國際咖哩館 (已結業)

早前睇到一位女廚神嘅blog介紹呢度，講到好好食，一於今日放假帶埋鐘意食辣嘅男朋友嚟試！下午3點來到，避過午飯時間，坐得ok舒服，起碼唔駛同人迫嘛。之後睇個餐牌，啲名咁怪唔知點叫好，問下個侍應姐姐叫佢講解下，最後我同男友分別叫左$98黑羊配飯(大辣)同$98咖哩牛腩配飯(中辣)。唔駛10分鐘食物就到齊～ 我唔食羊但都試左男友個黑咖哩汁，食落無咩辣味男友話唔夠香，唔喜歡。而咖哩牛腩我覺得撈飯食ok，份量正常，好多香料同洋蔥，中辣唔辣，但牛腩都幾肥，同無薯仔。*全日都要加一，劃一收費

今日同朋友過黎食，未行到門口已經見到有人係度排緊隊，我地要等3張枱，但因為好想試，所以唔緊要啦！我地叫左半打咖哩角，如果我無食錯既話應該係牛肉餡，外皮炸得脆卜卜，好味😋😋 個青色既汁好特別，有少少蔥蓉味，但又酸酸地😹我唔識形容，你地自己試下就知仲有一個干炒咖哩雞，呢個真係好正！雞肉好juicy，唔知點解明明都係冰鮮雞，但人地可以整得甘好味😸😸有d炸過既洋蔥，莞茜之類一齊炒，味道好香口！咖哩牛腩，佢既咖哩汁辣得黎都有椰汁香味，我叫左中辣，我覺得下次可以挑戰大辣😁😁一個為左點咖哩汁而叫既薄餅，其實幾好味，有d麥香味🤗🤗一班人食會比較好，因為share先可以試多幾樣😸😸

這間咖哩餐廳好出名，十幾廿年。印象中在我小朋友的時候，每個月總是會來一次，見到大人吃吃吃 …… 現在到我們啦～咖哩角：牛肉味濃 (每枱食客都點)咖哩蝦：麻麻地、無味道咖哩銀鱈魚：肉質爽 (我們搶吃)咖哩桶蠔：爽 (超大隻)香蒜牛仔骨：有點老、咸椰青：超清甜一行三人中午餐慶祝收工大吉 ヾ(*´∀｀*)ﾉ

今日公司開會，所以落左灣仔。開左一個上午，大家都肚餓，可惜周圍都好多人等位，行下行下就呢到呢間食咖喱的餐廳。一入到去，地方小小的，D 位好迫夾。座低左，餐廳就比menu，只有a la carte, 無set lunch。 一個咖喱都賣成九十幾蚊。一行六人，方便起見就叫個六人餐，有前菜，咖喱，蔬菜等等（見圖)。同行有同事唔食辣，服務員好貼心地suggest 一半小辣，一半中辣。前菜牛肉角，切開一半，入面有好多青豆，我挑走曬。味道方面，十分一般。再來係咖喱蝦，聞落同食落都好香椰香味，個人來講中辣都唔算辣。咖喱汁偏稀身，蝦肉就不過不失啦。之後我地係羊肶同牛仔骨選擇左後者。牛仔骨做得比較乾身，會伴碟上碗咖喱比你一齊食，味道幾match，牛肉無騷味。 主菜仲有個咖喱魚。呢個好食，連一向不食魚的我都夾多嚿食。斑片夠厚，肉質夠實但係依然嫩滑！仲有個雞件，大大件好飽肚，但最好味反而係塹底的洋葱粒！撈飯一流！最後菜就係炒西蘭花同椰菜花，無特別，不多說。套餐可選白飯或薄餅。白飯用碟，一大碟實夠飽。薄餅呢就唔係一般我地食開個款手抓餅又鬆又脆，反而係傳統個款印度薄餅，比較林身，味道有一陣印度的味道。同事表示

幫襯了十年多 味道每況愈下 午市二人套餐2xx蚊 咖哩角好似隔夜 套餐蝦轉牛腩要加錢 牛腩難咬 非洲雞又鞋 食老本 午市服務其差 服務員趕住收碟打瀉 弄到整條褲 沒有道歉亦無幫忙 反一味説無事無事 趕客 多年感情都要劣評

中午試下食下咖喱, 聽人講呢間咖喱好似唔錯. 平日中午都算滿座. 座位亦唔算太過迫.佢咖喱有好多款, 每款肉類都會有好多款咖喱可以讚. 我只有問下伙記應該叫邊款咖喱, 如我吃唔辣, 佢就介紹印度咖喱, 香口一點, 要辣既, 佢又會介紹另一款, 多D調味同配料, 如下圖, 深色D既就係辣D既, 食落亦都會香口D.一份咖喱大概$100左右, 沒有飲品, 但可以選飯或薄餅. 我叫左咖喱羊肉, 好腍, 唔太SO味, 幾好食 但同行朋友叫左咖喱雞, 好硬, 唔腍, 牙都軟. 份量其實都好多. 佢D咖喱其實好唔錯, 好香好好味, 唔係大X活咁, 又辣又濃又刺激, 當然可能大家食咖喱要求唔同, 我只係試下形容一下個感覺 如果未試過又突然好想食下咖喱, 我都會推薦呢間咖喱屋, 只要唔好揀雞就OK了

今日去左灣仔按摩2小時,出到黎都差不多10點了。好多店舖都關了,行行下就到當舖附近,只見到一間國際咖喱館未關(12點關門),入面只有2桌 差不多走的4人桌。舊式店舖中的待應都沒事做可以坐下玩下電話。最後我地2個人懶想就叫左個2人套餐 $248(最後結帳$287)牛肉角半打:香料味重同牛肉都多。味道吾錯,但太油了。食了4隻已經放棄咖哩蝦:最出色的咖哩,叫了中辣都不辣,但好香口同料都足。大約8隻蝦。洋䓤吸了咖哩味好味道。非洲辣雞:有半隻雞。雞肉還可接受,但反而配料炒得十分出色! 出色配料配白切雞。白飯同薄餅:不是是否因為10點去到原因(但收12點)...白飯硬,薄餅凍。失望,白飯只可食一半用作撈咖哩。啤酒或汽水 :生力生啤不用加錢,其他以15蚊之後補錢。總體這個價錢係灣仔食咖哩2人餐係合理。但衛生就真一般。因為吾少蚊滋周圍飛,令到感覺不太良好。

在灣仔有名的國際咖哩館是友人指定點名要試的一間餐廳.那這麼的指定性,自然好有期望!而且看餐廳名字估不到是什麼類型的咖哩,令到我感到一種神秘感.餐廳門口亦貼滿報章雜誌的佈道,看起來好像好霸氣.但有一張最令我深刻是由大王安德尊的訪問.我想應該很久吧...細看餐牌,單單是咖哩雞,已經有16種不同做法,實在驚人!朋友說這裡的乾咖哩雞才是皇道!另外再點一個咖哩牛腩等等先來一杯凍青檸梳打,只是用青檸糖漿加一片青檸,有點兒失望.這個做法是CAFE/台式飲品的成本所做.主角乾咖哩雞,樣子的確與眾不同,下了大量洋蔥,乾蔥,蒜來爆咖哩醬,咖哩味不算濃,但卻充滿這埋配料既鮮香,的確是有特色.但可能正正是這樣來做,所以雞件既咖哩味並不強,而且雞件肉質極度硬身,可以說是失敗另一道咖哩牛腩亦有過份的問題,首先牛腩有8成都是肥肉,本人成身肥肉也接受不了,另外咖哩汁有一丁點變酸,我們極懷疑是食材變壞的味道.之後仲有一道炒椰菜花,一口咬下差點牙崩,這根本沒有用水烚過才煮,是十分硬身的質感.我想沒有人會拿椰菜花當沙律食的要因就是知道一定要煮過才軟最後咖哩角就是全晚最美味的一道菜,炸得香脆,餡料以蔬菜類為主,但咖哩味頗濃,

一點lunch去左食，好少人幫襯，坐左一個鐘，得六七個人食。叫左隊長羊味道一般，款式夠多，濃味既咖哩，都食到好重雪味有d失望。 埋單連加一$108。 無午餐提供，全日或一收費。

尋晚同老豆去左食咖哩.都係叫返我嘅favourite 咖哩牛尾煲.$120 抵食而且大大份.另外唉左中辣巴勒斯坦汁羊肉.羊肉無咩膻味,$90 認真抵叫喇.羊肉炆得林林地,好易入口.而且大大塊,夠肉地.另外叫左黃薑飯同印式烤餅.黃薑飯有不同香料加上.送肉食好飽暖.叫返個時菜,平衡返同幫助消化.埋單$360 2位 尚算合理.

好唔掂, 唔會再嚟 - 咖哩好稀, 似湯多D- 雞唔滑, 唔入味, 雞還雞, 咖哩還咖哩- 油酥餅, 難食, 勁多油, 好甜- 沙嗲係炸gei, 離譜, 最難食這個, 連D沙嗲醬都係冇味嫁!唔知係唔係我地唔應該係「咖喱館」到叫沙爹，咁大個女都未食過咁有創意的「國際化」雞肉沙爹︰1. 無味的雞肉2. 外包咖喱粉3. 成條炸起4. 另配無味青瓜及又甜又稀不過唔香的「沙爹」醬咖喱魚皇飯也非常一般。不明白門口的外篇美食報導從何而來? 超級難食!!!!! Lee世都唔會再去!!!!!早前, 聽朋友介紹話Very good! 所有去試試!!!! 但一試之後, 確實永世難忘!!!! 點解D食物會咁難食!!!! (1) 咖喱角: 凍嘅! 又唔趣!!!!(2) 椰汁咖喱雞 : 冇未!!!! 又希Liu Liu! D雞又多肥膏!!!! (3) 白飯 : 一定係格夜飯!!!!! 一舊舊!!!! 仲要係出面熱!!! 入面凍!!!!! (4) 薄餅 : 又係凍嘅!!!!!(5) 飲品 : 可樂 & 雪碧2位埋單 !!! 差唔多成200蚊!!!! 又貴又唔好食!!!! 離開之後.....我們仲又路行又路鬧!!

無特式沒風格@國際咖哩館近期身體出了少少問題,要keep 住看醫生及覆診, 返完半日工, 搵朋友食個午飯再去覆診看醫生。原先是想去passion by gerard, 想不到星期6都很多客人氣超旺, 等了十來分鐘都沒有位只好轉去食咖哩吧! 入到去只得2台食冷冷清清, 點了個二人餐。 $ 238炸牛肉咖哩角, 用了港式春卷皮,炸到外層金黃脆卜卜。餡料有牛肉、青豆及薯仔粒, 唯沒什麼咖啡味, 牛肉也少得可憐基本上吃不出有牛像素咖哩角。伴以令人摸不著頭腦兼不夾味道醬, 初時以為綠色是pepper mint, 但沒有薄荷也沒有香料味, 醬汁入口是酸酸甜甜的可以中和一下油膩感。可以選配飯或薄餅, 個薄餅是冷和現成的, 乾身不軟又沒麵粉香, 用刀切開都很廢力氣。蝦約有十隻, 食得出是用了雪藏而非新鮮貨色, 那還不特止還要用蘇打粉醃過使肉變爽。叫了中辣沒辣得令人吃到流汗兼雙唇腫脹, 汁液打了雞蛋及加入洋蔥, 但咖哩很稀一點都不濃稠。非洲雞下了很多洋蔥碎, 再與咖哩粉同炒熟至軟身, 洋蔥甘甜都味道重。雞肉切得很大件, 雞就唔入味了, 得雞皮吸了咖哩香料味, 辣度比蝦高少許。

呢間咖喱店我聽聞咗好耐，好似算係一啲較正宗嘅咖喱店。咁啱老細話想試食咖喱，所以就同啲同事一齊嚟食。齋睇menu，除咗知道有好多唔同肉或海鮮揀之外，真係唔知咖喱有咩選擇。問問侍應，先知咖喱有4種；白、黃、紅同黑。辣度亦有分大、中、小辣（但有啲咖喱又唔可以揀小辣XP）。我哋就試哂4款。白咖喱蝦-小辣賣相一流，但個汁略嫌太稀。唔知係咪小辣嘅關係，連香味都有啲唔夠，未夠惹味。但蝦就唔錯，夠彈牙。黃咖喱雜菜-中辣咖喱味濃，比平時食嘅黃咖喱較多香料味道，有少少辣，所以就算唔太食得辣嘅人亦唔怕order中辣。雜菜軟硬度適中，唔怕煮得太淋。黑咖喱雞-中辣嘩，真係冇諗過黑得咁交關。侍應話呢啲係印尼咖喱，本身係咁黑。呢款咖喱較油，同有啲類似花生蓉嘅物體。對我嚟講味道好似怪怪咁。雞有3大件，但唔夠入味。紅咖喱牛-大辣印度紅咖喱，香料味較重，但食落有少少酸。汁較濃。辣度乎合＂大辣＂程度。牛雖然厚，但整得好淋，好食。呢度啲咖喱份量都幾大，可以share食。汁亦多，絕對足夠撈飯食。可惜比較稀，相比起覺得啲肉整得較出色。雖然係星期五晚，我哋7點幾到，但唔算多人，所以唔洗book位都得。價錢ok，環境一般。咖喱都算有

之前同個朋友約左去食，特登預早打去book檯，但去到先話無record，要企喺度等足半鐘鐘；其間有個男侍應D咀臉真係幾差，我想confirm係咪真係無record，佢就勁大聲話「話左無就無啦，等吓啦」，坐低左之後問佢要杯水就叫極都唔比，上菜時又大力，真係比佢嚇親算喇，講番D野食先！佢D咖哩可以揀辣度（大、中、小辣），大多數咖哩都可以跟飯或者烤餅。我地叫左「咖哩牛脷」（中辣）同「咖哩羊肉」（小辣）。「咖哩牛脷」D牛脷好淋，個咖哩汁夠杰身，亦好香椰奶味；面頭又加多D炸蒜，所以食落好香口！「咖哩羊肉」就一般啦，D羊肉無乜味（唔講以為食緊豬肉囉陰公），同埋煮得好乾，無哂肉汁。個烤餅更加不值一提，完全唔掛汁，又難咬整體黎講就一般啦，價錢又唔係平（加埋一成兩舊幾水），未必有下次lu~

呢個蘇門黑咖喱羊，羊肉嘅質感不錯，不會韌，而且加上秘製配方，藥材味比較重，份量都算多，推介給喜歡食羊肉的朋友!個人比較喜愛這道咖喱乾炒蝦，用洋葱去炒至金黃色，蝦球好大隻，又可以選擇小辣、中辣、大辣，配合到個人喜好需要!因自己本身係個咖喱迷，所以我之前都係youtube睇飲食片search到呢間野，面對未食而又有興趣的朋友可以睇下!