士林台灣麵

营业中

休息中

晚上6點多去到已經要開始排隊了，等了一會露天有位，雖然天氣很冷，但不用再等也好。點了酸辣香酥雞扒麵香酥雞扒同酸辣麵分開上的，見一整碟的香酥雞扒很大份，也有很多件，一塊切了8件。$36價錢的十分合理香酥雞扒炸得很脆，肉質不會炸乾身，夠嫩!! 粉漿也不算很厚。酸辣麵一來已經嗅到很酸酸的味道了，飲了啖湯，真的夠酸，味道有點似鎮江醋。辣就不算很辣。麵是粗粗的，很有咬口，像上海麵。不過坐外面真的很大風，不一會兒食物也吹涼了!!因為天氣凍沒有人選坐外面，所以不用等就有位了，下次如果不是太餓的話，會等坐店內可以慢慢品嘗美食

星期六下午4:30PM去食,終於都唔駛排長龍食到呢間野. 見到好多人食炸雞湯麵, 件雞望落去好大塊..又想食飯又想食麵, 又想食牛肉又想食豬扒... 最終都係點左: 排骨麵(即炸豬扒湯麵) $36 - 豬扒好厚好有口感, 炸得剛剛好而且不是太油膩, 湯底是普通雞湯沒有什麼特別但都幾好味, 食完不口渴. 應該沒有太多味精!牛肉麵 $38 - 牛肉好好味又夠林, 個牛肉湯底濃而不咸. 麵夠彈牙而且都好大碗. 加$12可以飲珍珠奶茶或其他飲品, 都算好底!!

間吾中抽筋就會掛住士林台灣麵。（原因：太掛住佢既香酥雞扒）每次經過士林台灣麵都會勁多人掛隊，就算多人排隊食客都堅持等位。讚讚讚！幸好，我們每次去食都不是太太太多人，等十分鐘至十五分鐘就有位了。環境：好細好窄轉個身都會撞到隔離台點了菜，等約五分鐘就上菜，好香好香！流哂口水。麵：煙韌湯底：適中，吾太淡可太咸。炸雞扒：好好好好好好好好好好好好味，好脆，味道一流，烚椰菜墊底。碟碟都清哂，連湯都飲埋。正呀！

心血來潮想試下，星期日下午兩點，竟然無咩人等堂食，外賣就多人等，五分鐘左右就有位叫左紅燒牛肉面同飯各一，一碟淨雞扒同一碟鹵水拼盤雞扒超級好味，真係估唔到！大塊得黎唔厚粉，啲雞肉又夠嫩，出面個啲咩正宗台灣炸雞扒全部可以行開一邊！鹵水拼盤咁平都幾多料！好味嘅但無咩特別紅燒牛肉面，啲牛肉大大塊，夠淋身唔痴牙，又係抵食之作！不過唔知點解食左兩舊就好膩，牛肉就讚喇，可惜啲面就太硬，好似唔熟咁，可能咁岩我呢碗係咁掛不過整體係中上嘅，加埋飲品total都只係170，兩個人四樣嘢食到飽一飽，質數又唔差，值得一試！

成日都好想食呢間，但次次都大排長龍，其實我同我bf本身已經喺酒泉食咗晚飯，但男人真係永遠都可以肚餓，難得見到唔駛排隊，二話不說就入咗去！其實我一啲都唔肚餓，所以主要都係我bf食，佢叫咗紅燒牛肉干拌麵，佢話好味，個面嘅質感好正，我唔食牛，試唔到！另外叫咗肉鬆皮蛋豆腐，太多蠔油，太salty，$35食豆腐，太貴！跟餐可以加$10飲台式飲品，叫咗杯熱芝麻奶茶，都幾ok！

知道今日在附近拿回證件，早幾日便約友人到元朗來一個午飯小聚，那時友人已經問我去邊度食好﹖她表明不想飲茶，那我就提議到士林台灣麵。(因為台灣菜是我心中的第二位。)多年來在士林台灣麵的店前經過無數次，但無一次吃得到，因為等位的人實在多到嚇襯﹗(時間多數是下午)今次趁周末中午人流應該還較少的空檔期才去冒一下險，果然，我12點10分來到，竟然有位剩~~~﹗不過店例是人齊才可以入，友人仍未到步，我唯有在門口等。店員即時派了籌給我，更表明過了籌號是可以補入，總之人齊便通知她，我感動了，因為如果要重新等過是一件多麼絕望的事呀。期間看到食客不斷進駐，我當然心急啦，最後等了20分鐘，友人來了，終於可以入去吃飯嚕~店內真的很細，只有十張枱左右，之間的位置很迫，而且每枱都要搭上撘，頓時大家都很親密。枱面鋪了一張餐紙，上面印有餐牌。沒有套餐全部散叫，食物價錢是進取價，主食平均$34，小食則$28，在元朗區而言實在不是平﹗每個主食可以加$10來一杯熱的台式飲品。(凍飲加$2，珍珠之類再加$3)友人知道我喜歡吃青瓜，便讓我點了涼拌小黃瓜$28。這價錢所得到的份量真的不少，工整的青瓜油潤非常，面頭沾滿蒜粒，入口惹味

Openrice見到食評唔錯，出去果頭就去試下。位置唔算特別易搵，但係門口見到好多人等。出奇地唔使等位，不過要搭台。我地叫左紅燒牛肉湯麵，加一客炸雞扒，兩杯珍珠奶茶。等左五分鐘倒就上菜，顏色見到就覺得唔錯。牛肉分量好多，咬落好軟；麵都OK，幾煙韌，唯一係味道淡左少少。炸雞扒好好味，好脆口，味道都岩岩好，仲有烚椰菜墊底。反而珍珠奶茶無甜味，奶味同茶味都唔重，下次可以試第d飲品。午餐黎講有少少貴，牛肉麵$36+珍珠奶茶$12。不過服務態度OK，環境都幾乾淨，雖然唔大但坐落都唔覺迫。有機會會再去食。

之前同老公係度叫過外賣（豬手），個服務態度ok差，大熱天時叫外賣，入面又唔係多人，但竟然叫我地出去等，熱到爆炸...仲有個豬手唔好食的，最後老公唔肯食俾晒我食。琴日因為睇佐食評話牛同雞好食，所以決定再去試下，牛肉麵好快到佐，但食落係「ok」，並非好似某些食評講到咁好食，只係普通牛肉而已，吉野家個火煱牛肉仲嫩口過佢，至於個雞扒等佐好耐，最後竟然俾個凍雞扒我地，並非即炸，唔係即炸就唔好要我地等咁耐啦，凍佐又唔好食，老公一路食一路話對個雞扒好失望，好難食。唯一真係叫好食嘅就係過橋餃子，些肉真係嫩口，皮又薄,值得一試。而個珍珠奶茶，又唔似某些食評講到無乜口感，都ok如果你地係食埋個服務態度嘅話，就唔好食呢間了。

係呢個炎炎夏日，同摯友們揀左黎到平時好少黎既地方先過左一個有益身心既上午，跟住就黎左元朗開心覓食原本想去食元朗有名之作：勝利牛丸，但因友人唔愛食牛肉於是我地就揀左係openrice放係元朗區第一名既士林台灣麵成日聽既都係田中、B仔元朗既台灣餐廳倒係比少聽到於是決定一於同朋友們齊齊去做食家，試下呢間係openrice超過100個笑臉既人氣小店雖然我地係2點幾到既，但門囗依然有不少食客係度等位，講緊都有10人左右排隊既模式係要先攞飛，再等嗌位一問下原來要等10張檯以上...但依然無打擊到我地想食既熱誠，決定要照等一望埋去，見到既係正門旁既玻璃已俾各大報章雜誌既報導貼得滿滿既，都幾犀利餐廳既佈局係有室外座同室內座，入面都有10餘張檯，外面既就有5，6張檯突然之間，店員高呼：＂出面唔洗等，有無人要坐？＂於是原是排係10幾既我地就可以立即補上始終係大熱天時坐係露天既未必係一件很享受既事情但幸運既係我地既位置啱啱對住個大風扇，所以坐落都唔算係太熱餐牌係印係墊檯紙上既，驟眼一睇，價錢有比一般鬧巿中既便宜呢必點紅燒牛肉麵：係呢度既招牌菜，話曾經有招待過美國總統、台灣首相、英國首相佩服牛肉麵既賣相同張海

朋友推介好耐，今日終於有時間黎食下~~牛肉厚而林滑，兼有濃濃的醬油味，麵粗幼適中，不會太林，令我頓時覺得自己像身處九份的牛肉麵店呢。加上一杯茶味十足的珍珠奶茶，朋友果然好介紹!!

第一次寫食評，請多多指教一個炎熱的日子，五點鐘提早收工去遊下車河，一踩就踩左入元朗，原本為左黎食下好耐無食既Ｂ仔涼粉，剛巧有人叫肚餓，上OPENRICE一睇，發現依間台灣野～好，不坊一試！餐廳樓上就係WILSON PARKING。$13一個鐘。尚算可以，但我知道元朗人通常都係擺街，不過我唔想為左$13蚊而要多付出$320。這個風險搏唔過～時間尚早，無人排隊，好欣賞餐廳實行「人齊方可入座」依個制度，我兩位，無可能唔齊人！坐底，座位尚可，盲中中唔知叫咩野食好，見到咁多人咁，就擔粗粗試下粉多，肉鞋，似乎有點名過其實，麵。個人認為麻麻。相信飯可能會好Ｄ（因為無難度）另外仲點左「肉燥生菜」，個肉燥都幾好味鹽酥魷魚鬚，味道ＯＫ，不過依舊都係粉多最後最後，重點推介：過橋餃子，估唔到賣麵既地方，原來個餃子先係最好味可能仲有其他野都好味，留待下次再試！

曾經經過一次,但因為趕住睇舞台劇,佢又要等.所以無食到,食左隔離的譚仔.今次特登黎,2點鬆d黎到,離遠已經見到一群人0係度等...人,比所想的多!等左一陣,好似都唔覺佢有俾人入咁,最後聽到個侍應話坐門口的位就唔使等,所以就坐了.好彩唔算好熱,又唔算成日落雨,係大風左d,成日要禁住"木台"紙.上菜速度感覺上有d耐.雞排先到.好大塊!有個類似甜酸醬,跟埋,不過我覺得唔點都ok.之後都等左一陣先黎個牛肉麵個湯好味,重牛肉味又有少少辣.牛肉好淋,好味.不過佢唔係平時一片片的牛肉,有d似牛筋腩類,有大約3-4舊牛肉,食埋雞排,都幾漏.整體都不錯,不過如果要等到坐室內就應該要等差不多45mins,有機會再黎開元朗先再食lu.

6月30號高考放榜,我與A同學及B同學取過成績單後一起去士林午膳..當時B同學穿著校服,我和同學A則穿便服我們仨跟待應落單,當時待應跟B同學說:你穿校服有學生餐優惠,只需加2蚊便可享受一杯原價12元的台式飲品B同學說很飽不想加飲品,問A同學想不想喝,A說好,跟待應點了一杯蘋果綠茶,待應沒說什麼,落好單後便走開了稍後各人點的餐都來了,B同學拿走A同學的綠茶喝,大家低頭用膳大家快吃完時,同一位侍應忽然走過來說我們點的飲品要加10元我們三人大為訝異,詢問原因該侍應便大聲夾惡"聲稱"飲品一定要由A同學全數飲完才能有優惠,如果轉讓他人便要收取原價同時間,該侍應取走桌上的收據,不讓眾人有反駁機會B和A同學後來同該店老闆娘理論,1.餐牌上根本沒有寫明學生餐飲品不可轉讓的政策2.為什麼侍應聽到兩人對話,卻不事先通知飲品不可轉讓這樣根本根欺詐沒有分別豈知老闆娘乾脆無視我們,繼續收錢,一副愛理不理的態度想不到一些稍有名氣的餐廳可以這樣恃勢度人再加10元,我們學生不是付不起,但是這種扮豬食老虎的商業服務態度,實在令人難以接受

早兩日完無記果個飲食節目介紹元朗這家(士林台灣麵)影到啲牛肉靚到呢...睇到流晒口水..事不宜遲.於是星期日立即行動.....GOGOGO~~~~ 一去到門口以經見到好多人呀....等左超過15分鐘未有位...士應話坐門口唔洗等..那好吧門口就門口啦!!....一坐下我立即叫個(紅燒牛肉麵)先..點知士應話江江賣哂.最快都要等十五分鐘呀又要等....無論如何今天不能事敗而回的....等就等啦!!!分別環叫了(台式豬脚)(鹽酥魷魚鬚)(酸辣韮菜肉雲吞麵)................雲吞麵先來湯先喝一口酸辣適中韮菜肉雲吞都幾好食麵身帶軟而帶有小小彈牙...GooD~~~~~(台式豬脚)(鹽酥魷魚鬚)也來了...豬脚一份有三件.食落唔會話軟淋淋冇哂咬口同時豬脚也做得想當入味(正)鹽酥魷魚鬚炸得好香好鬆軟唔韌又脆口.....(正)~~~望穿秋水主角終於出場紅燒牛肉麵)聽聞呢到牛骨湯低每天餚足十多小時....喝下一口.果然牛味十足...至於紅燒牛肉第一口咬落去.好淋好腍食落唔會有渣好入味再配合呢個麵身帶軟而帶有小小彈牙的面低相當好食..在元朗區食到如此牛肉麵.難怪會出現大批食客在門在等後.

每次經過這間店子, 總是人頭湧湧, 所以從未試過到這裡一嚐台灣麵今天心血來潮想食麵, 就想不如到士林台灣麵吧!下午兩點多到達, 一如所料, 仍要等候, 但幸好只等了20分鐘便可安排入座了!台灣牛肉麵牛肉非常軟淋, 湯底很夠味, 麵的口感也頗彈牙, 但略嫌湯底太多油香酥排骨麵排骨炸得很乾身, 味道不錯過橋餃子一碟有8隻, 頗抵食, 外型有點似雲吞, 點了店方提供的黑醋, 好像在吃小籠包似的!胚芽奶茶 (凍)如普通台式飲品店的胚芽奶茶, 味道差不多