影片
相关文章
有位挑染蓝色戴眼镜既女职员，服务态度超级差果阵大约23点几，唔知铺头仲有无野卖问：唔好意思，想问下仲有无野饮卖？答：讲！？？？？？同果位职员讲完饮咩佢完全无对答 到比八达通都系用手指比我睇拍边得到既回答得一个字：讲！野饮系唔错，但咁既服务态度完全唔想再帮衬比钱买难受！
继续阅读
奶盖好饮 不过啲员工成日黑面，讲嘢嘅态度都特别差。我明白买杯嘢饮唔包埋服务态度好。至少我买杯嘢饮想开开心心，见到佢地都冇晒Mood。但系附近得呢一间，又唔想行得远，如果唔系都唔饮。买嘢饮都要受气
继续阅读
平时饮开石门店，今日十分偶尔嘅情况下要去天水围所以帮衬呢间天水围壹茶，唔试尤至可，一试把几火。同朋友叫左两杯壹茶出名嘅蛋糕奶茶系列，蛋糕奶茶中杯走冰走甜（$27）同蛋糕珍珠奶茶大杯走冰走甜（$31）。虽然同样叫做壹茶，但一饮落口就发觉同石门嘅水平有太大差距：蛋糕奶茶味道相近，但隐隐饮得出有阵酸味，令成杯奶茶嘅水平大大降低。同石门店比较，天水围店明显被比下去。服务方面，收银同冲调嘅人都系生手嘅姐姐，对自己铺头嘅系统唔熟识，搞左半分钟先落到单。虽不致态度差，但亦无乜服务可言。又再一次被比下去。最后，不论系饮品质素，定系睇单据同店面，我好肯定唔会有下次。今次帮衬只能算系一个美丽的误会🥲
继续阅读
排队等前面两位女士畀完钱，到我叫嘢饮，我企正喺收银位置前面准备落order，突然连续有两个客喺侧边涉过嚟打尖，店员居然完全冇反应，照收钱。咁我唔知人哋系咪优先帮熟客落单啦吓，但我有排队，有花时间等系事实，最终到我畀钱，个店员一句唔好意思都冇，服务质素真系「超晒班」。讲返嘢饮，我叫咗杯青提沙沙，味道一般，冇任何特别，但同样价钱，无论系饮品质素，定服务态度都有更好嘅选择，反正个人嚟讲，我以后都唔会帮衬。
继续阅读
呢间铺头虽然黎咗好多次每次嘅水准都正常，揸车过嚟可以泊喺天悦邨近巴士站那边好多人泊车，泊一阵系可以的，今次照常都系𠮶边泊车然后过嚟呢边买，客人唔算多排一两个就到我，今次都系正常叫蛋糕奶茶加奶盖微甜少冰，建议各位叫任何奶茶店都叫少甜或者微甜。因为每间奶茶店都系比较甜！少甜或者微甜就啱啱好唔会太甜，佢呢个产品甜度啱啱好，而且奶茶嘅味道亦都比较浓郁，奶盖嘅甜度亦都中等唔会太甜。我个人好钟意饮奶盖！而且蛋糕和奶茶搭配得非常好！所以推荐大家过嚟饮蛋糕奶茶加奶盖
继续阅读
您可能会有兴趣的...