坐忘

营业中

休息中

8月4日星期日晚上8時到達鰂魚涌坐忘，原先想開心吃晚飯，但坐位安排非常差，好心情完全沒有了。 我們2人到達，當時店裏還有兩張4人枱空置著，男職員問多少人後安排我們坐已有一名食客坐的4人枱，對男職員表達我們想坐裏面空著的4人枱，再有其他食客來我們明白要搭枱，男職員表示裏面的枱是預留給3至4人的，由於後面沒有人排隊，我堅持坐4人枱。坐下後10分鐘，未有其他食客，然後再有一些食客離開。 接下來有另一組2人客人到來，男職員安排他們坐我們的4枱。 我明白餐廳會擔心3-4人客戶到來沒有位置會轉餐廳，但我們到的那時間沒有太多客人，門外沒有人排隊，我們入坐後也仍有其他4人枱空著，男員工堅持2人要搭枱我不能認同。男職員/餐廳最終有沒有少了3-4位顧客我不知道，只知道以後永遠會少了2位顧客。

3月中嘅星期日去做義工之前，早早計劃咗食坐忘，餐廳係鰂魚涌有名氣，當日1點幾去到，要等位，好彩一個人1 5分鐘就有位可以入座，當然要搭枱。叫咗個豬軟骨野菜咖喱沙津，另外加野菜。豬軟骨有3大舊，煮得好軟淋，味道一如日式調味甜甜的，應該叫沙律先有3舊咁多？另外加嘅野菜係水煮，冇加調味料，健康健康…。不過沙津同豬軟骨不太夾，應該叫飯或者鳥冬好好多。可惜我唔想食澱粉質。如果喜歡食日式甜甜咖喱飯，呢到可以做鈑堂

鰂魚涌嘅打工仔相信對坐忘一啲都唔陌生，今日仍然係全場滿座🥳餐廳一眼望晒，坐得迫，有啲唔舒服😩-⭐️豬軟骨咖喱烏冬 $79豬軟骨份量都幾多，而且煮得好夠腍同埋入味，咖喱湯底帶啲辣，超超超濃味，第一啖幾好食呀，可惜越食越鹹🥺🌟黑芝麻牛肋野菜咖喱飯 $72同樣係牛肋同野菜嘅份量好多，飯係番薯南瓜粟米生薑飯，食落帶甜甜地❤️飯、牛、菜嘅比例係1:1:1，其實都幾營養均衡🥰-牛肋煮到好腍就算有筋位都好熱咬開，食到有好多黑芝麻粉，但因為個咖喱底味好重，所以就算黑芝麻呢種濃味嘅食才都冇搶味，同樣帶辣，唔食辣嘅人要留意番啦🤏🏻野菜有西蘭花、椰菜花、甘筍、薯仔，種類多而且都好新鮮👍🏻-整體好明顯呢間餐廳係以味道取勝😽適合重口味人士，不過感覺係退步咗😿雖然店員講嘢嘅態度都好好，但係每次經過都會望吓你食完未，感覺好有壓迫感🥵見證住隔籬枱食完嘢之後店員1分鐘內已經清好張枱，再加多句：唔好意思，繁忙時間😵不過都帶返個頭盔，我哋食緊嘅時段都Keep住有人排隊👥

屋企人之前喺鰂魚涌呢邊返工，今次嚟開呢頭就嚟試下呢間屋企人推介嘅咖喱豬軟骨飯。接近傍晚嘅繁忙時間，舖頭都算好多人，不過坐得都唔算好逼。本身唔算係好鐘意食咖喱，不過一上菜嘅香味已經係同平時食嘅咖喱係兩個世界。咖喱係偏日式風格，香、甜、唔辣。豬軟骨超級稔，無論係肉定係軟骨嘅部份都係用匙羹輕輕一撥就可以分開倒。配菜嘅薯仔、西蘭花、紅蘿蔔一樣係好稔！豬軟骨、配菜、飯連埋咖喱食，係好食到令人念念不忘，值得推介！

在附近工作多年，間中都會來開餐，但我的首選並非最具人氣的「豬軟骨咖喱野菜飯」，因為之前試過覺得香料味比較重，同一般日式咖喱有些分別，不是自己最喜歡的口味。不過今晚又想再order一次，再加半隻糖心蛋，發覺d咖喱比起以前好似好味左，咖喱味好有層次，有種越食越上癮嘅感覺，豬軟骨好多好大舊夠稔又入味，十分之滿足，只係可能太多汁略咸。糖心蛋蔬菜都好唔錯。整體而言係好抵食好回味。講番坐我隔離枱位C兄就好識食，因為佢叫左我平時最中意嘅「蘿葡牛肋白味噌定食」。這款晚飯先有得供應的定食好似冇人介紹過，不過真係好有日本家庭風味，白味噌咸中帶甜，加埋蘿葡同柔軟入味的牛肋肉，令人食落好舒服。我很珍惜這款風味因為响香港唔係咁易食到。座忘環境本身不錯，只係空間較窄，感覺員工工作有時企都冇定企會有d壓力，不過今次幾位員工都好有禮，而且唔收加一，所以要讚一下。另外晚餐價錢同Lunch基本係一樣，還有更多價錢接近嘅食品選擇，所以更喜歡收工後來進餐。在這裏體驗到一種日本人的做生意精神，對出品有要求又唔會賺到盡，因此唔少人稱之為良心小店。

聽說這間的豬軟骨很好吃，經過沒有人排隊，便進去試試看🙂‍↕️💫溏心蛋肥牛烏冬 $74就是一般好吃的烏冬，能想像到的味道。💫豬軟骨7小時煮野菜咖喱飯 $75豬軟骨是招牌，煮得很入味很軟，接近入口即溶，很好吃！咖喱的味道很特別，不是平常想像到的咖喱的味道，有點不習慣，但是味道不錯。蔬菜的份量算很多，好像沒有特別的調味。飯、豬軟骨和蔬菜份量剛剛好，感覺吃了營養均衡的一餐🤣確實是味道不錯的小店，不用排隊的話可以試試～推薦：🌟🌟🌟地址：坐忘 (鰂魚涌)鰂魚涌濱海街13號中興大廈地舖

📍坐忘 Camper’s @ Quarry Bay 💰 hkd$75 per person 呢一日同朋友喺新開張嘅 @yoga_senses_ 鰂魚涌新分店做瑜伽，之後就順便去咗想encore好耐嘅 坐忘。 第一次食已經係好多年前啦，佢長期係我喺鰂魚涌嘅首選頭三位🍛一如既往我都揀咗豬軟骨咖喱野菜飯。 佢嘅豬軟骨係我食得最腍嘅，我自己喺屋企就一定整唔到（如果識得整可以教我）另外豬軟骨份量係超足，有大半個碟！加埋旁邊嘅野菜，感覺好健康。另外日式咖喱味道好濃郁好好送飯🍚我會期待下次再嚟🥬

呢間餐廳都算Hit咗好耐， lunch time經常都要排半個鐘以上先至入到去。不過完全無阻我同同事經常encore! 💪💼今次叫咗最招牌嘅豬軟骨咖喱飯。慢煮豬軟骨煮到超級腍超級入味，差唔多係入口即溶嘅地步，豬軟骨嘅醬撈飯簡直一流. 🍛😍 而所有咖喱飯都會配有蔬菜（呢間餐廳嘅蔬菜係走偏生偏硬嘅路線，不過我同同事都幾鍾意），唔使驚食晏食唔夠菜. 🥦🥕 另外，佢個飯並唔係白飯，有用其他材料一齊煲或者炒，粒粒分明，好好食！🍚❤️另外仲叫咗烤雞忌廉湯烏冬。個忌廉湯真係不得了，佢唔算好重忌廉味，食落冇負擔，但係又有淡淡清香，想一啖接着一啖咁飲！烤雞都好多件，呢一餐絕對夠protein intake! 🍜🍗💪埋單都係一個人$70至$80，超級抵食！💰👍

去太古城開倉shopping一日野菜咖喱飯 $69 ⭐️⭐️⭐️⭐️🥜menu話15種野菜 幾特別1）青椒2） 紅蘿蔔3） 茄子4） 翠玉瓜5） 西蘭花6） 椰菜花7） 豆角8） 洋蔥9） 車厘茄10）薯仔11） 粟米12） 蓮藕13） ？14）？15）？數唔到🤣🥜咖哩偏濃不辣不甜 唔係我想像嘅日式咖喱🥜所有菜都應該走過油 太油了🥜如果係有脆漿版本或者直接煲熟嘅更好日式牛肉飯定食 $66 ⭐️⭐️⭐️🥜個賣相不吸引🥜配左泡菜同麵豉湯

🍽️食物方面：🐷溏心蛋豬軟骨烏冬💲74肉好大份好腍 咖喱好香唔辣 食麵小心彈汁烤雞椰菜咖喱飯💲69俾你食多啲菜 飯撈埋🎃 雞好惹味凍/熱日式焙茶🆓📷打卡方面：手寫menu 木系裝修 多露營嘢🔈環境方面：多外國人食 隔籬枱同我哋傾計影相💬其他資訊：📍坐忘鰂魚涌濱海街13號中興大廈地舖ℹ️Lunch多人食要排隊

依間餐廳喺鰂魚涌非常受歡迎，平時午餐時間都好多人排隊..今日特登早少少嚟，好彩等一張枱就入得啦！今日嗌咗呢個雜菜咖喱烤雞飯 🍛 ✨飯入面落咗南瓜一齊煮，帶有小小嘅甜味✨雜菜新鮮，份量又多，索晒啲咖喱汁真係好惹味，完全冇草青味！✨烤雞得夠香，外皮燒完後食到佢嘅油脂香，仲有俾好多舊，食肉獸都夠食！✨咖喱落咗椰汁一齊煮，香料味十足！☺️.朋友嗌咗個豬軟骨咖喱烏冬，入邊同都有好多雜菜，豬軟骨煮得軟腍，同樣都係咁出色！😍

都食過佢幾次啦，中午一定要等位，但係值得嘅，每次都會必叫佢個野菜咖喱豬軟骨飯，平時我食飯都好少食汁嘅，但係每次食佢個咖喱都一定會連埋啲汁食晒，啲椰菜配埋啲咖喱真係好好味，另外啲豬軟骨都煮得勁腍，勁入味。

今天由維園穿越天后入電氣道，這兒聚集很很多美食，行經好幾間也想試試，但卻被這間有數人排隊的小店吸引，，原來小店背後竟然有個小故事，lunch memu又吸引，再加上免收加一，便往後排隊，10mins後順利入座，地方雖小，座位較逼，但服務員招呼週到😄。🤤👉豬軟骨七小時煮丼頗吸晴，果然無失望，豬軟骨肥瘦均勻，肉質軟淋，汁料調味甜甜剛好，配上新鮮沙律菜，豬軟骨和軟綿的珍珠飯，中閒夾雜椰菜，醬汁正好夾雜其中，口感豐富，不經意地就全吃完。。。🤣一粒都無哂。。。吃得出是用心製作，下次回頭要試他們自製的咖哩料理😆

用餐日期: 2024年2月 晚餐位於鰂魚涌既一間人龍小店，舖頭裝潢風格係日式家庭料理風，餐牌仲要係手寫既，更加增添左一絲溫馨感覺。《$79 豬軟骨咖哩烏冬配糖心蛋》 ⭐️⭐️⭐️⭐️⭐️豬軟骨作為舖頭其中一樣signature菜品，當然要試一試啦。上枱賣相好靚，成碗麵五彩繽紛，除左有招牌豬軟骨，仲有椰菜，栗米同糖心蛋，營養均衡。豬軟骨煮得好淋好有膠質，基本上入口唔洗咬就已經溶左，而且非常入味，又唔會太咸，大推！烏冬係稻庭烏冬，扁長形食落好軟滑，撈埋咖哩汁食剛剛好。日式咖哩汁偏甜唔會辣，而且味道濃郁好杰身，非常好食。《$72 軟煮牛肋黑芝麻咖哩飯》⭐️⭐️⭐️⭐️由於落左黑芝麻，所以顏色偏黑。飯係撈左南瓜蓉既調味飯，咖哩膽應該同烏冬用埋同一個，唔辣偏甜味道剛剛好。成個飯仲配左好多野菜，野菜份量多，種類多好多款，唔會煮到淋哂冇咬口，咬落好清爽。牛肋相比起豬軟骨就失色左少少啦，不過都好食，價錢又合理，值得再去既小店。人均消費：$100環境：8/10食物：8.5/10服務：7.5/10性價比：8/10整體：8/10 必食豬軟骨#香港 #美食 #香港美食 #foodie #食評 #坐忘 #鰂魚涌美食 #鰂魚涌

#肚波鰂魚涌 #肚波日式・・・・・・・・・・・・・・・・・・・・再訪肚波愛店，會特登去食嘅日本小店住家好味🥰！・・・・・・・・・・・・・・・・・・・・🍜 豬軟骨咖哩烏冬 HK$79・味道：豬軟骨膠質滿滿，醃到入晒味，好似日本小店會食到嘅住家味。日式咖喱甜中帶微微辣味，加埋坐忘最出色嘅蔬菜，好香蔬菜甜味，好食！・口感：雖然唔知係咩烏冬，但好彈牙！而且份量好大好好食！・・・・・・・・・・・・・・・・・・・・🤰性價比：高～🤰9衝度：9衝～🤰結論：食過好多次，各類麵飯，忌廉汁咖喱汁都出色，鮮甜蔬菜好好食，值得去會一會佢嘅抵食！・・・・・・・・・・・・・・・・・・・・