城南道車仔麵 (已結業)

香港美食少不了車仔麵，放工經過呢間新開的就入去試下。坐左一陣，都好多人黎買外賣！車仔麵有以下選擇。仲有串燒添。熱檸水三餸麵$33南乳豬手、鹵水雞翼尖、蠔皇炆冬菇配米粉，加牛腩汁。車仔麵份量不少，大量雞翼尖，三件豬手和冬菇，cp值高！鹵水雞翼尖真係食到藥材味，真材實料。冬菇夠厚肉入味，豬手嫩滑又多膠質。燒雞中翼$18/2隻，皮脆肉嫩。燒蜜糖燒賣$9，激讚！脆皮得黎燒完有甜甜蜜糖衣包住。燒牛肋肉串$20，好香，帶濃厚牛肉味，可以切大舊些，增加口感。凍檸茶三餸麵$33 ，加餸$9款。 朋友喜歡麻辣，試下小辣，有牛根、水魷鬚、豬大腸、豬皮、唐生菜配油麵，小辣也蠻辣的，喜歡辣的朋友不可錯過。大腸很入味，豬皮爽口，牛筋夠稔身有嚼勁，麵質很Q。