坤記竹昇麵

营业中

休息中

雖然我喺呢區長大, 但因為唔多鍾意食鹼水麵, 所以從來對呢類麵店視若無睹, 掂行掂過, 真至知道永隆街出咗間米芝蓮, 哎呀真係失覺, 點都要搵日幫襯下, 幫襯之日係年初三, 我估因為假期關係,佢收的價錢比平時貴, 所以呢篇食評就唔講錢, 淨講食物.老公點的牛腩撈麵,撈麵非常爽脆, 牛腩炆得幾腍, 係碟菜樣衰啲, 及格啦.我點的紅燒滷肉麵待應推介呢款, 話佢地做滷肉好出名,滷肉賣相既乾且薄, 得嗰幾片, 又硬又實, 麻麻咋喎, 湯麵得幾箸, 我一向細食, 都覺得唔夠, 老公都覺得我碗麵份量太細, 响佢碗撈麵度挾幾箸俾我!結果兩個人都唔飽, 兩點未夠就要食下午茶都係嗰句, 大時大節幫襯水準不能作準.

知道佢攞咗米芝蓮嘅推介店後.............jan 03 &13, 12.............來食lunch.........叫咗 :1) 雲吞蝦籽撈麵+xo醬 (hk$4x)-sorry,碗湯張相out咗focus-都幾鮮,味道唔假-蝦籽都落得幾重手吓,不過味道又唔多鹹鮮,淡咗少少-而個麵無鹼水味,不過唔喺明顯彈口嗰種-最可取就喺佢嘅雲吞,蝦肉爽,鮮度溫和,ok啦-而店員推介自家製嘅xo醬..........我已走辣油,入口幾惹味,香濃,不過對我嚟講,越食越辣~~~~2) 紅燒滷肉麵餐 (hk$29)i) 菜-嗰日喺生菜,正常ii) 飲品-叫來熱好立克..........正常iii) 紅燒滷肉麵-望落都擔心肉質會有點實-入口果然唔鬆,喺有點實,不過又唔洗要"趙"好耐-滷水味道入味,ok的-最可取就喺個麵,湯底夠鮮味,麵比較幼身,仍是1d鹼水味都無,今次個彈性比上次好..........個麵真喺唔錯

wawawa!!!!我睇報紙得知坤記竹昇面入左米芝蓮,所以就去試下.一入到去叫左一碗蝦子壕油撈面,真家一個雲吞面,d面一到我已經迫不及待試啦,個面食落好香蛋味,不愧為全蛋面呀下,又唔林,食落去索索聲嫁添!!!!!佢又唔係爽到好似其實竹昇面甘,甘硬,個硬度岩岩好!!佢唔係有名無實嫁,佢地真係有現場打面ge過情完部show哂出黎,無花無假嫁!!自從上次係廣州食完甘正ge面好奈未食過啦.唔講唔知,.原來廣州都有佢地ge分店,佢地係一代一代傳落黎嫁,唔怪知得d面甘好面好甘傳統啦!!真係無介紹錯嫁,又抵食又唔貴.包你食到 lam lam利;]]仲有呀.不得一提ge就係老闆娘呀,佢個人又nice,又好服務,我見到格黎台果個食客話d面太林,老闆娘就即刻幫佢換過佢,今時今日ge服務態度係邊度搵呀你話^___^

$16碗的竹昇麵, 同樣叫雲吞, 好跟之前在灣仔老字號試過的作比較. 賣相普通, 是一般小店那種. 老實說, 付出才十多元, 我也不是講賣相的人, 不會在乎這事, 最緊要衛生和味道. 出色的是麵質跟名店差不多爽, 蝦則不夠爽, 但豬肉相若. 招呼很好, 跟聽說的不同, 可能是改善了吧, 另有$21的套餐, 可要飲品或菜. 其實灣仔那邊不值那樣貴吧, 而且我住九龍. 也不願多付錢來作交租, 太沒意思, 錢是給店中辛勤的員工和老闆才對. .

平時唔食鹼水麵的我, 看見是招牌, 應該不錯啦!29一個餐, 滷肉麵一碗+油菜+飲品個麵其實唔多, 不過沒有鹼水味, 個湯是用大地魚熬的, 個底仲有蝦子, 清清地, 沒有味精, 真的不錯!油菜就正常囉, 沒有什麼特別~最後要讚夥計同老闆娘的服務態度!

紅燒滷肉麵 好味星期一至星期五去,學生有豆漿飲,叫d麵 有折紅燒滷肉麵不碗麵真係覺得幾好食，湯底幾香蝦籽味 麵條粗幼適中 食落煙韌彈牙 勁有口感 又唔覺得有鹼水味，唔錯喎~ 紅燒滷肉賣相雖然麻麻，但食落味道都唔差的，滷肉味道幾濃，肉質唔算好鬆化，但起碼瘦既部分唔會太韌，肥既部分亦唔係成啖油既感覺! 跟餐飲品 + 油菜埋單$29(一至五學生去有折

3月27日，14:50借口是到長沙灣買衣食服，實則要到這裡吃麵。近門口有師傅在做麵，放了很多雞蛋。可惜祇看見機切麵，希望下次可以看到竹昇壓麵。午市末，客人絕不少。要搭檯。要了蝦籽撈麵跟腩汁。(錯配了，蝦籽和腩汁互搶，下次要走蠔油、多豬油) - 麵質極爽、彈，無鹼水味。 - 爆過的蝦籽帶鹹香，可惜已被車品品寵壞了。 - 生菜清甜、爽脆。 - 腩汁夠香濃、肥膩。(牛腩應有水準)三扒兩撥，幹掉，馬上追加雲吞麵(HK$15.-)。姐姐想收碟，住手。她笑問要留碟？我心在說：留蝦籽和腩汁呀！雲吞麵到，絕對超值。- 灑上了蝦籽- 麵極爽脆，無丁點鹼水味。- 雲吞近似乒乓，蝦爽大、肉少了點，不合比例。- 湯底味鮮濃，但應無加味精。(我15:10吃完，到21:00才喝第一口啤酒)店員招呼無問題，近乎有求必應。- 有女士要清水送藥，無問題- 水太熱，加冰，無問題但落單忙中有錯。這店無可能不再來。題外話：吃完麵，到青山道買衫，有款超值的，中碼太緊，加大太大，竟無大碼！天忘我也！莫非吃飽後不應去買衫？唯叫我多了兩個胃(裝粉麵的、裝啤酒的)。

今天在1840hrs.到坤記叫了一碟豬油撈麵，出來的賣相看到已心中一沉，麵看上去一片暗啞色，一啖食重不知所謂，完全沒有味道，要自已加豉油，麵質鬆、無旦味！之前報紙介紹的真的無樣點。我質疑報紙作者是否麵店親有！之前座下不久，個女侍應好似等唔切咁走埋0黎推我看緊張餐牌，問我叫乜0野食，我即時叫她唔好咁急、嘆！等等好嗎！所以奉勸各位、要聽多d口碑先去試、免食到一肚氣！

呢次黎開長沙灣,,,又有時間揾下食野,,,,,睇睇下見到呢間坤記,,,記憶中見過呢個面店既介紹,,,,於是就入去試下啦,,,!!叫左蝦子XO醬撈面,,,,加熱檸茶,,,!!原本一碟撈面要$29,,,不過加埋XO醬要另加$6,,,,,再加飲品熱檸茶就再加$5,,,,即係今次埋單要$40,,,,,,碟面都等左幾LOR下,,,我諗大概有20分鐘,,,,,,,不過記住鋪頭裏不是太多人,,,,,呢樣野下次真係要改善下啦,,,,!!講番碟面,,,上枱見面層鋪了一層蝦子,,,,,賣相都算唔錯,,,,入口面質都幾彈口,,,,唔錯唔錯,,,,不過XO醬唔夠辣,,,要我再加辣油,,,,湯底就OK既,,,不過就淡左少少,,,,重有食落面質冇蜆水味,,,,下次我會再試下其他食物既,,,,!!^^

星期日下午五點半第一次去，按openrice提供的地圈尋找，結果係錯的，因相差一個街位，靠近元洲街並非青山道。一碗鹵肉麵加一碗淨雲吞，雲吞先到代表非即煮，最慘湯熱而雲吞微溫，不算熱，餡應可以，要注意。鹵肉是切成幾小片，可以一大片的話就口感好好多。臨走買盒乾竹昇麵，話煮十五秒過冷水，再煮斗五秒便食得，結果唔得，再煮一分鐘後淋冰水後用辣肉醬撈麵，幾好。會再試。

是日又係長沙灣食午餐，大概未習慣正常上班時間，每天午餐都依然係無咩胃口的~ 是日又自己一個人走左去食麵~午餐時間都係無咩人，睇黎長沙灣既食肆係lunch hour好似唔係好滿咁，入到黎只有兩三檯客人咋~ 坐低仲可以望到師傅係度整麵，哈哈，佢係度不停郁，其實幾難令人唔望的。諗左好耐雖然無咩胃口，但又想食d濃味d既野 (真矛盾~~)，最後就叫左紅燒滷肉麵，仲跟餐要埋個油菜，懶係健康d咁 XD不過碗麵真係覺得幾好食，湯底幾香蝦籽味~ 而且麵條粗幼適中，食落煙韌彈牙，勁有口感~ 又唔覺得有鹼水味，唔錯喎~ 紅燒滷肉賣相雖然麻麻，但食落味道都唔差的，滷肉味道幾濃，肉質唔算好鬆化，但起碼瘦既部分唔會太韌，肥既部分亦唔係成啖油既感覺! 跟餐飲品 + 油菜唔駛講，埋單我都唔記得幾多錢，好似係 $26，不過佢個麵又真係幾好食的~ 有興趣可以一試呀 =)

如今在長沙灣,也可吃會大碌竹壓麵之古早味,他的名字是"坤記",在長沙灣永隆街近元洲街一段.此手藝可說是其中一樣飲食文化遺產,在急功近利,勢利市劊的香港社會,肯花時間心機,去做好一樣回報不大的事物,已買少見少,既然有人還肯去做,當然要支持一下.在門外的櫥窗,更可一灠整個麵條製作過程,絕非閉門做車之流.礙於地區性,價格不能標得太高,兼且大件夾抵食,如果想學麥奀賣細蓉,會被人大罵呃錢的,我在長沙灣長大,區內的生活如何我心中有數,那有不明白之道理?現代人越著重健康,越重口味的東西,越被視為洪水猛獸,如豬油撈麵是其中一例,很多地方也有得吃,但大多不會在餐牌上列明.與賣三六一樣"施施縮縮".坤記夠膽將豬油撈麵放在餐牌上,信心果然十足,我一向是重口味之仕,最愛吃加上豬油的撈麵,見此一味豈能不心動?麵條事先剪過,夾上來不是一條過,對進食或會覺得方便一點,但硬是有點多餘,麵條不是銀絲細麵般幼,質感彈牙柔韌,沒有鹼水味.不過豬油味道則不夠香.反而豬油渣粒下得非常重手,粒粒豬油渣卜卜脆,在新加坡吃到的炒蜾條,豬油渣是必備之物,不加就不是一回事了.另上的湯底,加了些蝦子在內的上湯,味道不算很鮮,略嫌淡了一點點

早前睇雜誌介紹過, 又咁啱喺對面見到寫住雲吞麵$15, 炸醬麵$13, 咁就行咗入去。 睇睇餐牌再順便叫嗰2樣特價食品。開放式打麵廚房, 打麵就見唔到, 鬧仔/孫就真人show上演, 首先企收銀嗰位較時髦女士個樣子與被駡的十零歲後生仔及駡人的老先生好似樣, 而且我聽到d阿姐叫老先生做老細, 所以我估喺一家人。 食食下麵忽然聽到好大聲咁鬧人, 說什麽「而家d後生仔, 剩係識認精學懶！」, 「你個樣好唔忿氣, 教咗你3分鐘都唔識, 唔係用死力渣埋一舊.......」企喺收銀嗰位較時髦女士見到全場人望向同一方向就推開廚房玻璃門叫佢地細聲d, 然後就將電視机嘅音量開大聲d, 但係依然cover唔到廚房d咒駡聲壹周刊俾85分唔.....點形容好呢???? 麵不太爽口而且有點糊糊的感覺, 就好像新鮮意粉煮成後都会有這種口感。 湯底是否真的用大地魚煲製, 那就不得而之!?? 雲吞一啖一粒而且有拖尾, 一碗麵有4粒, 每粒都包含一隻蝦及少量肉碎, 味道就與爽口彈牙分道揚鑣。麵已被細心地剪碎, 炸醬酸辣不過d肉碎好似肉質散散地咁下次試下撈麵先, 因為都幾多人叫！

年初三下午三點半, 大多數的食店還未開門, 泊車在附近, 看見這裡還照常營業, 一於去馬, 在坐有七八成客, 在一小圓枱坐下, 阿姐倒也快手, 前來介紹叫套餐雲吞麵, 廿六大元, 包一碗湯麵, 一碟油菜或熱飲. 其他如牛腩豬手要多一元, 假如散叫便恕不招待.當下叫了雲吞麵加熱啡. 要十多分鐘才有得吃, 這也難怪, 新春頭要將就了.雲吞有四粒, 只放在面, 沒有傳統的做法, 不把匙更放底, 再放雲吞, 然後放麵的層次.這也罷, 先飲湯, 還是不行, 不是傳統的味道, 沒有大地魚和蝦売的味道.雲吞的哂士正常, 有散尾, 豬肉和蝦仁比例均等, 不過又是沒有蝦子或大地魚味.到主角的竹昇麵了, 正如我以前食評所說, 爽是爽, 不過沒有幼滑的口感, 大大不如麥氏或劉森記的出品.可以斷言, 此竹昇不如那竹昇. 還有很長的路要行. 還有用料和湯底這許多要追的呢!!!還是那一句, 不會專程來吃. 想招客, 要降價. 差點要俾喊面.

今午隨意開車四處逛看到那處用膳?! 不經不覺由龍翔道到深埗, 但黃金四周的停車場都爆棚, 唯有開到貿易廣場泊底部車. 原本諗住行去華潤買啲嘢再去劉森記吃牛柏葉雲吞撈面. 但途中給幾個亞姐的叫喊聲吸引"好正雲吞竹昇面, 又平又正", 聽到"竹昇麵"便很有興趣, 便走入橫街到麵店, 一入門口便係做麵的開放式廚房, 有個後生仔係到用濕毛巾蓋好剛做好的麵. 我坐底便看看MENU, 見拉面加凍飲只係四十四元, 我便叫了雲吞牛腩撈麵加凍啡. 不到十分鐘便有得食, 麵 - 好有疍味又無碱水味, 但仍差劉森記少少.雲吞 - 蝦跟肉比例不錯, 中上水平牛腩 - 係根腩用柱侯醬煮, 味一般腩仍有"渣", 有待改善湯 - 很不錯有大地魚和蝦子味, 少少味精凍啡 - 一般, 算啦又吾係茶餐廳, 總括而言, 麵真係此店的招牌, 希望遲啲有所改善尤其"根性"便可與劉森記比一比. 當然麵好其他配角都要襯番, 可能要在牛腩下點功夫, 不過湯底不俗, 斷估要進步只要多花點心機便成. 下個月再去試試睇下有否進步?!