地茂館甜品

营业中

休息中

唔知由幾時開始呢間中式糖水舖成為咗我哋九龍城甜品推介，不過事實上而家要食中式甜品又好食嘅都好似好難咁。另外一個欣賞佢嘅地方就係佢唔會好似出邊啲甜品舖頭九唔搭八，又唔會因為啲乜嘢要跟風，就好似如果你想死千層蛋糕啊、綿綿冰或者台式甜品呀、或者加球雪糕啊嗰啲，sorry 全部呢度都唔會有嘅，只係好專注咁做返佢哋爸爸傳落嚟嘅中式傳統甜品。而食左無限咁多次我地最推介嘅有白果腐竹糖水同埋杏仁蓮子百合。白果腐竹糖水- 真係將啲腐竹煲到溶晒爛晒，你係完全唔會見到有啲一塊塊或者一粒粒嘅腐竹，另外食完之後嘅感覺係會變得白雪雪滑dou dou囉！杏仁蓮子百合就更加之不得了啦，佢係原盅燉出嚟嘅，又係好似食完之後即刻白左咁。其實我細個係唔鍾意杏仁呢隻味，唔知點解大大下就開始接受左，不過對於榴槤呢我就真係仲未接受到啦！其餘我哋會叫嘅多數都係糖不甩啦或者紅豆馬蹄糕。最近睇到一篇專訪，太子女係接手爸爸嘅生意，唔想呢個傳統甜品失傳，亦都為咗好多老員工保住個飯碗。太子女其實響外國讀好多書㗎，返嚟都唔介意做啲咁辛苦嘅工作，而佢嘅目的只係唔想間鋪頭結業。另外之前佢哋裝修本身我都以為佢哋會大執下啦，點知重開之後發覺佢原來好多嘢

呢間糖水舖裝修雖然比較中式，但內在卻非常光猛乾淨，係會另人樂意係入面慢慢食慢慢坐☺️我同女朋友好快就揀好想食啲咩啦！因為一入去就聞到好香既芝麻味，咁就打孖上黎個芝麻糊豆腐花兩溝～然後牆上面又有好大張poster介紹自家製既楊枝甘露，所以亦都好快決定好啦～🍽芝麻糊豆腐花兩溝相當高水準既一個甜品！好濃郁既芝麻味，但又唔會過甜，非常香！豆腐花相當滑溜，無乜甜味但好香豆味，配埋芝麻糊既甜就perfect😚🍽楊枝甘露同出面食到既真係唔同味！食得出碌柚明顯係人生拆肉，成碗楊枝甘露食落比我既感覺係：相當真實！唔知出面咁假既味道👍🏻係九龍城食飽飯一定要黎食糖水，咁就圓滿晒啦😎

第一次寫食評，老公叫咗凍椰汁粟米馬蹄爽，結果變咗碗西米露 (見圖)。問店員係咪嚟錯，佢話係西米露加馬蹄同粟米。完全黑人問號，成個名都冇西米，最終喺鋪頭搵到另一張係寫椰汁西米馬蹄爽。點解可以咁唔统一。

天氣咁熱，日日都想食碗冰鎮糖水。好彩屋企附近就有一間糖水鋪，幾乎日日都回來歎。今次食嘅喺杏仁蓮子百合同埋芒果布甸，布甸喺我第一次食，覺得甜咗少少，一開始覺得芒果味嘅布甸好好食，裡面仲有芒果，但系食到後面就有少少膩啦。杏仁蓮子百合仲喺咁好食，杏仁味勁香，口感夠滑夠濃郁，蓮子煮的好軟爛，沙沙嘚好好味。推介呢款！

中學時在九龍城讀書，放學後經常和好朋友來吃中式糖水。印象中會坐這兒談天，每次都吃上兩個糖水。最愛的有燉蛋、蜜瓜西米露及椰汁黑糯米。今日來法國覆診，醫生要做手術，有排等，姑娘叫我先出去吃個飯才回去。我先致電地茂館，確認已裝條好才過去，免得像上次白走一趟。我先去吃了牛肉餅，再過來吃。和老公每人點了個糖水。很飽，高估了自己。燉蛋 - 年少的味道。可能太飽了吧，覺得太實。蜜瓜西米露 - 有孕的我不能吃，介紹了給老公，見他點頭，是同意好味的！

九龍城有好多甜品舖，但講到食懷舊甜品其得2間，地茂館係其中一間。有好多舊式甜品，例如桑寄生蛋茶，腐竹薏米等等....但個人最鐘意都係喳咋，貪佢夠多料，有唔同嘅豆同芋頭，加埋花奶好正。有時唔想食新派甜品，食下舊式甜品嘅話，都係唔錯嘅選擇。

呢間甜品店咁出名，成日都經過，但無特登去食...星期五晚食完晚飯想食下舊式甜品就去幫襯下~~補腎合桃糊 $25生磨係幾滑既，好大碗都算幾抵，不過味道無想像中咁好，太過甜喇蛋白燉鮮奶 $26唔錯既，不過唔係真係咁特別奶味可以再濃d🤔

九龍城除左泰國菜出名 糖水都一樣咁多人介紹 比起新式糖水 我更加鍾意食舊式中式糖水所以就揀左地茂館 叫左個芝麻糊 黑芝麻味濃 食落口感幾滑 唔會食到一粒粒既口感 可見佢磨得夠細滑 好食！

😋生磨杏仁百合蓮子喺九龍城晚餐完畢後，雖然好飽但都要外賣一個回家慢慢享用。喜愛杏仁嘅你一定要試試這個， 滑滑溜溜 , 甜度也適中，蓮子份量多 ,百合也爽脆，有口感。必試

🔥久仰地茂館甜品大名已久，終於黎到一嘗其甜品水準🤭🔥香滑芝麻糊 $24🔥色澤烏黑，香氣撲鼻，糊質竭身，入口濃郁芝麻味，加上唔會過甜，能夠嘗到真正芝麻味。佢唔係磨至完完全全滑溜，係仲有一點’沙沙地’嘅質感，保留口感。🔥補腎合桃露 $25🔥一樣香氣撲鼻，糊質較芝麻糊滑溜，入口充滿合桃個陣果仁味，亦都甜度適中，剛好蓋過合桃自身嘅少少苦澀味。🔥如同食緊液體狀合桃😋🔥總括黎講，平民價錢，糊類出色。下次有機會會再次光臨，試試其他’地茂’出品！Feast Level: 🔥🔥🔥🔥🔥/5

趁着1/5假期，就去九龍城嘆泰國菜再食碗糖水！九龍城除左”秦國”餐廳多不勝數，糖水舖都多到要做個「糖水普查」先統計到。咁多餐廳，一個大意就好易中伏！唔想中伏的話，我會推薦「地茂館」，佢係中式糖水舖。糖不甩真係好出色，又煙韌，又飽滿圓碌碌，又熱辣辣，又唔會太甜，唔會好粉，唔會太大粒，唔會太細粒，花生碎又夠碎，佢既缺點就係冇缺點！芒果黑糯米都令人心動，同男朋友一齊食真係擔心甜到糖尿呀！下次想試芝麻糊，合桃露，紅豆椰汁糕！—#foodiehk #hkfoods #hkfoodshare #hkfoodblogger #hkfood #hkigfood #hkfoodieblogger #hongkongfoodie #hkfoodlover #topcitybiteshk #hkeats #食好西 #食評 #hkrestaurant #hkfoodblog #相機食先 #吃貨

👭地茂館甜品(九龍城)👭今次38同朋友們黎試下呢間老字號糖水，分別叫左4款，4款都叫左熱既，咁樣先最食得出佢香味丫嘛1⃣豆花芝麻糊 $24整體唔會過甜，芝麻糊同豆腐花都幾滑溜2⃣蕃薯靚糖水 $21糖水薑味偏淡，蕃薯都算甜3⃣椰汁黑糯米 $23椰汁份量岩岩好，黑糯米好有咬口4⃣手搓芝麻湯圓 $22同樣都係糖水既薑味淡，湯圓就幾煙韌推薦度6.5/10🏠九龍城福佬村道47號地舖🕐12noon-00:45am

去完九龍城食飯，就算食到幾飽，都要食甜品先至係圓滿。平時去開合成，今次因為懶得走咁遠，所以去咗食地茂館。第一次食地茂館，完全唔知有咩出名，叫咗自己想食嘅嘢，分別係手搓湯圓、星洲靚喳咋、紅豆馬豆糕。地茂館重新設計左餐牌同埋餐廳環境，整體幾有特色同型格，完全唔似一間傳統老店，仲有fb同ig😱芝麻湯圓個湯圓皮好大陣糯米粉味，同我自己錯嘅非常似😂 薑汁湯底同芝麻餡唔算太夾，芝麻餡嘅芝麻味都算太重，比坊間嘅更加流質。最搞笑係湯圓上面加咗桂花，但啲桂花好苦，就算係配薑汁湯底同芝麻湯圓都完全唔夾，又冇桂花味，想點😂😂😂😂星洲靚喳咋非常濃郁，食完一碗仲飽過食飯。豆、豆、豆，啖啖都係豆，而且煲到起晒沙咁，配埋椰汁食，正！足料又唔太甜👍🏻紅豆馬豆糕還好，質地似大菜糕咁比較硬，份量比較好細，試過就算～

今日同朋友係九龍城食完晚飯，朋友話想買糖水俾屋企人食，咁我地就黎左地茂館食糖水，地茂館係我其中一間最中意既糖水舖，有好多傳統糖水都好好食！我地叫左一份糖不甩，煙煙韌韌，好好食，同埋依家越黎越少地方有得食糖不甩！另外我仲叫左一碗芒果西米露，我覺得呢碗西米露粒粒都比較大粒，仲好爽，芒果又好甜，又加上少少芒果汁，但唔會太甜，食食下，覺得好似楊枝金露，只係無左柚子喳！地茂館仲有好多好多經典糖水，好多都好好食，大家去九龍城食完飯，不妨去地茂館食埋個糖水，好滿足！

這間糖水店是我小時候媽媽帶我來吃的,現在到我帶返媽媽嚟。在九龍城吃完飯 ，媽媽突然很想吃合桃糊， 而我又很想吃冰糖燉木瓜， 便想起這間悠久歷史的地茂糖水店。這間D 合桃糊和芝麻糊都是很結身的， 絕對沒有偷工減料~而今次我吃了冰糖燉木瓜，食完之後成個人都好滋潤!!!!!同屋企人食糖水最好就去一啲傳統嘅糖水店!!!!