堤諾比薩 (已結業)

今日下晝同左女朋友食呢間大埔出名嘅Pizza店。佢一見到個星星Pizza就俾佢吸引，所以二話不說就叫左。我哋叫咗兩杯珍珠奶茶，一個辣味Pizza，一個煉奶星星Pizza，仲有肉丸意粉。本身以為個星星Pizza係咸食，點知原來係甜的。出乎意料地好味，鐘意食甜既應該會覺得佢地傳統pizza更好味。叫左咁多，完全食唔哂。價錢亦公道。

大埔不但有得踩單車、行山、逛古蹟，最重要是有很多又抵又好食的餐廳。Pizza Hut吃得多，獨立營業的Pizza店真的很少去。這餐廳絕對值得再來。我們叫的是二人套餐，有沙律﹑兩款小食﹑一個Pizza名兩杯特飲。菜很爽口和新鮮，配上酸酸的沙律醋，十分開胃。炸雞粒份量少少，作為前菜不錯。芝士味很香濃，和香脆熱辣的薯條一起吃，讚！Pizza的餅底不會太厚，餅邊烤得很鬆軟，口感有點像在意大利拿波里吃過的；芝士量亦頗多。點滿$200便可以加$30點兩款甜品，實在太抵吃，所以吃撐還是要加。奶凍的奶茶味十分香濃，布丁的口感很滑，必點。

唔知係咪老闆唔係店度，一些女店員態度真係好差，我不忿父母要受氣，可能佢地係要求多左，老實講，父亲通常習慣去酒樓飲茶，咁佢同店員想要茶呢度無明既，因為呢度係提供奶茶或啡，你唔洗比我聽到個女店員同另一店員串我父亲叫佢叫埋點心燒賣咁串啫,公道講，唔係全部店員都咁差，一個男店員態度好，上飲品時會叫小心熱。食物一般啦，海鮮飯可以既，水果沙拉真係水果碎粒咁樣。

水蜜桃冰綠茶 跟餐的飲品 唔太甜 冰亦唔多 又有果肉 好清爽 適合食完pizza去除油膩既感覺而是日精選的pizza亦十分美味，類似酥皮的pizza底盛載住豐富既pizza餡 好食南瓜湯係跟餐送 好掂 飲湯同時食到絲絲南瓜肉🙈🙈

我地有4個人， 飛號53，開始時要等8張枱。店內等位地方唔大，只可以企門口，門口當然企左好多人。我地驚聽唔到，所以都企係門口旁。每隔15,20分鐘都入去問一問。過左1個鐘之後，店員先叫49, 4位，冇人應，之後突然叫55號，5位。咁我地都認為5位大d 枱，咁咪俾人地先，都好合理。再隔15,20分鐘，入去一問，竟然話53過左，真係吓左聲。店員仲話叫左幾次，唔知係佢細聲，定我地miss 左，之後佢叫飛明顯大聲好多。食物唔係唔好，普普通通。要等1個半鐘，全程企門口 (當時天氣好熱下），仲要被跳飛。唔係好值得。

生日要盡興, 3餐都食新野.去到大埔路過見到Tino's Pizza Cafe, 店舖新淨又岩岩開門, 決定入去食個EARLY LUNCH.裝修十分舒服, 見我地有小朋友, 立即安排BB櫈同餐具, 值得一讚!SET LUNCH有3個選擇, 包括了湯/主菜/飲品.南瓜湯 - 好香滑, 濃濃的南瓜味, 好好飲!主菜 - 煙三文魚水耕菜沙拉 - 菜十分新鮮, 煙三文魚有5-6片, 魚及菜的份量唔算多, 肯好有2件烤餅.烤餅有少少韌, 亦夠熱.瑪格拿坡里PIZZA - 熱燙燙上枱, 好多芝士, 厚底有少少煙韌.經典肋眼牛扒烤飯 - 個飯十分好味, 仲有少少飯焦. 但TOPPING牛肉就好咸好咸.

來自台灣的PIZZA店，珍珠奶茶PIZZA是代表！記得在台灣吃過珍珠奶茶PANCAKE，他們喜歡珍珠奶茶的程度，就是連PIZZA也要加上！批的質感似是印度薄餅那種，香酥而不油膩。批是熱的，而面頭的鮮果、珍珠奶茶醬、珍珠是冷的，味道真如珍珠奶茶一樣，珍珠亦頗有口感，但是正宗的台灣風味，所以是偏甜。TW珍奶甜星 Pearl milk tea pizza $68

去年秋天經過大埔曾經光顧這鋪,d野幾好食上星期同朋友再入去食,見有新的小食出咗,叫了個2人餐,加個炸魷魚,比第一次去差好多個雞沙律好細份又唔好食,有d似雞皮的感覺,三文魚薄餅餅邊不平均,又燶燶地(以前係好脹好靚的),個牛肉飯癡底,又油,口感好差,洋蔥圈同加果個魷魚好似營養不良咁,細得可憐,2杯野飲係正常一點,一杯是熱朱古力,一杯是藥水味的冰茶,以為有圖樣,係主打,就叫咗,點知飲野都衰咗一杯飲品坐就可憐,桌子小,上菜又迫,都唔知食得咩先,攪到d野又涷又更加難食,坐又迫放唔到野....去洗手間又遠又煩又污糟,仲要撞正人地攞咗條鎖匙,又要等別人回來,去到洗手間,更直是恐怖,仲衰過公厠,早知唔使等啦!坐唔舒服,傾唔到計,成三百蚊,真的好貴

諗住食pizza 見到呢間望落去環境好似幾好咁，心諗應該都OK嘅，咁就同男朋友入試下。 入到去坐低睇下餐牌有咩推介，見到餐牌讚呢個'義式果香燻雞'同呢個'西西里蒜味海鮮'pizza心諗餐牌讚得嘅都唔會差得去邊，跟住就叫服務員order 點知個pizza出到黎無色嘅，以為係間舖嘅特色。開始食啦，一食落去無味勁粉，都唔知自己食緊d咩，諗住叫服務員將個pizza番焗，睇下會唔會好食d，點知個服務員個態度太惡劣到好似我地欠左佢咁，嘢已經難食嫁啦⋯⋯都未見過pizza 無色無味 ⋯ 環境衛生仲恐怖 ；d蚊仲多過坐係度d客，救命 ！！ 結果我地食左一陣，真係頂唔順；埋單走！唉⋯又難食、環境衛生又差、服務態度差到呢⋯⋯唔係佢著住制服，仲以為佢先係客人！評分真的想俾負分,可惜冇

Tino's Pizza Cafe是介乎快餐與意大利餐廳的選擇。由於只是嘆下午茶，我們二人只點了一份海鮮燴飯和一杯hazelnut latte。鑊邊圍有紙圈，以防不小心誤碰。鑊很淺身而飯量少，每人只分到一少碗，味道倒算豐盛，海鮮配料亦多，鋪滿飯面有大蝦、魷魚圈及大蜆，味道算新鮮，尤其魷魚肉厚彈牙。米飯被香濃葡汁包圍，擠點鮮檸汁拌勻著吃，非常香口惹味，可惜飯質煮得腍了些（希望是一時失手），不夠嚼口。咖啡充滿榛子香味，夠渨厚而沒有過甜，質素絶不比連鎖大牌的同類產品差呢。店舖採光度佳，座位有空間感，裝修及餐牌設計亦見心思。大埔區居民可以考慮一試呢

做野做到三更半夜，友人突然帶黎一個外賣pizza，令本身超中意食pizza既我眼睛即刻發哂光好可惜，今次個pizza成為左我第一個食唔哂既pizza，因為實在油得太恐怖了！！！！！（後來問返友人）呢個應該叫蒜辣羊肉薄餅，係大size，分左8件，計大細既話都係附合價錢既大細~ 可惜當一拎起件pizza，首先見到張吸油紙係完全發揮到佢作用，因為已經吸到成張都變透哂咁濟，我隻手都即刻痴滿哂油，我其實係個炸野狂迷唔會怕好油膩，但果刻我真係幾肚餓都即刻拎幾張紙巾吸油，成張紙巾都吸哂油塊pizza都仲好油！！！！算數唔理咁多試左先，首先要讚一讚係芝士既量都好多，唔會係求奇放啲芝士碎係面果種，直到個邊邊位都係充滿芝士既！但味道方面，可能我無食過蒜辣既薄餅，第一啖真係嚇一嚇，蒜味重但辣味更重，絕對係重口味人士之選，但呢種辣味郤令到芝士既香味被蓋過左，食完一啖已經成個口都係充斥住辣既感覺（食完小心有口氣）,所以個人即使食開重口味都覺得呢個太濃味，除左蒜味個薄餅仲有好多洋蔥！！（想唔口臭都唔得啦哈哈哈）至於羊肉尚算無咁差，好薄但量都平均既，不過食落好似醃到唔多食到羊肉味，好羊既朋友可能會失望了。整體無論味

係大埔食pizza有咩選擇？如果你淨係識去pizza hut 果d大型餐廳 你就會走寶了 😏🙈🙈今次我同朋友試了佢個tea 一個set 有一個pizza同兩杯野飲 🍕煙三文魚pizza d皮好酥脆 賣相丏吾錯吾錯☺️ 味道好fresh 朋友叫了綠茶拿鐵☕️ 好creamy 好大杯 吾係hea貨我就叫了熱朱古力☺️ 我們另外叫了芝士薯條 多醬到點吾完 薯條又夠熱同脆

第一次試台式意大利菜，晚上7：30pm左右等了15分鐘就入坐。 我們今晚選了豪華二人餐。 飲品很大杯，不錯。我選了熱檸蜜，男朋友覺得酸了點，我覺得還可以，他選了熱珍珠奶茶，茶很香很好喝！ 沙律選了水果水耕菜沙律，頗清新還可以。 小食選了芝士薯條，芝士味不夠濃。但是新鮮炸起的。 波隆那風情佛卡夏，芝士是水牛芝士，蕃茄醬很開胃，這菜色是我覺得今餐最好吃的。 經典肋眼牛扒烤飯牛扒稍為熟了點，不過不失。 加了$48要了香蕉oero甜在星，覺得乾了少少，如果有點醬會較好。整體覺得普普通通，不知道是我選菜選得不好還是怎樣。下次可能會過很久再來了。

又去大埔食LUNCH,今次試下新野,去左食pizza呀,據聞是台灣引入的。 裝潢帶點型格,紅磚及不修飾的灰牆,掛有不少關於整pizza的用具及照片,木枱及膠椅,暖色的燈光,給人一種放鬆的感覺,但不好的是,我們坐的位置,張枱有點搖搖欲墜。即睇有咩食,要了經典雙人套餐,$198,包括一個比薩、一個沙拉、2款小食及2杯$24內的飲品。冬方夏威夷冰茶,跟餐轉+$3,好大杯呀,味道似果茶,好清新呀。熱檸茶。堤諾燻雞沙拉,份量較少,沙律菜新鮮,配上橄欖油及黑醋,酸酸地幾醒胃,味道fresh。酥炸洋蔥圈,好大件洋蔥圈,只係4件,味道普通。香脆粟米球,外層香脆,餡似忌廉粟米湯,都幾好味呀。義式番茄蔬菜烤鴨拿坡里比薩,pizza口感煙韌又彈牙,餡料十足,香口又好味呀。綜合莓果甜星,跟餐+$48。好特別的甜品,是甜pizza,口感外脆內煙韌,有少許似印度烤餅,中間餡是雜莓醬及檸檬慕絲,味道酸酸甜甜又唔漏,好味呀。食物味道不俗,不過份量比較少,環境其實幾舒服,不過係張枱唔穩陣扣左分,店員態度有禮貌,下次有機會再食呀。

成日搭巴士見到呢間餐廳終於得閒黎食下好唔好味店員服務有禮貌下午2點黎到餓到抽筋, 一埋位見到二人餐即order水果沙律好快上枱有D蜜桃,奇異果, 口感新鮮蕃茄蔬菜湯足料, 蕃茄味濃, 好味松露野菇pizza松露味香噴噴, 芝士份量合到好處食pizza最怕食到無饀, 得返個好厚既邊好彩個邊唔厚, 好味松露薯條無松露味, 但味道好似蒜蓉包爐烤紙包魚烤到入面剛剛好, juicy, 無骨2人套餐可以3個人黎食, 食到好飽埋單加一, $284