影片
晚市有多欵中式套餐，全部有饭有汤有𩠌，都系$50起至$70蚊之间。最重要佢地d 一人中式套全部都有质素，又好味。今晚食左 薯仔蚊排骨，正呀！对于土瓜湾仍然仲有呢类价钱公度的小店实在很难得
继续阅读
今日收工经过见到横街有间茶记有人排队等位咁奇怪，横掂有D饿跟住排队试下，唔怪得啦，咁平晚餐包白饭例汤都系45蚊，重要有人服侍讲真都无乜期待，佢地晚餐有九款套餐，我要左虾酱通菜炒牛肉，出乎意料的好食，虾酱够香牛肉入哂味，碗白饭重夸张成坐山咁我大男人一个都食唔哂，但最正原来系个汤，老板娘话日日唔同，今日系花生眉豆煲鸡脚，汤好浓好鲜饮左唔口渴，不过美中不足想加钱要多一碗，老板娘话每个套餐只跟1碗例汤，加钱都无得加汤，佢话免得太早卖哂，D熟客会闹，奇怪到死煲多D唔得咩总之45即炒晚餐真系超值，不过人太多要搭枱，4人枱真系坐4个三吾识七既人食饭真系有d尴尬。
继续阅读
晏昼食饭最怕系每日打开餐牌都系同一样，就算一礼拜转一次，都要食哂A至E餐，好闷姐今日食呢间有啲特别，佢系土瓜湾近高山剧场果边，理论上屈左上去少啲人食，但入面竟然坐满人，虽然未至于要排队等位，但系点睇都系一间茶餐厅佢果餐牌有9种唔同既选择，梗有一款蒸野同埋汤饭，价钱系38蚊。款式一定比其他既多好多，价钱就属于普通美式杂扒饭（洋葱汁）冻奶茶 hk40大概5分钟到，侍应姐姐话因为呢个系茶档果边做，所以特别快，同枱朋友仔既炒野大概10分钟。每个套餐都系收单先做，虽然唔会特别快，但食既系即炒味道，热辣辣杂扒有大块猪扒，好细块既鸡扒同一条刚煎好既肠仔，份量算可以啦。饭比想像的多，洋葱汁系啡色既汁，有洋葱条，香味就无，不过胜在热辣辣，𩠌饭都几好，而且汁份量适中，唔会过多湿立立落个饭度猪扒鸡扒都煎得香口，淋身。猪扒特别大快，有骨侧边有少肥肉，煎㶶少少，食落香口，几好味。鸡扒太细旧，只有半只手掌咁大，不过煎都好香，都系㶶㶶地，咬落口感几好，啖啖肉，有肉汁味道冻奶茶份量系胶杯大小，算适中，茶味唔算浓，够冻，味道可以，奶味甜味唔会特别重总括，套餐份量适中，价钱加冻饮都系多hk2，味道唔系特别好。但餐牌上咁多选择，加埋实有位坐，下次都会再选择呢间
继续阅读