影片
港铁佐敦站C2出口，步行约6分钟, 港铁柯士甸站F出口，步行约3分钟
继续阅读
电话号码
23787672
23787673
开饭介绍
每日供应丰富的早、午、晚自助餐，周末设有下午茶自助餐，另有中西菜式供选择。
继续阅读
营业时间
今日营业
06:30 - 23:00
星期一至日
06:30 - 23:00
以上资料只供参考，请与餐厅确认详情
食记 (246)
今日放假同女朋友去咗园林阁咖啡室食晚餐自助餐🍽️，本身见到价钱平平地💰，谂住可以揾到啲惊喜🎉，点知真系失望透顶😑。一入去见到熟食为多🍗🍛，选择少到夸张，行完一圈都拣唔到啲咩啱食嘅嘢，真系好无瘾😕。食物质素麻麻哋，炒菜🥦、肉类🍖求其煮一轮，味道淡淡哋又唔香，食两啖已经唔想再夹😒。唯一叫做可以嘅系生蚝🦪，虽然算新鲜🥶，但系细细只，食落完全唔够满足🤏。整体嚟讲，真系唔推荐❌，食得咁无聊又唔开心🤦♂️，千祈唔好贪平而中伏⚠️，下次俾多少少，去啲有保证嘅地方食返餐开心啲啦！😤🍴
继续阅读
园林阁既自助餐性价比好高，依加做紧平日180蚊一个人，假日都系190蚊炸！真系平绝香港！今日甘岩黎开尖咀交收，就专登上黎吃个自助午餐。餐厅唔系好大，但都算几阔落，位同位唔会太近。先食佢个头盘，有自选沙律吧，甘我就只系试左少少，都几新鲜既。另设有已调味头盘区，但就系茶水吧隔离。无得别好好食既野，暂时都系不过不失。围住条柱有热食，款式唔系好多，个人最中意咖哩牛尾，关东煮。咖哩牛尾只咖哩汁做到甜甜地，牛尾炆得好林，完全唔烟韧，好食！关东煮既白萝卜吸晒汤汁，够晒入味又无渣，好味！另外要提既系佢既刺身都好唔错，都算鲜甜，师傅即场切都比得好豪气，正！牛尾好快沽清！好食！生果好正！每样都好大件完全唔菇寒！特别一提系佢既波萝好甜，好难得！本人连续吃左几旧，大赞👍 甜品区既选择唔算多，每款都唔差可以一试，雪糕系牛奶公司既，几好。整体黎讲依个价钱可以食到依个质素已经好好，非常高性价比，绝对可以一试👍
继续阅读
喺社交平台见到呢间酒店西自助餐又做特价买一送一平均300蚊一个人梗系要过嚟食下，支持一下香港嘅食肆🦑生蚝每一次拎两只，不过唔会话排好耐队👍👍🦀长脚蟹好有鲜味唔会咸🫶🦐熟虾好好食🍖羊扒都系冇限量咁样拎嘅呢度嘅羊扒非常值得食得食因为佢骚味唔会好劲，同埋佢嘅筋膜脂肪分布非常之好👍🐷佢哋嘅热盘亦都唔错虽然款式唔系咁多，不过正在精致好食🥥甜品方面，选择亦都唔少佢哋整嘅蛋糕应该系用动物奶油，食得出好creamy厚厚嘅奶味同埋其实佢呢度个环境真系唔差嘅，啲装修都几ok同埋位置都好通爽好阔落唔会话逼到几十人逼埋一齐坐👍同埋佢呢度个沙律𠮶边嘅前菜𠮶烟三文鱼亦都非常好食
继续阅读
听讲呢度自助午餐好抵食，大小同价实收$190。家姐讲咗好耐话同两个小朋友嚟，终于今日约齐人，大大细细八个人嚟食自助午餐。见到有唔同嘅鱼生，梗系要攞返啲食啦。你话要乜就帮你切乜，我要哂四款，希灵鱼同八爪鱼都系我最钟意嘅，全部鱼生都好新鲜，我印象中我去过嘅自助午餐好少有希灵鱼，👍🏼👍🏼😋😋😋讲真呢度冇乜热嘅嘢食，不过面档都有几多样𩠌拣，我话惊啲喇沙汤底好辣，面档职员帮我加啲清汤。👍🏼👍🏼其他热嘢基本上就系下面张相𠮶啲，😅值得一题，佢哋有猪脚姜。呢间餐厅喺龙堡酒店入面，地方宽躺干净。食物方面，鱼生同沙律都好新鲜、甜品款式都几多，不过雪糕就唔系贵嘢，但系将啲雪糕加入即磨咖啡都几好饮。😋如果你钟意食沙律、鱼生同甜品，又唔介意冇乜热嘅嘢食，加上人数多（人均唔贵，感觉唔使俾一大笔钱）🤣🤣，呢度都系可以考虑嘅自助午餐地方。
继续阅读
今日去龙堡国际食自助晚餐，依间老牌自助餐，一向以低价吸食客，质数未知系点，即刻同大家去睇吓~~**冻海鲜**黄金螺 - 几新鲜爽口，系有啲沙。纽西兰青口 - 都爽口，但冇乜 鲜味好淡。冻海虾 - 几新鲜，唔系好爽口鲜味个款，亦有啲细只。蟹脚 - 睇落有啲污糟，蟹脚都唔算幼，蟹肉唔太咸肉质唔散，都可以食得吓。**小食**螺肉转左中华沙律 - 间间味道都一样，冇特别。烟三文鱼 - 染左红色，唔知系咪情人节扮花瓣。生果沙律 - 味道一般。豆腐粒同海蜇比较甜。**寿司及刺身**刺身唔系师傅即场切，系预早切好一片片，攞出嚟比客人自己夹。鲷鱼及希灵鱼刺身 - 普普通通。三文鱼 - 几肥冇筋，鱼味都几浓， 但唔冻仲有啲暖。四款卷物基本上冇大分别，只系外层唔同，食落发现种左伏，饭冇加醋冇味道，而且质感已雪左一段时间旧饭比较实但个质地又有啲黏，唔多好食。**生蚝**生蚝 - 唔系即开，写住系西班牙蚝，一次只攞两只，蚝肉唔太CREAMY，海水味劲浓劲咸。**餐汤**有4款汤，有菠菜忌廉汤、莲藕章鱼汤、茶树菇汤、虫草花鸡汤试左虫草花鸡汤 - 个汤有啲黄油，啖汤清左啲，冇乜味。**热食**萝卜花螺煲 - 都几辣螺肉爽口辣汁好惹味。五柳甜酸鱼 - 都系暖鱼肉比较干硬，甜酸汁平衡得唔错。柚子蜜汁鸭胸 - 鸭胸有啲硬唔够淋，味道普通。蜜桃酱烤猪串骨 - 猪串骨肉质算淋，但冇乜味， 整体上比较淡味。烧茄子 - 几香，味道有小小甜。炸墨鱼饼 - 有啲淋，外皮几松脆墨鱼肉有啲削。烧水牛城鸡翼 - 唔系鸡翼，食落似系鸡胸肉切片多啲，都几好食几香口，只系干左啲。甜薯唔热, 只系小小暖, 味道普普通通, 印度烤饼 - 烤饼唔脆太淋唔多好食。咖哩牛肉 - 非常淋，唔太辣都唔错。时菜少蚌条 - 珊瑚蚌有啲韧，但味道唔差，芦笋几爽口，大部份几嫩。时蔬 - 普普通通。**特式粉面**师傅煮左几分钟就完成，可以选择汤底清汤或麻辣汤，加左葱花及炸蒜睇落好似几好味，依碗系净要送唔要米粉，里面有牛肉，有啲韧，牛味一般。土鱿都几厚身几爽口。豆腐福袋，里面系鱼肉，几好食。仲有好似系鳕鱼胶，唔太淋仲有啲爽口。仲有半粒鱼蛋，冇乜特别。同埋有菜、金菇同芽菜。个清汤几深色，有啲似药材汤，又似丁面汤粉， 唔知系乜汤，味道有啲浓。**铁板烧**鲈鱼 - 肉质嫩滑，唔加酱汁更好味 。海虾 - 生熟刚刚好，虾肉爽口鲜味。羊架 - 好淋，羊膻味唔浓，羊肉粉红色冇血水，好得。**烤西冷牛及羊腿**羊腿 - 好淋唔太膻，配薄荷同芥辣酱更好食。牛扒 - 都好淋，但牛味唔太浓，一般。**片皮鸭**鸭肉连皮加上青瓜葱及酱汁折埋佢，鸭皮小小韧，味道唔错。只试左几款，绿茶芝士饼都OK，蜜桃葡挞有啲干及冻，椰挞一般。 有啲装饰有心心应该系寻日情人节用。** 结论**整体上款式都多，食物方面冷盘类还可以，热食类好多都唔够热只系暖，铁板及即场处理食品几唔错，生蚝及刺身处理上有小小怕细菌问题。
继续阅读