土耳其小城 (德範大廈) (已結業)

昨天一家三口我們到荃灣，來到仁济医院後面，這條街都很少店舖餐廳開門，我們就隨意入了這間土耳其餐廳。店內職員都不是華人，他們都是中東人。餐廳有用QR code點菜，我們懶得開手機就請職員幫我們點菜。大部份食物都係$100左右，我們三人就點了三個人食物，我們點了羊膝、羊扒和雞，還有一個芝士薄餅。兒子喜歡吃羊，但是上了一口羊膝就耐不住辣味，喝了一大杯水再點了一杯乳酪。桌上有3支類似沙律醬的調味，職員就來介紹我們使用白色和綠色的就可以沒有那麼辣。我們看菜單圖畫羊扒三塊，但是來的是五塊。雞的份量也超多，羊膝也非常大件。全部的餸菜都有非常濃的香料，平時不能吃羊肉的家人今次也可以大口大口的吃。食完了這個非常充實豐富的一餐，還要包起三分之一的食物。

土耳其小城💚Vegetable Jalfrezi特色雜菜咖喱 $88Garlic Naan蒜油烤餅 $28Cheese Naan芝士烤餅 $32Tandoori Roti烤餅 $12Chicken Doner with Rice香烤野雞水稻飯(轉薯條) $65Turkish Cheese Rolls土耳其芝士條 $58Mint tea薄荷茶 $30Turkish Coffee土耳其咖啡 $35人均消費: $116 (3人)-側邊提供嘅3個醬汁🧂🧂🧂：醬汁偏向液態多啲橙色 辣醬 好辣🌶白色 偏油性 好似沙律醬 好香蒜味🧄綠色 偏薄荷啲🌿．Vegetable Jalfrezi特色雜菜咖喱🍛個咖喱好辣🥵咖喱係偏少汁 但係多餸😚比起坊間其他咖喱for點餅 應該會多汁啲 但佢係少汁啲 不過多料雜菜🌱包括薯仔 青椒 西蘭花 蘿蔔同埋椰菜花 椰菜花 🫑 🥦 🥕都係偏淋身蘿蔔食落去 好似有少少渣🥕🥦同椰菜花淋得嚟食落去 好似有啲煙韌嘅感覺 青椒就真係好淋嘅🫑佢另外仲有啲芫荽 (唔鍾意芫荽🥺)整體成個咖喱真係好辣🌶．Garlic Naan蒜油烤餅🧄🫓冇諗過烤餅份量超多👻每款都會俾4大塊Naan冇我想像中

見到荃灣德華街德範大廈新開咗間土耳其菜餐廳，所以約埋同事下午一齊去食午餐。為了補充流失左的水份，我地叫左2個沙律。土耳其菜就唔可以冇串燒和咖喱啦！所以叫左一份串燒牛肉和奶油咖喱雞。陸州沙律 (三角豆蓉) 🥗，係用鷹嘴豆磨成醬加入土耳其香料（有啲似薯蓉，但口感比薯蓉滑）配以薄餅食，味道出奇的清新美味。素菜餅沙律：素菜餅用不同蔬菜和豆製成，意外地好味，沙律菜好新鮮。草原串燒牛肉(8串)：燒牛肉好juicy，醃料好入味，配新鮮生菜一齊食，唔怕食滯！克勒拉雞皇 係奶油咖喱配雞肉，所以有好香奶油味，有好香香料味，辣味亦好足夠，佢哋的咖喱好濃郁，唔會水稀稀的，用嚟點烤餅食一流呀！食完一餐，補充完體力，再上戰場。下次又再嚟呢間土耳其菜餐廳＂土耳其小城＂補充能量。

同姊妹去荃灣行街，到食午飯時間，見到呢間土耳其小城，食土耳其菜，幾特別。餐廳有很多土耳其風沙律選擇，最適合我地呢啲又鐘意食又怕肥的朋友😁我哋叫左2個沙律：陸州沙律 (三角豆蓉) 🥗，係用鷹嘴豆磨成醬加入土耳其香料配以薄餅食，味道出奇的清新美味。浮雲沙律，其實係雜菜沙律入面有紫椰菜，生菜，胡蘿蔔，紫洋蔥，靑瓜，車厘茄，橄欖加沙律醬，非常清新！又有2個肉：香酥茄子夾雞 $68茄子夾雞再炸，即叫即炸，所以非常新鮮。有茄子係入面，有效減低雞肉和油炸的油膩感，而且茄子的吸水性強，所以吸左雞的汁，非常之咁好味！木炭烤羊件，呢個羊件係免治羊肉，所以好容易入口，羊肉入兩加了芫荽籽，所以唔會有羊膻味，好好味。有纖維又有蛋的素，減肥都可以食得咁豐富。

今次係朋友介紹下黎佐荃灣呢間土耳其小城試下，朋友本身食過幾次，每次都評價好高😳黎到就試啲特別啲既野食，先係個名好特別既浮雲沙律🥗呢個岩晒食素食既朋友！全部都係菜😝食完真係會輕飄飄😝另外呢仲有陸洲沙律(三角豆蓉) $52🥗呢個好似食緊kfc既薯蓉咁，好綿好滑，但原來最好食係要配埋麵包黎黎，清新既豆蓉同麵包好夾，唔錯！之後就有特別既小食，香酥茄子夾雞 $68🍆🐥茄子夾住雞肉碎黎炸，本身已經有醃既雞肉碎已經好香，炸埋之後更香脆，又唔會油膩，有啲似食天婦羅咁，幾得意既食法！最後仲有木炭烤羊件 $138 ，羊件熱辣辣又香，免治羊肉加上芫荽籽，完全無羊騷味，反而好香香竹料味，夠晒特別，一定要試！🤤

今次黎到荃灣既土耳其小城，裝修有土耳其風味，食物更高質，好滿足既一晚呀！我地先叫佐薄荷茶同埋土耳其茶 $15🫖兩款茶既茶味都好濃，又唔會苦澀，而薄荷茶真係好好好香薄荷味，好好飲！而沙律我地就叫佐兩款，素菜餅沙律同埋深海魚柳沙律 $60🥗兩個沙律都有滿滿既沙律菜，而且都係新鮮既，好fresh，蔬菜餅呢就有唔同既菜同豆，即使煎香佐都好清新，而深海魚柳就炸到好脆，魚肉仍然爽口，兩個沙律都好開胃！😋之後我地就叫佐印度咖喱雞 $88🥘咖喱好重椰香味，又多香料，唔會太辣，雞肉就份量好多，而且唔鞋口又入味，配埋蒜油烤餅 $28🫓一齊食，香濃蒜油味既烤餅點上濃稠既咖喱汁，絕配！😋

土耳其小城既荃灣分店裝修好有土耳其風味，滿滿既馬賽克裝飾都好有心思，係去佐土耳其既一晚享受呀😆食物方面我地先試佐浮雲沙律🥗好適合食素食既朋友！其實係雜菜沙律加胡蘿蔔黑橄欖再配沙律汁，好襯果名，食完真係輕飄飄😝另外就試埋實在好多既深海魚柳沙律 $60🥗炸到香脆既魚柳配埋多種蔬菜食，絕對唔會因為魚柳係炸既而有罪惡感，仲好開胃添！小食就試佐鬆化咖喱角 $48🥠咖喱角炸到好大粒，好吸睛😍而餡料係蔬菜薯仔，好岩食素既朋友。咖喱角好香脆，好好食，完全唔油膩！😋主食就簡佐咖喱克勒雞肉炒飯$78🍚炒飯好重香料味，而且加佐黃薑粉既炒飯粒粒金黃，賣相好好！雞肉本身有醃過，再同埋炒飯一齊炒香，超好食呀！🤤

.沒想到這間舖頭在荃灣都頗受歡迎，中午時去吃飯，稍為晏一些，就已經無位！我點了兩款咖喱，味道都傳統，沒有驚喜，但係也不會失望。薄餅焗得十分香口，值得一試，而且份量也頗多，可以夠飽。反而令我驚喜的是，土耳其熱茶，那個香味，有點像桃茶，但又俾桃茶多了一陣香味，值得一試！.#ymdloveeating #ymdlovecooking #ymdlovehongkong#ymdhongkongstyle #ymdishere #ymdfood #ymdrestaurant

原來荃灣都有土耳其小城，之前已經試過作地既元朗分店，荃灣呢間分店既質素原來都好高，以後去荃灣想食中東菜又多一個好地方啦！👅一坐低就先飲杯土耳其茶 $15🫖土耳其既茶葉沖出黎既茶都比較濃味，今次都唔例外。但係濃得黎唔會苦，好香好好飲！之後健康既我地就叫佐兩個沙律🥗分別係素菜餅沙律同埋深海魚柳沙律 $60。兩個沙律既沙律菜都好多好新鮮，蔬菜餅就唔同既蔬菜同豆，壓碎晒做餅，煎香佐好清新，而深海魚柳又係炸到香脆，嫩滑既魚肉又好香，兩個沙律都好出色！😋另外我地就食佐印度咖喱雞 $88🥘同埋牛油烤餅 $28🫓，兩個人share就岩岩好！呢款咖喱好濃香料味，但又未去到太辣，配上嫩滑既雞肉，好香🤤而燒餅雖然只係牛油燒，但都好香，又煙韌，配埋咖喱食令咖喱生色不少！

食親土耳其嘢，都一定會叫Kebab, 所以叫咗個牛肉Kabab, 另外叫咗個Masala chicken 加薄餅。暫時係香港，未試過食好味既Kebab, 呢間都好一般，唔會再係度食Lebab, 見到隔離枱有客人咬完一啖，又唧一下醬，都幾擔心個唧咀掂到佢d口水🤯Masala chicken好惹味，未食過呢隻味，所以對我黎講好特別，又唔會太咸，因為呢味送，令我會想再黎！店舖內裝修唔錯，幾鍾意佢嘅畫，卡位坐得舒服，會推薦朋友黎試👐🏻

土耳其小城係香港有兩間分店，今次就同呀妹黎到荃呢間試下！首先沙律已經幾款選擇，我地就叫佐深海魚柳沙律 $60🥗深海魚柳炸到金黃色，好脆口，魚肉又嫩又鮮，配埋滿滿既蔬菜黎食，唔會因為魚柳係炸既而有邪惡感😝好好食！然後就到中東菜既必試咖喱同埋烤餅。我地叫佐果名好吸引既克勒拉雞皇 $98🥘同埋蒜油烤餅 $28🫓咖喱雞皇上枱就已經聞到好香香料味，而且奶油咖喱好綿滑，配埋蒜香味濃既烤餅，一流享受呀！最後就係甜品脆皮鮮奶卷 $48🥛鮮奶卷外皮好脆，入面係炸到流心既鮮奶餡，唔太甜，好好味！

之前一直都好想試土耳其菜，不過香港又唔容易搵到正宗既黎食，今次係朋友介紹下就黎佐呢間土耳其小城試下👏🏻我地先試佐芒果乳酸 $42🥭乳酸有少少杰身，好重芒果味，好香好好飲😗之後就試佐土耳其出晒名既卷餅，烤野雞肉卷餅 $65🌯卷餅每一啖咬落去都爆料爆汁，雞肉有醃過，好香，餅皮硬脆，加埋特式醬汁黎食真係好惹味，好滿足🤤然後就係中東菜重點：咖喱烤餅。我地叫佐克勒拉雞皇 $98🥘同埋土耳其薄餅 $28🫓雞皇係奶油咖喱雞肉，就算單食都唔覺得膩，而用香料醃既雞肉醃埋濃香奶油味咖喱，好食！土耳其烤餅又係本身分開單食已經好香，因為有蔥同芝麻，點埋咖喱食更加香口蔥味！😋

首先係好新奇既香酥茄子夾雞 $68🍆🐥茄子夾雜雞肉碎去炸，炸到金黃色，上枱熱辣辣，作為小食黎講相當惹味好食！跟住有主食咖喱克勒雞肉炒飯$78🍚雞肉徹底炒香，炒飯微辣但係有豐富香料味，而炒飯口感乾身有咬口，好香好好食！😋另外仲有木炭烤羊件 $138 ，鐵板上既羊件熱辣辣又香味撲鼻，全部都係免治羊肉，加上芫荽籽，唔會有羊騷味，香料味就提升整體味道，不二之選！🤤最後試埋烤餅🫓土耳其薄餅 $28，微焦既烤餅中心好煙韌，而且有大量既蔥同芝麻，就咁食都得，我地試埋將羊件夾住食都好夾，口感好豐富😚

荃灣呢間土耳其小城係食特式土耳其菜，有唔同中東風味既菜式！先上枱係素菜餅沙律🥗素食朋友既好選擇！素菜餅有唔同蔬菜同豆，食落口感好好，煎香佐唔會過硬，加埋沙律菜一齊食好好食😙跟住有吸睛既鬆化咖喱角 $48🥠咖喱角餡料係蔬菜薯仔，又係食素既朋友既另一選擇！咖喱角表面脆卜卜，入面既餡料又好香濃，好開胃！😋之後就係土耳其常見既烤餅，蒜油烤餅 $28🫓炸餅好香口，濃蒜油味但唔會油膩，份量又多，好抵食！最後仲有草原串燒牛肉(8串) $98🍢每串既牛肉岩岩好一口size，肉味濃郁，醃過既牛肉好惹味，燒到微焦好好味！咁重口味既一餐配埋兩罐邪惡既汽水就岩岩好！

荃灣有間叫土耳其小城既餐廳，門口望入去已經覺得好有特土耳其風味，食物就更有驚喜。我地先食深海魚柳沙律 $60🥗魚柳香脆鮮味，配埋滿滿既沙律菜食好開胃，好好食！😋之後就食卷餅，算係土耳其都算係常見食物，烤野雞肉卷餅 $65 🌯雞肉入味，餅皮香脆，食落煙煙韌韌，配埋其他配料同醬汁一齊食好惹味好正！黎到呢度緊係要試埋咖喱同烤餅！我地叫佐印度咖喱雞 $88🥘同埋蒜油烤餅 $28🫓咖喱雞本身已經好重香料味好濃味，雞肉又唔鞋口，將咖喱搽上烤餅度食，有蒜蓉味又有咖喱味，烤餅嘅蒜香味令咖喱更突出，絕對係最佳配搭呀！最後叫左脆皮鮮奶卷 $48做甜品，鮮奶卷外脆內軟，入面流心咁，好香好好食🤤