回味食堂 (已結業)

我叫咗佢哋嘅台灣麵線，價錢$35，可以揀兩款餸。咁我揀咗豬大腸同埋蚵仔。蚵仔就還可以，但唔好食佢哋嘅豬大腸，真心唔好食，好肥完全擺唔入口。同埋個麵線又少、又水。

是日去了婆婆的家吃午飯，呀姨透過第三方外送平台訂了回味食堂的藥膳醉雞湯麵 ($52)，大概半小時左右才送到。由婆婆的家來往回味食堂的步程總共都要半小時左右丫～～～藥膳醉雞湯麵一送到來，打開盒子就見到大大隻醉雞髀，好香酒味！！湯麵部份，配料有紅棗﹑杞子﹑粟米芯及雞髀菇！先試一口湯底，味道香甜帶藥材香，而味道溫和，可按個人口味加入酒的份量，立時增添一份酒香～～米線較粗，爽滑度一般！雞髀啖啖肉，吸滿了酒香，正！！雖然這碗藥膳醉雞湯麵與我吃過很好吃的尚有點距離，湯底味道的層次沒那麼豐富，但以原價30多元來說，算是煮得幾好味！

叫Foodpanda 見到都幾好樣諗試吓，點知叫大腸麵線，得一粒大腸，啲汁同水一樣，仲有陣藥水味，得嗰少少麵，叫咗蚵仔，啲蚵仔腥到臭，我都唔明點解大腸麵線要加炸蒜，夾就話特色姐，唔夾就成碗麵都係炸蒜味，仲要有陣油味，啲湯就淨係得個咸字，啲麵又硬又少，咁就30幾蚊仲有啲魷魚，36.4數埋10舊都冇，伏到爆，叫沙茶醬啦，得陣豉油味，都唔知點解叫沙茶，比錯定點我唔知，但就好咸囉，仲有啲魷魚，哪得太勁，哪口，總括然而就係好難食同好伏

今日打包左回味食堂既野食返屋企食，開頭純粹諗住新開既舖頭試下佢，但係好驚喜，樣樣野都好好食，食完好想再食，真心回味！！極力推介❗️藥膳醉雞麵雞肉好嫩，加上個湯好鮮甜，我同屋企人飲到一滴不留貢丸麵線我本身就好鍾意食麵線，配埋好彈牙既貢丸，真係無得頂呀！超好食❗️酸辣湯酸辣湯好鮮香，好開胃。入面仲有冬菇，木耳，竹筍，口感好好就連呢個我以為好普通既魚蛋都好好食，超級彈牙，加埋d 好好味又唔會太咸既汁，好快食哂！好難得屋企人個個都話要再外賣呢間舖頭，全部食飽飽都係100幾蚊，抵食！

疫情無得去台灣，唯有去掃街，最近係市集開左間台灣小食店，價格都幾親民，仲有下午茶餐，即刻點左個蚵仔麵線同扁食湯試下。$30一個set ,蚵仔勁新鮮，麵線適中，湯底勁好味。仲有個扁食湯，原來係小雲呑，有酸辣湯同清湯两種口味，酸辣湯底入面有鴨血，豬肚，笋絲，豆腐，木耳，勁足料，小雲呑係豬肉餡，好有咬口。見到菜單仲有沙律蝦，榴槤炸彈，炸鮮奶，好吸引，下次一定會留定個肚去試。

難得黎到寶琳，但又落雨，帶住口罩又焗又肚餓，行下行下就去左寶琳市場嘆冷氣。經過呢間叫「回味食堂」，見到menu好平抵食咁，就去試吓。一黎就叫左個惹味鴨飯(左邊)同滷肉飯(右邊)，鹹味同甜味啱啱好，好啱香港人口味😋！份量十足，而且價錢經濟，真係非常抵食👍🏻👍🏻👍🏻。飲品方面有自家製豆漿(上方)好好飲。除此之外，飯嘅配菜同其他小食都好好食，尤其係滷肉飯嘅滷豆干, 鴨飯嘅鴨肉同薯仔都超入味🤤