地茂館甜品

营业中

休息中

之前都聽過話呢間好吃昨晚咪同朋友去試下囉~吃了'楊枝金露','糖不甩','芒果pancakes'同'雪蛤膏'至like 吃楊枝金露'!好足料!又好吃~雪蛤膏好清潤其他都ok~我一定會再去幫襯! 順帶一提~ 個度收銀個個白頭四眼叔叔好搞笑~四萬咁口講笑~令到我地成班笑得好開心~

燉奶，燉蛋，芝麻糊~以前，次次o黎到地茂館，都會猶豫，食燉奶好定係燉蛋好呢?之後就會因為好耐冇食過燉蛋而揀o左燉蛋。叫o左之後就會偷食朋友o既燉奶。然後就會後悔叫o左燉蛋(拍落燉奶好味d)~不過下次幫襯又會循環...再叫燉蛋..而家，佢o既燉蛋好味o左好多，唔會再令人後悔喇~不過亦令人更難決擇~周旋於燉奶同燉蛋之間~

本來想買個芒果豆腐花俾媽媽,同埋買個西米露俾自己.點知身上又帶吾够$$..甘巧銀包入面有人民幣,0米諗住問下佢收吾收啦.點知佢甘鬼串,竟然話:"二十七蚊0者"...然後就叫我搵真的.唉..無就係無架啦...最後...身上的碎銀只可以買到個芒果豆腐花.PS..個喊樣係俾個阿姐既.而個芒果豆腐花係笑樣(即好食!!)

他們的楊枝甘露也很好食很足料!每次去九龍城食飯之後一定會去幫襯!!

我鍾意食地茂的白果腐竹糖水, 腐竹煲得夠溶, 白果夠多, 還有一定數量的薏米。比起大良八記, 這方面一定優勝得多, 芝麻糊雖然仍以大良八記佔優, 但地茂在款式上亦有較多選擇。

糖水出色，尤其是芝麻糊。仲有糖不甩都好好味，問過師傅點整，佢好nice咁話俾我知，加少少生粉就得o架喇！雖然未有時間自己整，但我一定會記住這個方法。^^

我喜歡呢度d糖水甜度適中,唔貴,每逢響九龍城或者附近食完飯都一定去,但係夜晚經常都好旺,有時都坐得幾迫ga~~<br />芒果西米露d西米整得好好,西米煙"un"; 合桃露幾滑而且有一粒粒合桃響入面,幾香;珍珠黑糯米都好正,材料十足; 芝麻糊唔夠香啦,但ok~ 而我一向食中式甜品都唔會揀d呢樣溝個樣,但上次阿妹叫左個合桃露豆腐花,食落唔錯!!<br />

好好食,特別係芒果豆腐花,正~

以前0係BU返學, 一放學就同d同學去九龍城食飯, 之後食埋糖水至夠完滿!!地茂就係我0既至愛, 貪?就腳同平!!一年四季我都係獨孤一味, 食蕃薯糖水. 因為有好多蕃薯, d糖水又夠辣!! 好味. 不過有一次我去食, 我想加西米, 但係亞姐話唔得, 要加0既只可以加清心丸或者湯丸. 我問佢點鱗唔得, 佢都唔想答我. 究竟點解呢? 我亞媽都會加西米落蕃薯糖水度. 唔通食西米露加西米咩?

每逢在附近食完飯一定過來整番碗芝麻糊，這裡的芝麻糊不太甜，非常幼滑同好香芝麻味，值得推薦。另外合桃露都唔錯。 <br>

前幾日去吃糖水, 搵左呢間好似幾聞名既地貓館. 叫左碗芒果西米露. 諗住吐去口中的airways, 又唔想囉紙巾, 咁就搣佢張單頭一用啦.<br>我一啖都未吃, 佢走埋黎, 曰:咦!(張單)上面呢? 係邊呀? 我話:吐左香口膠喇. 對曰:哥仔, 唔係咁玩下ma, 要對number 架ma,......<br>係呢個moment, 我真係頗大震撼...佢既反應似乎異於尋常...<br>but 講到尾始終都係自己衰先...我吃埋個糖水走人, 行到門口埋單, 又聞曰: 唔好咁搞呀麻...<br>埋單$12, 個糖水都好吃, 但d 服務就...有待改善; 如果下次再係咁, 我就寫衰?!

糖水選擇幾多，都有d花多眼亂既感覺，但新派糖水就做得麻麻地，好似楊枝甘露就剩係得柚既苦澀味，芒果既酸甜味就影都冇，令人失望，反而舊式糖水，好似芝麻糊、合桃糊、紫糯米就真材實料，幾有水準，所以黎幫襯都係食d傳統野穩陣d。

賣o既都係大路o野！如紅豆沙、西米露等糖水！不過味道就真係唔錯，首選滑滑燉奶同芒果西米露，前者香滑，甜度適中，後者則芒果味濃、不太稀，值得一試。

我都覺得地茂館o的糖水唔係話特別好，試過芝麻糊、合桃露、紅豆沙等等亦都如是... <br>

芝麻糊同合桃露普通啦,冇乜驚喜.但試過杏汁百合,清清甜甜0甘,几潤.