國記

营业中

休息中

過年前跟大人到大橋街市購物,走到附近炮仗坊見到這間元朗有名粥店,雖然附近還有其他類似食店,不過我還是想一試!傳統舊式粥店的店內高朋滿座,跟大人坐在有天然風的門外,看著粥檔裡那蒸氣騰騰和各款食物,本來不太餓的肚子也響起來了,由於太多客人關係,快快地點了幾款食物....炸兩造型粗豪,澆上少量豉油的腸粉,一看而知是老式製法,米白色厚厚的腸粉吃來軟滑稍欠但仍帶一點糯口, 吃完一定飽肚!油條是少有地仍帶脆口貨色,能吃到脆的炸兩真的機會不大,幸運地今次仍可遇到。豬潤腸粉即叫即製,腸粉外皮依舊厚厚,不過新鮮蒸起的確好吃得多;豬潤份量不少,生熟程度非常好,不會過老或太生,爽口的豬潤實在好吃!!對個人而言,豉油份量就要多一點了,不夠豉油的腸粉總是吃得不夠痛快!大人的艇仔豬紅粥看來材料十足,裹著炸米粉的碎牛肉也有不少,大人稱讚那豬紅實在美味,已經很久沒有吃過那麼嫩滑的豬紅了,也許老店還可買到真正豬紅吧?!自己的及第粥等了一會才有,粥底的確很綿,而且還有很多薑絲在內,不喜吃薑的朋友要留意。豬肚沒異味很爽口,豬潤仍舊爽脆好吃,肉片也很滑溜,要是有粉腸的話會更完美。店裡有位長頭髮的阿姐勤快非常,記性又好!看到我

小時候不喜歡吃粥, 因為媽媽只會煮白粥和菜干豬骨粥, 白粥無味, 菜干我又不喜歡。近兩年倒愛上吃粥, 只因知道了世上有樣嘢叫生滾粥, 可以在吃粥的同時吃到不同的鮮味的肉和魚。吃過不同店舖的粥, 才知道好粥難求。今天在自修室溫習至一點左右, 擕帶銀包落樓搵嘢食。心血來潮想要吃吃國記的粥, 所以出發去炮仗坊！在門口站了五六分鐘都未有人理我, 忙吾係藉口。提高嗓門叫句：『吾該！！』終於一位阿姐面黑黑地問我食乜。我要了皮蛋瘦肉粥,買回自修室食。( 很乞人憎的行為)碗粥很大碗, 而且很多皮蛋, 皮蛋無怪味, 很滿足。但很奇怪, 明明痾打了『瘦肉』, 但我食到的卻是肉片。不過肉片都吾錯, 很嫩！粥底就麻麻地啦, 吾夠綿！連我這偽食家都食得出味精好重,印象中池記既粥底都靚佢。再加胡椒粉或鹽的話, 會很難下嚥吧?!還有下次我一定會叫走薑, 很麻煩！最大的優點是大件抵食。

在元朗，值得光顧的餐廳真的有很多。而這間舊式的粥店，就是便宜生滾粥的代表。什麼及第、魚片、滑牛等拼配的，只是$13-16。皮蛋滑牛粥：生滾粥的粥底都算不錯，只要加上少許的胡椒粉，已可以令人吃過不停。當然，我估計加入了適量的味精是在所難免。可能因為粥料價格的因素，皮蛋和滑牛的份量不太理想。或許是因為滑牛新鮮味美，只有三、四片像是有點兒不足夠。

國記乃舊式傳統粥品食肆，鋪面約只有四五百平方呎，桌子開了七八張，地方比較擠迫。但效率高，食物上桌速度快，食客也快吃快走，營業額也相當可觀。流通量高，加上這裡的食物食物都是自家製，所以都比較新鮮。這點對油器來說，尤為重要。其實炮仗坊一帶都有好幾間粥品店。最初光顧國記，是看到其門如市，又是老店，一定有其賣點。加上粥品店的食物，最主要就是夠快、夠熱、夠簡單。因為是端午節的關係，就點了燒腩蛋黃粽。粽子大小沒有什麼特別，勝在是自家製。可以一邊吃，就看到店舖最後面在包粽子。蛋黃雖不至流油，唯甘香不失；豬肉肥而不膩。炸兩端上就是一大碟的，份量充足。包在其中的油條口感佳，正是傳統店的強項。加上明火白粥，清新可口。簡單就是美！雖然地方淺窄，勤快的員工見有位子空出，就很快收拾騰出更多空間給食客，讓客人可以坐得較舒適點。服務不就是這樣簡單嗎？為什麼有些包裝美輪美奐的食府總是做不到的呢？不過，國記今天好像加了價，所有粥品一律十四元起。

國記是我生命中最重要的粥店。它令我重燃對粥的熱情。就是那一碗又綿又咸咸地的碎牛粥, 令覺找回兒時吃粥的感覺。碎牛在端上時還未熟透, 每次總要篤篤篤篤, 把它們篤碎, 被熱辣辣的粥燙熟, 再把一匙粥放進口中, 嘩! 那種牛味和粥的綿密感覺真是畢生難忘。還有那碟炸兩, 雖說不上是非常好味, 但手拉的腸粉配上脆脆的油條, 再淋上甜醬油, 簡簡單單, 已經十分滿足。最後當然不忘來一個砵仔糕, 白色無豆,入口清甜, 是完美的飯後甜品啊!!!!!!!!!!!!

要快速的補充能量，最好吃碗粥。見這裡很對辦，就塞了進來，找個位子坐下。見牆上寫著手打肉丸粥最拿手，當然沒有道理不試，另外腸粉即叫即拉，就來一碟炸兩吧。粥雖然不算綿滑，但沒有什麼味精，也煲得米粒開花，幾對辦；肉丸看樣子是手打的，沒有錯。唯應該不是手的吧，可能也是要求太多的了。份量絕對足夠，13蚊一碗，夠晒飽；大堆頭的還有炸兩，一大碟的，重重的淋上熟油及甜醬油，極好「油水」。油條的口感不錯，脆口之餘，也有麵條的煙韌口感，很大條的，連腸粉也不大包得住。也是份量十足的，加埋碗粥，絕對是當是午餐吃也可以，下次還是要「炸一腸」好了。吃後都幾口渴，應該是甜醬油作怪。埋單22蚊，都原來不是很便宜，但絕對夠飽肚的。

這間粥店我最少十年都無食過,有日行過突然好想食粥,於是入去試下懷舊下,呢間店真是十年不變,個個好似打仗咁,我都未坐低,阿姐就問你食乜,d伙計行來行去好快手,d食客又食得好快,總之現場氣氛好緊張.我叫了一個粉牛艇仔粥,d粥係較稀及有味精,但又真係幾好食,但其他野我就唔咁試,佢d腸粉不是即刻整,放在在爐旁,有人叫就放入去蒸一蒸,咁點會好食,以前佢d炸兩都用隔夜油炸鬼整,相信現在都唔會有改善,總之一句,真係夠平,但堂食真係好辛苦,下次要外賣吧

以前好鍾意食~ 覺得好好味粥熱料又足, 腸粉又平又滑~~~不過最近去已經唔同左?d 粥稀左好多, 可幸係d 料都係咁多不過心愛既腸粉涼既＞＜～～難食呀不過比起海皇粥.. 佢都係好食d ...比以前差左係真！

feb 18, 08外買咗 : 1) 粽-塊葉好香-都唔算細隻,足料,實淨,口感唔會腍-個黃都夠油水,亦唔算死實-五香粉味唔重,主要sell自然味-個人鍾意/習慣伴砂糖嚟食............very good 2) 砵仔糕-見中間"窩"到咁低,買嚟試吓-質感有少少煙韌,但甜多少少就好,宜家"爭"咗d

jan 02, 08,食完粉仔之後..........再去隔離舖食布拉腸粉- 問咗仲有無腸粉食先坐低...........揀咗瘦肉腸試吓........原來有間房仔做腸粉,即叫即做,所以等咗5分鐘左右..........no problem - 個粉皮好滑.........可能無期望,所以幾驚喜,再食埋個瘦肉片,好嫩,1d都唔"鞋",於是整體好掂........... - d店員全部都好好口同nice,佢見我淨喺叫腸粉...........隔咗1陣突意問我要唔要碗粥........因佢哋d粥都好

無論一個人或同朋友入元朗, 我都一定入黎食返碗粥+ 腸粉.始終覺得粥品鋪越簡單越好. 腸粉即叫即做, 非常嫩滑.老爸最愛豬紅粥, 我黎就一定皮蛋瘦肉加炸兩腸.

好耐都冇去過，突然想食粥，於是就特登去國記食，一坐低，D阿姐就好似唔比時間你諗想食D乜咁，係咁問你食咩食咩，好煩！ORDER之後，就度等食物期間，另外一個阿姐又問...一路食一路"砵"烏蠅，真係分分鐘食落肚都唔知！我叫碗牛肉粥、一碟炒米粉、一碟炸兩，碗粥都OK，米粉好硬，又凍，炸兩都算好味，但用切炸兩果把刀就唔係好掂，好污嘈，個蓋都係，點算？睇怕都唔使旨意我再去！D阿姐都唔係好友善！

早餐想食粥, 突然想起左國記呢間老店記得中五考HKCEE溫書時, 成日都會走來呢度但畢竟已經係十年有多的事了而家再一次踏足呢間老店, 感覺完全唔同了環境依舊的無變油器, 糕點, 炒粉麵都在入口處歡迎你但點了一個最簡單的艇仔粥發覺無左粉牛(深水步的粥檔還有的)而且味精勁重, 食完勁口渴粥底水汪汪, 唔多掂食粥既隔離(廚房門口) 堆左好多整定既腸粉人客落單, 淋上豉油就上, 快就係快, 但望落唔夠熱所以都無要到怕且我都係去海皇粥店穩陣D

嘛嘛經常叫我來這店子買粥她吃。甚麼粥也好，最緊要粥底夠綿，吃出幸福的感覺。可惜現在愈來愈多味精，吃完一碗碎牛粥必定要喝杯水。其他如腸粉油器都是不錯的，街坊老店嘛！

我一向鍾意食粥麵多過飯，男朋友媽咪介紹呢度d粥幾好食，除左粥之外，仲有蘿蔔糕同腸粉，發覺我地口味幾一致。是日到男朋友家中作客，媽咪知道之後係返屋企之前去左國記買蒸蘿蔔糕俾我食，好心甜。其實蒸蘿蔔糕，同煎既一樣，只係佢煮既方法唔同。蘿蔔糕仲食到一絲絲蘿蔔，唔係狂加粉令到佢變死實，有臘肉臘腸增加口感同味道，好好味。多謝媽咪既心意。