堅信號上海生煎皇 (屯門時代廣場北翼)

营业中

休息中

去開屯門，今日蛋奶素日見到堅信號，之前食開佢哋嘅上海粗炒（走肉）今日望吓有冇其他嘢可以選擇先？見到有四川擔擔麵，問吓佢哋有冇得走肉？點知竟然有，有啲凍，所以都想食湯麵，決定嗌呢個！再加上午餐有小吃（剛剛好有得選擇拍青瓜陳醋貓耳仔）另外最近做開運動，想食多啲蛋白質所以加多隻滷水糖心蛋先講擔擔麵先，就算佢冇肉碎，花生醬夠濃都幾好食，不過個麵就腍咗少少至於小吃就差啲小雲耳唔夠入味，糖心蛋都唔夠糖心見到都覺得over cook 講真，而家糖心蛋，做得好，真係好基本，亦都唔係啲咩特別秘方先做到，呢個希望佢哋下次注意

屯門時代廣場新開咗間堅信號生煎包，星期六早上9點幾見有位，入去一試佢個早餐，點知一試即中伏。叫咗個$50秘製豬扒配上海麵早餐，送熱飲。上到枱，比佢份量嚇親，係細到嚇親。從未見過上菜豬扒咁細塊，開頭第一眼以為佢比錯雞扒，但明明餐牌無雞扒呢個選項。睇返餐牌，張圖幾靚仔，塊豬扒成個碗邊咁闊，再對比下我果碗……果然相片只供參考，OK無下次☹️☹️☹️。上海麵正常味道，所謂秘製豬扒似叉燒醬醃出嚟嘅味，太甜，唔好食。$50咁嘅份量同味道，唔值。其他餐廳會有更好選擇，甚至配有煎蛋/腸仔/多士。呢間試一次夠了。