果然嗰晚去到好熱鬧。一去到已經立即開動，一開始我梗係食海鮮啦，大大隻蠔好肥美，師父不停添加冇停手
， 蟹腳唔太鹹 ，有海水味，凍蝦係我嘅最愛，一口氣食咗好多隻。魚生冇雪味夠彈牙
。轉 攻現場廚房
天婦羅師傅密密炸，仍然好好笑容問你想要乜
啲食物都好新鮮冇油味，除咗有炸蝦之外，仲有炸蠔
熱辣辣好香口，佢哋炸咗好多蔬果，有南瓜、茄子同青椒，最特別有炸金菇，所以不至於太油肥膩。串燒有魚牛雞魚，師傅密密煎，我密密食
到咗我最愛嘅片皮鴨時間，師傅會好細心問你有冇特別要求，鴨肉辣辣、鴨皮香噴噴，自己仲可以無限量加蔥同醬汁
。呢度飲品唔需要收費，除左橙汁同金桔汁外，仲有經典支裝汽水
。雪糕甜品選擇亦多，件件細細件，一啖一口，我可以試曬所有款式。二百幾蚊可以一班人開開心心，我哋成班朋友都覺得物超所值。…查看更多
好老實，如果以288元加8折可以享受到一流服務的自助餐，我覺得園林閣咖啡室絕對係物超所值。
是的，它的環境沒有成百呎的食物枱，又沒有羅浮宮式浮雕壁畫，但面對著酒店大堂的水晶吊燈，夠光猛；加上位置與樓頂空間有很大距離，枱與枱之間又很寬敞，坐得舒服，可以接受吧！是的，它的海鮮總類不多，但有生蠔、長腳蟹、凍海蝦、翡翠螺、煙三文魚片，而且是新鮮的，可以接受吧？是的，它的熱葷不夠吸引，但有辣酒煮花螺、像花之戀一樣美觀的魚柳、燴牛尾、墨汁意粉、炸魚柳、不同款的麵包…等等，可以接受吧？是的，它的燒烤款式不夠多，但有墨魚肚、雞軟骨、海蝦、牛柳、栗米；又有片皮鴨… 等等，可以接受吧？是的，它的日式食品不多，但有冷面、魚生有三文魚、八爪魚、吞拿魚、鮪魚，件件都切到差不多半寸厚；壽司又有三文魚腩壽司、吞拿魚腩壽司、芥辣八爪魚軍艦、八爪魚壽司、醋青魚壽司、腐皮壽司、蟹籽壽司、赤貝壽司，而且件件即席由大廚師親手整出來，絕對新鮮，可以接受吧！是的，它的主題常常轉，今次居然喺酒店入面有潮州打冷食，真係幾大驚喜，最正係有紅腸、墨魚片、滷水大腸、豬紅、滷水鵝，重有蠔餅！而自助餐每位贈送滷水豆腐拼鵝肝片！創意不斷，可以接受吧！是的，它的甜品不是FINE DINING質素，但有台式棉花冰、西式甜品布甸蛋糕啫喱果撻、八大個電飯煲裝中式糖水、集體回憶的牛奶公司杯裝雪糕、又有瓶裝汽水、自助果汁、自助熱茶檸茶咖啡奶茶等等等等，可以接受吧！是的，他們的服務員有阿伯、有後生仔、有中有青有男有女，但一見你吃完就即換碟速度快快快；雖然我們帶左bb，BB自己食嘢少不免食得比較髒亂，但無聽到或睇到服務員報以不屑眼神或不滿聲音，反而向bb報以微笑；父母較重視呢餐有乜優惠，於是多次問對方女經理有乜條件先有折扣又獲得禮貌回應；而最叫我留意既係整體環境衛生，現場唔止乾淨，所有冰水一律用透明玻璃壺獨立盛載又用乾淨餐巾包蓋著，真的是很細心的做法，咁既服務可以接受吧！最後6大人1bb由晚上6點半食到9點15分，埋單總數$1520.60元，平均每人$253.43元，呢個價錢可以接受吧！老實講，人既胃部大小平均只有拳頭咁大（大家揸實拳頭大概就是自己個胃大小），但係食自助餐就係魔鬼的誘惑；大家都想選好食既野食落肚，然後食得越多就越覺得物超所值。不過大家諗下，既然食自助餐時常令到我地要將拳頭咁大既胃撐得超大，咁我地梗係想食得好又有好服務既餐廳啦？如果唔係食到一肚氣又碰到味道差到痹，真係俾多多錢都嘥氣。:(對於今次的自助餐
，我可以話真係食得舒服寫意又溫馨，絕對可以接受！大力推介！…查看更多
