坤記腸粉

营业中

休息中

🍥🍢🍛坤記腸粉絕對係大圍名物，平時經常要排隊，冇辦法啦～人得一個，手得一對，絕對理解，當然好野唔怕等耐少少，今日唔算最多人都等左10分鐘😎👍🏻價錢方面$10四條腸粉感覺份量唔多，應該係一人份量，但勝在又薄又滑，最鍾意佢豉油唔會太咸，甜醬花生醬豉油比例岩岩好👍🏻🤤順便都想為d foodie＂呻一呻＂😌以腸粉為例，我眀白腸粉極緻極都係一碟腸粉，平民美食特色其實係＂平靚正＂及地道為主🙂

難得來到大圍，當然要試一下地道美食。這間平民腸粉店「街坊味」十足，在眾社交評台亦見到有不錯的評語，於是前來一試。店前店後都沒什麼裝飾，進食的地方亦只是隨便搭出來的枱櫈。我跟老公點了腸粉，除辣醬什麼醬也有。腸粉口感滑嫰，甜醬味道突出，唯豉油過多太鹹。$12有6條來說，個人認為性價比一般。

坤記腸粉位於大圍，地點有點隱蔽，如不是友人特地帶我來搵食，我也不知道大圍有此小店！今次我就帶男朋友來試一試坤記腸粉啦！坤記腸粉要從大圍港鐵站步行5-8分鐘的路程！在放工時間幫襯的話，都需要排一排隊，可見其大圍受歡迎程度！腸粉、燒賣及牛肉球🤤腸粉繼續保持十分幼滑，真的有滑嘟嘟的感覺！配合甜醬麻醬更是食唔停口！燒賣也十分彈牙，抵讚！這牛肉球就相對較一般，不太夠咬口，牛味不較重！蘿蔔豬皮🤤蘿蔔十分甜沒有渣，豬皮也很爽口！也是驚喜！

今天本來是想到對面的甜品舖吃甜品作為下午茶。但去到時，鐡閘還落下，原來店舖的玻璃爆了，所以無開。最後，唯有到對街的小店吃腸粉。這是我第二次到訪這間小店，記得上次正是夏天來的，猛烈的太陽下，熱到出哂汗排隊買腸粉，但換來的是不夠熱兼夾硬的腸粉，真的十分失望！今天來到，看見不用排隊，即管給它多一次機會，今次只吃腸粉。腸粉（$12/6pcs)今次可能不是太多人排隊，腸粉在蒸櫃內蒸得較熱，但也不是熱得冒煙。阿姐大概把每條腸粉切成三至四段，然後便問你要什麼醤，我通常全部都會落齊。接過腸粉，覺得隻碟邊油淋淋，雖然腸粉有張紙放上面，但感覺隻碟不太清潔。説回腸粉，腸粉比較幼身，如果夠熱應該會更滑，但今次也不夠熱，所以口感一般，但比我上次來吃的時候已好了些！下次還來不來？我想未必了！門面餐牌

可以一路翻工一路食嘢係一件好幸福嘅事☺️～地鐵站出黎行一段路見到好多好矮嘅邨屋🏠再行前d就會見到一間唔少人排隊嘅鐵皮鋪😋估唔到香港原來仲有好多呢種好有特色鐵皮嘅食肆😯-5條腸粉（HKD13）➕豬皮（HKD6）腸粉好像真。豬皮一樣爽滑彈牙😍坤記的腸粉是批量生產的 並不是即長手拉的所以腸粉口感會比較「實心」據聞這裡的甜醬是秘制的㊙️不過個人認為沒有特別😅不過拎菜的時候老闆娘比了好少好少甜醬所以要自己額外加甜醬落碟-豬皮口感爽脆不過失望的是食物的醬料沒有入味感覺好似白水煮的感覺😓還是吃魚蛋最實際🤤-除了腸粉魚蛋等點心外還有粥/炒麵等選擇都咪話食唔飽😂🌟Rate:7/10

叫左最多人讚的腸粉, 算滑, 但唔突出, 麻醬好希, 但無得任加, 係老闆加, ..... 甜醬辣醬就可以任加GE。魚肉碗仔翅好杰....好似食咁漿咁...唔店....魚肉大大舊, OK

星期六既下午都有大約15人排隊，見到呢個情況就要試試佢門口既招牌好似好架勢咁坤記腸粉 $11 ⭐️⭐️⭐️⭐️⭐️真係好滑，滑到就黎喺條竹簽跌落黎真係值得一試燒賣$8 ⭐️⭐️⭐️朋友覺得好好味，唔知係味比醬汁影響，我就覺得同一般出面粉粉既差唔多咖哩魚蛋$8⭐️⭐️正常既味道，都彈彈地，無乜魚味，完全無咖哩味牛肉球 $9 ⭐️⭐️唔係酒樓個種牛肉球，大粒好多，如果矇住眼應該唔知食緊咩😂魚肉翅2溝 $19⭐️⭐️⭐️無咩特別唔係難食又唔係特別好味一定要試腸粉！其他就想試先試，個係比腸粉既！呢個價錢真係好抵食

住大圍既朋友對坤記一定唔陌生細細間鋪面但係食客源源不斷大家麵總會叫番份腸粉，因為呢度既腸粉真係好滑，自製既麻醬又勁香口價錢亦算公道早餐下午茶或者肚餓想食少少野都岩曬👍🏻

大圍馳名腸粉老店 - 坤記腸粉既然黎到又點可以唔試呢我叫3條腸粉，1碗碗仔翅，阿姐姐搞完d腸粉就問我仲要d咩。之前買野個男人又係咁d腸粉又軟又滑，真係幾好食嘅，覺得麻醬稀左d，值得一試金牌碗仔翅，完全唔覺值得攞金牌，味道十分普通，又唔係多料，個芡打到好杰，$17唔值

大圍除左甜品 中菜 串燒外 仲有一檔頗隱閉的小店－坤記腸粉😍🤤店內位置不大 只有大約十個坐位吧 除了腸粉外 仲有其他好多不同種類的食物 例如有魚肉翅 砵仔糕 蘿蔔糕 白粥 燒賣 魚蛋 炒麵等⋯⋯今次我地點了腸粉 白粥 燒賣 蘿蔔糕 豆漿 首先講下腸粉先 真係食得出好薄好滑👍🏽👍🏽食左一次之後就好難忘 真係想再encore😂😆而且價錢平民的呢 燒賣都好大粒好彈牙 唔會蒸到淋哂乾哂 okay喎👍🏽👍🏽蘿蔔糕其實也不錯 這個造型有別於外面的茶樓 哩個蘿蔔糕係蒸嘅 份量十足 一食落口就會發現有足夠的蘿蔔絲藏在中間😋😋值得一試 另外白粥也不錯 雖然普通 但煮得好都好難架 哩度嘅白粥都可以架 食完覺得無咁熱氣 又覺得下火左😂😆 除此之外 之前係度都有食過魚蛋 都幾大粒同彈牙架👍🏽👍🏽

好耐冇食呢啲咁吾健康的junk food, 水準依然。環境依然。不變的是餐牌食物種類🙄最緊要夠咸夠棘夠夠油夠滑吾健康先到好，我唸坤記做到亦做得好。下次唔知幾耐先至會食你。

坤記腸粉🤘🏻街邊開張摺枱摺櫈 食得喇喂!🤡驟眼望落 似乎冇咩豉油 得花生醬啵...😂又點會呢😏其實最底有好多豉油呀😛腸粉皮都幾薄身又夠滑雖然 未夠合益泰既豬油腸粉咁滑但已經比外面其他腸粉出色😌同埋勝在有份人情味呀哈哈~唯一吾好就係 可以落多d芝麻囉😭😳-生菜魚肉湯宜家外面大部分都係生菜多過魚肉😭但依間...😳😳😍魚肉份量真係好多 兩個人share食都得魚肉都幾爽口彈牙而且個魚肉湯都算鮮甜吾會係味精湯 飲完亦吾會好口渴下次會試碗仔翅魚肉😋😋😋

聽朋友講坤記腸粉好食，但係九龍住既人，有幾何過黎先得架？咦，但今日真係有事過黎喎，但天氣仲幾熱tim去到門口，原來環境係咁，好似坐係街邊食咁，只有風機風扇，但咁難得黎到，就索性試一次啦要自己排隊買野食要左$11腸粉，有6條$6蘿白，同埋$10涼粉，花奶加$2叫完呢3樣野後，阿姐會問要唔要豆漿呀？ 要唔要xx呀？..xx 呢？好想人地買多d腸粉係幾彈牙，質感幾幼滑，同深水埗出名個間差唔多，蘿白爽甜無渣，涼粉比較特別，口感比較煙韌，加埋花奶甜甜地，食落幾清涼整體都幾好食

之前和友人討論好吃腸粉之選，其中一間推介便是坤記。難得這天空閒走過大圍，小店距離大圍站約五分鐘路程，直行到積德里轉右入到尾便看得到。早上不多人，買了個腸粉（8元3條）+粉果（9元2個）試試。腸粉皮薄，吃下去有米香，不會蒸得過熟；不過豉油咸左啲。粉果一般，皮厚了一點，但味道還好。可惜因外賣關係忘記了配辣椒油，辣油和粉果一向也是絕配的一對。檔口還提供其他食物如皮蛋瘦肉粥和自家包糭子，待秋涼一點再來嚐試。在大圍想吃腸粉的話這家也不錯。

腸粉呢啲傳統小食,相信好多人都好鐘意食,由細食到大。以前細過, 求其一間既腸粉都好好食, 睇落好簡單, 熱辣辣既腸粉加加甜醬,麻醬,芝麻就已經好好食。但隨住社會既發展,租金暴漲, 好多小食店都做唔住, 呢類家庭式小食店比以前少左好多, 換黎既係油尖旺既x記y記既連鎖小食店,質素非常底, 食過先知原來腸粉都有又硬又難食。呢間坤記一食啲腸粉, 即刻食得番以前既味道, 腸粉好滑, 麻醬唔會杰撻撻(出面嗰啲連鎖真係醬都唔識整架), 呢間坤記一定會再黎, 好好食