地茂館甜品

营业中

休息中

元宵佳節與家人一起慶祝甜品時光，但這次的經歷讓人失望。我們點了：- **紫米露** 紫米完全沒有煙韌感，口感相當平淡，端上來是溫的，既不是冰爽的也不是熱乎的，口感很廉價，讓人失望。 ❌- **喳咋** 食材翻車：紅豆煮成豆沙，綠豆卻是硬的，芋頭帶著生澀感，彷彿一鍋亂燉的剩豆子。- 最後最讓人失望的就是堂食卻用紙餐具，感覺非常不環保而且沒有誠意。 😒這次的用餐體驗真是不如預期。「希望店家能重視品控，別讓傳統糖水變成敷衍食客的流水線產品。」

九龍城老字號中式糖水－地茂館🍨聽聞這家的芒果甜品跟中式糖水都不錯，看完電影經過淘大見到就決定試一下😋來到中式糖水舖，當然要試試傳統款式，我點了招牌的桃膠蛋白杏仁茶和糖不甩，朋友喜歡吃芒果就叫了芒果豆腐花小丸子。桃膠蛋白杏仁茶（$39）杏仁茶的味道不假，有很香的杏仁味，不會像化學香精味。不過跟我想像中的蛋白杏仁茶不同，不是像燉奶那種質感，而是用杏仁茶煮蛋白，蛋白跟桃膠的份量都對得起這個價格，不過我覺得整體略微有一點點甜。軟滑糖不甩（$21）糖不甩就是用紅糖煮過的糯米團子裹上花生碎跟白糖，喜歡吃軟軟糯糯的朋友愛可以衝！糯米團子不黏牙，入口也很有嚼勁，配上花生白糖，口感層次更豐富，分量不算很大，一碟7粒，和朋友一起分享就不會膩啦～芒果豆腐花小丸子（$33）試了一下朋友的糖水，芒果很大塊也很甜，豆腐花很滑，還有糯糯的小丸子，還不錯，是不會出錯的芒果糖水整體而言，不會超甜，份量很足，而且食物質素不錯，價錢又不貴，值得一試。🔖地茂館甜品 (九龍灣)淘大商場3期地下G281號舖好味度：3.5/5性價比：4.5/5回頭率：3.5/5

長期有人排隊既糖水舖👀🌟椰汁紫米露小丸子味道偏淡小丸子煙韌，好有咬口🌟紅豆馬豆糕細個成日食😍一次過有2隻味👍🏻🌟軟滑糖不甩熱辣辣又煙煙韌韌，再灑左好多花生碎🥜🌟榴連，椰子，豆腐雪糕大讚榴連味 好香反而豆腐就一般般 無乜豆腐味😶

係九龍灣食完晚餐，想食個糖水，醒起九龍灣有地茂館，即刻衝去食🤣平時食開九龍城嗰間，長期都大排長龍，好好彩地九龍灣依間唔算好多人排，可能我太夜？🤣好快就入得去照舊都係叫左芒果小丸子豆腐花，加左個豆腐味雪糕，好好食👍🏻👍🏻👍🏻👍🏻🤤

地茂館甜品 📍九龍灣牛頭角道77號淘大商場3期地下G281號舖由於次次經過都好多人排隊，好奇之下就決定試吓係咪真係咁好食😂 落單之後超快就已經有得食！⭐️凍椰汁紫米露小丸子 $28本身好鍾意食紫米露，加埋椰汁更加甜，有小丸子就再多啲口感，好食！⭐️芒果西米露小丸子 $33超級經典嘅芒果西米露好難唔好食，夏天消暑必備～其實係好食嘅，不過要食得快啲唔可以坐咁耐，因為太多人排隊喺出邊望住好大壓力🙏🏻😂#fookdie九龍灣 #fookdie甜品 #fookdie甜品 #九龍灣美食 #九龍灣好去處#香港好去處

地茂館呢閒糖水舖就真係周圍都有，想食糖水既時候就會諗起佢。 佢既芒果紫米加椰子雪糕真的好食，紫米又香糯，正！加埋芝麻湯圓真係一流，以前既芝麻湯圓太厚皮所以覺得麻麻，但係今次佢地應該轉左供應商，終於個皮薄d，餡同埋皮既比例平衡返，正到爆炸！

Gym後無啦啦話食甜品，就簡左呢間地茂館，服務態度好好，個個客都有打招呼甘，仲提佢地記得拎齊野，味道方面，我食左椰汁紫米露小丸子，料足好食，另外都試下啖家姐叫旣招牌蛋白杏仁茶，我唔多食杏仁，但試左覺得杏仁味幾香，整體嚟講都幾推介。

芒果豆腐花表面有澎湃嘅芒果粒同香甜濃郁嘅芒果果醬加上滑溜的豆腐花剛剛好中和了芒果的甜味腐竹薏米糖水有一股淡淡嘅豆味，冇乜驚喜蛋白杏仁茶甘甜幼滑無渣，沒有香精化學味淡淡天然杏仁香

話說今晚喺淘大食完晚飯.阿女話要食甜品.淘大商場現時有三間甜品舖.上次食完小方糖.所以今次我哋揀咗（地戍館）此舖喺九龍城出名嘅中式糖水店.照我所知將軍澳廣場都有一間.估唔到淘大商場都有間.最大發現原來佢哋有我至愛嘅芒果甜品呀！今晚四個人叫咗四個唔同嘅甜品.希望佢哋啲味道唔無令我哋失望！點餐如下：1. 招牌蛋白杏仁茶 X1 $36元2. 芒果涼粉 X1 $29元3. 芒果紫米小丸子 X1 $32元4. 凍椰汁紫米露加小丸子 X1 $28元餐後評語：糖水唔會太甜.適合一般食客.但啲芒果唔夠甜.有少少酸.可能唔係季節！🚶🏻‍♂️👉📌地茂館甜品 (九龍灣)九龍灣牛頭角道77號淘大商場3期地下G281號舖

係淘大食完晚餐，決定食埋甜品去餵飽埋第二個胃。我地揀咗間相對比較中式甜品既地茂館，嗌咗合桃杏仁茶、芒果紫米小丸子同芒果西米露。雖然要排一陣隊，但上菜速度非常之快。合桃杏仁茶都幾重杏仁味，飲得出唔係用即溶粉沖個d，唔算太甜，口感唔會太杰撻撻所以食落都唔太濟，熱既杏仁茶飲落去喉嚨好舒服，好似好潤咁。芒果紫米小丸子就口感比較豐富，紫米煮得幾冧，小丸子都算煙靭，不過d椰汁份量比較少，搞到好快飲完d流質，剩返d料係度無得夾埋一齊食。芒果西米露就相對上普普通通，芒果幾甜無乜渣，食落味道正常。📍九龍灣牛頭角道77號淘大商場3期地下G281號舖位置就腳：🍊🍊🍊餐廳環境：🍊🍊食物味道：🍊🍊🍊整體CP值：🍊🍊🍊

平時食開佢地嘅燉奶今日想食糖 水~~~就一試芝麻杏仁茶 好滑身 杏仁茶 如其名 係水d嘅texture 而芝麻就係糊d嘅 兩者配合出黎 唔會搶左大家嘅味道 但芝麻味係出d個人認為中式糖水熱食會正d 而e款都不過意款只有 怕熱嘅朋友留番冬天試la

食飽飯但又想食甜品，淘大有幾間，未試過地茂館所以試試。見到隔離枱芒果幾吸引，我地就叫咗芒果涼粉小丸子同芒西小丸子。芒果味道甜甜酸酸，涼粉味道比較淡，互相配合下幾好味。呢度嘅小丸子質感十分好，有咬口，唔會太硬亦唔會太淋，而且有少少甜味，比起貴價糖水店更好食。另一碗芒西椰汁味濃，西米比較淋，都係小丸子比較突出。 總括來說2碗都用料充足，真材實料，不會太甜，味道都是中上，份量亦充足。店內環境較擠迫，通道較窄。店員積極主動，服務很好，見我用紙巾抹乾淨支膠湯匙，立刻問是否需要幫我更換。我告訴佢因為想帶回家回收。美中不足是此餐廳堂食使用即棄碗同膠餐具， 如果可以轉用返可重用嘅碗&餐具就更好更愛地球了❤️🌍。

係附近食完飯之後未夠喉，見到呢間都幾出名，雖然之前有聽過評價有啲參差，但因為想啲甜嘢，一於就試試佢！黎得中式糖水舖，當然要食返啲傳統款式，我哋嗌左芝麻糊、合桃露同椰汁紫米露，menu寫話芝麻糊同合桃露係生磨，食落口的確係有少少起沙既口感，而且好濃稠，真材實料😋而芝麻同合桃味亦都好出，唔會太甜，同埋好大碗，食到最後真係好飽😂而椰汁紫米露表現同前面相比，就相對顯得普通啲，比較甜啲，不過都算係正常發揮，無咩可以挑剔😌依家新式甜品舖越開越多，但有時總係會想食返啲簡簡單單既中式糖水暖下胃，呢間味道上、價錢上都係唔錯既選擇👍🏻

講左總結先，地茂館確實對得起佢個名氣，糖水配料質素都水準之上，價錢又唔貴，值得一試。糖水鋪頭就好難有舒適環境可言，幸好下午去既時候客人五多，都算坐得唔逼。是日我地無order純港式糖水，試了芒果豆腐花小丸子同芒果紫米露小丸子，每碗盛惠$32，價錢唔貴之餘，芒果夠甜無纖維，小丸子煙韌，不會硬芯或者煮得太霖，甜度都剛好，下次試試佢港式糖水😜食物:8.5/10服務:7/10環境:7/10性價比:8.5/10

九龍城老字號中式糖水, 淘大都有分店! Happy!! 🥳淘大本身都有兩間糖水店, 個人比較鍾意呢間。今晚食完飯未夠喉, 就捉左老公陪我落去食糖水! 🔸椰汁紫米露+ 榴槤雪糕球配得雪糕當然係叫凍0既紫米露，竟然上左個熱辣辣0既紫米露，當堂打個突! 😲店員都好有禮貌幫我換返個凍0既! 雪糕有淡淡榴槤味, 味道唔錯！椰汁配紫米一向係絕配，紫米煮得夠林，分量多，食完好滿足!🔸雪糕芒果涼粉小丸子賣相好吸引，芒果香甜，小丸子有好多粒，口感彈牙有淡淡糯米香，涼粉爽滑。