國記

营业中

休息中

一群瘋子在友人家玩到半夜，第二朝幾乎10：00才起身，每個人都睡眼惺忪的望著屋主，醒來的第一句是：說!去哪吃？!╮(╯_╰)╭然後屋主就只能無奈的爬出被窩，順帶詛咒咱們食粥沒落鹽(啥？!(￣∇￣))，就帶著一班喪屍去食粥去了~~~~~~元朗食肆區真的離住宅區很遠呢！走了二十分鐘才到，抬眼就見到兩間顯眼的粥店，店門外不斷有客人出出入入，本來聽說要來老式粥店已夠興奮了，還見到有這麽多人光顧，那就是真的好吃lol？店舖細細間，倒是店員有很多，大多都是公公婆婆級，見到咱們就頗熱情地為咱們留了一張枱，有許多人都是搭枱的，枱與枱之間很狹窄，所以坐通道外的友人都不時要換坐姿躲避，令她們哭笑不得(￣∇￣)見到menu真的有點點驚喜，吃慣連鎖粥店的咱們這代人，見到廿蚊樓下一碗粥真的挺開心的!這裡的阿姨都是直接大叫下單，而不是用手寫的，效率亦非常顯著，所有食物都超快就上枱了!(≧∇≦)俺吃的是皮蛋瘦肉粥，皮蛋四五塊，彈牙但不是俺愛的那種軟稔質感，所以俺都剩下了幾塊。而粥則軟綿香口，瘦肉碎頗多，讓俺大快朵頤，早晨空虛的胃部得以填充，真想再來一碗!友人叫了的蛋黃糭超大個，兩巴掌合埋捧著那麽大，味道俺不清楚，但

食店光顧後簡短報告食店寶號: 國記 ~ 元朗炮仗坊28號地下光顧日期時間:20 July 2014; 11:00am1. 食店地點及交通:-地點方面：適合附近居民。交通方面：港鐵與步行或乘巴士2. 食店環境:-環境方面：座位密，燈光，裝修，冷氣，噪音合格及整潔程度不是有大問題，但有改善空間。3. 食店食物:-食品方面：艇仔粥 (粥底好味加了腐竹一起煲，艇仔粥保持原味是加無碎牛肉 ，真難得) 。淨腸粉 (粉底調教適度，味度要幾十年工夫才能做到，加豉油後實在好味) 。蒸蘿蔔糕亦是值得推介的食品，不是經常有機會品嚐，因出爐後很快估清 。 另外豉油炒淨油麵份量太小，配料不足，有空間改善，整體食物質素合格。飲品方面：~4. 食店服務:-輪候入座方面：安排及等待入座位時間合格。店員方面：員工禮貌及態度合格。等待食物方面：由確認食物至食物到顧客枱前，等待時間合格。付款方面：大至合格，但有八達通付款會更好。5. 整體價格:價格方面：早餐 $50共2人; 價格合理。6. 整體評價:-合格，會再光顧。7. 建議改善:-食店環境：整潔程度不是有大問題，但特別是弄腸粉的廚房有改善空間。用另一角度看這是老店的特

其實我早就想像其他朋友一樣，在自己的網誌寫孕記，但又擔心萬一有不幸的事件發生，我還要繼續寫嗎？如今我的女兒順利出生，我亦捱過照顧初生嬰兒的艱苦歲月，現在就要開始把我的懷孕過程好好記錄下來…「蝦米腸」是我女兒的暱稱，指的就是國記的蔥花蝦米腸粉。這麼讓人無語的稱呼當然是蝦米腸他爸－R君幹的好事。某一天吃晚餐的時候，R君忽發奇想，說如果是女兒就叫「蝦米腸」，兒子就叫「叉燒」，在場的奶奶立即反對叫孫子做「叉燒」。對奶奶來說，R君才是一舊叉燒吧（笑）！國記是老字號，價錢也很大眾化，深受街坊歡迎，R君從小已經來幫襯了。與蝦米腸第一次「見面」的早上，我們來到了國記吃早餐。原本我是想反對的，大熱天時來吃粥？但這裡很近預約了的婦產科醫務所，所以就來了。原來國記的冷氣強勁，夏天吃粥也不會汗流浹背。我看餐牌，店家推介的是手打肉丸粥，我就試試吧。粥底沒有什麼特別，正正常常就已經是合格了。可惜肉丸死實，我不太喜歡。反而R君的豬紅粥比較好吃。我吃粥就是為了吃炸兩（$13），最喜歡把染滿醬油的炸兩蘸粥來吃。包著油炸鬼的腸粉不薄，油炸鬼也不算脆，但腸粉有米香，自家醬油更是畫龍點睛。自家醬油濃厚，鹹中帶甜，跟腸粉和蘿蔔

成晚牙痛...以為出智慧齒, 第二朝索性請假睇牙醫...自細最怕就是睇牙醫, 到現在都要媽咪陪, 媽咪當然義不容辭!睇完只是牙肉發炎, 虛驚一場...跟小時候一樣, 睇完牙媽咪都一定帶我去食粥~而食粥就一定要去"為食街"的國記, 原因好簡單...因為媽咪由細幫襯到大!入到去好快就有位, 當然2個人多數要"搭檯"...店內都是圓檯圓櫈~我自己都好多年無幫襯, 同小時候一樣, "兩碗豬紅粥, 牛腸~~~"伙計都不用紙筆記單, 講一連串的"術語"就OK, 甚少出現漏單的情況~好似"一碗擺尾!"...我問媽咪: "乜野擺尾?" 媽咪解答: "魚片粥囉!!" (笑)豬紅粥 - HK$13@國記的粥底是生滾的, 如果你要食好綿好濃的就不是你杯茶!粥底味道夠, 豬紅不是很重味, 一齊食很配! 好足料, 豬紅食極都有!牛肉腸 - HK$13@反而牛腸有少少失望, 皮不夠薄, 勝在入面的牛肉同自家豉油都恰到好處!邊食媽咪一邊話當年..."細細個你呀婆就同我黎...讀書又黎食..." (下刪N字)雖然聽過N次, 不過見到媽咪想完當年滿足的樣子就知道很多回憶呢!走的時候伙計還跟媽咪吹水, 哈哈...果然是熟

今日朋友突然話想食粥，諗起講係鋪頭自家出品仗坊嗰間國記來試試，我哋外賣咗魚片粥同皮蛋瘦肉粥，返到去打開碗食，非常足料，好正 魚片食極都有，碗粥味道又啱啱好，食完又唔會好口渴，我好怕有d粥鋪落咗好多味精，食完要不停飲水，我朋友食嗰碗皮蛋瘦肉粥，佢話好好食，皮蛋多到好似俾咗成粒佢咁，d瘦肉又係一片片嗰種，唔似連鎖嗰間海x粥店咁d粥浠又無咩米，d料又少到得幾條肉絲同幾粒仔皮蛋碎，少得可憐。另外我地都買咗炸倆食，不過不失，尚有少少微脆，但外賣的話一定要記得問佢拎醬汁，因為你唔問佢地係唔會俾埋你，幸好我當時發覺立刻問佢地拎。我地都外賣咗炒麵、蛋黃咸肉糉同啡色味砵仔糕，我覺得d炒麵好淡口，無咩味道，食落有d好似膠質嘅味道怪怪哋 ，蛋黃咸肉糉好好食，送粥一流 砵仔糕賣相雖然麻麻，但聽講係鋪頭自家新鮮米䊢整，所以就買來試試，同埋價錢唔貴3蚊一個，都好大隻同好厚身，d紅豆又好多，奈何佢地無熱住d砵仔糕，買嘅時候已經係凍冰冰，失色。

自從囡囡出世之後，我們大多三人行甚至四人行（包括印傭），難得只有我倆。前一天看到這間粥店，令我蠢蠢欲試，因為現在不容易找到這些舊式粥店。我倆㸃了及第粥、炸両、炒麵、油條。及第粥：粥底不錯，豬潤也新鮮，可惜只有少許豬潤、豬肉及豬肚，粉腸肉丸也沒有炸両：腸粉不滑、易散，油炸鬼已淋，一般炒麵：不錯，有兒時風味，如沒有紅蘿蔔絲更好油炸鬼：很脆但較油

今日得我同百厭仔兩個, 難得放假瞓到10:00, 跟住就入元朗shopping, 行之前就嚟國記食個中式brunch先.叫咗一碗碎牛粥, 炸兩,炒米粉同埋油炸鬼 碎牛粥--夠足料, 味道唔錯 炒米粉--夠乾身, 唔會油立立, 而且味道...唔知點形容...好有兒時嘅風味 炸兩--配上甜醬同麻醬, 好味. 但內藏嘅油炸鬼就林咗少少. 油炸鬼--硬身咗啲, 但浸粥食就一流.埋單$40.00

果度其實仲有另外2間粥店, 但唔知點解係都要行嚟呢間? 唔知係咪羊群心理, 見呢度人多, 所以感覺上呢間好食d...........我企咗响度睇食乜好耐, 中途係完全冇人理過我, 到我想叫的時候, 亦都係冇人理, 唔知d伙計去哂邊, 等咗一陣先有個亞姐理我, 我先叫粥, 等粥期間, 再加d送粥食品, 雖然分開幾次叫, 但只要叫番同一個亞姐, 就唔會搞錯,,,,,,,,,,由於我1個人得2隻手, 佢包咗3袋比我, 我係咁意立下齊唔齊數就算, 公方面都係亞姐講幾多就幾多, 因為佢個牌只係列咗有乜食品, 但全部都係冇價錢, 咁我見都係幾十蚊, 都無謂叫亞姐逐樣計比我睇, 而且亞姐都唔得閒, 找完錢比我就即刻行番入去做嘢.............返到屋企打開先發現, 3碗粥入面, 有2碗大1碗細, 炸両又冇落甜醬, 到食果陣發現D粥料仲怪, 完全同以前食果D都唔同, 變哂種.......... 艇仔粥以前食開係有豬皮、肉碎、花生、魚片、魷魚等等, 但佢竟然只得魷魚同豬皮, 其餘乜都冇, 都唔係艇仔粥, 係豬皮魷魚粥, 呢碗仲要係細果碗, D魷魚又腥, 完全唔係我想像中的艇仔粥lor~ 及第

今日心血來潮黎到元朗食國記粥,我一向都食開既,2個人每人叫左個粥同炸兩:豬紅粥:豬紅比起以前少左;以前好足料;味道好夠味;但而加可能通脹;所以少左份量;不過都依然好好食;我食親豬紅粥都會黎呢度食;我要求唔算高柴魚花生粥:呢個味道比較淡啲;材料略少;勝在蔥和芝生夠多;因為我都幾喜歡蔥既味道;認真唔錯;配埋炸兩淋淋地幾好味炸兩:呢個就真係無咁好味;第一唔脆第二為左省時間;拎涼左既炸兩放入微波爐叮;搞到唔好食;炸兩即叫即做會比較好環境個啲已經見怪不怪,一早知道就唔會覺得差

國記炸一両我一個人食, 數一數, 有成十二件, 外層腸粉皮唔算厚, 內有少許葱花, 油胙鬼重脆, 再加D甜醬 (可惜無加芝麻), 嚫未冬食晒佢.豬潤腸 即叫即蒸, 要等十分鐘, 腸粉皮比炸一厚, 有D失望, 幸好豬潤份量唔少同幾爽囗, 可以加分.碎牛粥老店煲粥, 非同少可, 夠绵, 因為我食牛扒鐘意5成熟, 所以見到碎牛由生慢慢轉熟特別開心, 而且碗粥要夠熱先得.註:近期發覺幾間我有光顧開食店都加左價, 包括國記.當日早上氣溫得8度, 所以食碗熱粥會覺得特別好味, 食完成身暖晒 .食完有點囗渴, 但可接受.

大西北之行第一站爽爽已經有一個好的開始,便即時轉往第二站~~~國記.又是一間多年歷史的老店,店內陳設簡單,大既這類型店舖都是主打自家即製腸粉,油器一類民間食品.反正之後仲有幾站要去,只好簡簡單單要了:豬紅粥 : 豬紅粥是一大煲煮好,而不會即叫即整,所以就算是豬紅都是熱辣辣,份量又足,但師傅好重,食兩啖已經知.牛肉粥 : 碎牛粥一向是個人喜歡粥品之一,用滾粥灼熟的碎牛肉,味道鮮而且嫩,粥底夠綿又不會太杰,是廣東粥的做法,不過同豬紅粥一樣,食完個口好口乾,真係師傅唔駛錢.炸兩 : 皮厚油條軟韌,完全可以用唔合格或者差來形容,山長水遠一場黎到,結果係勁失望.其實炸兩即做都唔難,皮厚都勉強可以接受,油條一點兒都不脆,唔好將 d 賣唔去食物用第二種方法賣就得架.蘿蔔糕 : 蘿蔔味尚可,但食落好粉,而且鬆散,大概是漿粉太稀了,個人認為酒樓特價點心水準仲好過佢.p.s : 店內小昆蟲多,四周圍飛,結果睇住佢空降落碗粥,自殺身亡,乜咁睇唔開呀!!!!!!!!!

有一日病了, 嚟呢度諗住清清地食粥啦叫了牛肉粥同豬紅豬膶粥, 粥底好綿, 入口時好似好鮮味,點知過咗陣, 愈食愈咸, 應該係落咗好重的味精.......豬紅豬膶都好足料嘅炸兩: 入面的油炸鬼唔夠新鮮唔係脆, 所以整體感覺一般....

糉 ~ 這種美味, 同年紀的都似乎吾多欣賞但我呢~~~~就係超級fans, 未食滯之前。溫書溫到悶, 最好就係落街食嘢架啦, 係咪?!心血來潮(次次都心血來潮, 點解我咁多心血?)好想食糉端午節試過明星茶果店既糉, 可能由於買咗上自修室食冇糖點既關係, 我覺得普普通通。今次呢, 就去國記搵下有冇糉食先！呵！真係抵錫~~~~~~~哩度係有糉食架！點了一隻鹹肉蛋黃糉($11)~~~~當然要點糖啦！不過好可惜, 哩度用幼砂, 我鍾意粗砂煻;<anyway~好大隻~我食完都好大隻~好大個黃~好多膽固醇~隻糉夠實吾會散~好啊！最後都係食吾哂成隻, 因為真係好鬼大隻~~~ ;>

真的很久很久沒有吃過這裡的炸両了。三數年前經常在元朗出沒，很喜歡到這兒吃碟炸両。滿滿的一大碟，吃完後就跟同吃了個午飯無異一年一度的流浮山野外考察又來臨。到了元朗轉車，望望手錶，時間尚早，心想不如來先吃碗粥及炸両打打底，到下午考察完結時再吃個tea，才是上算店子裝修依舊，人面也依舊，叫的東西當然也是一樣這兒的艇仔粥是沒有牛肉碎的，只以朱皮條及魷魚鬚為主。粥底依然是很稀及有濃烈師傅味，吃完後帶點口渴及口亁對小弟來說，炸両才是主角，來碗有味粥只是為了"送"炸両而已不斷地在說吃炸両，查實每次吃的只是"炸一" (即等於半份炸両)。時至今日，買"炸一"的地方只有舊式的粥店，印象上記得上次在大坑的小粥店便曾吃過。這裡炸一的份量實有如外頭粥店買炸両的size，而且外層的腸粉皮極厚，吃完後難怪飽得要緊了跟普通的粥品不一樣，在這裡你不用特別表明，在腸粉皮已加上很多的青葱碎及蝦米碎，香味自然是勝人一籌了；內層的油條新鮮炸起，還帶點脆的喜歡吃"厚皮"炸両的如小弟，吃得不亦樂乎不知何時有機會再來，就算是已大半飽，相信再吃多碟，也應沒問題吧

今日放假一早打算出去國記食lunch補返上次年初四去到摸門釘既遺憾今日兩點半左右去到客人唔算多有兩張檯空左行到入去無人招呼(唔知係唔係一向都係咁既呢?)好快手叫左個炸兩佢亦都好快手咁攞左黎外表就麻麻啦食落就實在失望呢度其他食家都話炸兩脆我碟炸兩一D都唔脆既......後尾補多個皮蛋瘦肉粥我無比較過其他鋪既粥所以未必準確食落第一個感覺就係有D稀水好似多左D但係味道OK既皮蛋同瘦肉既份量適中瘦肉亦都幾嫩, 完全唔覺"孩"但係粥品好似又加左價而家要$15