坤記小食

营业中

休息中

外賣自取嗌咗個三餸車仔麵落完單 佢唔出聲 藐嘴藐舌 同佢傾緊偈嗰個熟客 喺度笑其中一個餸嗌榨菜肉絲之後同我講話酸菜得唔得 酸菜好食啲之後我問榨菜冇晒？ 佢話唔係擺明懶得拎 扮乜嘢啱啱先講完話要分湯之後又唔記得返到去 打開碗嘢 肉絲都冇

宵夜時間仍然見到有好幾個人排隊買車仔麵，咁岩路過就睇下。呢度勝在賣嘅野食有好多種類，小食店必備嘅腸粉、燒賣、魚蛋呢d，到粥、碗仔翅、生菜魚肉、煎釀三寶等等。另外唔少得有舖頭主打ge車仔麵啦，款式尚算齊全。呢排天氣乾燥，去到想食碗生菜魚肉，點知生菜賣哂，店員好有創意咁話轉比通菜，咁就人生試左次通菜魚肉，不過通菜有d老，又灼得唔夠時間，但魚肉份量好多，魚味欠奉……老實講，食物味道一般，勝在多選擇，又開得長時間咁啦。

今日難得經過去番呢間餐廳食個宵夜叫左個腸粉同粥，腸粉好滑，本身細食，都忍唔住成碟食哂夜晚仲照收番我早餐既套餐價錢，好有人情味❤️❤️❤️❤️❤️❤️❤️❤️❤️

想單買少少野，問個呀姐完全唔彩你，再大聲問多次就用眼尾哨一哨你然後當你透明，其實無咪無唔賣絕對無問題，講一聲就得，應都唔應想點，態度真一流！永遠不會幫襯呢間野。

今日收工行過呢間鋪頭有個妹妹係度食雞翼尖，搞到我鬼死甘想食，於是就買左個細雞尖黎試下，點知一試真係唔野少！！夠蒜香得黎，又有少少辣，食完之後，完全唔夠喉，搞到我買左碗大雞翼尖反屋企慢慢食老闆娘見我又再買多碗，就sell埋我買反碗胡椒豬腸蘿蔔，話好多客仔食，見到佢d豬腸又幾靚，但又怕中伏，所以買左個細的反屋企食。食完碗豬腸真係鬼死甘後悔，點解自己唔買個大的胡椒豬腸蘿蔔！！佢d豬腸夠曬入味，d蘿蔔索曬d胡椒汁，真係正到爆！而豬腸又夠爽口，唔會好淋，真係超級好食！呢間以後真係會變咗我的必食店

今日路經竹園，餓餓地就食左個3餸面，價錢都比岀面平，咁岩叫個左個送，份量唔夠，佢地就搭其他送俾我，唔會呃秤，咁既價錢味道又唔差，值得一推，老闆娘又nice,下次再幫襯

本身唔多幫襯，因為野食唔特別，價錢夜亦非特別吸引，今次老闆仲語出驚人，咁呃人仲言之有理真係唔敢幫襯。貴店有個酸辣炸醬粉，其實之前已叫過，超酸食到喉嚨火燒咁，當時我家人仲問我你唔係叫左炸醬咩點解無炸醬既，我都唔為意以為自己叫錯或者佢忘記落。今次諗住再試下，落單個陣已經等左好耐，一路處理前面啲單，問我食咩面但係問完完全無機會比我叫送，無人禁機落單mark我食咩，掛住同人吹水，都算啦，鬼叫今日想食，有上次經驗咪諗住叫佢今次唔好落咁酸，然後我就多口問左一句：個炸醬係咪自己整架？啊叔：係啊但係無肉碎既我：無肉碎？但你幅圖有肉碎既？（即刻24蚊落啲醋落個醬得個面）啊叔：圖片只供參考啊!!唔通人地幅相影到咁大碗就真係比咁大碗你啊？我：下唔係啊嘛==呢句唔係咁用架嘛。我想講，你幅圖寫炸醬係有一大堆肉碎，我就係想食堆肉碎先叫呢個，你竟然咁樣講野？仲好似好有道理得過黎咁，我當時都語塞，只係話句野唔係比你咁用，唔成立既。啊叔，唔通你賣豆腐花貼張豆腐花出黎但最後比西蘭花我，就同我講“圖片只供參考啊“？做生意做到你咁樣，如果我唔問你，我都唔知原來炸醬無肉醬，但貼出黎係有肉碎扮到主材料咁。呢個世界仲有商品說明條例