培記特色茶餐廳 (已結業)

晚市有多欵中式套餐，全部有飯有湯有餸，都係$50起至$70蚊之间。最重要佢地d 一人中式套全部都有質素，又好味。今晚食左 薯仔蚊排骨，正呀！对於土瓜湾仍然仲有呢類價錢公度的小店实在很难得

今日收工經過見到橫街有間茶記有人排隊等位咁奇怪，橫掂有D餓跟住排隊試下，唔怪得啦，咁平晚餐包白飯例湯都系45蚊，重要有人服侍講真都無乜期待，佢地晚餐有九款套餐，我要左蝦醬通菜炒牛肉，出乎意料的好食，蝦醬夠香牛肉入哂味，碗白飯重誇張成坐山咁我大男人一個都食唔哂，但最正原來系個湯，老闆娘話日日唔同，今日系花生眉豆煲雞腳，湯好濃好鮮飲左唔口渴，不過美中不足想加錢要多一碗，老闆娘話每個套餐只跟1碗例湯，加錢都無得加湯，佢話免得太早賣哂，D熟客會鬧，奇怪到死煲多D唔得咩總之45即炒晚餐真系超值，不過人太多要搭枱，4人枱真系坐4個三吾識七既人食飯真系有d尷尬。

晏晝食飯最怕係每日打開餐牌都係同一樣，就算一禮拜轉一次，都要食哂A至E餐，好悶姐今日食呢間有啲特別，佢係土瓜灣近高山劇場果邊，理論上屈左上去少啲人食，但入面竟然坐滿人，雖然未至於要排隊等位，但係點睇都係一間茶餐廳佢果餐牌有9種唔同既選擇，梗有一款蒸野同埋湯飯，價錢係38蚊。款式一定比其他既多好多，價錢就屬於普通美式雜扒飯（洋蔥汁）凍奶茶 hk40大概5分鐘到，侍應姐姐話因為呢個係茶檔果邊做，所以特別快，同枱朋友仔既炒野大概10分鐘。每個套餐都係收單先做，雖然唔會特別快，但食既係即炒味道，熱辣辣雜扒有大塊豬扒，好細塊既雞扒同一條剛煎好既腸仔，份量算可以啦。飯比想像的多，洋蔥汁係啡色既汁，有洋蔥條，香味就無，不過勝在熱辣辣，餸飯都幾好，而且汁份量適中，唔會過多濕立立落個飯度豬扒雞扒都煎得香口，淋身。豬扒特別大快，有骨側邊有少肥肉，煎燶少少，食落香口，幾好味。雞扒太細舊，只有半隻手掌咁大，不過煎都好香，都係燶燶地，咬落口感幾好，啖啖肉，有肉汁味道凍奶茶份量係膠杯大小，算適中，茶味唔算濃，夠凍，味道可以，奶味甜味唔會特別重總括，套餐份量適中，價錢加凍飲都係多hk2，味道唔係特別好。但餐牌上咁多