地茂館甜品

营业中

休息中

九龍灣糖水鋪集中地非淘大莫屬，地茂館算係近期新開既一員，主要食傳統中式糖水，同芒果類甜品都有，定價廿幾至三十幾，以九龍灣黎講都算幾抵食👍🏻蛋白燉鮮奶（凍）$27老實講，上枱見到碗燉鮮奶皺晒皮👵🏻未食都嚇一嚇，甜品師傅睇黎要認真睇睇邊到出左問題🙈 滑溜唔稱得上架喇，不過味道黎講好彩唔甜，但奶味中等，口感係偏實淨，食完真心好飽😂芒果豆腐花 $27芒汁超多！芒汁唔甜，芒果肉都幾大粒，粒果肉就甜，加埋一齊食唔會太甜膩，豆腐花就夠晒滑喇😂如果連豆腐花同燉奶都係皺晒皮，我會反枱😂😂我明明記得以前係九龍城果間食既燉奶係滑溜溜😭點解今日呢碗係咁😭不過總括黎講味道ok又唔貴，可以比多次機會既🙊

淘大新開左地茂館 睇完戲有得食好方便🤓✨芒果涼粉小丸子 $30夏日透心涼 芒果香甜 小丸子煙韌 😛份量正常 不過就唔似九龍城總店咁滿到瀉🤭即使堂食都用紙碗上 略嫌有d唔環保👉🏻👈🏻

最近呢間九龍城中式糖水老字號開左黎九龍灣, 即刻衝去食😍 舖頭唔大, 但係逼逼地都坐到好多人, 咁啱去到俾我地坐到最後一張二人枱唔洗等😎 桂花薑湯豆腐花🌼($22)桂花清香仲帶有少少桂花碎, 豆腐花幾滑豆味濃, 薑汁既味淡左啲, 配上大量既黃糖食完好暖胃😚凍椰汁紫米露加小丸子🥥($27)椰汁味好香濃, 紫米夠曬軟糯, 小丸子煙煙韌韌, 夏天食一流😎呢度始終都唔係總店, 總係覺得少左一份感覺, 不過味道都唔錯而且價錢公道, 總對係飯後甜品既好選擇☺️

近期最高質，地點易達的懷舊糖水店。對比福元湯圓、源記桑寄生茶單品出色的糖水店、這里出品更豐富及水準平均，同時又非那種選擇困難的‘百搭撈’。（熱）桂花薑湯芝麻湯圓 $25桂花既迷人之處是有種獨特香氣 加上暖胃的姜湯 吃起來微甜微辣 湯圓甜度大小都很剛好 一口一粒 是爆餡流沙既程度 飲一啖薑湯 正好解了湯圓的飽膩感喜歡它的桂花份量足 薑是大片厚身 不易誤食 （凍）芒果仙草小丸子 $32這小丸子 有許留山最佳時期既水準 久嚼能嚐到股糯米香。芒果粒 食得出的新鮮 大粒冰涼清甜無渣 仙草滑身Q彈 是店內食材最豐富既一款糖水 選擇困難者可盲選試了幾款，都甜度適中。

呢日同friend 食完飯意猶未盡，見到淘大間地茂館終於都開門啦！之前係九龍城本店食過一次合桃露一試難忘，諗住今次唔試其他嘢，再會佢哋嘅招牌合桃露用紙碗載住嘅合桃露，唔係重點，見到碗甜品磨到幼滑無粒粒，最鍾意杰撻撻嘅texture。食落口，咦？冇咩合桃味？特登飲多幾啖水清下條脷再食，都係好淡味，唔通真係夏天食唔啱時節？老實講有d 失望，係口感上都係ok，下次要試返本店，希望純係原材料唔夠靚，而唔係成間老店都失準。

九龍灣知名老字號中式甜品店 — 地茂館熱豆花杏仁茶($27)杏仁茶好香，撈埋豆腐花一齊食更加滑！▫️🥭芒果豆花小丸子($30)芒果汁有啲淡味，唔太夠撈曬成碗，但芒果粒夠甜，芒果份量夠多，豆腐花夠滑，小丸子好大粒煙韌，但就冇乜味🥺▫️凍豆花燉鮮奶($27)好滑溜，唔會燉到好老，甜度適中。▫️糖不甩($20)總共有九粒，糯米糍夠大粒煙韌，撈埋花生都唔會好甜～▫️但星期日當日11點去到叫咩就無咩😂(門口都多人排隊)希望店家可以準備得更多份量供應🙈

買外賣，收銀個姐姐打錯單，自己好大聲咁講「打錯左！價錢一樣喇，你收單」跟住大大力dum比我，系好冇禮貌咁掉比我，我睇到其實貴左$1，$1就算喇，我都冇出聲，最主要系佢嘅態度真系好差….啲嘢食正正常常冇咩特別喇，系買嘢姐，都要受氣

又食地茂館，平時食開佢哋嘅傳統糖水，合桃露同埋芝麻糊真係冇得輸係佢哋自己自家磨製。今次食咗佢哋涼粉同蛋白燉奶，覺得麻麻地。🍴芒果涼粉 $27 (6/10)芒果都幾大粒，唔會太酸，唔知係咪浸咗糖水，覺得好大浸芒果汁嘅味道🤣涼粉切成四方形，口感比較硬，彈牙，整體來講價錢同質素都OK嘅，但個人唔太鍾意🤣🍴蛋白燉鮮奶 $27 (6.5/10)蛋白燉鮮奶個口感比較濃杰，食落唔算好滑，似膠質嘅狀態，比較黏口少少，但味道係OK嘅，鮮奶味都香濃，唔會太甜。推薦指數: 6.5/10價錢幾平同埋抵食，但都係覺得佢哋傳統中式糖水比較好食啲，杏仁露同芝麻糊好食過其他太多啦

見到呢間甜品舖嘅價錢都好親民，$20-$30就有一碗，見到佢哋主打中式糖水，最出名係佢哋嘅合桃露，一定要試呀，反而新式嘅甜品就冇咁好食(試過。🍴豆花合桃露 $26 (8/10)合桃露質感比較濃稠，超級香濃合桃味道，又唔會太甜，就咁食合桃露都覺得好食！豆腐花好滑，有豆味嘅，成碗唔會太大碗食完唔會太濟，而且$26一碗真係好抵食！超級高性價比啊！推薦指數: 8/10鍾意食中式甜品嘅可以試吓，價錢親民又平又好食，真心抵食嘅！一定要試傳統口味嘅合桃露！

本身諗住買外賣，已經多人排緊，點知佢完全冇管理排隊，排左好耐，排到入去無啦啦叫我出番去，指我地出去再排過 ，仲話我地唔好塞住門口，即刻唔幫襯 ，仲勁無禮貌，祝你快啲執笠

.食完晚飯個胃仲有空間就叫左糖水外賣🤣試下有唔少好評既地茂館甜品。我地叫左兩份，楊枝甘露同熱豆花芝麻糊。一打開楊枝甘露聞到好香芒果味，雖然唔係好大碗但好足料，都幾好芒果粒、西柚紅柚粒，西米都多既。芒果夠甜，加左紅柚會帶苦，但可接受。豆花芝麻糊都好香黑芝麻味，佢既芝麻糊開水多左少少，唔會話好稀，但杰返少少會好食啲。豆腐花好滑，好香豆腐味，係唔錯既。成份糖水都唔係好甜，我ok。如果鐘意食甜啲既人可能會覺得呢碗唔合格。唔知堂食質素係咪會好啲，外賣質素中規中矩啦。.味道 ★ ★ ★ ☆ ☆環境 ★ ★ ★ ☆ ☆服務 ★ ★ ★ ☆ ☆性價比★ ★ ★ ☆ ☆.

地茂館是九龍城的著名糖水店，以傳統及港式的糖水出名，最近佢由九龍城，開到嚟九龍灣了。店舖都係簡約風，裝修簡單。生磨合桃杏仁茶：口感順滑，合桃味濃郁，又有淡淡的杏仁香。芒果涼粉加小丸子：有很香甜的芒果味，食得出是新鮮芒果，小丸子軟糯。除了杏仁茶，芒果涼粉小丸子，還有很多不同的甜品選擇，有合桃糊、香滑芝麻糊、桑寄生蛋茶、芒果班戟、楊枝甘露、杏仁蓮子百合、腐竹蛋糖水等平均$20至$30左右一款糖水，非常抵食，性價比很高，下次會再來試吓其他不同的款式😋

外賣番到屋企，入面一粒小丸子都無。芒果得幾粒，西米尚可。全名叫芒西小丸子，不如改叫芒果西米露。新鋪開張都咁，遲下不能想像。見入面無乜人諗住外賣應該都快。真係快，不過好求其。