堅信號上海生煎皇 (眾安街) (已搬遷) 新店位置

餐廳環境幾好，光猛乾淨，每張兩人枱中間都有擺隔板，而且一坐低就有店員送上放口罩嘅紙袋同即棄餐具，乾淨衛生。佢嘅午市套餐有一個主食加小食同嘢飲，我哋叫咗秘製豬扒菜飯同上海粗炒，小食就緊係要試下佢地嘅招牌生煎包啦。熱辣辣嘅生煎包好快送嚟，枱面仲有步驟教你點樣食。生煎包嘅外皮香脆，咬開入面湯汁好多，肉餡鮮嫩。食嘅時候要小心唔好辣番嘴。佢嘅豬扒菜飯好特別，豬扒用秘製醬汁嚟煮，甜甜地，令到豬扒唔會咁膩。上海粗炒都好食，好足料，肉絲同椰菜絲都好多。不過如果可以少啲油就好喇。

禁夜晚堂食之後又回歸叫外賣嘅生活，平時行開見到呢間主打生煎包嘅舖頭都想睇吓係唔係咁好食，今次終於有機會😋😋 叫咗一共八件生煎包再加兩個湯麵，因為生煎包係招牌所以主要介紹吓佢，食落去係有驚喜，因為超多湯汁，生煎包亦都煎到個底好香脆👍🏻👍🏻 值得推介。其餘仲叫咗一款排骨湯麵同埋炸醬麵，雖然冇生煎包咁驚喜，但係味道都唔錯，開返堂食會考慮試吓😆

今天假期，跟女朋友去了荃灣逛街，買好冬衣為冷天作好準備。在經過這間店舖，看見門外有很多人在等著外賣，好奇乍看之下發現竟然是堅信號的特式主題分店，想起令人忍俊不禁的生煎包，就拉著女朋友進店用膳。堅信號上海生煎包：能夠用作招牌的菜式，果然從來不讓人失望，外皮煎得煙韌香脆，內裏肉嫰多汁，唯一注意是第一口時，小心被肉汁彈出燙嘴，經驗使人成長......堅信號厚切豬扒菜飯：豬扒同樣外脆內嫰，比較厚身，味道蜜甜，配上清新的菜飯，中和油膩感，相當不俗。京葱牛肉湯麵：京葱炒得香口惹味，牛肉嫰滑汁鮮，湯麵煙韌不稔。雞絲粉皮：份量頗多，醬料足夠，惟味道一般，算是不過不失之作。豆漿：只需加2元就有一杯豆漿，價錢宜人。

閑日放工唔知一個人食乜嘢好，剛剛經過這裏，沒有多人排隊即刻入咗一試，餐紙上只有套餐大概$60至$70左右一個，當然一叫招牌生煎包，另外叫咗雞扒肉燥飯，但一個女兒身，實在吃不消最後剩返大半件雞扒，於是乎問佢哋攞個紙袋拎走米嘥嘢，怎樣只有外賣盒加兩蚊，至於其他的肉燥飯丶雞扒不是太特別，所以基本上入去，唯一生煎包是最吸引吧！

真開心，呢間竟然都開左係荃灣，就一定要食啦，人氣首選喎，揀左雪菜黃魚濃湯拉麵，湯底好青甜，厚滑，黃魚煎香左，所以出黎個賣相已好吸引，魚身有小小外脆內軟，重點係冇骨，魚肉鮮甜，份量又非常之足夠，拉麵軟硬度剛剛好，非常美味。另外當然不小得要叫馳名既生煎包啦，外層煎好，樣子相當不錯，咬一口，真的要小心咬，有好多肉汁係裡面，而且非常夠味口應一流，我連續食左2個，實在太美味，仲有叫左個小食鎮江淆肉，非常有層次感，入口爽口肉質亦不會太硬，味道不會太咸，正，呢餐冇揀錯

昨天煩惱緊食咩既時候 行經堅信號聽人講佢地既生煎包好吃 就買左1份生煎包1份堅信號的豬扒粗炒追加1份夾包生煎包 質數和味道都是吾錯的夾包 正常的的質數 外婆也吃了一件豬扒粗炒 呢樣就認真麻麻 豬扒很甜像食方糖一樣 麵比一段的粗炒油膩吃完以上的食物 感覺味精多了些差點一口氣飲哂1支烏龍茶總括 食物沒有想像好味 下次未必會再光顧

鍾意食上海菜點能夠唔食生煎包呢？睇多隻山尖包一定要去生煎包王子嘅店，講緊就係呢一間啦！呢間餐廳已經開咗好多間分店，今次試吓荃灣呢一間，睇吓係咪真係咁好食。餐廳有飯有面任君選擇，而且仲可以單點小食添！點左一份套餐，係外婆紅燒肉配菜飯。紅燒肉都好大份，絕無欺場。而菜飯嘅份量都好大，絕對夠飽。套餐仲包括有小食，當然要試吓個生煎包啦。生煎包一咬落去就爆汁，入邊包住一舊豬肉，配埋湯汁，真正皮薄餡靚。套餐仲會有埋一碟菜，呢款係鮑汁菜心。所以套餐真係絕對抵食。另外見到餐牌有一款小食寫明不能外賣，於是乎就好好奇想試吓！呢款小食真心正，係冷盆嚟嘅，名叫鎮江肴肉，有中國Parma ham之稱！

今日喺荃灣搵嘢食，午市時間見到呢間好多人喺度排隊等位🤤睇落應該唔錯喎咁我就叫咗一個Set lunch：四川擔擔麵配兩個生煎包，擔擔面有一種麻辣嘅感覺但係佢食落唔係辣嘅，上面啲肉醬都係好龍尾好好食，成碗野嘅感覺好開胃，而且麵條軟硬適中👍係上海麵嘅風格🤤另外佢可以揀一款小食咁我就揀咗店裏面嘅生招牌「堅信號上海山煎包」兩件，嚟到嘅時候店員同我講咗聲叫我食嘅時候小心爆汁😂裏面真係好Juicy ，其實我係好少食生煎包，多數食上海菜我都係食小籠包，不過今次食完佢嘅生煎包我覺得下次食上海野都可以叫生煎包食，因為佢個外皮係脆脆地，而佢嘅餡裏面係湯汁滿滿的😋當然我都有叫咗份小籠包食😋小籠包皮薄而且都係好多湯汁😋點上薑醋汁食一流😋飲品方面我就叫咗茉莉花綠茶😉都唔錯。我見仲有豆瓣醬，不過豆瓣醬我就冇試因為我食嗰幾款都唔需要點🙃但聞落都幾香🙂

套餐有：小吃，油菜，主食，菜飯，茶，這個套餐都頗豐富。糖醋排骨菜飯，糖醋排骨是一條條的豬軟骨，糖醋味不濃，淡淡的。菜飯有部分很鹹，應是未均勻調味做成。鮑汁菜心，較蠔油無咁濃鹹，亦較易入口。生煎包2隻，不是剛煎好的，所以皮較硬。微温，但咬開仍見到大量湯汁在內，鮮肉餡亦不硬實，多汁好味。特選茉香綠茶，茶香。另單叫雪菜黃魚濃湯拉麵，製作需15分鐘。2塊已起的炸黃魚肉，厚度一般。魚肉算新鮮，沒有多餘的調味。雪菜濃湯唔太鹹，拉麵似上海麵，韌度可以。

平時生煎包食得多。今次試下食麵湯底中規中矩。唔係好特別。我覺得唔係太夠味道。重點係個湯唔夠熱。麵質感有啲淋。唔夠爽口彈牙頂上面啲肉。有少少凍冰冰有少少失望。下次都係食返生煎包算數不過下午價錢。又送豆漿。還好吧有代改善普普通通擔擔麵

喺荃灣行完街之後搵地方醫肚，經過呢餐廳，見到大大隻字寫住＂上海生煎皇＂，估計應該係講緊我鍾意食嘅生煎飽啦，所以就入咗去醫肚。餐廳入面唔係好大，但係好在夠光猛同埋乾淨企理，menu入面有唔同嘅套餐，我就揀咗個晚市套餐，有厚切豬扒拼孜然鷄中翼湯麵丶生煎飽兩個丶菜心丶同埋一盅迷你蟲草花雲吞雞。想講個生煎飽真係有唔少湯汁喺入面，啲湯汁又熱辣辣，底皮夠脆(如果再薄身啲就仲正！)，不過食嘅時候要慢慢食，因入面啲湯汁真係多而且好熱，唔小心嘅話好容易會淥親條脷😝。厚切豬扒食入口有驚喜，肉夠諗之餘仲有甜味，好似食緊好味道嘅半肥瘦梅頭义燒咁😋。仲有盅迷你蟲草花雲吞雞湯，湯味夠濃，用足材料，居然有隻鷄脾仔，厲害👍！

今晚一家人出去食dinner荃灣話大唔大，但keep住有新餐廳進駐今晚就去左試想食好耐既堅信號堅信號有幾間分店，最近終於開到黎荃灣位於眾安街，價錢又合理，所以人氣十足唔少人黎買外賣食，店員做到冇停手，最近套餐仲要做緊7折，非常抵食我要左$75上海粗炒+麻辣無骨鳳爪+生菜+1盅蟲草花蛋吞雞 (+$18)屋企人就要左$74京蔥牛肉菜飯+雞絲粉皮+生菜+綠菜仲額外要左兩籠大熱既小籠包 (@$36)上海粗炒好大碟，炒得幾香 雖然顏色好深色但唔會過咸食落唔會油膩仲有冬菇、肉絲、椰菜京蔥牛肉菜飯，炒得好惹味，牛肉嫩滑唔會韌，菜飯都好唔錯無骨鳳爪食落麻多過辣，啱晒唔太食得辣既人生菜大大碟又夠fresh，比好多出面既餐廳抵食蟲草花蛋吞雞湯雖然要加$18但都幾好飲，有好滑既雞搥、大大隻蛋吞加左兩籠小籠包，一籠4隻，熱辣辣上枱，裡面非常juicy，湯汁會爆出黎，皮唔會過厚，裡面既肉都大件又嫩滑，正！P.S. 呢到既店員都好好禮貌，上菜既時候都會唔該前唔該後，讚呀！

尋晚放工同愛人行荃灣千色店，穿過千色匯行到眾安街，睇到對面有一埋人買外賣，原來係間叫堅信上海生煎包嘅特色小舖，用咗家傳戶曉日本卡通小丸子嘅二、三線男同學嚟做主題，包括有永澤、山根、山田、藤木、濱崎、豬太郎⋯⋯雖然佢哋唔係主角，好多人都講唔出佢哋個名，不過已經好入屋，一睇就知道佢哋係同小丸子有關，好有親切感，令到我哋都好想入去打卡。招牌用得生煎包嚟招攬，生煎包一定唔少得啦，$20/2個，$36/4個，個生煎包都幾實淨，好彩等候期間已熟讀檯上展示嘅山煎包教學三部曲，如果唔係好易俾佢啲肉汁辣親，整體食落都唔錯，係嫌佢個包皮接口位過厚。小籠包$36/4個，不過不失，都算多湯汁。迷你蟲草花雲吞雞，$26/盅，如果食佢哋套餐追加$18就會更抵，湯內有兩粒雲吞一隻小雞鎚，呢碗湯真係有啲喜出望外，湯底濃郁，帶點好似花旗參嘅甘，雲吞皮薄餡料足，小雞鎚肉質唔會食到煲湯渣咁，有咬口有雞味。雪菜黃魚濃湯拉麵 $66，寫住＂即點即做，需時15分鐘＂，見到都吸引，嚟到確實好味，第一啖先飲湯，鮮甜濃郁，黃魚炸得香無腥味，麵質彈牙，值得推介👍🏼

放完長假後返工返到心很累收工決定約個friend聚下舊 喺荃灣行左陣街後搵地方食dinner行到眾安街附近見到堅信號都幾多人買外賣好似好吸引咁 仲要唔洗點等位就入得入到去見到成間店裝修好光猛 而且用左永澤同學做decoration仲有永澤同學樣既小籠包好似去左小丸子既世界咁充滿童趣一坐低staff好貼心咁同我地介紹有套餐同散叫既野食仲有小籠包同麻辣酸菜魚選擇非常之多我地一人要左一個餐再額外加左4個小籠包肉燥拼蜜椒雞扒菜飯非常足料菜飯用左珍珠米肉燥唔會過咸雞扒外皮煎得香脆 內裡嫩滑juicy加埋醬汁味道非常好雞絲粉皮醬汁配粉皮食很不錯加埋雞絲、芝麻同青瓜絲一齊食口感豐富菜心好鮮嫩而且比出面既菜都大碟好抵食小籠包一籠有4隻每隻裡面都包滿湯汁咬落去爆哂出黎裡面嘅肉好鮮嫩皮薄餡靚飲品加左2蚊要左豆漿飲落好新鮮、真材實料每人100蚊就食到非常飽好抵食！

今晚屋企人話唔想煮飯 收工後就返左荃灣搵食屋企人話想食喺眾安街既堅信號好耐今晚7點鐘去到 見好多人外賣 堂食唔洗點等位 即刻入去食菜單都幾多選擇 有散叫有套餐 而且套餐仲有discount有主食+小食+生菜+野飲 都只係60-80蚊左右 抵食呀我要左四川擔擔麵+2個生煎包+生菜+熱綠茶 $68擔擔麵顏色好靚 睇到都流口水試下個湯頭 麻而不太辣 香得嚟又唔會覺得好heavy 濃而不稠上面仲有花生碎粒 肉燥 酸菜碎 蔥花同湯拌勻 味道 口感都好滿意麵條q彈 每條都掛起哂湯汁 正！生煎包上枱既時候 店員就提我地小心爆汁果然入面非常juicy外面既包煎得香脆裡面既肉夠份量之餘仲好嫩滑湯汁熱辣辣 食既時候真係要小心啲生菜份量都好大碟而且都好嫩最後飲埋杯茉香綠茶清清地 做ending唔錯非常滿意既一餐