士林台灣麵

营业中

休息中

經過元朗見到哩間開飯熱店，充滿期待去食。凍薑母奶茶 味道偏淡，冇咩薑味紅燒牛肉乾拌麵 份量偏細，麵條煮得有d淋。但個肉燥幾好味，牛肉有3塊都煮得好淋，但有一塊好硬，要好用力先咬得開。香酥雞排飯 大到好似碟頭飯。老公話重量不重質😂雞排出面既粉係有2層，雞肉好多筋。但係老公話個飯同埋肉燥係好好味。韮菜肉雲吞麵 湯底冇咩特別，麵都係煮得好淋。雲吞又是正正常常。台式豬腳 豬腳好淋好入味不過仲有小小毛毛未除乾淨台式炸豆腐 真正外脆內軟,單食味道有小小淡，加埋椒鹽都算幾好既過橋餃子 哩個係比個名吸引左先叫，但原來就係白菜餃。味道就係白菜餃味。鹽酥魷魚鬚 感覺好似擺左好耐，已經淋晒，失望😑埋單果陣出面已經幾多人係度等位，百思不得其解哩間味道又唔係特別好味，價錢又唔係特別平，點解會有咁多人黎食🤔元朗黎講應該有其他更好既選擇

放工番到黎元朗....再行去食...果時都8點幾...係食飯時間所以都等左差不多15分鐘..一坐低就睇MENU我今晚揀左個紅燒牛肉麵 - 50蚊紅燒牛肉麵之湯底好好飲 .但佢牛肉呢,,,其實都有幾多根架..牛肉都唔係話去到好腍身...但我諗真係因為個湯底嬴左囉...同埋D麵都好硬...不過整體都不過不失既....可以試一試...

今曰放假，平曰見人龍咁長，懶得排隊。今曰就專程去碰下運氣。由於一個人的關係，不用等。馬上order 牛肉麵同珍珠奶茶。牛肉麵的湯泛紅，可能是紅燒的關係。牛肉有3條，中等長度，有一條比較軟稔，其餘的要花點力去咬，有點筋有少少韌。湯帶微辣，中和牛肉的膩。麵條煙韌，有少少qq的口感，整體水凖OK,但若果要排隊的話，我未必會試。一般連鎖店如太興同茶木的牛肉麵都比它更出色，而價錢亦相約。珍珠奶茶夠凍，珍珠q 彈，甜度適中，不錯！

星期日到下白泥走走，入下白泥前先醫肚！見到評價不錯，而且店家由台灣酒店學師，就試試正宗既台灣麵！紅燒牛肉面，湯底濃而不咸，浸住清甜既小棠菜，感覺清爽。牛肉林身且帶筋，麵質帶點煙韌，好味香酥雞扒配清湯麵清湯店家以豬骨，老雞及金華火腿烹煮多個小時，湯底清，帶微咸，麵質一樣煙韌。香酥雞扒麵既雞扒另上，份量十足既雞扒夠2個人食！雞扒做得十分出色皮酥脆而不油膩，雞扒厚肉大大件，十分滿足！珍珠奶茶少甜，依然好甜，味道正常。食物質素高，難怪下午茶時段都門庭若市！

今次食左香酥雞扒面（牛肉湯底）首先，講下湯底先 ！ 係真係用骨煲 好濃味同係台灣小店到食既 完全係一樣味 夠晒正第二，個面質 都幾有咬口 而且同個湯一齊食時 個面唔會話好似同湯分開咁 係同個湯甲埋一齊既感覺！第三，塊雞扒好大塊！ 又夠脆 但咸左少少囉！ 但做得唔錯架 第四，百香果紅茶香 同茶味好甲 唔會好搶 既有茶香又有百香果香，多冰 所以第一口會覺得太甜 等冰溶左少少 就會岩岩好

自從識左我老公之後，基本上每兩三個星期都會黎食😋由佢30幾食到今日一碗50都照食好似上左癮咁🤓🤓🤓因為每次都係食lunch 所以都係食麵唔會食飯，不過飯次次都覺得好吸引😍一坐下來就已經可以點菜。。。熟客仔丫ma不過由於每次都係星期六日黎，次次都要等叫號。。。而且天氣熱又唔想坐外邊唯有等啦，不過遲d等小🐶哈哈大d我都會帶佢黎，坐外面可以帶🐶🐶由於坐位有限，所以機本上都要搭枱，除非你好好彩坐到2人位😝不過都係快食快走無所謂啦😝點完好快就有得食喇同老公一人一個麵加多個炸雞扒小食是我們的''照舊''不過我通常都會轉米線，因為麵會比較有咬口，而米線就比較滑口😍(不過要提提你，如果轉左米線個湯會比較淡左，可能因為麵用牛肉湯煮，米線用水吧）所以如果喜歡濃濃的牛肉湯就唔好轉米線了而我就會偷老公d湯飲，食自己嘅米線👯👯牛肉麵入面有三條牛肉，炆得好淋有筋位但一d都唔會咬唔開👏🏻👏🏻👏🏻而湯就梗係香濃啦☺️☺️☺️加小小辣椒油就完美🌶雞扒小食炸得好香脆，我個人最喜歡個似茄汁嘅汁，好開胃好好味有時食一份會叫兩碟汁😝😝😝最後我無影相嘅台飲都是我的最愛😌珍珠奶茶啦茉香奶茶啦青蘋果綠茶啦。。。好多都愛❣我是愛台食港人啦🤓

元朗呢個地方真係好多嘢食，台灣嘢就推介下呢間大路嘢啦。今次午餐就同同事去咗呢間台式餐廳幫襯。早少少去到，人未算多，平時12點後就要開始排隊等入座。餐廳布置簡單，沒有花巧嘢。豬手肉燥飯-賣相一般，50幾蚊你想要幾精巧賣相吖！白飯上面的肉燥非常野味，鹵水味香，肉燥鹹帶少許溫潤的甜味。豬手燜得很入味，入口軟滑，但未至於過腍。咬完一口，嘴唇有被粘連的現象。豬手煮得夠腍膠質自然會滲出，這是正常情況。可能個人喜好，覺得豬手略為鹹了一點，但整體是不錯的。

士林豬手麵平時久唔久黎元朗都會食士林出名既牛肉麵，今次諗住試新野所以叫左豬手麵…但見到無一枱人點豬手麵所以有D擔心!豬手麵既麵底同牛肉麵口感一樣，都係好煙軔好彈牙，而豬手燜得好入味，而且夠腍身，大大件份量十足!呢度唯一既唔好處係坐得好迫，同對面陌生人既距離有D近，所以都係快快醫完肚走唔好阻住個位。

星期六食個午飯，三個人等左5分鐘就有位。叫左2個牛肉麵，一個魚香肉躁飯同一個餃子。 餃子一般，夠滑，唔難食但又唔覺得好好味，37蚊我覺得有d貴。 牛肉麵無得輸，牛肉夠多，湯味濃但唔會漏，麵質夠爽，好想飲哂全部湯。 魚香肉躁飯，足一條茄子，但我唔鍾意佢條茄子係炸過，雖然惹味但好肥。肉躁好味，個飯夠哂食，到7點幾都唔覺餓。

我喜歡這一間.位於元朗西菁街的台灣麵店,雞扒酸辣湯麵是我推介的.他們的酥炸雞扒是很出色的.新鮮脆炸,但不會一咬下去啖啖油,雞扒肉嫰, 多汁!而且分量很足!!大大塊!酸辣湯...酸味很濃,但不是很辣.麵質比較煙韌+$14 可以配一杯台式飲品

每次去開元朗都好想試下呢間麵店，因為每次經過見都咁多人排隊，今日特別一個人來試下，因為食飯時間我一個人同人搭枱坐有的迫，叫左碗紅燒牛肉麵同珍珠奶茶，牛肉麵個湯底好香濃、好重肉味超正，麵軟硬適中有少少彈牙，牛肉煮得好腍好入味，咬一啖𡁻兩𡁻的肉就化開，又唔黏牙好好味，而且的肉一的唔肥，無肥膏果種，珍珠奶茶奶味較重茶味較少但的珍珠好煙韌好有咬口。

今日咁岩去開元朗，同友人諗緊食咩好，突然想食台灣食物，友人便推介士林台灣麵。幸好時間尚早(6:30)，剛剛好不用等位，但店内已經坐了很多人，店外的坐位亦差不多滿了。友人推介了紅燒牛肉麵，於是我和友人都點了一樣的麵 碗麵十分大碗，而且好足料，有好多舊牛肉。麵質很有口感，牛肉很厚實，很juicy，而且都幾大舊，唔會好似其他鋪頭咁細細舊，加上啲牛唔會好韌，又入味不過量真係好多，我就食唔晒既至於珍珠奶茶就比較普通，啲珍珠唔太有口感，但也是可以接受的。overall，價錢合理，量又多，又幾有水準，幾抵食

今日同朋友係元朗諗食咩好，記得之前友人提起過E間餐廳所以去試下。去到咁岩又有位停車，多口同店員講汨左車係門口，佢地仲好NICE話見到會叫我叫左台式豬腳飯$33賣相一般，但有好多豬腳。豬腳肥而不膩，膠質豐富!!朋友食的雞扒干拌麵鋪頭樓面比較細總括抵食，味道又唔錯

我得閒就會帶朋友黎食下一到夜晚就好多人，等15－20mins總算有位我每次去都點干拌面，鍾意佢夠彈牙，仲有少少青瓜係面另外，雞扒同排骨都係我最愛大大份，又脆卜卜叫埋餐飲，total 60－70左右不過門口長期有人排隊，食完好快就要走

今晚我們去咗元朗西菁街嘅「士林台灣麵」食晚飯！我們叫咗紅燒牛肉麵、台式豬腳麵、香酥排骨麵、香酥鷄扒麵同韮菜肉雲吞麵！朱古力奶茶、珍珠奶茶同仙草奶茶！紅燒牛肉麵嘅牛𦟌肉炆得好腍好入味，肉質非常鬆軟，而且入口即溶，湯底相當鮮甜濃郁，濃濃嘅牛肉味好芳香，麵質亦好爽口彈牙！台式豬腳麵嘅豬腳亦都炆得好腍，豬皮好爽滑彈牙，膠質好豐富，唔會有好油膩嘅感覺！香酥排骨麵同香酥鷄扒麵炸得非常香脆鬆軟，肉質相當軟滑，唔會好「嚡」，炸粉亦唔會好厚身！韮菜肉雲吞麵嘅韮菜味好惹味香濃，餃皮好煙韌彈牙！朱古力奶茶嘅朱古力味道好濃郁，但唔會掩蓋奶茶嘅香味！珍珠奶茶嘅茶味好香濃，珍珠好煙韌彈牙！