土耳其小城 (德範大廈) (已結業)

我地一行4人去食lunch 一於叫個4人餐試多幾樣野食浮雲沙律好色彩繽紛 有生菜 橄欖 青椒 紅蘿蔔 酸青瓜 車厘茄 炸脆片等等 係一個唔錯嘅開胃菜牛肉沙律一上枱 我地都有個疑問 又有沙律? 仲要同頭先個個咁似樣嘅 我地都唔記得左呢個餐有2個沙律🤣 其實就係浮雲沙律加左牛肉 我地因為冇做好功課 又趕時間 所以睇名隨心揀食呢個set嘅 除非你好鍾意食大量菜 如果唔係都建議第一個沙律揀陸州沙律 咁就可以試到兩款唔同香酥茄子夾雞新鮮炸起超級熱辣辣 外脆內軟 兩片茄子夾住一啲好淋嘅雞肉泥 我同同行朋友都覺得唔太啱我地口味咖哩草原牛肉炒飯本身唔太好印度米個類 所以對呢個炒飯冇乜期望 點知有驚喜 食落唔會又乾又硬 除左食到咖哩味仲有啲香料味 有4,5粒大大粒嘅牛肉收埋左係炒飯入面 飯面仲有烚蛋烤野雞肉卷餅/草原牛肉卷餅我食左雞肉個款 雞肉好嫩滑 生菜中和左醬汁嘅膩 忍唔住一啖接一啖咁食🤤 朋友食左牛肉個款就話牛肉有少少乾同會食到筋位 醬汁集中係底部所以尾個個位最好食薩拉風味魚/牛油烤餅/蒜油烤餅辣辣地好惹味 魚柳份量唔少 不過我地有8塊烤餅 如果多啲咖哩汁就更加好🤪 烤餅我鍾意蒜油個款 鬆軟啲又有

慶祝生日，提議想食士耳其野，有特色得呢又一班人慶祝，所以訂左位夜晚去食生日飯。間餐廳係荃灣德華街德範大廈，店名叫＂土耳其小城＂，一聽就知同土耳其有關，入到去又真係去咗土耳其咁。😙咖喱克勒雞肉炒飯，份量好多，印度米炒到粒分明，雞肉腌得好夠味，好香。仲有隻雞蛋係度呢（印度的親子井🐣😳）。呢個飯性價比高呀！印度咖喱雞，咖喱香料味好香，雞亦唔錯，配合薄餅食一流。我個人覺得比較辣🌶️，配薄餅一齊食可減低辣度，不過食得辣的朋友就咁食都冇問題👍木炭烤羊件，用鐵板上菜的，好有熱度🔥。呢個羊件係免治羊肉，所以好容易入口，羊肉入兩加了芫荽籽，所以唔會有羊膻味。土耳其薄餅，薄餅煙煙靭靭，係我鐘意的口味和口感。上面有灑左芝蔴和芫茜，好香，好好味。香酥茄子夾雞，茄子夾雞再炸，即叫即炸，所以非常新鮮。有茄子係入面，有效減低雞肉和油炸的油膩感，而且茄子的吸水性強，所以吸左雞的汁，好好味！芒果乳酸，芒果味好出，酸酸甜甜，好開胃，好好飲。 薄荷茶甜甜地，帶有薄荷味，好清新。今餐生日飯好開心呀！食得好満足😋

土耳其小城位於荃灣德華街，之前已經見過唔少IG Foodie都有推介，一直好想試吓呢啲特色少見嘅菜式，從來冇食過土耳其菜嘅我充滿期待🤤今次叫咗好幾款嘢食，全部覺得都好啱我嘅口味！🌟浮雲沙律🌟原來係雜菜沙律嚟㗎，顏色十分之鮮艷吸引，入面會有新鮮嘅生菜、蕃茄、青瓜、黑橄欖等，再配上沙律醬，健康得嚟又清新。🌟陸洲沙律(三角豆蓉)🌟三角豆蓉其實就係鷹嘴豆再將佢細磨成蓉，口感十分幼滑，而且佢仲再加左土耳其特製嘅香料，獨特嘅香料味道，令到人覺得人驚喜。🌟薄荷茶🌟飲品有個好靚嘅漸層效果，加上薄荷夠哂透心涼呀！🌟木炭烤羊件🌟免治羊肉軟嫩可口而且唔乾，搭配土耳其特產調味香料，羊肉味道芳香撲鼻。⭐️香酥茄子夾雞🌟酥脆的茄子外層裡面是熱辣辣嘅雞肉餡料，香口又美味。試咗咁多款嘢食都覺得好滿意，之後都會帶埋男朋友再嚟同我食多一次😍

我同男朋友都係為食人土，知道荃灣新開左間土耳其菜餐廳，但一直去唔成，今日終於夾到時間了，就一齊去去拜會下呢間土耳其小城。餐廳的裝潢真係有如置身於土耳其的感覺。我哋叫左2個小食，1個炒飯和1個薄餅。小食包括香酥茄子夾雞和木炭烤羊件。，茄孑子夾雞即叫即炸，所以好新鮮。茄子配雞，好有口感，茄子又吸左雞汁，好好味。配有生菜，有效減低雞肉和油炸的油膩感。木炭烤羊件，用鐵板上菜的，好有熱度🔥。羊件係免治羊肉，所以好容易咬開，羊肉入面加了芫荽籽，有好獨物的香味，唔會有羊膻味。土耳其薄餅，薄餅煙煙靭靭，係我鐘意的口味和口感。上面有灑左芝蔴和芫茜，好香，好好味。咖喱克勒雞肉炒飯，用印度米炒，食到飯係粒粒分明，雞肉腌得好夠味，咖喱味好濃好香。仲有隻雞蛋。呢個飯性價比高呀！下次又再黎體驗一下土耳奇的異國風情！

同姊姊去荃灣行街，到食午飯時間，見到呢間土耳其小城，食土耳其菜，幾特別，餐牌的相好吸引，價錢亦都係合理的範圍。第一次食土耳其菜式，睇吓會唔會吸引到我哋兩姊妹！印度咖喱雞 $88，咖喱汁好香好惹味，雞肉再滑D就更好，辣味好足夠，用黎點薄餅食好正！ 牛油烤餅＄28有3大塊，烤到焦香，牛油味好重，好香，同咖喱雞一齊食，食到一啲都唔剩！香酥茄子夾雞＄68有6件，即叫即炸，所以好新鮮。茄子夾雞，好有口感，茄子又吸左雞汁，好好味。配有生菜，有效減低雞肉和油炸的油膩感。 草原串燒牛肉(8串) $98燒牛肉好juicy，醃料好入味，配有新鮮生菜，食得多都唔怕油膩。土耳其茶 $15茶味好濃。下次都要再食，原來佢係元朗都有分店的，下次帶阿爸阿媽去食，唔知元朗店係咪都係咁好食呢？！

喺荃灣住咗咁耐都唔知道原來呢到有得食土耳其菜，反而係咁啱有個朋友入嚟搵我，大家一齊搵吓有咩好食先發現咗呢間好有地道特色嘅土耳其小城 。牛油烤餅嘅牛油味好香，烤餅烤至微焦，口感煙煙韌韌☺️仲有個鬆化咖喱角炸到好脆，而且咖喱味更濃郁超級惹味呀🤩咖喱克勒雞肉炒飯同咖喱角嘅咖哩一樣都係好香濃，雞肉食落都好滑，配埋咁香嘅咖喱味真係好好食！陸洲沙律就咁聽可能會以為係普通沙律，但其實佢係三角豆蓉嚟嫁，三角豆蓉磨到好似薯容咁，勁滑呀，仲有個烤餅一齊點嚟食😍

見到荃灣德華街德範大廈開咗間土耳其小城，故名思意就係食土耳其菜啦！土耳其菜就真係未食過，點都要試吓先！叫咗個咖喱、串燒、土耳其薄餅和小食。克勒拉雞皇 $98係奶油咖喱配雞肉，所以有好香奶油味，可能係土耳其咖喱🍛，所以有好香香料味辣味亦好足夠，佢哋的咖喱好濃郁，唔會水稀稀的，我好鍾意呢啲咖喱。用嚟點烤餅食一流呀！草原串燒牛肉(8串) $98燒牛肉好juicy，醃料好入味，配有新鮮生菜，食得多都唔怕油膩。土耳其薄餅 $28薄餅煙煙靭靭，係我鐘意的口味和口感。上面有灑左芝蔴和芫茜，好香，好好味。香酥茄子夾雞 $68茄子夾雞再炸，即叫即炸，所以非常新鮮。有茄子係入面，有效減低雞肉和油炸的油膩感，而且茄子的吸水性強，所以吸左雞的汁，非常之咁好味！雖然唔知係咪正宗土耳其風味，但係好好味，價錢亦唔係好貴，下次再試其他菜！

呢間土耳其餐廳🇹🇷一直bookmark 左好耐，今日終於抽到時間嚟試。❤️草原串燒牛肉(8串) 串燒牛肉嘅味道香濃，醃料嘅味道啱啱好唔會太鹹，即使經過燒烤嘅過程，仍然仲保持滿滿嘅肉汁，非常之Juicy!❤️陸洲沙律(三角豆蓉) 三角豆蓉其實就係鷹嘴豆泥，入口綿密絲滑嘅口感，連同烤餅一齊食，係非常之出名嘅中東美食，而且營養價值好豐富。❤️烤野雞肉卷餅 呢個雞肉卷餅超級豐富足料，入面嘅雞肉入口Juicy，肉質滑嫩，再加上生菜,蕃茄,洋蔥，好清新配搭，口感亦十分豐富，有層次。❤️素菜餅沙律素菜餅炸到香脆，入面全部都係素菜，食落完全無罪惡感，仲有好多沙律菜解除炸物油膩感。估唔到土耳其菜又幾岩我胃口，下次要再試下其他先😍

去開荃灣終於可以試到呢一間我好想試嘅土耳其菜，之前聽朋友介紹話食過覺得好有特色同埋味道方面絕對係值得一試，今次終於拉埋朋友一齊嚟。我地叫左三款沙律，但全部都各有特色，同埋食多左好多菜❗️浮雲沙律就係最清新嘅沙律，生菜、蕃茄、青瓜、紫椰菜各種新鮮蔬菜加上沙律醬，清新輕盈之選。深海魚柳沙律主角係魚柳，魚柳炸到好香脆，配上沙律生菜、蕃茄、洋蔥，大大減輕罪惡感。陸洲沙律係用左三角豆磨石豆蓉，入口超滑，有啲似薯蓉質感，入口有幾香嘅香料味，幾特別嘅土耳其菜。食中東嘢點可以唔食羊肉，一嚟到就叫咗個木炭烤羊件，佢係用咗免治羊肉，羊肉味都唔羶，而且外焦內嫩，十分惹味🤤咖喱克勒雞肉炒飯咖喱味濃，炒飯飯粒分明，加埋超滑嘅雞肉，鐘意食咖哩飯嘅一定要試下。

同同事去完荃灣做嘢，佢就介紹我一齊去呢一間土耳其小城到食飯，本身都好鍾意食啲中東泰國馬來西亞菜，因為覺得好有風味，呢間都係我食過覺得數一數二好食嘅土耳其餐廳。木炭烤羊件 💲1️⃣3️⃣8️⃣免治羊肉經燒烤後羊味更香濃，配上特選香料及芫荽籽，非常惹味。咖喱克勒雞肉炒飯💲7️⃣8️⃣炒飯炒至乾身仍有好香咖喱味，原來佢哋嘅米係用咗土耳其米，睇落會比較長身啲，食落口感都偏林身，但就令到米飯每一粒都有咖喱嘅香味。克勒拉雞皇 💲9️⃣8️⃣呢款菜式屬於奶油咖喱，味道唔會太辣，而且雞肉嫩滑，甜甜辣辣嘅味道，無論食唔食得辣都好容易令人接受。牛油烤餅 💲2️⃣8️⃣呢個牛油烤餅我係特登叫嚟點咖哩食，估唔到份量相當多，有足足三大片，勁抵食。

今次同老公帶埋小朋友一齊嚟到荃灣行街，見到附近有間土耳其菜幾吸引，今次就第一次試吓。見到隔籬枱叫咗啲串燒食，啲香味傳晒嚟我哋張枱嗰邊，所以我哋決定要叫啲串燒牛肉同埋烤羊肉。草原串燒牛肉(8串) $98牛肉串燒嘅質素真好掂！食落超級Juice，牛肉一啲都唔鞋，而係有好香濃嘅香料味道，上面仲加咗黑白芝麻增加口感。木炭烤羊件 $138 特別用咗免治羊肉，香料方面用咗芫荽籽完全可以蓋過咗牛肉嘅羶味，味道特別清新。而且係即叫即整再用咗鐵板上碟，熱辣辣咁食特別好味。淨係食串燒點夠喉，見到佢哋嘅烤餅有好多唔同嘅款式，今次我哋就揀咗土耳其薄餅，上面會有啲芝麻粒增加口感同香味，薄餅大大塊，而且好薄脆，大人同小朋友都好鍾意食。

同朋友係荃灣行街，見到有間土耳其小城，主打土耳其菜🇹🇷，好特別又好少見，就一齊試下新嘢😆我地一共叫左四樣野食，見呢幾款網上都好多人推介。第一樣就係草原串燒牛肉，有成8串咁多！牛肉炭烤後入口軟嫩適中，香料味好重好濃，正！第二樣就係香酥茄子夾雞，原來係會將茄子夾埋啲雞一齊炸，第一次食呢個配搭，幾特別但又估唔到幾夾！即叫即炸超香脆👍🏻第三樣係烤野雞肉卷餅，入面主要有雞肉、生菜、蕃茄、洋蔥，簡單足料好味道！第四樣就係陸洲沙律(三角豆蓉) ，三角豆即係鷹嘴豆，三個角豆打磨蓉，口感細滑，配埋軟薄餅一齊食，飽肚又好味。整體嚟講，食物質素好好，環境舒適，店員亦好親切有禮貌，一定會再嚟試吓其他特色小食。

今次朋友帶左我去荃灣食中東土耳其菜，已經有一排冇食啦，好期待😚餐廳環境好有設計風格，勁有異國情調，仲要食物選擇好多，諗左好耐先揀好！我勁鐘意食咖哩，今次就揀左克勒拉雞皇，佢係奶油咖喱，好creamy ，而雞肉都十分滑！超級正，再加埋烤餅就掂哂☺️🙌🏻咁啱想食脆口嘢又想食沙律，見到佢地有個深海魚柳沙律同素菜餅沙律可以滿足我兩個願望。深海魚柳沙律嘅炸魚柳外脆內軟，內裡軟嫩多汁，魚肉香味撲鼻！而素菜餅都炸到香脆，素菜配上香脆嘅外層，簡單食材都變得更加美味！沙律都有唔同嘅新鮮蔬菜，生菜，蕃茄，洋蔥等等！

在荃灣德公園附近有這間名叫土耳其小城的餐廳，但食品卻大多是印度或巴基斯坦的特色風味食品，款式多樣，裝潢亦富特色，店員多是年青的巴裔少女，能以廣東話交流。食物按羊肉、牛肉、海鮮分類，亦有多款套餐供應。是次點了中東羊肉，羊肉多汁肉嫩，帶點小辣，非常惹味；另一款為瓦剌菠菜雞，值得推介，汁液亦帶少許咖哩味道，雞肉鮮嫩無比，再配上蒜蓉薄餅，簡直一絕，呷啖薄荷茶暑氣全淌，再試一杯土耳其茶，帶點甜味，頗為特別。還有很多菜式，留待下次再品嚐。

成家人一齊聚會梗係要去食下啲特別嘅嘢食啦，今次就去咗呢間荃灣嘅土耳其菜大吃特吃🥳🟠咖喱克勒雞肉炒飯 $78雞肉炒飯有好香嘅咖喱味，但係又唔會太辣，啱晒我嘅口味，加上雞肉嘅份量好多，塊塊都好滑，煩到粒粒分明，一啲都唔油！🟣香酥茄子夾雞 $68炸茄子香軟好吃，外酥內軟，加上放了滑嫩嘅雞肉，香氣十足。🟤草原串燒牛肉(8串) $98串燒牛肉烤至兩面微焦，牛肉充滿肉汁，超juicy，灑上特別香料同醬汁，口味更加地道又出色。🔴克勒拉雞皇 $98克勒拉雞皇係用左奶油咖喱，咖喱好濃稠，超級香濃嘅咖喱味道加上滑雞肉，超級入味，無論口感定味道都係一流。 🟡牛油烤餅 $28烤餅煙煙韌韌咁，烤到有少少焦燶，已經聞到有好香嘅牛油味道，食落甜甜地咁，又大大件，正！如果用嚟點咖哩就仲正。最後再試埋佢哋杯土耳其茶，估唔到土耳其嘅茶都咁出色，茶味好香醇，食完咁飽，真係要飲返杯茶啦。