士林台灣麵

营业中

休息中

士林是台北的一區,其夜市對於香港人相信也不陌生,一聽這兩個字,都能猜到是吃台灣菜的.難得跑了入元朗,當然要試試這間在openrice居位甚高的有名食館.之前去過台北卻沒印象在士林吃過麵,姑且在香港試試元朗人氣高企的士林台灣麵如何.剛到達時看到有不少人在等,門外也放了檯.不過原來剛有好幾張檯離開了,所以等店員收拾好便可以進內.室內的間格以四人桌為主,座位剛好可容得下一個人,要是手挽著一袋二袋的也坐得蠻迫且不舒服.店員手腳俐落,想是習慣了應付大批人客.墊檯紙是Menu,食物有麵,飯,小食和滷水任君選擇.一場來到就試試它的麵,再加一個小食吃吃看.紅燒牛肉麵,一個大碗盛著深色的牛肉湯,麵,牛肉和伴菜兩棵. 這裡用的牛肉是牛展部分,三條牛肉煮得軟,肉質鬆化,連中間帶筋位也很稔很易嚼.而且炆煮得入味,算是挺好吃的.牛肉湯味淡,不吸引,幸而喝後未見有口渴感,想是沒味精之貨色.至於麵質,是正方形呈象牙白的,跟大婆牛肉麵和毓民牛肉麵的大不同,有韌性不易斷,但欠缺口感,不好咬口加上味淡,不是我杯茶.皮蛋肉鬆豆腐賣相不錯,六片豆腐,六小抉皮蛋,一堆蔥花肉鬆放面澆上蠔油茨.從豆腐片上的痕看得出,用的是百福豆腐

今次再一次同個好朋友黎呢度食飯.真係食過返尋味,haha.朋友仲特意點返上次既香酥排骨麵添.今次既排骨睇落去好似冇上次咁大件.不過份量都唔少.味道依然極佳.而我就點了個鹵水雞翼麵.有4隻雞翼架!!!!好多店都係得3隻,好似都係第一間有4隻咁多,好開心.好滿足!d雞翼又鹵得好入味如果伴菜多返少少就好啦~員工友禮,價錢合適,$28 野飲一杯10蚊,因為覺得貴,所以冇架,呢個係熱飲的價.坐得蠻舒適,good

無乜胃口, 想食碗麵同男友叫左紅燒牛肉麵, 香酥雞扒肉燥飯及芝麻奶茶紅燒牛肉麵D牛肉好腍好入味, 但D麵並非上海麵或台灣麵,似魚麵, 唔係太爽口雞扒肉燥飯好大碟, 雞扒香脆, D食肉獸好想食芝麻奶茶一般啦

年頭食友們遠道來拜訪元朗新居，曾開出了大量元朗食店目標；然而時間與胃納都有限，再三篩選後，這間Openrice內過百笑臉的士林台灣麵也是其中一站，可見大家對其傾慕之情深切。　首要目標當然是著名的紅燒牛肉麵($30)，吃過的食友紛紛讚好；另外又試了鹽酥雞麵($30)等，反應也大致是讚揚的。不過很老實講，自己倒不覺得這兩款食物有特別吸引力，如講自己的心水，反而是凡惠顧主食、可加$10享用的珍珠奶茶，夠香甜嘛!之後對此食店也一直丟淡放下，直到上週日，練完詩又與一班團友再去重溫了多款食物，再次返新印象後，再來寫寫自己對士林的意見。　當日天氣炎熱，大家都幫襯凍飲，我選的香芋奶茶色水或是味道也是偏淡，不夠香濃動人。十分的懷念台北牛乳大王的香芋牛奶! 老公選了芝麻奶茶，同上又是色味俱淡，芝麻香味並不突出，閉眼來飲的話，真的不一定品得出這是芝麻味! 看來飲品方面，還是珍珠奶茶最為隱陣。　十人一起分享了兩碟過橋餃子，其實這餃子皮的軟熟度可以，肉餡也算鮮香，然而自己始終較喜歡皮厚一點的北方餃，吃起來的口感會實在很多!另一款小食的皮蛋肉鬆豆腐($28)則算不錯，用上百福滑豆腐，口感特滑但當然豆味會差點；個人

今日去左食下午茶~星期日真係好鬼多人...等左十幾分鐘先有位......食物上得好快~香酥雞扒真係好正...唔''鞋''牛肉湯都唔錯~但杯珍珠奶茶好淡.....

前幾天中午同老婆去行街,行行吓肚餓,看見這間餐廳都幾多人就入去試吓,我叫了一個紅燒牛肉麵和一個豬扒麵,個紅燒牛肉麵湯低好像前一丁味,但是又好淡,個豬扒d 粉好厚,食落口好像食生粉一樣,不知所為

星期日夜晚7點左右開始等等左成40分鐘先有得入因為人真係好多仲以為咁多人等又咁多報導一定會好食我地叫左招牌既牛肉面 同排骨干面牛肉得好少出前一丁味精都好食過佢既湯低淡而無味干面好多水同無味

想寫很久了,剛開業的頭一年此店的紅燒牛肉面湯底真的非常出色,牛肉味濃,有別於一般的牛肉面湯底,後來顧客多了,湯底開始走樣,我曾經3次向老板反映,一樣無改善,開始很少光顧了,由一個月光顧2,3次,到一年光顧2,3次,現在一年多都沒有來,星期日早上12點到,見唔使等位,就比個機會此店,結論就是,老板你贏了,由很濃的牛肉味湯底變成公仔麵湯底,你的生意比初開店時多幾倍,你好野...

雖然我久唔久都會黎食,不過平時成日都見有人排隊...難得今日下午茶時段無咁多人,又諗黎諗去唔知食咩好,都係去返哩度啦!因為次次食完都好回味呀!紅燒牛肉面9.9分;平時我都已經比8分起嫁啦,但係今日無咁忙時,見到個麵都砌得好心機左喎~牛肉清湯依然好香濃,好好味,小棠菜往往都會係我嘅前菜,咁樣食法據聞係健康啲嫁喎~麵底非常彈牙,唔會因為時間耐左而發冧晒,而且粗細剛好適中,唔會太細比湯遮左麵味,亦唔會因為太粗而食唔到湯底味道!最後牛肉~每碗都有三件,所用嘅牛肉部位我不太清楚,但係就每件都有合共5層肥瘦,非常平均,所以咬入去時好冧,而且好有口感!我去過台灣好出名嘅永康牛肉麵食過,我覺得水準相約嫁!都係高水準!

第一次去係中秋假後(24-9-10), 路過openrice睇到元朗好介紹, 發現呢間店有口皆碑, 於是專程去試下。第一次叫咗:- 香酥雞扒麵: 清湯底ok; 雞扒成碟另上伴椰菜, 又香脆又好味, $28 抵食夾大件; 個麵超彈牙, 未試過咁彈架~!- 香酥排骨飯:個飯伴有台灣肉燥, 好味; 豬扒成塊好大件ok, 不過唔夠雞扒咁好味; 好大碟, $28 又係抵食之作。- 台式燙青菜:用小棠菜, 伴肉燥, 好大碟, 不過$22相對其他麵店就貴咗d...- 珍珠奶茶k 好飲, d 珠都唔錯...跟麵只需加$12。因為好想再試佢個招牌麵, 所以今晚(29-9-10)又再去:- 紅燒牛肉麵:牛肉湯底好香濃, 但不油膩, 好味; 牛肉係半筋腩, 又淋又夠味, 輕輕咬就開, 正; 個麵保持水準, 夠彈牙, 好食都唔停得口。- 香酥雞扒飯:同樣保持水準, 好味!!- 朱古力奶茶 & 椰香奶茶:朱古力個杯太多唂咕粉, 唔夠甜; 椰香個杯就好夠椰香, 唔錯!原本去到見個舖位細細, 都冇太大期望, 但試後有喜出望外嘅感覺, 成日想心思思再去食。平均每人都係$50以下, 真是抵食夾大件。我2次去都唔洗等位,

比較少去元朗行街, 但咁遠入到來, 梗係要搵d好野食, sreach下open rice, 見到呢間麵好評都唔差, 所以就去試下~兩個人點了: 麻辣金錢肚, 炸雞扒, 卥水雞翼酸辣米線, 珍珠奶茶, 香芋奶茶: 麻辣金錢肚: 開始食時感覺唔係好麻, 但食食下就覺得辣, 幾得意(70分)香酥雞扒: 真係好大件, 有少少似係士林賣果d雞扒一樣!!!!(70分)卥水雞翼酸辣米線: 卥水雞翼好入味, 酸辣湯底都唔錯~麵都算煙韌,正!!(75分)珍珠奶茶, 香芋奶茶: 反而珍珠奶茶就麻麻地.....珍珠好淋....麻麻地.....(60分)座位就迫了一點......兩個人黎幫襯都不錯呢~

由於一向都喜歡台灣食品~所以看到食評說這裡的台灣麵好吃就去試試了店子不大~大概只有廿多個坐位~而且有點逼不過一碗牛肉麵足夠彌補所有缺點了牛肉麵大榣有4件牛肉~4件雖然不多~不過每件都有一定厚度~牛展切得厚厚的~吃來有點像牛腩~炆得入味又不軔~根位也好吃~吃得滿口膠質~~水準很高麵有咬口夠彈牙..湯底牛味極濃而且味精也下得不重手~好味..好吃得差不多一滴湯也沒有~水準比台灣一般的牛肉麵店更好另外下午荼時段吃比較抵~加$3有珍珠奶荼等

因為我地平時都係係星期日去開食下午茶既關系,個日我地照舊地去食下午茶,我地照舊叫牛肉麵用飲品,到埋單時先發覺點解多左成$36蚊,跟住就問收銀點解會多左錢既?佢話因為我地未夠下午茶時間叫野食同飲野,所以唔係計下午茶錢,我話比佢知我一定係2:30pm後入坐,因為我係屋企係2:15pm出門口,而去到個到都起碼要4,5個字,所以一定係2:30pm後入坐,點知佢話佢個伙計寫得張單係咁,就一定係我地未夠鐘入坐!!!哈~點解一定係我地錯呀,唔比係佢個伙計做到唔知時間而收錯我地錢呀?佢話一定唔會喎,我話我都一定唔會係2:30pm前到啦,不過佢點都一定要收足我錢,咁我冇辦法啦,仲枉我地幫親佢地咁多年,就算我地真係差少少時間而叫左野,理應都應該提一提我地係未夠時間下午茶啦,點解會照同我地落單姐,更可況我地真係2:30pm後入坐tim,不過算啦,我唔想同佢地為左個幾拾蚊而係到o曹,唯有決定以後都唔會再去食囉!!

每次下午落到元朗,都會去士林台灣面. 事關下午茶勁底食,又飽肚不過每次落去,不管系平日定假日,門口都有人排隊,不過真系好食.先講下午茶的餐飲,茶味適中,珍珠大小剛剛好,每次飲過陣,就連珍珠都食埋.今次去食,會系香酥雞扒先上,師傅炸得好脆好香口,而且雞肉好滑,正.個餐面,一流.環境方面,幾好,好乾淨服務員的態度好好,有求必應,我要茶,佢哋都立即俾到我,而且會面帶笑容

9:20pm....關門前夕 我同女友睇完戲 想食小d 所以決定去士林食....之前試過紅燒牛肉同雞扒都唔錯 今次決定再試一入去 好快坐低就叫左個紅燒牛肉麵同埋紅燒牛肉飯.. 兩樣野食唔洗三分鐘就到晒.. 都幾有效率...先試一試紅燒牛肉飯 肉燥一般般 但同埋 飯汁+飯 一齊食食味道幾好.....加上超"林"既牛肉 真係幾正 而紅燒牛肉麵都好好食 微微既辣香牛肉湯味加上韌韌既麵 同牛肉一齊食真係唔錯!然後我再比較牛肉飯同牛肉麵既牛肉 發現牛肉飯既比較濃味 可能因為有湯冇湯既關係..$30一個可以接受 份量可以更多 值得一食再食