坤記糕品專家 (已結業)

唉，一場黎到，諗住食個出名芝麻糕，竟然未有。唯有買件白糖糕試下頂住先，$4/件，得細細件，都幾貴﹗食落都只係OK咋，唔太甜但都夠味，但$4真係唔太抵食囉﹗

前日食埋佢個砵仔糕. 味道okay啦,不過唔會話好驚喜囉!可能我唔係好好砵仔糕?!如果佢可以落多d豆我諗我會鍾意d. $4一個,認真唔算經濟呀!p.s.心理因素o既影響我覺得真係幾大嫁.不過當然,件食物o既質素一定唔可以差,otherwise,如果食物below expectation,個反效果會好大. 所以成日都聽到人講,"可能太高expectation,食完覺得好失望!" 咁樣o個個人好有可能唔會再幫趁嫁啦!

好贊成cathie 的說法, 好多人睇完食評見到咁多人讚又走去試，就算味道普通也會覺得特別好食~~

白糖糕好似係唔酸至好食，關鍵在於溝粘米粉漿的份量，咁白糖糕至可以甜而不酸。<br />

對上一次幫襯已經係成個月前，每次經過鋪頭都見到人頭湧湧，好不容易先買到，ha ha!!!上次買左黑芝麻糕同白糖糕,本人覺得黑芝麻糕非常好味,暖暖地又香加上唔太甜，岩晒我口味，但價錢都幾貴，不過真係第2度食唔到,都值既.....跟住試埋夠白糖糕，對比之下明顯係甜好多，而且真係唔夠酸，食到最後都幾漏，可能我之前己經食左黑芝麻糕既關係掛，整係一般~~~下次會試埋紅豆糕同砵仔糕。

我覺得野食好唔好食係受心理因素影響o既. 好多人都話o個樣野好食,幾經辛苦先至買到o既話,好雀躍咁食佢o既時候,如果件食物唔差o既話,都一定會覺得好味d.就本人而言,平時我唔會買芝麻糕黎食.見咁多人吹捧呢度o既芝麻糕,就湊下熱鬧,買黎試下.食完唔係話驚為天人,食落okay. 再經過都可能會買o既.不過我未食過其他地方o既芝麻糕,所以無得比較.不過價錢又真係唔平呀!

try 過白糖糕& 砵仔糕, 個人係第一次食白糖糕, 質地好得意好有彈性, 但偏甜。另外，砵仔糕就唔錯唔太甜, 又多豆, 抵讚!!

我都覺得芝麻糕係麻麻地，並唔係老闆口中講咁正，而價錢唔算平，可能係佢做起左個名，mark up左prenium落去。反而白糖糕沒有酸味，呢樣在其他食肆中唔易搵到，雖然四蚊一件唔係平，但都值得一試。

黑芝麻糕, 點解我覺得唔好食ga?? 人人都話好........我買緊芝麻糕時, 有個師奶不斷同我講'd芝麻糕好正', 好似食到上左癮....

尋日睇完飲食男女,今日黎食盡深水步!當然唔少得黎買芝麻糕啦! 因為雜誌效應, 呢度勁多人!好辛苦先至買到一斤芝麻糕($20), 仲買左砵仔糕,紅豆糕同茶果!我即刻就食左d芝麻糕.由於新鮮做好,仲係暖o既!我覺得口感似砵仔糕,軟軟地,有芝麻香,不過唔係好濃.唔係好甜,食完唔覺漏.食完砵仔糕同紅豆糕再俾下comment啦!

十分好食! 出面真係食唔到入口唔酸, 有淡淡糖味, 不甜!另一推介係芝麻糕, 同樣好食!果度成日都好多人, 要買就比少少耐性

原來咁耐都冇人講呢間,真神奇.<br />白糖糕真係好正,食完個口唔會酸.放耐左都唔會酸.出面好多人都做唔到.<br />佢d芝麻糕都好正.<br />紅豆,砵仔都唔錯.

呢間其實係一間士多, 但係佢地賣砵仔糕, 白糖糕等等廣東糕點就賣到全個深水步都出晒名. 行開黃金商場呢頭, 買砵仔糕同白糖糕o黎食差唔多已經係指定動作, 因為我覺得佢地o的自製糕點好食過街邊檔o個o的多多聲. ^_^呢度另一樣好受歡迎o既時令食品就係"米漿年糕" ($60一底), 係老闆一家自己親手打o既, 確係比普通年糕好味, 雖然貴o左少少但係值得o既. 要買就要快手喇!