回憶客棧

营业中

休息中

今日嚟到長沙灣呢邊，揀咗間新開嘅串燒餐廳😋個名幾特別🤣入到餐廳雖然細細間，但係裝修設計同擺設都有客棧嘅感覺～餐廳播嘅歌以普通話情歌為主，好似幾有情調咁💕老闆好好人～招牌花甲粉($45)喺呢間餐廳嘅招牌菜👍🏻用錫紙包住，打開見到好多花甲同埋粉絲～粉絲嫩滑，湯底幾好味😋花甲幾新鮮☺️串燒安格斯牛肉粒($28)一串有五粒牛肉粒😍孜然粉幾香🥰牛肉粒好juicy😋熱辣辣又好味👍🏻雞中翼三隻($23)串燒雞中譯好多肉汁😋同樣都係好鍾意佢嘅調味粉～鹹鹹地，帶出雞翼嘅香味👍🏻不過如果再多啲孜然粉就會更加好～韭菜($10)第一次食串燒韭菜🤣一碟韭菜配調味粉～韭菜幾新鮮，如果少油啲會更好🙈大大隻珍寶蠔($88)好大隻嘅燒蠔🤣蠔上邊有蒜蓉蓋住☺️啲蒜汁好充足，帶出蠔嘅鮮味🥰蠔好新鮮，仲有肉質鮮甜😋

話說較早之前朋友說長沙灣有一間隱世串燒店，他們串燒抵食之餘還有一個花甲蟹粉又扺食又好好食！所以今日見去開附近，就順便幫襯下....店舖位於長沙灣近明愛醫院和蘇屋邨...地點也不太難找...長沙灣地鐵站Exit C 大約10分鐘就到☝🏼回憶客棧屬於小店經營，店舖雖然不大但裝修簡潔得來很特別！可惜今日去到，老闆說沒有串燒，只有蟹粉....但除了花甲，花蟹，還有鮮蝦和鮮魷魚等...亦可加其他配料如墨魚丸，牛丸，芝士腸等等..花甲花蟹粉！原來是用錫住封住一鍋上...打開後發現是原隻花蟹😱而且很大隻😝花蟹很新鮮😋😋有蟹膏和啖啖蟹肉配上粉絲味道一流！花甲份量也不少...有8-10隻！$68扺呀！下次一定要再來😋😋

疫情下冇晚市真係冇啖好食😫唯有下午出嚟食吓lunch解放一吓, 如果唔係人都癲呀!!🥺今日去蘇屋邨探朋友聚吓, 佢話帶我去附近試吓啲新口味, 原來係花甲粉🤩🤩🤩小店裝修簡潔低調, 如果唔係疫情真係好適合三五知己談天說地, 店員遞上點菜menu有d似食車仔麵咁, 可以粉絲加底或者加餸任君選擇👍🏽原來晚上7點後仲有串燒添🍡🍢疫情關係所以暫時晚上只有做外賣🥡我地點咗招牌花甲粉🥢同花甲鮮蝦粉🥢熱騰騰再用錫紙包好鍋上🍲一打開蒜香撲鼻👃🏽因為我係餓底😂所以加咗好多餸🤭加咗底份量真係飽到不得了😋花甲大細適中肉嫩鮮甜，份量仲好多添啊！我叫咗中辣...粉絲又索晒海鮮過癮又滿足！正呀！！下次要夜晚嚟試埋串燒先得😉

今日嚟到長沙灣，試吓新開嘅回憶客棧，佢既位置位於蘇屋邨對面，從地鐵站行大約5分鐘就搵到。一入去已經聞到陣陣嘅串燒香味🤗黎到一定要試吓佢哋嘅招牌花甲粉，我揀咗花甲鮮蝦粉，我朋友揀咗招牌花甲粉🌝老闆會用錫紙包住食物，熱辣辣咁拎出嚟俾你。打開錫紙，見到入邊有好多花甲，超抵食。我一向都好鍾意粉絲，加上佢嘅秘製湯底落埋蒜蓉非常惹味☺️下次再去食，可能會加底😈另外仲叫咗雞翼，佢嘅俺料有啲似既土匪雞翼，但佢加左蜜糖，更加好味👍最後仲叫咗牛油粟米同埋蒜蓉金菇，都幾好味㗎👍總結：本人一向鍾意食串燒，更愛食蒜蓉粉絲，呢間野真係啱晒我胃口🤣

七夕同男朋友去食呢一間回憶客棧！本人住上水，但係朋友介紹話真係好好食，唔可以唔揸車過嚟食！果然名不虛傳😱由於女朋友最鍾意食蠔，香港地真係好少搵到碳燒蠔呢樣野，最多都係上深圳食，估唔到而家已經有啦又大隻又多汁！而且味道一流🦪🤤以後都唔使返深圳食啦！仲有佢嘅串燒豬頸肉真係好嘢，一啲都唔乾柴，好有肉汁，通常喺太多孜然粉搞到苦過頭，但係呢一間恰到好處～睇得出佢好用心對待燒烤呢樣野！俾我揀一定會再嚟食，老闆好親切，又貼心為我哋準備紙巾🧻，又問我哋口唔口渴，私人醒咗罐可樂俾我哋❤️充滿人情味。回憶客棧，可以話係有人情味嘅客棧，老闆都友善過人。

香港真係無乜幾間有花甲粉，真心覺得佢嘅湯底做得好出色！好鮮味🦀同老闆傾偈先知道原來個湯底佢秘方嚟嘅！我係一個蟹迷，老闆揀材料真係好嚴謹，絕對新鮮👍🏻😍除咗花甲粉，仲有佢個大大珍寶蠔，燒烤之前仲識郁㗎！好鮮甜多汁～配搭上老闆秘製嘅蒜蓉醃料，完全係搶到蠔既鮮味，真係好夾😍第三樣最欣賞嘅就係佢個燒茄子🍆，燒得好入味啊🤤一拉成條起，無爛到！亦唔似我之前食過嗰啲有少少未熟，時間拿捏得岩岩好。老闆服務態度好好，親力親為，親切。三五知己過嚟食串燒，叙舊一流

今晚同朋友想食串燒，但係因為喺荔枝角、南昌呢一頭都冇乜串燒好食。咁啱今日經過呢一間新開冇耐既串燒店，於是就決心試吓佢，但係因為禁緊堂食，唯有叫外賣返屋企食晚餐啦！叫咗兩個招牌粉絲，一個係蟹嘅粉絲，另一個係花甲粉絲，價錢唔貴，就可以食到少少海鮮係開心嘅少少辣，比內地嗰種花甲粉絲較為清甜味淡。粉絲同埋湯底係分開兩個盒裝，所以唔使驚返到屋企浸到爛晒，而且外賣包裝得都幾好。另外串燒方面，我叫咗腸仔、豬頸肉、雞翼、雞軟骨， Overall嚟講都OK嘅，畢竟有孜然粉嘅串燒都好難唔OK特別推介就係雞翼，因為雞翼唔單止有串燒嘅味道，仲有少少蜜糖甜甜地咁樣，幾好食！

住係長沙灣既居民有福了，有一間隱市串燒店開左係保安道街尾，就係蘇屋村樓下角落頭，唔好睇佢收收埋埋細細間甘，野食便宜又好味，仲有富有特色嘅花甲湯粉，而且都係平民價食到超級好味嘅地道食物，第一次嚟食都真係讚口不絕啊。呢間叫做回憶客棧嘅小型餐廳，裏面嘅裝潢就有如雲南嘅客棧一樣，富有回憶及特有嘅風味，這家小店最出名嘅就係花甲湯粉，我們點了一碗招牌花甲湯粉，同埋一碗花甲花蟹湯粉攞走，而呢度仲有好多串燒，我便點了一份燒茄子，燒羊架和燒安格斯牛肉粒，還有一份燒菠蘿。因為燒茄子是一條全條的茄子，所以等待的時間大約20分鐘到，加埋其他嘢食，搞掂就可以攞返屋企慢慢品嚐啦。兩個花甲湯粉都是選用了清湯湯底，喝起上嚟特別清甜，很有花甲的味道，而花蟹更是一整隻花蟹，這個花甲花蟹粉真係超級抵食呀，花蟹還有蟹膏，厚厚的蟹肉，大家一定要試吓。而每一碗都有起碼五隻以上嘅發夾，真係算得上是一碗海鮮的湯粉，飲埋碗清甜嘅花甲湯，真係一流。原隻燒茄子也是好抵食， $26條而且燒的味道也是我很喜歡的燒烤味，羊架大大塊很有騷味很新鮮，安格斯牛肉粒也是燒到恰當的好處，也不會太韌太老，再說這個小菠蘿總共有四塊 ，而且加上一啲糖一起燒，真

係社交平台見到屋企附近有新餐廳, 小店比較難搵, 不過去到附近見到個易拉架小店主打花甲粉, 咁岩我又好鐘意食蟹, 就買左一碗花甲花蟹粉~$68~辣度/ 蔥/ 芫茜都有得選擇, 好貼心, 好耐無食辣野就叫左中辣~湯係分開既, 所以個粉絲唔會浸到淋晒個湯一打開已經勁香, 辣味好到肉! 同埋見到成隻花蟹, 都幾多肉幾鮮味~花甲都幾多, 超過十次, 肉都大大粒, 抵食!不過最驚喜都係個湯真係好鮮好夠味!

好想食串燒，但夜晚禁左堂食，唯有lunch time 去食。今日去左長沙灣試呢間串燒店，呢度除左有串燒之外，仲有花甲粉。呢度既花甲粉令我喜出望外，原本想試花蟹粉，但當日無花蟹所以試唔到，於是點左一份花甲鮮蝦粉，另外加火腿丸。估唔到花甲同蝦既份量都幾多，而且味道好鮮甜，花甲全部鮮甜無沙。另外花甲粉既「粉」用左粉絲，吸哂海鮮既精華，勁正。另外點左啲串燒，味道都啱啱好，唔會太濃味。因為坊間有啲串燒店勁重味，完全食唔到肉味，但呢度就無呢個問題。呢度仲有鹽燒鱸魚，勁有泰式風味，而且條魚好大條，都只係$108，非常抵食

近排喺長沙灣呢間回憶客棧有得食我勁耐無食嘅花甲粉😍咁難得搵到當然要入去試下啦🤪.招牌花甲粉+火腿丸+娃娃菜(大辣)🌶 成碗大慨有成 15 隻花甲😍湯底係無落味精，味道主要係花甲嘅鮮味同辣味☺️本身就已經配埋金菇🍄粉絲、葱花、芫荽🌿都幾正㗎啦🤤不過娃娃菜真係必嗌😤浸左落個湯之後，清甜得尼又惹味😜.招牌花甲粉+芝士腸+娃娃菜(中辣) 🍜一上枱就已經聞到勁香💨用咗錫紙同鍋包住保證熱辣辣🔥花甲肥美又新鮮🐚非常鮮甜，肉質結實😋粉絲好掛湯又入味，質地爽滑👍🏻真係一啖接一啖😆.飲品種類都多🤗我哋就揀咗同支裝冰紅茶🍋同支裝烏龍茶

抗疫食飯盒食到悶 推介食串燒 伴啤酒汽水好掂 做餸一樣合適 依家有八折 好抵食-🦀🥣花甲花蟹粉 ($68）蟹肉鮮甜 湯頭清澈微辣 粉絲幼細軟腍 呢個招牌食品 背後有店主嘅愛情💕回憶 想知內容 自己去八卦吓啦😛-🦐鹽燒基圍蝦 (4隻 $38）蝦隻燒烤至微焦 香氣撲鼻 蝦肉爽口 一隻蝦十蚊有找 性價比高-🥠燒扇貝 ($35)蒜香滿溢 令人垂涎 扇貝加粉絲 無敵嘅組合-🧈🍄 牛油金針菇 ($18）食完海鮮 係時候食蔬菜 牛油令金針菇入口更香滑好食 -🍆燒茄子 ($26）茄子巨型 淡茄子味再加蔥粒🧅蒜蓉🧄 味道一啲都唔單調-🥩燒安格斯牛肉粒 ($28）人氣串燒之一 牛肉味濃 烤後食更香口-🐑燒羊架 ($28）羊架燒至七成熟 用錫紙包裹 食嗰時仲熱 嗰種特有嘅羊肉羶味 好鬼正😋-🐖燒豬頸肉 ($14）食嘅時候 肉汁同脂肪混雜 滿口肉鮮油香-🐓燒雞扒 ($25）伴飯🍚最啱 啖啖白肉 夠哂健康-🍢燒雞軟骨 ($23）必叫串燒 充滿嚼勁 令人食得起勁-🍡燒燒賣 ($12）同啤酒🍺汽水🥤好夾 不知不覺 一個人食哂兩串-📍九龍長沙灣保安道405號昌暉大廈地下 回憶客棧

逆市中新開既串燒店，位置真係幾隱蔽咖，人流都唔算多，不過真係好抵食🥰門口已經有標位，有位既話都幾方便🤣直接放門口可以。-🤍安格斯牛柳粒 $28🤍金菇肥牛 $22🤍羊肉 $16🤍豬頸肉 $14🤍茄子 $26🤍扇貝 $35🤍招牌花甲粉 $45-🤍招牌花甲粉⭐️⭐️⭐️⭐️外賣會好貼心咁湯同粉分開，叫左小辣，湯底酸酸辣辣，幾開胃，味道唔會偏重酸定辣，不錯🤣花甲都起碼有4隻，size都唔細咖，幾抵食👍🏻👍🏻/🤍茄子⭐️⭐️⭐️原條茄子上！落左好多蒜，不過可能冇重點爆香同調味，所以味道略淡，我自己另外再加七味粉，味道就剛好了🤣/🤍扇貝⭐️⭐️⭐️⭐️扇貝都好大隻，鋪滿哂蒜，扇貝唔會乾，食落仲有汁爆岀黎，正🤣❗️-環境：7/10服務：9/10好味指數：7.5/10回頭率：8/10

開心大發現...長沙灣搵到呢間有花甲粉食嘅餐廳。一向支持小店，當然要試一試...餐廳坐得舒適，有種酒吧嘅感覺。餐廳店員溫馨提示，紙巾放在枱下面，又幾細心喎。餐枱旁邊仲有充電嘅位置，可以邊飲邊食邊充電👍🏻花甲花蟹粉, 超出我想像...蟹肉好鮮甜。原隻花蟹同花甲，辣辣地好惹味，湯底好夠味。伴有金菇同粉絲．加埋罐可樂，爽呀😋唔夠喉...仲可以好似車仔麵咁加餸👍🏻花甲粉香港確係少見。今餐有驚喜， 下次要同屋企人嚟，可以試多d串燒嘅款式...

今日嚟長沙灣，發現咗呢間隱世小店，主打花甲粉同串燒。以前喺深圳食過花甲粉，無諗過香港都可以食到，而且味道同質數更好味😋「花甲花蟹粉」有齊兩種海鮮...打開錫紙嘅時候，好有拆禮物嘅感覺，一打開...wow, 原隻花蟹, 花甲都有好多隻😍仲有唔同辣度選擇。揀咗中辣，但都無掩蓋花蟹嘅鮮味。粉絲索哂湯嘅味道，連湯一齊飲好正。蟹殼唔硬，用口輕輕已咬得開，蟹肉好飽滿，重點係有蟹膏添呀🤭平日街市買隻細細地嘅蟹都要幾十蚊，呢個價錢食到咁新鮮咁足料，確係好抵食😋餐廳門口仲泊到車，好方便👍🏻原來外賣仲有8折，疫情嚴峻都唔怕，可以安坐家中慢慢嘆🤗