堅信號上海生煎皇 (花園街) (已結業)

何謂厚豬扒？得果3舊仔加一條菜，感覺勁頹，味道只是還可以，如冇記錯我一年前食仲會比一塊你，早餐29蚊既話可更多選擇，我食完仲要去食其他野先飽，完全冇heart☹️今時今日咁既質素真係冇野講

平時都好少留食評 今次真係忍唔住 好耐未食過咁難食嘅嘢疫情期間大家都係屋企食嘢，今日路過旺角呢間堅信號，見到佢號稱$75有ABCD咁多樣嘢食好似好抵咁，就買咗返嚟試吓。點知佢都幾好野，一間餐廳樣樣嘢食整得好食好難，樣樣嘢食整得難食更加難，今日終於比我體驗到。首先講一講呢個雞絲粉皮，另外加咗$24不知所謂。粉皮本質唔差，夠薄同爽滑，但成碟野好似比油浸住咁，入口全部油膉味，完全食唔到雞絲粉皮嘅清爽。$24居然只得3，4條雞絲，仲要有兩條係雞皮。跟住到糖醋排骨菜飯，啲排骨完全唔入味，食落仲要鞋歰歰。糖醋汁正常係要夠杰夠香，係佢仲稀過水。個菜飯，飯無飯味，菜更加冇菜味，啲飯淋到溝埋啲汁以為自己食緊粥。最後個生菜係成餐最好食，但都係睇得出放咗好耐。同埋雖然係套餐姐，淨係比兩條我會唔會太過分？：）

6pm之後冇堂食，5:30pm入去食個下午茶生煎包(4個) ($28) +凍豆漿(+$2)生煎包係餐廳signature, 一咬落去啲湯即刻流哂出嚟(真係會辣親個咀)，肉都幾重胡椒味，而皮比起一般茶樓會薄少少，個底有半煎炸嘅感覺，好脆口，8/10！豆漿甜度適中，正常，唔算特別香，不過真係超抵食！糖醋排骨($58)肉炆得好𣺉，醬汁偏酸，唔會好甜，不過相對下午茶餐就唔算平，6/10！

堂食點左生煎包四隻糖醋排骨雞絲粉皮難食到一個點 雞絲粉皮超濕完全唔知自己食緊咩另外糖醋排骨根本就唔值$58唯一好少少嘅生煎包都完全唔值呢個價可以唔使試伏🙂 有得避好避🙂

最近越來越多確診，大家都好擔心再有第二波疫情，出去食飯，當然都想搵一間衛生意識高既餐廳🧽🧴之前限聚令既時候幫襯過呢度一次，好欣賞呢間餐廳一直防疫意識都好高，門口1粒鐘會消毒一次、全線用獨立包裝即棄餐具、每個客都會比個紙袋放口罩😷今日一個人去食晚餐，見到員工對防疫都冇鬆懈，有客人走，員工就即刻用消毒噴劑抹乾淨晒D枱櫈👍👍👍👍糖醋排骨菜飯（$59）排骨香甜入味，醬汁酸酸甜甜但唔會澀，少少已經送到半碗飯🤤肉質軟糯，令人忍唔住一舊食完又一舊😋堅信號生生煎包（2個）（$20）鐘意食生煎包因為鍾意一啖咬落去可以食到香脆既包皮索晒D肉汁😍包底煎得乾脆金黃，肉餡鬆化多汁，肉香由喉嚨沖返上黎💗💗💗💗剛剛煎起既時候即刻食會比D肉汁「辣」親，最好等一等先食😂

自從上年轉了工作之後，我們便很少來到旺角區吃午餐了，更不知道原來在祥興記上海生煎包的旁邊，竟然開了另一間同樣都是主打上海生煎包的店舖~堅信號，所以今天我們便來這裡嚐試一下，以及略為比較一下兩間的分別No.1【堅信號生煎包】$36由於生煎包非常熱騰騰，所以外皮十分香脆可口，質感更油而不膩，而內裡的豬肉則嫩滑可口，鮮美多汁，每一口都充滿著淡淡的豬肉氣息，咸咸的，香香的，讓人回味無窮，一試傾心美中不足的是，生煎包內的湯汁充滿著少許的味精味道，而旁邊的祥興記生煎包則沒有這個問題不過這裡的用餐環境卻舒適很多，所以我覺得這間略勝一籌No.2【堅信號灌湯小籠包】$36小籠包的皮都算薄身，口感則微微煙韌彈牙，而豬肉的肉質亦柔軟嫩滑，香甜可口，而小籠包內的湯汁亦十分香濃惹味，咸香四溢，口感豐富細膩，讓人口舌生香，吮指回味No.3【芝麻醬五彩冷麵】$48現在天氣愈來愈炎熱，我已經開始不想再吃熱騰騰的湯麵，所以今次便嚐試一下冷冰冰的冷麵，希望有助降溫一下事實證明冷麵真的可以增加一個人的食慾，冷麵的質感煙煙韌韌，而雞絲則嫩滑多汁，清甜可口，最後配上特製的芝麻醬後，立即變得惹味開胃，滋味非常，最重要是整碗冷麵都

平日晚市去食，唔算多人，即時有坐位安排入坐。一行三人，叫左兩個菜飯同d小食。分係糖醋骨菜飯，厚豬扒菜飯，生煎包，同埋雞絲粉皮。我本人不嬲都中意包點類東西，生煎包尼到好出名，一於試下，一咬開，有好多熱辣辣既湯汁流出黎，要小心熱，皮煎到好香脆金黃，豬肉餡幾好食，唔太咸。兩個菜飯都好食，我特別中意厚豬扒嗰個，豬扒直心好食，半肥瘦，唔鞋口，佢用醬汁醃過，好入味，配埋清甜菜飯，超級絕配，perfect match. 下次如果一個人再食我覺得叫個菜飯加份生煎包就夠唒！

因為《 堅信號》、《上海生煎皇》用現今流行的仿肉食品 "新豬肉" 來製作一系列的上海飯麵同點心小食，令我同太太變成了這一個品牌食店的常客。這一天，我同太太在旺角想起食，太太一口就大叫了《上海生煎皇》。然而，《上海生煎皇》這品牌早就統一店名為《 堅信號上海生煎皇》，所以，我們就來一試這位於旺角街頭的旗艦店。這一次，我試了他們的新產品，港式燒鵝髀小籠包。每一隻小籠包上，都有一小片燒鵝皮，內心就是鮮味的燒鵝肉。可是，用上了鵝肉做餡雖是新奇兼特別，但入口的肉感覺不滑，有鵝肉的粗糙感。再加上沒有豬肉、牛肉產出的肉汁在餃內，未免有少少失色。滬式炸雲吞，是一個皮脆香口的肉餃子。皮有點厚是正宗上海的 style。點一點泰式甜辣醬，很是可口。我們在香港、廣東，吃慣了廣東式的薄皮炸雲吞，這次吃滬式的厚皮，有點不習慣。太太每次來到《 堅信號》、《上海生煎皇》，都會點這一個新豬肉小籠包。味道同餡料是依舊的。只是感覺上，"新豬肉" 用得越來越少了，菜同豆腐的比例比"新豬肉" 多。素食是有套餐選擇的，一麵一點心時，她就會點上新豬肉擔擔麵。反而，擔擔麵用了許多的"新豬肉" 。味道十分香口，有濃的 "肉" 味，花生香

【堅信號上海生煎皇】『九龍篇-油尖旺區』近期因為就黎上堂考試既關係，所以同個朋友四出搵地方溫書。最近既旺角有一間唔錯既自修室可以試下，環境裝修清幽之外，仲提供Coffee 飲品任飲，溫書必備條件都有齊哂。有興趣既朋友可以Search『Desk One』（佢唔止有旺角分店）。溫完書就梗係去醫肚啦，付出左成日既力量塞左咁多野落個腦到。而我地就想快食得黎又有D 特式，兼有D 菜落肚消化下。我一諗就諗到上海菜，當然就要試試Oscar 既上海生煎皇啦。因為佢同另一間生煎包係兩鋪之隔，上海生煎包皇知門面就輝煌D，裝修會文青特式D所以唔會認錯。適逢呢排係疫症肆虐，堅信號都有平價套餐支持大家生活，同大家打打氣。個套餐非常全面，包一份小食、生煎包、主食同埋飲品。小食我地叫左兩份麻醬五色粉皮生煎包四隻。主食就有四川擔擔麵同埋秘製厚切豬扒拼蜜椒雞扒菜飯。另外，我地跟餐再加多個蟲草雲吞雞補補身。先講講個粉皮先，個粉皮其實唔錯，都算中規中距。由於係小食形式，所以份量係會細D。再講講個生煎包，話說堅信號最出名當然就係生煎包啦，果然係名不虛傳，佢地堅持一定要新鮮上台所以上親台郁會熱辣辣咁上，呢個位特別要注意既係，咬

因想食生煎包就入內試下，生煎包（$18）做到爆汁效果，所以食時要小心，小心整到隔離個位，但味道就不過不失，皮蛋豆腐（$35），個汁做得唔錯，但皮蛋就略少左d,紅油抄手（$38）就好一般，厚切豬扒担担麵（$58），麵好淋，豬扒味道同叉燒無異，可能我唔預計係呢個味道，所以我覺得唔算太好食，不過價錢唔貴，但未必會再試。

旺角小店好多，今日揀左食上海野，一入到去職員有禮對待，詢問我「需要口罩袋嗎？」種類都有好多，我們揀了「雞絲粉皮」尚可！粉皮夠滑！「麻辣土豆絲」一般！未夠麻辣，如果再幼一點土豆絲更好！「生煮包」包內多汁，但肉味未夠鮮，「小龍包」皮薄夠熱，另外叫了 「雞扒菜飯」雞扒配上黑椒汁（凍左結了）雞肉鮮嫩，菜飯麻麻地，感覺似泥膠（可能都是因為唔夠熱）。註：場內冷氣超大風，令食物好快凍在我要求一杯水，待應表明了只有過濾水喉出的，再後我說要熱水，她仍表示只有水喉出並沒有熱水，感覺令人失望

午市套餐貴左 唔抵食。感覺將貨就價。 例如以前套餐有豬扒菜飯一大塊厚切， 而家只有豬扒拼雞菜飯，豬扒大大條骨，肉得幾舊，感覺大不如前。....................................雖說是餐，售價就好似單叫一樣咁貴。叫左個套餐一個飯$50+ 生煎包$15+熱豆漿$2⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

係旺角行行下好餓又唔想食掃街，突然見到尼間店就叫左 4個生煎包外賣食。叫左之後都等左5分鐘先有（唔知係唔係即叫即整），一拎到就馬上食呀！個皮唔厚 同埋好脆，而咬開中間係好多好多肉汁 熱辣辣！如果加埋酸仲好食！相信下次經過都會去買份外賣食下！

下午3點幾在旺角想吃午餐，發覺很多餐廳都關門大吉。一邊走著走著就見到「堅信號」，餐廳門面幾得意，有個小窗口比人叫外賣，就諗住入去試試。兩個人點了四個生煎包、四個小籠包同一碟厚豬扒上海粗炒。小籠包先來，熱到出煙，非常好。咬開入面有濃濃的豬肉湯，皮也不算厚。之後來了生煎包，小小的一只，都幾足料，味道還可，我覺得隔離好食d！上海粗炒，豬扒有點"鞋"，味道偏甜。吃完後望一望，個老版個樣熟口熟面，我想應該是餐廳轉了名吧。總括而言，如果諗住快快吃個午餐，無咩要求，是可以來吃的。

我們一行四人來到旺角近金雞廣場搵食，選中呢間，因佢星期日中午飯市唔駛等位。糖醋骨，整體來講是一般，肉身不夠軟，味道不突出。上海粗炒，味精偏甜，鑊氣、麵香不明顯，份量算大碟。生煎包方面，最大敗筆是煎底不夠香，餡料亦不夠鮮美搶味。到了主食之一的豬扒麵，味道上... 係正正常常，不論肉及麵也是，問題是缺了惹味，整體上缺乏重點，有如在家隨便煮食充飢。雞扒菜飯，味道平凡，賣相算是加了分。小籠包，皮不算厚，但相比好些店，都會被比了下去。皮內肉湯有是有，但不香濃；肉質正路，但不鮮美。端上桌子時的熱度方面，建議可略為提高。總體而言，此店出品對路，可是各方面都稍嫌失色，實須急謀改善之法。