堅信號上海生煎皇 (將軍澳廣場)

营业中

休息中

之前新開張見好多人排隊商場嘅海報上又影得好似好正一路都好想試食但有朋友食左話好難食叫我唔好食有朋友入嚟將軍澳，咁啱嗰日諗唔到食咩佢又話想試呢一間我地就入左去食我叫咗個擔擔麵配豬扒佢叫左都係豬扒配菜飯擔擔面一嚟到見到個顏色以為會幾好味，一食落去係偏甜所以冇佢個顏色咁吸引個豬扒真係重點，甜到呢唔知到底用咗幾多糖整🥶🥶生煎包正正常常普普通通唔知其他嘢食得唔得不過呢一餐真係甜到我怕怕地🙈-最後我先同個friend講，我有朋友食過話唔好食佢話有冇搞錯做咩唔講，

見到呢間店開得成行成市，咁岩路過於是試一試。餐牌非常簡單，套餐和下午茶只有平日供應，我星期日去食只可以叫正價。一場嚟到當然要試吓佢嘅著名生煎包。生煎包上枱是暖的。裏面雖然有好多汁但係偏淡，相信係餡料參左太多水。另外叫咗碗炸醬伴面同埋擔擔麵。炸醬麵啲醬色水唔錯但係同生煎包一樣，淡！未試過食炸醬麵要自己另外再加其他醬料。或者餐廳已經為我健康着想，等我唔好食咁咸。擔擔面中規中矩，唔食得辣嘅朋友唔好叫因為都幾辣。

比漏野要人親自去攞返錢或者攞返d野食漏咗野一句唔好意思就算叫餐廳送黎屋企又唔肯一d 誠意都無出單無check過單最後又麻煩到個客解釋一大輪廢話最後都係唔想有任何讓步啫唔會有下次尤其係外面自取

川味口水雞翼飯辣味香，又唔係麻辣個種，係香辣。雞翼全部係翼，肉質嫩！呢種川辣岩哂我口味！好開胃吖👍🏻👍🏻👍🏻外婆紅燒肉菜飯天口熱又唔想食白飯咁dry，正好餐有菜飯！餸同埋飯分開放👍🏻d汁唔會入晒落菜飯到。👍🏻紅燒肉入口即溶😋😋😋好食！唔會漏堅信號生煎包爆多湯😍😍😍外皮口感爽，熱烘烘；底面脆卜卜!!雞絲粉皮冷食黎，好好食😜😜😜雞絲滑滑，青瓜切絲消暑。配上胡麻醬撈埋一齊食🥰夏天食岩哂！正！！跟 餐 送 灌 湯 小 籠 包 💕爆哂汁，好 juicy！！！皮薄餡靚，誠意之作。腐皮～～甜得滯 💨酸辣湯，唔辣但味道古怪，有別於出邊嘅酸辣湯。不過佢個料係多嘅～冬菇啊乜都有⋯ 茉香綠茶🍵 好飲，清清香香。哈哈哈服務態度相當好！每上一道菜店員都會話請慢用！入座前會有口罩紙袋比你裝住口罩入座前店員仲幫我哋消毒枱面同埋椅，抵讚

原來將軍澳廣場開左堅信號生煎皇, 佢位置算有少少隱閉, 搵左陣先見到生煎包 $32生煎包相信係呢間店既招牌菜式, 外皮厚薄適中, 賣相靚而且底部煎成金黃色, 食落香脆, 入面咬落去仲有好多肉汁同濃湯汁, 餡料豬肉有咬口, 味道唔錯, 外皮 & 餡料 & 湯汁同樣出色! 就算我外賣拎到番屋企, 都仲食到脆既口感, 相信堂食會更加好味秘製豬扒擔擔麵 $58秘製豬扒非常軟, 好重蜜糖味, 感覺有d似食緊叉燒咁! 擔擔麵肉碎都幾多, 幾重花生味, 都幾香幾惹味, 但食落又完全冇辣, 如果可以再辣少少就會更香口! 麵質尚算彈牙, 唔會煮到好腍秘製豬扒菜飯 $52拎到屋企先知又叫左秘製豬扒, 兩個一樣既餸... 好彩味道係好食! 而菜飯用左小棠菜撈, 飯質軟硬適中, 豬扒同飯嘅份量都唔少, 男士都會夠飽

開張左都有一段日子，一路都想搵機會試，就今晚啦，仲有得坐卡位見佢有呢張生煎皇特惠晚餐餐紙，主食最貴都唔過七十蚊，送特選苿香綠茶，仲送灌湯小籠包 (2個)，相當抵食喎隻小籠包舖上薑絲，皮有點兒薄，就算小心夾起都穿; 內裏係相當多湯汁，食時要小心!跟餐追加小食一律$10，當然要試下佢嘅招牌 : 堅信號生煎飽 (2個)灑上黑白芝麻增加香味，個包底部煎得香脆，咬入去時真係要萬分小心，係會爆湯汁架，睇下................個碗D湯汁全部都係佢嘅!  饀料調味得幾好，最緊要係夠熱，皮同肉嘅係兩種口感，無拆自己招牌呀!加$5轉配酸辣湯，應該無下次，死因係 : 只係暖口，唔夠熱; 只食到辣味，酸度略差，仲食到麻油味(?!)，整體感覺似食緊碗加辣嘅"碗仔翅"!主食係呢客京蔥牛肉湯麵 ($62)，京蔥牛肉同湯麵分上呢度嘅京蔥牛肉同我食開嘅都幾大分別，無濃油赤醬，似係就咁屋企炒嘅甜椒京蔥同牛肉一齊炒就算，敗北位又係唔熱嘅; 反而個湯麵單食都幾好味，夠熱同有D煙韌感!侍應態度係有禮嘅，但某D食物方面有待改進.......................當食都唔夠熱，咁同外賣有咩分別?!!

今日收工同朋友過咗去將軍澳廣場同朋友食嘢，見到好似啱啱新開無耐嘅專食上海野開嘅舖頭，決定去試下🥯生煎包4個 $36生煎包熱辣辣個底好脆 好有肉汁餐廳有教要咬一啖 吸啲汁都唔錯😂🥟小籠包 $32用一個籠上菜皮可以再薄啲 都係爆汁都唔錯🍜厚切豬扒擔擔麵 $64擔擔麵啲面好淋淋到覺得唔係好入到口個湯底好稀 無芝麻擔擔麵嘅味完全唔似擔擔湯底啲味🤨只有好重味精嘅味而且仲要好口渴不過個豬扒就真係好食嘅有蜜糖汁 但又好軟熟🍜厚切豬扒湯麵 $60啲麵又好淋朋友話湯底似史雲生味道：👍🏻👍🏻👍🏻服務：👍🏻👍🏻👍🏻價錢：👍🏻👍🏻👍🏻環境：👍🏻👍🏻👍🏻地理位置：👍🏻👍🏻👍🏻回頭機會：👍🏻👍🏻👍🏻

堅信號生煎包的將軍澳店剛剛新開張，今日就來試一試。來堅信號當然要點其招牌菜生煎包，一碟四件，SIZE比較迷你，不過勝在熱辡辡的，皮薄餡靚，一口咬下有爆汁的感覺，充滿濃濃的肉汁，非常美味。皮蛋豆腐是我的另一至愛。香濃的皮蛋、淡淡的豆腐和惹味的辡醬，配合得天衣無縫，我最愛滑滑的凍豆腐，有入口即化的感覺，大愛！今次還點了麻香茄子，茄子切成細斷的，我喜歡茄子軟軟的口感，搭配上麻醬很清新開胃。

對麵食一向情有獨鍾，看見「堅信號」分店處處，門面也算乾淨企理，一直都想去試試。週末和老公行經將軍澳廣場，滿懷期待去吃下午茶，沒想到大失所望。招牌生煎包，肉餡噴汁但不鮮甜。，上海粗炒，肉絲寥寥可數，而且只是溫熱，麵條不新鮮，比超級市場的更糟糕。價位也不算便宜，食物水準令人失望到絕望，絕對不會再光顧，各位食客小心中伏。

第三次幫襯，今次order咗上海粗炒和豬扒菜飯。上海粗炒味道可以，但係豬扒菜飯每次食都係唔夠熱，啲菜飯又比較淡。上次幫襯生煎包覺得味道唔係特別突出，但價錢偏貴。幫襯都係貪佢地點方便同豬扒都算啖啖肉。

一入黎有個姐姐耐心問有無用安心出行無就用紙寫低用低介紹食物（推介有平ga小食）到落完單食野 全程有客入黎都聽到歡迎你走又叫你拎齊野好耐未試過d餐廳咁熱心野食好食鋪內都乾淨企理

晚上八點購買生煎包四個， 收銀竟然同我講個纸盒要加兩蚊！都好啦，跟住拎張飛係97， 望一望先……！見到取餐處已經做到93，即係應該唔使等好耐啦， 結果等咗20分鐘！ 出餐嗰啲人兩頭擰唔知自己做緊乜嘢咁！拎到返屋企一打開……！唔熱嘅！咬落去啲汁係流曬出嚟，但係一啲都唔熱 ，好似倒瀉樽油咁！包面又硬又乾又厚， 裏面凍冰冰啲肉仲係粉紅色， 下次一定唔會再幫襯！大X樂都好食過佢😫 只好怪自己以為佢好似之前樓下food court 祥興記生煎包咁好食😋

今日去食午餐，冇叫午市套餐，因為想試麻辣酸菜魚，再加生煎包。兩樣都唔好食，魚唔新鮮有腥味，麻辣同酸味唔平衡唔香，非常一般！招牌生煎包更加唔好食，賣相已經唔得，見到，你唔會想一啖咬落去，望落去好似兩粒大少少有黑芝麻嘅墨魚丸，好細隻冇口感，食唔到包嘅質感因為真係好細隻，另外皮底一啲都唔脆，應該煎完放咗一段時間，肉汁唔香冇鮮味，好失望，是我食過最差嘅生煎包。價錢同食物質素不成正比，埋單$92。唯一可讚是服務唔錯，會主動問要唔要碗仔。

本來見到很多人都不想光顧，不過認真看來大多數都是外賣，而且客戶去留交替比較快，所以我們都隔了一段時間都進去了。一開始的時候已經有人提示我們用紙貼餐，而且主題給予我們碗和暖水，這一點反映出這裡的侍應服務不差；只不過餐具用外賣的筷子與匙羹有點兒覺得不想洗的感覺，這一點感覺不是以客戶出發。不管怎樣，擔擔麵很入味，雖然辣度上我不太覺得辣，但是味道上絕對有水準；至於上海粗炒比較甜，雖然油膩基本上係一早知道，但係呢種甜度彷彿讓我有點困惑，就連不喜歡吃菇的我被這種甜味蓋過了雙眼，吃掉了不少菇。最後當然是生煎包，樣貌看起來比較小，不過每人吃兩個也是相當夠食，皮夠厚，可以讓你咬開少少，然後吸盡入面的湯汁，湯汁也是相當好味，是十分吸引的。至於肉我個人覺得比較普通，有一種，就係肉囉，的感覺。價錢方面，個人覺得比較昂貴的，可能因為見到他們平日有午市套餐或者下午茶套餐，又或者是因為一開始見到好似份量少的原因，而認為昂貴。只不過論性價比也算是比較高，不只是某些我們喜歡食的在下午茶真的便宜很多，所以我下次會嘗試下午茶時段。

長期漏單！拎嘅飛快11！等半小時都未整好！同一個飯！k23都拎走左了！同我講未炸好！再等多3分鐘！會不會太可笑啊！等3個3分鐘都未得！實在過分lo！態度又唔係好！講真其實真係唔係傳說中吹得咁好食！生煎包皮又厚又硬！重點係煎太濃！只有濃味！