士林台灣麵

营业中

休息中

今日係星期日,我返完教會崇拜就去左附近哩間我常去嘅餐廳食野啦!星期日元朗都係比較多人嫁,一去到已經有人排緊隊,我同男朋友等左成十五分鐘先有位~我只點左一個紅燒牛肉麵牛肉湯底好清味道好濃,加少少醋同辣椒仲惹味呀!不過最正都係個牛肉因為用嘅都係半筋半肉所以好冧之餘又唔會無左牛肉嘅肉質口感~可以同台灣嘅牛肉麵比美呀!

晚上渡步到元朗青菁街的士林台灣麵，只有近門口收銀櫃旁的一張吉檯，先點了一份牛肉麵和清湯淨雲吞 (餐牌上好像沒有這款菜，只有炸雲吞的) ，還以為獨個兒佔去整張檯，這光景不是長久，因為不到數分鐘已經另外有兩位食客搭檯，四週熱鬧的氣紛卻突顯檯上幾個陌生人的冷漠。不久送上的食物，打破了這格局，雙眼都全副精神慣注在面前的牛肉麵上，一份麵團配上三條牛展，珍貴得不捨得入口，士林麵條又滑又彈牙的口感，吃完整碗麵還留下一條牛展慢慢品嚐，可想言之這幾條牛肉炆得夠曬火喉美味香淋。牛肉麵的湯底是牛骨和牛肉熬成，味道濃郁夾雜著金華火眼的香味，在旁的雲吞清雞湯也毫不蝕底，手上的瓷匙兩邊跑，清湯濃湯輪流入口。吃完這碗牛肉麵，令我想起毓民私房牛肉麵，不過士林台灣麵，可能是元朗最好的牛肉麵店。

都係因為多人推介所以食。男朋友叫左牛肉麵﹐話D牛肉好林好入味﹐我唔食牛我無試到﹐但係牛肉湯底真係正到無朋友﹗我自己就叫左人人都話大件抵食既炸雞扒麵﹐真係好大碟。炸到好勁﹐怕熱氣就唔好叫喇。老實講我覺得除左大件之外﹐味道唔係話十分突出﹐因為實在炸到好勁﹐只食到炸粉味...個麵幾有咬口﹐唔錯﹗原來無論你食咩都可以叫牛肉湯底架﹗下次我都要牛肉湯底﹗﹗但清湯底其實都非常好。睇自己喜好啦PS﹕D野飲我本人就覺得麻麻地喇。

是日跟朋友去搵食,最後一站回到元朗,朋友帶我黎依間小小的麵店因為係夜市時間等左一陣,我跟朋友兩人都算很快竟有單邊雙人桌,很好,這樣聊天也不怕俾人聽到朋友推薦我食雞扒麵,我就叫左雞扒麵,朋友叫牛肉麵,再加多一個過橋餃子,兩杯凍飲,現時這樣的天氣飲凍野可以去一去暑氣牛肉麵黎先,一上桌,好香牛肉湯味飄黎,口水都流哂,肚都咕咕叫,餓了.雞扒聽說即叫即炸所以要等下,等待其間食左幾口朋友的牛肉麵,味道不錯,牛肉很林,入口即溶一樣,好正喎,牛肉麵湯底很好喝,有很些微的辣味,提高左食欲,雞扒麵同餃子一齊上桌,雞扒炸得黎又唔油,咬落去好香口,雞扒又好滑,好食,侍應姐姐俾左碟小食醬我,我拎黎點雞扒,酸酸甜甜,好食.餃子,皮很滑,入面材料幾足下,咬落去好香豬肉同大白菜味,好鮮甜,點埋佢個餃子汁,又是酸酸甜甜的,好開胃,食完一碟唔係好過隱,又叫多一碟食,哈哈食完要捧完個肚,好滿足^_^

今晚去左Lee 間野.... 激死人....其中叫左一碗"魯"水雞翼面... 一碗香酥豬扒面....d 雞翼 / 豬扒黎先.....等左好耐都未有碗面....對面d人遲黎d面都黎晒.....同d伙記講... 完全唔理我地... 追左2 次先黎碗面... d 餸都唔熱啦.....開始食豬扒.... d 粉好厚... 又硬.... 食到口都損....(我地都算無出聲要換... 但後面個枱人都投訴d豬扒好厚粉... 老闆娘話係咁喎...之後個班人要求要轉換雞扒)到d 魯"水雞翼....無味 ... 一碟4隻... 第一隻唔熟...都算.....第2 隻都唔夠熟... 2 隻都有血....同伙記講... 又話要叫老闆娘睇下... 老闆娘第一句就話係咁... 見我地不滿就話換比我地...我地已經好嬲... 因為之前d伙記d態度已經好差... 而家連老闆娘都係咁....我地就話唔要啦... 直接 cancel 左碗面....最嬲就係出去埋單個時... 比左$個老闆娘... 一直唔找$比我地.. 係咁同我地解釋....仲死都要話d雞翼係熟...係咁喎.....話咩雪藏雞翼係咁....我地話雞唔熟點食

上幾次諗住黎食，都見好多人排隊，今日難得黎開喱頭，順便行去睇下，有位喎．香酥雞排麵：枱枱都有人叫，聞就真係好香，但食落覺得好粉，好乾身．麵質地又係好粉，湯底超清而無味．薄荷綠茶：超好飲，好清涼既感覺．鹵水雞翼麵：雞翼整得好入味，煮得好軟身，唔駛點咬，已經可以”骨肉分離”喇！珍珠奶茶：味道普普通通，太多冰令到有ｄ淡．

今日又出去enjoy我既lunch喇^^有人介紹黎左呢間士林台灣麵 本來唔係好想食台灣野 但既然推介到就試下一入去 逼係逼啲 但係都算多人點左一碗牛肉麵(湯麵) 一碗香酥雞扒麵(干拌麵)牛肉麵啲湯 好香 好濃 好正啲肉好林 啲麵好彈牙(不過我麻麻鐘意)佢落左好多蔥 我見到搭台個人要慢慢挑番所以唔食既記得叫走蔥個香酥雞扒麵啲雞扒炸得都幾厚 見到有少少但係干拌麵就都好味補番^^但聽講啲野飲麻麻 所以無叫到~臨走前偷聽到隔離個人話:個餃子好淡...哈哈 等我下次去試下先!

好早之前，都睇到呢間舖頭有好多既好評。最令我深刻既都係大大塊既雞扒，個份量以我既標準算好多。呢日黎到，真係好細間。算啦，有得食就係咁架啦。香酥雞扒麵個雞扒仲早過個麵黎，點都好。個雞扒好大份，有7-8塊到啦。雞肉算幾嫩滑，不過覺得個雞皮鹹左小小。調味都算適中，呢個份量我真係覺得幾多。好彩，我都覺得個雞扒幾好食。而個麵可能係自家製既，煙韌可口。可能製作需要時間，所以炸完雞扒都未有麵食。整體上，個雞扒好食過個麵既。都可能有下次，不過個餐有野飲就更加好啦。

同老公阿媽一行三人去士林云吞 - 一般，唔係我杯茶牛肉麵 - 叫飯的好處就係有魯肉啦!魯肉撈飯一流呀!牛肉飯 - 一路以為係用牛腩，唔食都唔知原來係牛展來的，真係炆得好'淋'好入味呀!用牛展啱哂我呀，因為無咁肥膩麻 ^ ^雞扒麵 - 雞扒好大塊,炸得好脆好有味,感覺唔係太油膩,一向唔食雞皮的我都食左一塊呀!!(真係好好味呀)

打完波同朋友食dinner，me:雲吞乾伴麵+珍珠奶茶friend:香酥雞扒酸辣麵+珍珠奶茶雲吞乾伴麵，因為係唔想食個熱辣辣既湯，又濃味少少，叫左乾伴麵rather than湯麵雲吞ok，值得一讚係個麵，麵唔太幼唔太粗，又夠彈牙，好味既麵！fd個酸辣湯我試左少少，唔會好"杰"，自己喜好唔太鐘意"杰"身既酸辣湯易入口，酸酸辣辣好過隱！珍珠奶茶唔太甜，有別於一般出面街鋪果d！

每一次去吃他們的過橋餃子都忘了拍照,上個星期下定決心去拍回來做食評,怎知道還是吃了一半才醒起要拍照ORZ因為真的很喜歡他們的餃子皮、餃子料、餃子汁,超juicy,所以再一次寫食評行動支持他們,除了吃了碟餃子外,還叫了份鹵水拼盤,味道不錯,而且又多幾款鹵味選擇一個女孩子吃了這麼多也飽了,咁就一餐啦=P

暗瘡皮膚既我限左自己一個月只可食一次咋~慘﹗因為我鍾意既炸雞扒燥熱，雞皮都含激素會有刺激所以要忍口~上次同外子來光顧係夜市，坐爆人，今次我單拖下午兩點半來，都係坐爆人，好彩我一支公易搵位唔洗等。下午茶原來叫飯係唔包野飲要加十個大洋，但麵就包既，凍飲加兩蚊，好彩我忽然身痕想食麵否則都冇咁抵，至於下午茶會唔會細份量左呢？我答案係冇變﹗呢下先驚喜，搭枱有三位女士一個叫茄子肉燥飯，照舊都係咁大碟，另外兩位叫干拌麵，我望落同上次晚市食個量就一樣，只係晚市唔會包野飲冇咁jetso。味道同個半月前晚市幫襯一樣，雞扒都係脆卜卜，係略嫌整麵果度慢d，見好多人都係雞扒雞翼果d來左好耐先有麵，不過佢如果係即整既都由佢啦。湯我唔肯定係咪有分清湯/牛肉湯？因為見menu張紙有講牛肉湯同清湯製法，不過我見佢冇話有得揀就冇問費事seven左。環境方面唔比得好高分因為佢樓面細，而家都偷雞放左幾張摺枱出門口，奉勸大家坐低就唔好亂郁又起身去廁所出去買報紙食煙果d，佢4個樓面行都好似跳緊辣身舞咁你再行來行去怕危險，所以亦勸d有BB車既人士一係將車仔放門口，唔好拎埋入去，否則其他人要行又冇位。題外話(非食評)：作為一個客唔好

同男朋友睇戲前, 黎依度食個lunch. 等左一陣好快就有位. 我們叫了酥炸雞扒飯同牛肉麵.酥炸雞扒飯- 塊雞扒好大塊, 好脆, 但係就係無乜味. 另外白飯上面有點肉燥, 用黎撈飯都幾好, 如果再多點就更好 .牛肉麵- 牛肉好林, 好入味, 湯底都幾好味, 好好味

呢幾日, 女友看完openrice, 係咁話見到呢間野 食評一面倒讚好, 好想試, 好啦今晚9:00左右去到, 好多人吓wow等左一陣, 入到去, 話要2人平排坐, 人多咁安排都正常gei叫左一份雞排乾麵, 牛肉乾麵, 皮旦豆腐+2杯野飲叫完都好快到見到塊雞排一刀8件, 三十零蚊,ok啦一食...wei...點解....無味gei?問下我女人...(我懷疑自己平時食得太濃味)...我見到佢已經係咁倒d椒鹽ar, 胡毆粉落去...一舊好簡單gei炸雞...可以玩到完全得....""油味""!!!!!!!!我地一人食左一舊就丟掉左佢...快快趣食完就走...行去附近輕鐵站買大雞大食好過...都痴線gei...人賣台灣雞排你賣台灣雞排...出名到咁...咁煮野...ps我同元朗gei朋友講開...佢地話呢間野d雞排難食早就出左名...無元朗人會中招去食...頂!!

元朗一日遊, dinner 想食less heaｖｙ～　試下　士林台灣麵ｈｏｎｅｙ和我 叫左 1碗 酥炸雞扒拌麵 + 1碗牛肉麵牛肉麵(湯底)~ 牛肉很林, 很厚肉，很好吃。粗麵 較林身. , 配上 牛肉麵的湯底 不是太 濃, 都 ok 好味.但是 我們還是覺得 在台灣 吃 的 “牛老二” 牛肉麵~ 超正呀, 把這店的牛肉麵比下去. 很好。酥炸雞扒乾拌麵( 乾拌麵 原來是台灣的肉粒 拌麵) ~ 肉粒好好味good! 我們都覺得 酥炸雞扒 配 乾拌麵比 酥炸雞扒配 湯底, 較match , 更香口而且我們都覺得 乾拌麵 比 湯麵 更好味, (因為 湯麵較林 少了 乾拌麵 的 in um)雞扒真係多到~也很鬆脆都有7-8塊~ 塊塊都勁大舊 炸粉唔會太多~又唔會太膩~ 食落去亦唔油超好味, 好有 地道台灣麵 feel. 正價廉物美~可以再來試. 走時打包了 一碗酥炸雞扒拌麵 比媽媽 宵夜 , 回家後, 雞扒 林身了, 但媽媽 都話味道好味, 雞扒夠香.