地茂館甜品

营业中

休息中

同男朋友係附近食完飯,行過見到坐滿人心諗都應該幾好掛,我叫左熱紅豆沙溝芝麻胡及糖不甩,先講芝麻胡一D都唔滑仲唔夠熱,去松記食好過,糖不甩一D都唔彈牙,好似一團麵粉,都唔知點解仲有咁多人話好食,以家D香港人要求都幾低!

帶著Ceres Boulangerie的包及餅，兩個人有點傍惶的問阿姐：我們來幫襯，可以順便堂食餅嗎?阿姐笑笑口的一句無問題，令我們即時開心放鬆哂!　也是的，下午兩點九，反正食客很少，小店也著實會歡迎多一宗生意。我們坐在靜靜的糖水店內，KO了外帶的兩件西式餅，再慢慢的品嚐小店中式糖水。　蛋白燉鮮奶($12)-質感超滑，滋味清清的甜甜的很好受，就算吃完甜餅都會吃得下；事實上，我們很快就清碗!又平又好食，誠屬推介之選!　什果涼粉($11)-別看價錢相宜，這碗糖水份量可真不小的!而且味道一點不壞，只是珠玉在前，加上之前吃了甜餅，涼粉進度緩慢，差點吃不完。如果你是逛熱逛累了來吃，相信會有很不錯的評價!　幾滿意的一家店，就我個人來說，我認為它一點不輸合成甜品。來逛九龍城不妨幫襯一下!

試過芝麻糊, 湯圓, 清心丸, 燉蛋, 椰汁黑糯米, 蕃薯糖水, 價錢平, 質素平平而最近食過雜果涼粉, 雜果很少, 雖有幾粒椰果, 但菠蘿只是碎碎的, 有一兩粒碎好像變了味

外賣"芒果班戟"同埋個熱既"蛋白燉鮮奶"mango pancake 好好美. 唔太多cream, 芒果幾大粒﹐皮夠薄﹐酸甜適中! 一份都唔夠喉, 早知就買多份喇~~ 個蛋白燉鮮奶...errr...滑還滑﹐但加左粉既...食左半份無食lu! 一定有下次﹐我好想試埋糖不甩﹐紅豆沙同芝麻糊呀!!

食完金滿堂,再去地茂館...感覺有點兒舊式,坐卡位,人客都唔少,食乜就幅牆...點左熱食的豆花黑糯米...豆腐花好滑,豆味頗香...不過豆腐花出現出水的情況,黑糯米過杰,形成界線,黑白分明,互不侵犯...黑糯米份量都唔少,不過煮得唔香,唔太甜,不過都只係得d甜味,並冇黑糯米香...整體上成碗野都熱辣辣,辣至燙口,不過並冇加任何花奶椰汁,所以黑糯米唔香...不過勝在價錢唔算貴,所以都有下次...

哈哈! 今日又同老公食過, 因對佢地d 芒果班戟念念不忘。外賣。老公要左個" 蛋白燉鮮奶" - 熱既- $ 1 2老婆緊係要左個" 芒果班戟" 啦- $ 1 5" 芒果班戟" 一樣咁好味, 我好鬼鐘意食果塊班戟皮, 比左一舊老公食, 佢都話正斗!" 蛋白燉鮮奶" 老公話仲正過上次果個" 冰花燉鮮蛋" WOR , 我即刻咪蝕底試左一啖, WELL ! ! 係有d 野咁BOR ~ *我老公. . . 唉. . . " 蛋白燉鮮奶" + " 芒果班戟" 一舊, 唔使3 分鐘已經食晒2 樣野落肚, 但我仲食緊果兩舊" 芒果班戟" LAW , 想食多啖" 蛋白燉鮮奶" 都唔得TIM . . . . >.< 一路食一路猛咁話好味, 係人都知啦! ! ! =.="

昨晚同朋友食完飯，有朋友介紹話這間的甜品好好味，於是一行８人就去食飯後甜品．一坐底其中一位朋友就叫咗佢自己的自愛楊枝金露，真係好多料，不過d金柚有d苦，比較失色．另外還叫咗芝麻糊石腐花，合桃芝麻糊，芒果涼粉，椰汁黑糯米，石腐花黑糯米．嗰芝麻糊都幾香，不過d石腐花唔夠滑，嗰黑糯米又無嘜椰汁味，我唔鍾意食太甜都覺得佢無甜味，真係有d失望．食甜品都係松記好d．

多數都係同老公既FRIEND 食糖水, 又好難得先見倒老公, 又好耐無試過單獨一齊食, 所以今晚我提議飯後去食甜品。老公問我想去邊度食, 我就話去" 地茂館" , 但竟然個傻佬唔知" 地茂館" 有甜品店, 只知" 地茂館" 有茶餐廳, 因我同老公久唔久都會去" 地茂館" 茶餐廳食野, 次次食既野無邊樣唔好食, 大家不妨試下丫!外賣甜品上車食: 冰花燉鮮蛋( 熱) ( $ 12 ) ~ * 老公食* 芒果班戟( $ 15 ) ~ * 老婆食*老公話佢之前未食過, 黃色既, 甜甜地, 好滑, 又幾好味咁喎! !而我果一盒有3 件既芒果班戟, 唔係芒果粒加一大堆CREAM 果隻, 而係用一大舊芒果加少少CREAM , 再用班戟皮包住, 芒果唔酸係甜, 正! 啖啖豐富芒果肉+ CREAM + 班戟皮= 好鬼正! ! !咁既價錢, 咁既質素, 你仲想去邊度食糖水丫? ?P . S . 阿姐漏單, 竟然將張單放埋一邊兼整濕左, 所以服務得2 分。

男友飯後想食甜品，行咗嚟地茂館試吓。Order 咗以下items:1) 糖不甩($10) -- 好口，好味2) 芝麻糊($11) -- 好香芝麻味，好滑又唔太甜。3) 冰花燉蛋($12) -- 好滑，好好味。價錢又平，真係值得再試。

我唔係中式糖水o既愛好者, 但次次o黎九龍城都會o黎呢間o野食糖水.今次食芒果豆腐花&付竹雞蛋糖水. 芒果豆腐花一早整定放係雪櫃內, 我唔覺得有乜好食, 好在D芒果都算甜. $15算係咁啦.付竹雞蛋糖水就幾好, D付竹煲都溶晒, 好正! 白果好林去左芯一D都唔苦. 重有D薏米幾有咬口. $12非常抵食!

星期日下午和朋友來吃甜品從未食過入面有咁大舊芒果的芒果班戟!!!不是一味得pat cream, 而是非常大舊的芒果芒果幾新鮮, 少許的酸, 但dun 番勻就唔會太甜和"漏"喜歡芒果的朋友不能錯過班戟皮就一般, 但是有咁大舊芒果, 加晒分!!!

8點左右來左呢到食第一時間個感覺都幾好, 野食來得好快..價錢我自己覺得算幾平... 兩個人都係30$叫左個杏汁蓮子百合18$一個牛奶蛋白? 唔記得咩名... 12$感覺上都幾好, 咁既值錢, 抵食

昨夜跟幾個好耐無見嘅老友响九龍山莊食飯，餘興節目就係行落九龍城食糖水。見去合成要行咁遠，就近近哋嚟呢度。自己照舊叫蕃薯糖水加湯圓。依家幾乎每次去親糖水鋪都會叫呢樣食(因想跟炮台山福元作一比較)。不過通常都係大失所望。今次亦都唔例外..>.<糖水得個甜字，無乜薑味；蕃薯雖然夠大嚿，但食到尾發覺有D渣；湯圓唔係自製嘅，有D似食緊利川湯圓...都係時候坐程車去炮台山嘞...

無啦啦想食糖水, 今日晏晝托人幫我落樓買桑寄生蛋茶.可能因為食過源記0個d, 發覺呢間0個d 唔太0岩我, 好似甜0左d, 而且蓮子麻麻0地鬆化. 不過無得同源記比0既, overall 其實呢間0個d 味道係幾唔錯的. $12 (外賣唔使加$), 其實抵食有餘.同埋其實我覺得呢頭d 糖水鋪係佢最好0架喇.

前晚男友要到樂富，辦完所有事後，我提議行落去九龍城食糖水。那晚是本星期最凍一晚，我估會好多人，但原來唔係，我例牌叫了芝麻糊溝紅豆沙，男友要了豆花芝麻糊，來到時，豆花芝麻個樣好吸引，我使橫手同男友對調，發覺豆花好滑，豆香十足，雖然本身豆花味淡，但跟芝麻同吃，卻又極之好味^0^