聖安娜餅屋 (已結業)

本來想買新出既朱古力脆脆蛋糕,點知無晒,可能已經完promotion…買左個方型既全蛋乳酪蛋糕,個名見到乳酪呢個詞,好似好有營養,好健康咁,但係食落就發同乳酪或者芝士根本沾唔上關係!一件蛋糕有三層,只係好普通既蛋糕,係幾軟熟,但係完全唔特別,六無特別味况,蛋糕層之間係普通忌廉,好在唔係太多,唔會太糊口。整體上,個蛋糕只係好普通同OK,都唔個名既!

西餅、蘿白糕只能說不過不失

因為團體訂購優惠，所以今年女伴購買了兩張糕卷，平均每張省十蚊以上。一張係「馬蹄糕」，另一張係「黃金糕」，才HK$6x。前者自用，後者送比媽咪。「馬蹄糕」係好易煎到脆邊的貨色，馬蹄量多；「黃金糕」傳聞係熱賣貨色。換糕那天，人頭湧湧，好熱鬧，這才像辦年貨！似乎聖安娜賣盤比Li & Fung 後，水準keep 到！

今日去左掃包"有xx白汁雞肉酥$5.5香酥吞拿魚條$5.2吞拿魚卷$5.5火腿芝士潛艇x3 $5.5 EACH香草番茄芝士包$10 一大條黑芝麻山形方包$4.5 四片我係d愛芝士之人,所以有芝士既包都會買^^返到屋企,烘返熱個雞肉酥好好味...芝士潛艇又脆卜卜~正~呢間既款式好少,,好多都好common如果多d款式就好由於今日用餅卡所以唔洗錢加加埋埋唔洗五十蚊

兩款芝士餅結構相近都係面層同底層有芝士filing中間一層則係蛋糕蛋糕尚算軟熟但芝士味一如期望係芝味不足檸檬芝士餅檸味香面頭既白朱古力薄片有點輟作用藍苺芝士餅頂層中間有一大點藍苺醬又係幾好但相信我唔會買下次

新出左一隻朱古力mousse cake面頭有好多朱古力碎中間係朱古力mousse濃郁既朱古力味口感鬆軟係唔錯合桃酥鬆化$22現金價有18件都好抵食

今朝攪完program, 下晝去總部開會, 途經旺角聖安娜買o左2個提子包做lunch, 其實只係普通小麥包, 唔知點解叫"活力提子包"? $2.8一個, 冇乜香味,冇乜提子, 唔太好味, 都係新大阪同奇華提子包最好味!

琴日難得放假當然要悠悠閒閒過一日去開旺角但又成日都未食過野買左個朱古力玉桂撻($7.6)外層係朱古力脆脆入面係朱古力蛋糕兩樣都好夠朱古力味正!加上頂層有一小撮藍苺醬甜甜地酸酸地好開胃減少左朱古力既肥膩感唔錯!除左呢個之外仲買多件我至愛既拿破崙雖然雪左幾個鐘當飯後甜品先食但皮仍然脆入面既cream唔太多唔覺漏加上有好多合桃集脆既皮同硬既果仁好有口感維持到水準(當然係以呢個價錢黎計啦!)

聖安娜新出左家庭裝大大個既南瓜包,我已經試左!10蚊有一大個用錫紙盤裝住既包,係好多個細包砌埋一齊,好似七星伴月咁,至於味道,有提子又有南瓜蓉,甜甜地,既食到南瓜味又唔會味道太重,所以都唔錯!係好似提子包咁但係多左少少南瓜味,同埋可以食到好飽,都幾抵食!

我食柚子蜂蜜蒸蛋糕係因為俾佢既賣相吸引左,橙色四方形軟綿綿蛋糕,又點會捨得唔買?試左之後,發現都唔錯,味道偏啖但好清,柚味唔強,反而食到一粒粒柚子,有少少口感幾得意,蛋糕十分軟熟,整體感覺幾創新,ok呀!

南瓜提子包好似提子包,但係就加左一些南瓜粒,幾多提子,幾好味, 南瓜食到唔算太出,味道剛剛好,個外型都唔差,好似一個十字包咁,係一個圓包界十字,好似花!

食左佢既粟米肉鬆包,一大個長方形,包好軟,又香,但係包料只放係包面,肉鬆多但係粟米少,沙律醬又有少少鯨住,咁係唔係幾好…

週五傍晚，買了枚「泰式肉鬆毛毛蟲包」（$5.5）。毛毛蟲造形的肉鬆餡包。麵糰依舊軟熟討好。餡料乃混合少許粟米的泰式肉鬆，微微濕潤，容易入口。體積不算細，幾好！

聖安娜最近出左幾款曲奇,一共有五款味道,買任何野加5蚊就有一包,原價係$9。我已經逐次試咁試晒唔同味,包括蛋白薄片曲奇、牛油檸檬曲奇、咖啡搖搖曲奇、可可瓜子曲奇、香脆腰果曲奇(根據美味程度排列)。蛋白薄片曲奇—最好味,又薄又脆,一d都唔油,實屬難得,但係唔係太似一般曲奇,似餅多少少,不過我覺得呢款最好味!牛油檸檬曲奇—檸檬味幾香,個樣都幾靚,係經典圓形有花紋個款,係好好味既曲奇,但係一包只有16塊咋!咖啡搖搖曲奇—好脆口又有口感,咖啡味唔重,反而甜甜地(主要係餅上有一粒啡色狀似咖啡豆既物體,係甜既),圓形既曲奇上仲黏滿花生碎,好有口感!(注意:呢款而家唔係間間有,好多間都無!係一些牛奶專登係荃灣某分店幫我買先可以食到咋!在此特別鳴謝一些牛奶!)可可瓜子曲奇—一般朱古力味,瓜子只係增加口感,無乜特別味道,屬於ok。佢有一個好特別既形狀,就係星星形。香脆腰果曲奇—一定唔會再食,香係十分十分香,外形都好似好靚,係心形既,但係一食就搞到成口成袋成張紙巾都係油,總之食到一口油, 肥死你!又唔係好好味喎!(個笑係俾頭三款曲奇既)

之前試過呢款包,覺得完全芝麻味,諗住唔會番炒,知阿媽買左番,我見有咪攞食,今次又好左少少喎!起碼有番d味(上次真係同食白包無分別架!),不過搞笑在唔係芝麻味,個味况竟然同美心既五穀健康包一樣!(但係五穀健康包更加軟熟)又會咁既?雖然話佢好左,但係我都唔覺得好好食,所以唔太recommend。