影片
好多年无去东坪洲，难得约到班朋友去癫一吓，怀住兴奋嘅心情出发。大家决定上岸第一件事系去开餐，食饱先有力行架嘛 🤣🤣🤣 又可以迟小小起埗等啲人潮散咁啲先 🤭坐底就有人介绍个秘制鱿鱼，话得返 2 份，咁梗系唔好咁蚀底啦 😋😋 个汁的确又系好香好好𩠌饭嘅，仲搅到我重手得滞要加饭添。另外叫咗个鬼瓜螺，我早几年喺台湾食过，大只好多，朋友未试过就叫咗碟，都系好鲜甜。但啲螺比较细只，所以功夫多多肉就小小，其他𩠌未到剥住倾计都几好。叫咗个例牌鸡同咕肉，鸡够滑咕噜肉好脆口，仲有个菜心好甜。原本想叫海胆炒饭，但亚姐话而家唔系时候，啲货系旧年嘅唔靓，叫我哋唔好叫 🤣🤣我哋行咗个圈玩咗 3 个多小时又返去下午茶等船，但太攰完全唔记得影相，叫咗 2 客西多士，我问可唔可以唔要夹花生酱，亚姐问我咁夹乜，我话果酱，亚姐话好食嘅咩？我咪答好食啰，亚姐然后话你要实做比你 ❤️❤️❤️❤️ 然后一客花生酱一客果酱嘅西多士好快就清咗碟啦，再加鸡蛋仔，脆卜卜非常正 👍👍👍
继续阅读
疫情下嘅东平洲真系好多人！好辛苦先揾到位坐㗎我哋！🙌🙌🙌🙌提提大家，入到去一定要尽早食嘢先，其实大概12点打后好多嘢都会卖晒！我哋连想食个海胆炒饭都冇😿🙌🙌🙌🙌咁肚饿都要食嘢嘅如果唔系点继续行！叫𩠌食饭都唔错嘅～今次叫𠮶只鸡都几好食😋估唔到呀，出乎意料之外！🤞🤞🤞🤞呢个红豆冰都好特别，佢嘅冰系放喺杯顶，搞到我觉得佢好足料啰😋🤪唔会好似出边茶餐厅半杯都系冰咁！！！我虽然要红豆冰姐，都唔使真系半杯冰㗎嘛😂😎😎😎😎
继续阅读
留意番呢间坪州士多系响东平洲！每次去东平洲，朝早搭九点船出发，下午四五点先有船回程，所以每次都会在岛上觅食，而朋友每次都带我去呢间士多食嘢（岛上有三间士多，都集中在附近）以为去到士多就系食公仔面或者面包多士同豆腐花？呢度仲有烧卖鱼蛋鸡蛋仔！不过我同朋友每次都系叫小炒。今次露营在岛上过夜，黄昏去岸边睇日落，见到士多老板一身潜水装备，提著一桶新鲜海胆，收获丰富！即时同老板娘落定单，预留海胆第二日去食Lunch！海胆 $20/只，新鲜！只海胆仲识郁架！海胆蒸粉丝 $190 上枱时好壮观！好鲜甜但海胆味始终不及直接食新鲜海胆。海胆炒饭 $190 肯定足料过外面，好食！另外仲有叫啲小炒 椒盐鲜鱿 $130 豉椒炒蚬 $100 好大碟，有大排档风味。另外叫左碟星州炒米 $67，椰菜丝蛋丝火腿丝萝卜丝全部都好大条，正！去到郊外行到成身汗饮杯冰真系好叹！菠萝冰，红豆冰等统统$23，如果个冰球系雪糕球仲正！.这间士多更有提供住宿服务，听讲要提前好多先订到。
继续阅读
2-10-2020 (Fri)中秋节翌日公众假期,晏昼同老公喺东平洲行完一个圈,回程去码头时必经呢喥,咁就坐低饮嘢同休息,我同老公都边行边义务执咗啲垃圾,我哋揾垃圾箱,店员俾我地掉落去.之后我哋坐低饮嘢,都叫咗一样系$23.00嘅菠萝冰同凉粉冰.等咗一段时间嚟到,卖相好靓七彩缤纷,重要有一球冰喺顶,似足月亮,真应节.我就饮凉粉冰,唔算好甜,凉粉软滑,底下七彩缤纷嘅系啫喱,口感亦正常,真系好有心思.饮完后,老公重要encore多一杯菠萝冰,店只好细心问要唔要外卖杯?我哋答唔使,但最后都系俾咗,我估佢哋为我哋要去码头搭船吧.其他:喺饮o紧嘢时,我见到店员将我哋绑好嘅垃圾袋打开,同将铝罐,胶樽等分类,佢哋好有心呀.而我哋就习惯如果唔记得嗌走饮管,饮食完毕,见到有胶餐具,就尽量记住拎走,返屋企洗干净后,定期拎去回收,𠮶日我都唔例外,拎咗饮管同胶羹走,呢只胶羹系好硬𠮶只,之后发觉只胶羹有啲崩,唔通佢哋会洗干净再用?佢哋用胶羹嘅原因系,唔想铁匙羹传热传得快,令冻饮好快变热?
继续阅读
<<生在美食天堂，点可以唔识食>> <<I born in Paradise of Food，why not explore deeper?>>东平洲，香港最东的地方，离香港船程要成90分钟 ""注意:岛上基本都唔系好收到电话信号""环一下岛之后，等船既时候可以帮衬下岛上都是大自然一片，罕有地有1,2间餐厅。坪洲餐厅有齐一般茶记有既野，但系竟然仲有海鲜食。正&贵~足料椒盐鲜鱿~唔知系咪新鲜捉定点，不过厚肉，炸粉平平，调味不错。依份系细份，供读者参考下大小。无食~纪念下原来依到仲会有新鲜海胆，好似真系即开即食...有胆或者海胆控..来试试吧总结/其他装修:就系.....离岛/郊外既基本配置，有厕所服务:职员唔多，态度都不错，蛮好客的
继续阅读