6
4
0
招牌菜
海带绿豆沙
食记 (11)
放假想离开繁忙城市,去离岛散下心,见天气好就拣左去香港最南端——蒲台岛 喺赤柱卜公码头搭10:00am船,半个钟就去到啦,行山前先搵间士多食下野,行去四大景点方向4分钟就见到呢间坤记士多。门口有蒲台岛特产紫菜卖,亦指示四大景点方向,好贴心 因为唔系好肚饿,所以小编同友人叫左一碗紫菜餐蛋面share。<紫菜餐蛋面 $30>价钱唔平,但好足料好大碗,够晒两个人食 见到姨姨即叫即煎餐肉同鸡蛋,好新鲜,汤底亦唔会太咸,最正喺紫菜,好有大海的味道,捞埋面一齐食好好味。餐肉唔太油腻,鸡蛋熟既程度亦岩岩好 呢碗面作为行山前打底真系唔错。<红豆味茶果 $5>食面食到一半,姨姨就话茶果新鲜出炉,热辣辣,推介我地试下 所以我地就买左两个食,点知真系几好味,暖暖地,红豆馅唔太甜,班兰叶糯米亦令口感好香好烟韧。最後行完山小编都买左紫菜做手信 喺香港其实有好多离岛都好有特色,好relax,所以放假不妨去多D吸下新鲜空气,欣赏下美丽既风景 继续阅读
(以上食记乃用户个人意见 , 并不代表OpenRice之观点。)
小岛,原味道。蒲台岛坤记士多。蒲台岛最近十分受欢迎,因为坐短时间嘅船就到,特别适合一家大细去呼吸新鲜空气。坤记士多喺蒲台岛其中一间备受关注嘅小店 (系尼个岛嚟讲,佢都唔算小🤣)。佢嘅面食,更系十分受欢迎!紫菜餐蛋面 ($30)。复古塑胶碗,大大块本地生晒紫菜,厚厚嘅餐肉,煎香嘅蛋,配合传统公仔面。尼一碗面带嚟真正嘅原味道同儿时嘅回忆。味道不能够话有惊喜,因为说穿了就系茶记餐蛋面加咗块靓紫菜。但行完山,坐系特别有风味嘅海岸,加上老板员工亲切嘅笑容,人情味十足。同时亦令成个体验加分不少。 继续阅读
(以上食记乃用户个人意见 , 并不代表OpenRice之观点。)
等级3 2018-04-18
1166 浏览
蒲台岛位於香港最南端,岛上只有少量居民。听闻岛上有士多和海鲜酒家,即使是平日都会开门做生意。士多和海鲜酒家都很接近码头,一落船就见到㗎喇。所以决定先在蒲台岛四周逛一逛,睇一睇着名景点,回程坐船之前再食野医肚。天气虽然唔热,但行完都身水身汗和有点肚饿,於是去「坤记士多」搵食和休息一下。行到口乾,先来叹一瓶柠檬薏米水。有柠檬的香味,另外带少许甜味。老板娘将佢雪到冻一冻,饮落口即时消暑解渴,跟住再整返碗紫菜餐肉蛋面。一片煎香左的午餐肉、一只煎鸡蛋,另外仲有好多紫菜,配埋弹牙的面条,食落都几夹几好味紫菜系当地居民自己采摘自己晒的,之後仲可以买来做手信添!估唔到在蒲台岛这个小岛,都可以搵到特色食品,真系要俾个like佢。 继续阅读
(以上食记乃用户个人意见 , 并不代表OpenRice之观点。)
等级2 2018-03-11
667 浏览
行山紧系要买支野饮啦,见到呢间士多好多人买野饮,就过去望下,见到大大支柠檬薏米水都系$15,就即刻买左一支试下,够哂冰冻,好解渴,柠檬味好浓,不过薏米味就略淡,so far 都几好呀 继续阅读
(以上食记乃用户个人意见 , 并不代表OpenRice之观点。)
等级4 2017-11-30
741 浏览
早个星期见天气转凉就同朋友约个蒲台岛一日游上网search过下蒲台岛都应该听闻呢度有两样野必试 就系海带绿豆沙同紫菜餐蛋面啦 我地当然唔会错过 见都经过就点都试一试🤘🏾我地先行山,兜左大半个蒲台岛再去坤记士多坐一坐 我地叫左紫菜餐蛋面同紫菜肠蛋面 老板娘大推荐餐肉 食落面质系煮得有弹性唔会淋哂既 餐肉亦煎得香口 剪蛋有得叫反蛋或太阳蛋 蛋黄唔会过熟微流心 不过老实讲句餐蛋面如果屋企有心机煮都可以煮到佢咁既水准都唔难既 不过佢既面加埋紫菜 系有啲蒲台岛既特色 值得一试🤘🏾之後再试佢个海带绿豆沙,行到出汗叫碗冻既黎食即刻舒服哂,绿豆味都算出👍🏿下次黎蒲台岛可以顺便黎坐下😆🤤🤤 继续阅读
(以上食记乃用户个人意见 , 并不代表OpenRice之观点。)