壹碗麵 (已結業)

我喜歡吃麵，尤其喜歡吃撈麵，是日吃到這裡的蛋麵，很滿意。先行來過這裡兩次，水準依然好，在此推介一下。 第一回 經過在這裡門外知道這裡是賣麵的，有好幾款撈麵都幾對辦，就入來一試。看門外的貼圖，是幾個年青人開的店，下午一時多來到，連隔離阿鴻也有位的，這裡當然不會太旺場，隔離的德興隆更是門可羅雀。 如一般的車仔麵店般，這裡也是剔紙仔的。有好幾款「招牌麵」，第一次吃就選了其中的燒腩仔撈粗麵。 麵來到，不要看這裡只是小麵店，賣相也頗認真的。燒腩仔皮脆，肉質有點韌，但就是好吃的；伴上的是寬麵，醬油拌得均勻，但吃起上來也感覺豐富的。 沒有要飲品，埋單26蚊，是簡單好吃的麵餐，第一次吃，已留有好印象。想知道寬麵有幾好吃，請參考下列網誌：http://gourmetkc.blogspot.com/2009/10/blog-post_13.html

記中熱湯塗熱飯/汁塗飯等是急就章的食法. 但今天來到北角,要的是買一個外賣. 和這裡的嬸嬸說要一個放得幾小時的外賣吃什麼也沒所謂.所以和之前的食家有所不同..我不可以吃撈麵,只可要撈珍珠米 祚以為巧立名目...但原來沒說笑用上的是珍珠米而且己用湯煮的煨到飽滿的台灣珍珠 配上蝴蝶腩及台式油膏芝麻...試過以蝴蝶腩而聞名的牛頭角麵家覺得直頭豈有此理.,但今次食過之後真的改觀有咬勁但又冧加一些鹵水. 香噴又熱辣辣~開心死. 唔夠喉,要多個鵝腸白勺;這裡鵝腸是油全走那種但涿到脆卜卜加豉油辣椒...加埋落碗飯度...大被同眠....大滿足 用的是貴價的叮得外賣紙飯碗飯餸可分家,店員也完全知道自己賣緊乜,可取.但我的宿命不能打破...好好食的東西不會給我拍照...今天電話又無電.吹兵乓

位處於北角人氣阿鴻小吃旁邊 竟然味道價錢也沒被比下去當晚一行八名毒男去開北角由街坊之一既好友推薦試食呢間壹碗麵話抵食又好味喎店內格局比較小, 確確實實稱上係小店不過坐位都總算坐得舒適我地8名大漢都唔覺辛苦正題食物駝鳥肉撈粗豬手撈粗豬頸肉撈粗燒腩仔撈飯豬軟骨撈飯鵝腸撈粗唔記得什麼雞翼娃娃菜大概記得食過呢D食物, 食物一上台真係唔講得笑 撈粗原來真係幾粗撈粗睇落其實唔係好大碗 我地呢D毒男都有D驚唔夠食不過店員姨姨話D面粗 好夠飽 如果唔夠可以叫師傅加大面底 唔使加錢最後我地一人一碗 唔使加大 再加小食同菜一兩碟 夠飽!!!撈粗既粗面好特別 之前未食過面質煙UN有口感 醬汁甜豉油味道亦不錯不過因為面粗 食落都有D不知所惜 女士如果要顧儀態就麻煩D喇而料方面 我最喜愛豬手同豬頸肉 豬手'蚊'得好淋好入味 仲好膠 而且唔係好油豬頸肉其實同出便食沒太大分別 個人喜好而同台其他男伴都話駝鳥肉同燒腩仔都好食重點!!!我地叫面有跟一碗湯一碗簡單既清湯 但係味道就一D都唔簡單除左好飲 沒其他形容飲完唔覺得口干頸渴, 絕對唔係味精湯呢間小店最好既地方仲有果位少少冬菇頭既店員姨姨好nice好風趣 會主動推介

鴕鳥肉!我最愛鴕鳥肉好耐冇吃過了,竟然北角有得吃,之前想食,因為撞正星期2黎...佢冇開,休息左...這兒環境舒適,很清潔~服務好好,會推薦食物我之前去過好多地方食粗麵,總會覺得好難消化,有時胃痛添...但這兒很不同,麵唔太硬,汁的味道非常好味,鴕鳥肉不用說,一定好吃過牛肉,滑很多的~仲加了芝麻,薑,蔥個一D,成碗麵好香仲有佢個湯,好好飲,好濃...不知不覺很快吃完,很想叫多一碗...不過份量唔係少,係我覺得好好味,很多很足夠讚呢度!好一碗麵>V<

5/12/09(六)想試這壹碗麵很久，前幾天獨自試了一次，阿姐服務親切細心，今天再訪。燒腩仔撈粗麵($28) ：燒腩仔由老闆再煎香，所以特別脆。麵條加上葱花芝麻，味道豐富。牛腩撈粗麵($26) ：為免大男孩不夠飽，老闆慷慨地加了麵底，牛腩都入味夠腍。只可惜附送的胡椒湯，喉嚨不太受得，轉轉款就好了。阿姐說飲品特價，6元要了凍檸蜜。

今天去左北角試下新野, 兩點幾去到都幾滿座, 叫左個"豬肉撈粗", "牛腩撈粗"及"油菜"..."豬肉撈粗" - 豬肉肥瘦適中, 撈粗係幾特別, d粗面肥肥地幾乾身, 不會太淋, 個汁又唔太濃, 有湯送, 值得一試~"牛腩撈粗" - 牛腩牛根好味, 配伙計呀姐極力推介既沙茶醬, 味道就更好~"油菜" - 菜心夠淋, 加理沙茶醬, 味道更特出~睇下睇下, 原來我地係叫餐... 有野飲送, 油菜都係加6蚊, 抵!吃飽之后(已經唔係咁多人), 個伙計呀姐走理黎問夠唔夠飽, 仲同我地傾下計, 招呼周到, 見佢好似幾好人咁, 佢見到熟客仔都會主動傾幾句, 好似幾受歡迎咁~~~總括, 食物味道不錯, 起碼暫時其他地方未食到呢雙撈粗, 另外, 個伙計呀姐d服務好好, 好好口, 令人有一種好開心既感覺, 會再吃~

得一個鐘食飯又唔知食乜好，走黎睇睇有咩好介紹！見咁多好評又近近地就去試試！六點幾去到，有兩檯人，但都好靜。。。等咗陣姐姐就問我食乜，點咗個駝鳥肉撈粗麵！服務真係一流，等緊期間見姐姐去招呼人客，係咁問個客人個糖不甩好唔好食？岩唔岩食？又會主動介紹佢地d用料！GOOD！等等下。。。姐姐重拎咗粒糖不甩俾我試添，又真係差喎，少少甜加上淡淡嘅薑味，夠晒暖胃呀！等咗5分鐘到我個麵就整好喇，姐姐重特意問吓食唔食辣，幫我添d秘制辣椒醬添！返到公司就慢慢食！駝鳥肉撈粗麵一碗+清湯一碗清湯淡淡地，不過勝在冇乜味精！駝鳥肉同粗麵分開裝，兩樣都夠爽口，d醬汁又岩岩好~

反正不餓，友人提議到壹碗麵share一碗麵，OK! 兩個人點了一個鴕鳥肉撈麵，老板絕無面黑。我們想點無骨雞翼，但老板說當天沒有空做，遲些會每天生產，真的非常期待喔! 說回這個麵條，真的很有趣。麵條闊闊的，有點像Fettuccine，但很簿的，有點像上海舖的百頁。麵質又爽又有口感，我非常喜歡。老板說是麵廠特意為他做的，真的很特別。配以他們的醬油真的很不錯。 老板跟我朋友很熟，送了一小客牛柏頁和魷魚，但味道真不及撈麵出色。我們還點了凍檸茶及紅棗茶。是一個很滿足的下午茶。注意：小舖逢星期二休息

星期四，踏入搬屋倒數兩天，繼續要做「無飯」夫婦。住在北角嘅食友，一定會去過和富道一帶嘅食肆。「阿鴻小吃」加冕之後，人潮比以前更洶湧。在依然寒冷嘅周四晚，人流是小了很多。「阿鴻小吃」店外亦只是三五人。不過，是晚嘅主角是其鄰居「壹麵館」。一入到店內，除了店員，竟一名顧客也沒有。未嘗不好，店員可專心為筆者提供服務。與太座、舅仔及其女友四個人，各點了麵食、小食及甜品。撈麵款式有多款，除咗餸菜不同之外，麵條也有多款選擇，其中最出位是其自家製特粗麵，其闊度是平常粗麵嘅三、四倍。以一點豬油、香蔥、芝麻令麵條吃起來更加香，麵條本身嘅質地亦有咬口。特粗麵以較大嘅表面面積，蘸上更加多嘅醬料，所以吃起來份外感受到油嘅甘香。一碟簡單嘅菜心，加了特製沙茶醬，味道嘅變化頓時豐富起來。份量亦稍嫌少咗啲。魷魚牛栢葉是材料及醬料分開上的，初時以為是食材醬汁撈在一起的。味道普通平淡，全賴蔥花及芝麻調劑一下。魷魚肉質是爽滑的；筆者不食牛，無從了解牛柏葉嘅質素如何。店員十分積極這裡嘅甜品，既然嚟到，冇理由唔試吓。首先是腐竹白果薏米 (加蛋)，薏米份量不少，亦有咬口；腐竹糖水亦很足料，沒有完全溶入糖水中，不是稀「了了」的，可惜

早前看過介紹，就去試一試這間小店的麵晚上六時半左右，除了我，只有一位客人，頗冷清叫了一碗鴕鳥肉撈麵，加一杯凍檸茶少甜阿姐真的極親切，招呼周到細心，不得不讚主角鴕鳥肉撈麵，分開評說鴕鳥肉味道真不錯，比過去吃過的都要好麵則有少許黏在一起，而且調味咸了少許奉送的例湯也不錯，我整碗喝清光也試了阿姐推介的自製辣醬，感覺普通整體感覺良好，會再光顧的

因為尋晚openrice 見到頭幾位, 又近自己番學, 今日lunch立即去左食味道冇想像中好食, 但也不難食, 不過不失(麵)但豬肉味道很不錯, 不過略縑凍左少少因為天氣比較凍, 野食好快放放下就涼哂最好食物再整熱d 杯朱古力好淡...大家唔好叫呢個飲,...呢個正係送比 今日ge 白胡"招"豬肚湯+豬肉~其他just ok!朱古力好唔得, 我寧願比貴少少, 你加番多d料入去-.-

鴕鳥肉撈粗麵 外賣晚飯 $31 包括埋湯, 都幾抵食!鴕鳥肉感覺健康味道不錯麵比較特別同平時食開唔同好粗--＞ 我鐘意 同埋有口感唔會太硬或一pat野但問題係好油......D麵食食吓開始覺得有油 食完見到碗底都好多油 如果唔介意多油, 其實都幾好食但係我怕油所以只比OK佢!

一粒米之蓮星令平日水靜鵝飛既和富道熱鬧起來。星星得主要連續休息兩日去採購食物，見這間小店好評如潮，得先試為快 豬頸肉撈粗麵看過食評，各食家對燒腩仔/鴕鳥肉好評如潮，那麼得試試豬頸肉吧。撈粗麵以雞公碗上枱，賣相普通不過，心裡暗暗不爽，食落卻有驚喜。豬頸肉爽口不肥膩，粗麵有淡淡蛋味，醬汁甜甜似甜XO醬，正合撈麵之用。最重要係......夠乾身 (最怕 D 撈麵"琼"唔乾水，麵索唔到汁之餘仲要水汪汪似食糊仔咁) 自家醬食落似甜而唔辣既XO醬。隠約聴見店主講炒蝦米，相信此醬是自家出品。單嚐醬料不太特別，混合蛋麵後卻出奇醒神。蛋麵較淋身無生麵咁爽，但較易吸汁。如果混太辣 or 太咸既醬......就等如啖啖辣醬"隊"落口 甜味最夾 。 白灼油菜芥蘭灼得剛剛好，無苦味亦無渣。加上自家甜XO醬後更是惹味。仲要有大細Size ($6 / $10)任君選舉。可惜小食暫停供應，下次要試埋佢地。

看到壹碗麵這麼快就爬上前3名，和老公說不如乘它還沒大紅大紫，我們先試為快﹗一進店阿姐就熱情招呼，2 個人叫了一碟雙拼燒腩仔拼鵝腸撈粗和一碟炆肉撈粗。燒腩仔真是冇得頂，又香又不油膩，粗麵也不錯，有咬勁，不會太爛。鵝腸爽脆沒有異味。味道調的也不錯不會太咸，但是那些粗麵就有點咸了，可能是醬油多了點吧，還可以接受。總的來說撈麵不錯，燒腩仔好吃但不夠喉，下次要叫2碟。炆肉沒有什麼意思，可以不吃﹗順便提一提這家店食物種類偏少，選擇不多﹗希望可以改進

今日上午day off，特登同媽落去和富道找吃的。一早spotlight左呢一間最近多左食評ge壹碗麵(雖然本來都有點想去隔離剛拿米之蓮出爐一星的阿鴻小食，但係...原來星期一佢休息，睇真d佢貼左張memo: 由於貨量供不應求，所以明天休息多一日去入貨...看來米之蓮ge威力係勁連佢最後一粒米都食埋(題外話))anyway,最後都係跟原來個plan黎到呢間百令呎ge 小店auntie店員serve左我坐低之後同我地介紹d lunch set，雖然本來都想試下佢d 燒腩仔同鴕鳥肉，但係lunch連埋野飲+優惠油菜，咁無理由唔叫ga...最後叫左:1-火文豬肉撈特粗闊麵 + hot drink ($28)2-台式肉碎撈幼麵 + cold drink ($28+2)3-菜心($6)1)火文豬肉d肉即係佢用黎做燒腩仔果d排骨，文得好林，加埋d芝麻香口，招牌粗闊麵都幾彈牙，不過如果軟身d可能會更入味！？2)台式肉碎撈幼麵係聽阿姐介紹，佢話用幼麵去撈重入味，事實又是如此，全蛋麵ge蛋香加上膿味ge肉醬和切碎左ge不知名豆類，食上黎都好有texture(口感) 啖啖都食到索索聲。3)油菜如之前食評一