以选了蚬肉温泉蛋忌廉天使面。套餐包餐汤连蒜茸包及一杯热饮，并无加一，超值。😍😍餐汤有2款可选：白和红，我选了罗宋汤。汤料很足，蕃茄丶红萝卜和洋葱都有，只略嫌过酸，若能减少少醋会更佳。蒜茸包上枱已经不热，亦较实，无蒜香及面包的松软。👎🏻天使面上枱时样子不错，红红黄黄的甜椒加上中间的温泉蛋，令妳即刻想食。（注：图片是我已经把蛋捞了入面，不是最初的样子。）天使面煑得啱啱好，不过腍亦不会糊口。面也多蚬肉，加埋忌廉汁，味道ok! 始终用细只的蚬，难有鲜甜美。以这个价钱，算是合格之上。离开时看到下午茶餐牌，价钱更优惠。
继续阅读
今日同仔仔去左验眼，跟住谂住去睇下小提琴；事关仔要换琴呢。就系因为揾小提琴舖，比我地发现左间平靓正既Cafe。讲真，间野好细间，枱放到好密，其实行出行入都唔太方便；不过佢真系好平，劲多人帮衬啰。就系经过门口，比佢依个餐牌吸引，价钱由50几到90几都有；都多选择。餐汤跟包，初初以为只系普通法包片，重谂点解连牛油都冇。原来系蒜蓉法包，就咁食就够好味，点汤更好味。个汤系劲多料，我真系成碗薯仔。西冷，虽然扒系薄左少少，但50几蚊一个餐咋㖞；算抵食架啦。劲多炸薯角依间野，比薯仔真系比得好夸张，碗汤有大半个薯仔，依度D薯角起码有个半薯仔系度。西冷薄左少少，但系系好味既。仔仔叫既牛柳粒焗饭，依个其实差左少少，第一仔仔话牛柳粒冇西冷咁好食，第二佢个焗饭系白饭黎既？人地大家乐果D都会系炒饭底啦，依点真系弱左少少。不过个汁系OK既，同都几多芝士，求番DD分咁啦。餐饮，热饮唔驶加钱，冻饮加三蚊。所以叫左一杯奶茶一杯菜蜜；奶茶好味，系正常茶餐厅既奶茶，唔系果D又唔茶又唔奶冇味既怪茶啰。埋单好似113蚊，本来我想碌卡的。但一边食一边望到人比钱，个个都比现金。所以百几蚊，都系唔好麻烦人，比现金就算啰。
继续阅读
我住旺角差唔多二十年，附近茶餐厅都去过，果日行过油麻地，见倒呢问野，外表几四正，点知原来真系得个样，食物完全系冻，系整定，落单后一两分钟即到再问个差D连广东话都唔识听的服务员，佢就话唔知了事都费事嘥时间写太多，总之忠告大家唔好去了
继续阅读